麻辣風雲 (已結業)

今日我又來多麻辣風雲食晚餐啦，我同男朋友比職員安排到一個較為舒服嘅窗邊位置，可以坐到佢哋嘅沙發卡位。因為好肚餓所以我哋就勁快點餐了，佢個Menu都好大份㗎，可以慢慢選擇想食啲咩。霸王蝦球我哋之前未試過嘅，所以就叫咗。首先要讚賞嘅係佢用好多唔同嘅配菜去同呢個蝦球炒埋一齊。除咗可以食到蝦肉之外仲可以食少少蔬菜。蝦球嘅炸粉唔會太厚！食落口仍然感受到蝦肉嘅單啊。我仲想講呢啲下真係好大隻㗎！另外我哋仲一人叫咗一包酸菜魚同埋水煮牛肉。點解我哋要嗌兩樣嘢咁多係因為我哋兩個都係要靠湯汁食飯嘅人！首先介紹吓酸菜魚先啦，酸菜魚酸味好夠，魚肉鮮美。水煮牛肉嘅水煮味非常濃郁。所有嘅配料都好吸味㗎！底層仲有一大兜寬粉！好正！

今日同男朋友終於嚟食呢間麻辣風雲啦，呢間餐廳係我哋mark低咗好耐好想試嘅餐廳。聽講佢哋每到小菜同埋小菜都非常有特色！今日嚟到餐廳我第一個感覺真係覺得呢度好舒服，裝修設計好似返咗古代中國咁。最緊要係好多梳化卡位！第一樣嘢就叫咗佢哋最出名嘅炸饅頭，出名嘅原因係差唔多台台客都要叫！因為佢哋係一間木船佢盛載呢啲炸饅頭！冇錯呀，唔係用碟！係用一格小木船。店員仲幫我哋喺說係放咗乾冰等我哋影相嘅時候有煙噴出嚟😍另外我哋仲叫咗秘製麻辣炒薯粉，呢個薯粉真係好香麻辣味，原來真係佢哋餐廳自家調配嘅辣醬汁。

今日我嘅同事同我講話有好嘢益我，仲好好咁樣請埋我食lunch添，佢同我講話要帶我去呢間麻辣風雲度試一試我最鍾意食嘅川菜！我心諗有咩咁特別呀，點不知去過之後就係令我食過返尋味。首先佢同我講話唔好叫酸菜魚我哋今次試吓食水煮魚，佢話因為佢都未食過㗎但係深信水煮魚係非常好食。上到枱之後我即刻嗱嗱臨試咗一舊魚，我想話呢條魚真係冇骨㗎 ！佢將鮮魚片切成適中嘅厚度，肉質非常鮮美無比，確實真的是兩個大開眼界！仲有佢嘅水煮湯底我仲拎晒嚟撈飯添！最後我見好多人都有食呢個薯粉我都唔客氣叫咗一碟，原來係秘製麻辣炒薯粉。我冇諗過可以做得如此出色，因為薯粉煙韌度適中，唔會話吵得非常濕潤。麻辣味非常香濃，值得一試。

川菜以麻、辣、鮮、香為特色，當中既酸菜魚，大蔥炒牛肉，辣子雞，螞蟻上樹等，都係小妹特別喜歡既菜式！適逢最近熱播既日本動漫以孔明做主角，特地來到旺角瓊華既麻辣風雲打卡，哈哈！前菜小食有辣蘿蔔，辣中華沙律～炸饅頭 $58炸得金黃既饅頭由孔明帶領下，乘船上枱，派頭十足！外皮酥脆，內裡香軟，沾上煉奶一齊食更加好味！😋酸菜魚 $268必點菜式之一，酸菜魚由起骨魚片加入酸菜，泡椒，花椒，生薑等多款香料煮成！可以選擇不同辣度，今次選了小辣，湯汁入口酸辣開胃，白滑魚片份量超多！豆腐卜，鮮薯粉，吸收酸辣湯後，開胃惹味！胡椒豬肚雞 （半隻）$188想不到半隻雞既份量都好大盤！雞件經胡椒，蒜頭炒香，入口散發胡椒香味，配合軟腍豬肚，木耳，芹菜，好睇又好食！😋🌈麻辣風雲🌈旺角彌敦道628號瓊華中心10樓🌙月光太太

辣嘅愛好者,一行4人去依間麻辣客棧，叫左個水煮牛肉，酸菜魚，涼皮，饅頭，糍粑，水煮牛肉麻辣夠正宗，酸菜魚夠酸又夠辣，涼皮好難輸，饅頭就要等咗諸葛亮好耐，可能佢未set好頭，配左4個醬幾特別，糍粑同想像中有出入，另外，朋友想叫酒，店小二就表示未有酒牌，落去買唔收錢😅，最尾結帳東主送左一大疊抄票下次用，諸葛亮下次見😉

推介！推介！推介！叫左大辣中麻，個湯夠辣又夠麻，一啲都唔流仲會愈食愈辣，啲牛係薄切牛，好入味勁嫩口好，配料方面有寬粉，啲寬粉有好多條唔係得一兩條同埋口感好煙靭好入味，仲有黑木耳好爽口，仲有豆卜同蓮藕。如果好鐘意食寬粉係可以俾多＄30加底。必食！個湯底都係大辣中麻不過無水煮牛脊肉咁辣，個湯底夠酸夠辣，啲魚方面好滑煮得岩岩好唔鞋同無骨，配菜有萵筍寬粉豆卜同菇，配料全部都好入味，加個白飯配湯應該會仲正雞絲粉皮個份量岩岩好，唔會太多都唔會太少，太多都唔會太少，個醬夠味唔會稀，仲有啲雞絲同青瓜炸饅頭基本上我見每枱都會叫，隻船會噴煙同有個諸葛亮係船頭，一份有6件，個饅頭幾香幾脆，應該係即炸既，個醬有煉奶，秘製葱醬、甜辣椒醬、芫荽醬 ，我淨係試左個秘制葱醬，個口感有啲似蔥油餅咁好生特別幾唔錯另外仲試左黑糖糍粑＄58不過有啲失望個醬係唔錯既，不過個糍粑既口感唔夠黏，淨係得脆既感覺洛神花茶＄482人份量，個外型幾特別，味道酸酸甜甜，可以解膩，都倒到幾多杯

冇錯呀同我標題一樣係想介紹酸菜魚係必要嘅，點解我咁講係因為佢一兜真係勁大兜，我諗三個人食先至可以食得晒，佢仲可以大中小辣任揀。宣美都有得同佢哋講聲然之後去調教㗎。佢哋嘅魚片非常厚實，肉質鮮嫩多汁。仲要有分粉，唔夠仲可以家底㗎。我覺得佢嘅寬粉同豆卜一樣好吸味！吸哂啲湯汁仲可以攞嚟撈飯添。紅糖糍粑亦都係我嘅最愛，佢嘅紅糖糍粑我認為都真係幾正宗㗎，因為賣相好吸引呀首先，而且醬汁亦都調製得好好。外脆內院煙煙韌韌，仲配埋黃豆粉簡直就係錦上添花！麻辣雞翼尖我都超鍾意㗎，初頭係識開B仔，但係已經好耐冇去過元朗啦。今次竟然比我喺Menu見到梗係唔可以錯失呢個更千載難逢嘅機會啦！所以我都照嗌咗。我認為佢嘅雞翼尖非常入味真係辣到個口噴晒火！

我想讚下呢間新餐廳麻辣風雲嘅旺角店職員態度服務超級好，每次上菜佢哋都會同我哋講唔該同埋會認真介紹餐牌。久唔久都會問吓我哋啲嘢啱唔啱食感覺上好親民同埋好貼心。呢間餐廳地方唔算逼夾，反而好寬敞。最緊要係啲嘢食份量又唔算太細， 價錢到好親民。今日叫咗三樣小菜。首先你介紹吓我最鍾意食嘅紅糖糍粑先啦。紅糖糍粑賣相非常吸引，同我以前喺大陸食過嘅不相伯仲好似copy出嚟咁。望到嘅時候已經覺得好懷念。我覺得佢哋嘅紅糖糍粑好正宗每一件都掛滿左紅糖汁，炸到外脆內軟上面仲要鋪滿左黃豆粉，如果你未試過嘅話一定要去試啦！另外我仲食咗火爆魷魚鬚同埋酸菜炒肥腸。魷魚鬚非常新鮮。肥腸就真係好肥厚。只能老實地說一句真係好正宗。

鍾意食麻辣嘅朋友，又有多一個選擇。一直都要特登去荃灣品嚐到嘅麻辣風雲，終於近期嚟到旺角。又多一個選擇止口癮旺角店嘅裝修都幾有特色，座位都相當闊落坐得好舒服。相信如果有興趣嘅朋友都可以特別要求坐一坐佢嘅風雲亭，相信一定別有一番感受。每次嚟到麻辣風雲，都一定會食到嘅水煮牛肉同酸菜魚。質素方面相當正宗，性價比高。另外要留意番，佢哋推介嘅係招牌酸菜魚係用勁正嚟形容。唯獨是有一點就係如果佢嘅牛肉同魚都可以再多啲咁就無敵，不過人就貪心㗎喇，$78其實佢呢個份量都非常合理，所以絕對值得嚟一試架👍

首先今日嚟到呢間餐廳我已經覺得座位非常舒適，冷氣好夠涼。一坐低我就已經叫咗一杯椰汁冰。我見好多人都嗌㗎所以我都唔執輸我都叫咗一杯！非常解渴尤其是係而家咁熱嘅天氣真係啱晒。其次我仲叫咗一份酸菜魚，冇諗過佢二百幾蚊可以咁大兜。魚嘅份量亦都超多初頭仲驚自己會食唔晒㗎 ！冇諗過佢啲魚肉片厚薄適中，真係可以啖啖肉。除此之外肉質鮮嫩多汁，酸菜汁完全融入於魚片中。個湯我仲攞咗嚟撈飯添啊！真係超級正！最後我仲叫咗一個紅糖糍粑。果然係要喺呢啲川菜餐廳先食到正宗嘅紅糖糍粑！煙煙韌韌嘅口感真係好正啊！仲加埋紅糖醬汁同埋黃豆粉甜絲絲的感覺。

今日同屋企人一齊食飯、家庭聚會，決定佢阿媽想食好耐嘅餐廳-麻辣風雲。邊間餐廳走復古中國風路線。水煮魚:你唔好睇佢紅卜卜啊，其實都唔係話好辣㗎咋，入邊嘅鮮魚片，肉質鮮嫩無比。唔會有骨，食落去非常爽口。旁邊嘅豆粕做咗配菜，吸晒啲湯汁好入味㗎。秘製麻辣炒薯粉:呢個紅薯粉真係吵得幾好㗎，平時已經覺得紅薯粉QQ彈彈，食落去飽腹感超重。仲要有香濃嘅麻辣香！食到我哋個嘴仔都紅卜卜。炸饅頭:呢個炸饅頭就犀利啦，竟然用一格木船去盛載，賣相別具一格非常特別。饅頭嘅口感就更加唔使講啦外面金黃色嘅表皮香香脆脆，內裏軟林林非常鬆軟。我諗呢一種就係炸饅頭嘅吸引力！紅糖糍粑：紅糖糍粑都係我一樣最鍾意食嘅小甜點！因為煙煙韌韌嘅口感一直都係我最愛。呢度嘅餐廳每一道餸我都覺得非常吸引而且仲好好味添，大家有興趣嘅話記得來一試

晚市約會唔好比佢停😌小編最愛既酸菜魚又開左分店⁉️今次仲要係旺角🎉二話不說同朋友上去會一會佢旺角店比其他分店更加 靚 坐位寬敞 地方更大而且有個好特別既打卡位 <風雲亭> 好有古裝劇feel一定必食既酸菜魚 $268保持水準 魚超級滑嫩 超多酸菜 冬粉好想打包埋個湯返去煮米線🤣一定必食既炸饅頭 $58對唔住 唔洗講野 個人喜好 一定係 點 鍊 奶 🤣🤣糖醋排骨$68係凍食⁉️味道唔錯, 口感係好粘口 入味略為太多骨🤣排骨都可以多少少肉?黑糖脆炸糍粑$58呢個要整得好唔係咁易 佢d黑糖仲要係水狀 但唔係淡wo 咁就可以將成件糍粑游水式粘上黑糖🧡龍鳳檸樂$28實在太中意杯龍鳳檸樂 每次黎都會叫咸檸同檸檬 正呀~花冰蜂蜜綠茶 $38粒冰好細緻 有玫瑰花茶既玫瑰係裡面好refeshing 📍麻辣風雲📌荃灣海壩街108-114號荃碧大廈1樓📌銅鑼灣駱克道491-499號京都廣場5樓📌旺角彌敦道628號瓊華中心10樓🆕

一路都好想試既麻辣風雲，見開左間近近地既新分店就去左，裝潢會有少少宮廷氣派感覺🥸唔知係咪新開既關係，食完仲送返同等價值$50優惠卷🤑呢日唔餓就無叫好多野，下次想食佢個炸饅頭同埋黑糖脆炸糍粑😚▪️ 酸菜魚（7.5/10）💲268魚片爽滑無骨，特別值得一讚係底下有唔少煙韌既寬粉 、萵筍、菇菌、芽菜、豆卜等，全部索湯一流😍小酸既酸度比預期中稍低，下次應該會叫中酸，而小辣感覺會係麻比辣多，所以對平時譚仔食開十小既我黎講就啱啱好，亦都唔會話好油😹整體份量都幾多，四個人就算唔加薯粉都已經夠飽😋▪️ 黑松露煙燻溏心蛋（6.5/10）💲68黑松露加上煙燻效果，朋友們表示Gas味重唔太喜歡，不過我覺得尚可以接受，反而係其他方面一般😅雖則有溏心效果，但蛋白偏向軟腍身🥚同埋本身已經滷得好入味，額外既椒鹽粉調味變相太濃略鹹😳▪️ 上湯浸娃娃菜（7.5/10）💲88呢道夠曬清，係健康之選🥬🔎 整體評分（7.5/10）

屋企人鍾意食川菜，今晚就黎呢度食，估唔到有驚喜😋 環境豪華、好有古典中國風，聽著古箏嘅音樂，坐係窗邊睇下旺角嘅繁忙街道，真係幾寫意～ 🐟 酸菜魚 $268大大碗招牌之選✨可以自選辣度同酸度，我地要咗小辣同正常酸度，都feel到好惹味🌶️🔥 魚肉份量足，肉質鮮嫩，唔會有腥味；配料都好豐富，尤其係豆卜索曬湯底嘅精華；底層仲有我鍾意嘅寬粉，Q彈滑溜，好有咬口🤤🐓 花雕醉雞 $98雞肉肉質嫩滑彈牙，食落涼涼地加埋酒味，炎炎夏日食就啱晒☀️ 🐖 糖醋排骨 $68我鍾意佢無肥膏，但瘦肉又唔會柴，糖醋醬汁好出色，我食唔停😆⛵️ 炸饅頭 $58一直都好想試呢個😍 賣相一流：諸葛亮企係船頭，隔離有「麻辣風雲」嘅大旗幟，載住6個炸得金黃嘅饅頭，船側仲會噴煙，好有氣勢！炸饅頭外脆內軟，外層酥脆唔油膩，內裡鬆軟香口，點埋煉奶食甜甜地真係好正🙌🏻 我見差唔多係每檯必點👍🏻🍶 洛神花茶 $48又係打卡一流，用充滿少女心嘅酒罈裝住，再用碟仔飲，又豪邁又好玩🤪 味道都有驚喜，酸酸甜甜好開胃，涼爽解辣😎去到7點幾就開始好多客，生意好好，埋單時仲收到「滿$300減$50」嘅優惠券，下次攞黎用🤩

呢間餐廳已經bookmark咗好耐，因為成日比佢個炸饅頭吸引，仲有我好鍾意嘅酸菜魚😌今次就嚟咗最新旺角分店，覺得呢度裝修都幾靚，我哋坐卡位都好闊落舒服👍🏻前菜有菜脯同埋麻辣中華沙律 (各$9)😆幾開胃，辣辣哋🤣必叫嘅一定係炸饅頭 ($58)😍呢個真係好有霸氣，好大隻船載住六個炸饅頭，仲識噴煙，真係非常打卡able🤣饅頭炸得外脆內軟，除咗有傳統嘅煉奶比你點之外，仲有三種特別嘅醬，蔥醬、甜辣醬同芫茜醬油😋我自己覺得好新奇有趣，對炸饅頭有另一個新印象🤣另一樣必點就係酸菜魚 ($268)🐟味道好均衡，係好味但又唔會令人好口渴嘅酸菜魚😌魚片非常滑，無骨，啖啖肉😋另外酸菜勁多～仲有芽菜、豆卜、萵荀、寬粉等等材料，口感一流😆花雕醉雞 ($98)一放低已經好香酒味😆雞都幾嫩滑😋川式回鍋肉 ($118)有菜有肉～仲有啲豆乾，呢個好惹味😌揀咗小辣，覺得辣度啱啱好👍🏻紅油抄手 ($78)有十隻都算幾抵食😋皮薄餡都算幾多，配埋辣汁食好正😋食辣嘢一定要叫嘢飲🤣鮮芒椰果玉露 ($38)芒果味唔假，椰果都好足料🤣另外冰涼椰汁冰 ($38)真係勁解渴解辣😆好啱配呢一餐🤣叫叫吓原來真係好多嘢，好鬼飽😂除咗饅頭有gimm