麻辣風雲 (已結業)

首先今日嚟到呢間餐廳我已經覺得座位非常舒適，冷氣好夠涼。一坐低我就已經叫咗一杯椰汁冰。我見好多人都嗌㗎所以我都唔執輸我都叫咗一杯！非常解渴尤其是係而家咁熱嘅天氣真係啱晒。其次我仲叫咗一份酸菜魚，冇諗過佢二百幾蚊可以咁大兜。魚嘅份量亦都超多初頭仲驚自己會食唔晒㗎 ！冇諗過佢啲魚肉片厚薄適中，真係可以啖啖肉。除此之外肉質鮮嫩多汁，酸菜汁完全融入於魚片中。個湯我仲攞咗嚟撈飯添啊！真係超級正！最後我仲叫咗一個紅糖糍粑。果然係要喺呢啲川菜餐廳先食到正宗嘅紅糖糍粑！煙煙韌韌嘅口感真係好正啊！仲加埋紅糖醬汁同埋黃豆粉甜絲絲的感覺。