麻辣風雲 (已結業)

麻辣風雲🌶️中高價位四川菜🫶🏻#跟住肥安去增肥 減肥嘅時候·最忍唔到嘅就係辣野🌶️為咗減少吸收辣油🤣所以酸菜魚就得到寵幸啦🐟魚嘅份量夠哂多😋嫩滑且唔會一夾就散🥢寬粉口感厚糯🤤一條接一條🤭一盤酸菜魚都夠哂頂肚了😆打卡一流📸炸饅頭·船身夠哂搶眼🤩誠意滿滿有埋乾冰🧊枱枱都必點😎去親食辣野都一定會叫飲品🫢但相信大家都知定價一定唔平💸為咗打卡又好玩叫咗壺菊花蜜🍯🌼但估唔到竟然夠2個人飲足全餐😝唔會死甜·清甜解渴🥰唯一不足係枱太細了🥲都明白想多啲客人可入座👯‍♀️上菜時間都好快👍🏻但大部分菜式都頗為大盤😜更有菜式係連埋爐上🔥饅頭船已經佔滿了一張枱…上菜時要客人不斷自己拎起啲大盤菜去讓位比下一碟菜🫣餐飯都食得幾小心翼翼😂值得提提原來重有會員系統😉 https://bit.ly/spicymembernewv2

今日出咗去見客，行吓行吓俾我見到呢間川菜館！成間餐廳非常之有氣派，而且望落去好舒適，所以就入咗去叫做呢一個水煮魚！一上枱嘅時候就已經香味撲鼻，所有配菜都非常之滿意，而且香辣嘅味道食到流晒口水😋食得川菜當然唔少得食水煮魚啦，魚肉質很爽鮮味十足，麻同辣都並重 好正啊 完全滿足哂食麻辣嘅慾望，呢個水煮魚嘅麻辣湯底真係好正👍🏽一上枱嘅時候就已經知道冇叫錯！麻辣嘅香味啱啱好，而且辣度適中！重點嘅係入面嘅魚肉真係好好食，吸收晒麻辣嘅香味😍我再叫咗佢哋嘅炸饅頭我上網巳經見過人哋推介佢哋嘅炸饅頭㗎啦，因為佢哋嘅炸饅頭好特別㗎除咗用隻船裝住之外，仲要係炸到金黃香口😋外脆內軟！總括而言，呢間川菜的食物質素無得頂，好味之餘賣相都唔錯，值得推介👍🏽

因為朋友移民要Farewell一班好辣之徒就book咗呢間麻辣風雲決定比佢辣住開心走.我哋嚟到開頭都冇咁多人但係等咗一陣差唔多到晚飯時間就已經好多人但係等位快，所以都唔係等咗好耐就有位！水煮魚既魚肉超級的滑，魚片切得薄薄的泡浸係辣椒中🌶入口嫩滑無骨，魚肉更佔滿辣椒湯嘅味道 正👍🏼湯鍋中重有大量大荳芽菜完全被辣湯浸到入味了😋入口爽脆，送飯一流，但其實比魚更辣🌶椒鹽雞軟骨好香脆😋上到黎仲熱辣辣，配啤酒一流👍🏽麻辣雞翼尖呢個唔使我多講啦雞尖係超級超級好味！我可以話係雞翼尖fans，因為超中意食！麻辣味係口中盤旋，辣得好過癮🌶煮得好入味😍抵讚！整體上比我想像中出色，味道更令人津津樂道，而且價錢也算實惠，對這頓晚飯都很滿意🥰

今次推薦呢間酸菜魚應該好多肥仔肥妹都聽過😆 有好多間分店 今次去旺角分店 店鋪位置好方便 係瓊華中心11全層 裝修同餐具都係宮廷風😁我地個日平日去都排曬隊 如果有興趣試一定一定要記得book位🤣- 酸菜魚🐟 $268酸菜魚得一個size揀🐟覺得有少少辣少少麻🌶魚肉好滑無骨🤤一碟大概2-3人份量配料有寬粉、萵筍🥗酸菜、芽菜等等😋寬粉索曬汁不過有啲偏淋一夾就散🥲唔夠煙韌 整體黎講都係值得推薦☺️-炸饅頭🍞 $58係麻辣風雲嘅招牌菜之一🤤係用帆船上菜🛶仲有白煙出打卡一流🤣一碟有6舊炸到金黃色😋超級脆🥰加埋煉奶一個字-正 - 椒鹽雞軟骨🐷 $128價錢雖然唔算平但份量超級多😂建議多人先叫 真係食極都食唔完🤣對得住呢個價錢🥹雞軟骨好有咬口炸得都好脆😆炸完出黎熱辣辣咁食好正- 糖醋排骨🐷 $68小食既份量 香醋的酸味帶住啲甜味🤤酸酸甜甜可以解辣🌶排骨都好嫩啖啖肉🐷整體來講係值得推薦嘅中式餐廳🍴雖然價錢唔算特別平不過食物質素好好👍🏻特別係酸菜魚同炸饅頭😋大家快啲去試下 不過記得book位🤣

川菜究竟有幾耐冇食過？今次真係忍唔住走咗去MK食，同朋友去左麻辣風雲！😎係朋友介紹下叫左毛血旺，醉雞同薑煸牛肉🤪毛血旺送上枱就有一陣陣川菜味，夠曬濃，令我諗起老干媽醬。毛血旺入面分別有牛柏葉，鮮枝竹，墨魚丸，鴨血。。。等。🤓勁多配料！ 好彩幾個人黎，如果唔係真係會食唔晒！有時食醉雞最怕就係醉過龍，😩令到雞肉變苦，但呢個花雕醉雞，醉得入味得黎又恰到好處，肉又夠滑，雞嘅鮮味十足，越食越香。 我估應該係用新鮮雞先有咁嘅效果！薑煸牛肉，係一道送飯、配酒嘅菜，所以一定要夠香！^_^用薑煸就唔會肥膩而且好脆口，肉都算有好多佢將牛肉本身嘅水分煸炒到冇咁滯，🥳🥳食上去夠曬香有咬口。如果有朋友仔同我一樣都好掛住食川菜，我一定唔可以放過呢間！😏

朋友話一直有間川菜好想試，但身邊好少人食辣，好難搵到人陪佢食，咁岩我又鍾意食辣，當然要一齊試下😏 呢間餐廳走中式古典路線，有好多木雕中式雲紋既設計，lucky坐到涼亭位😎可以打卡影下相。門口仲有充電器租借，手機無電都唔怕。酸菜魚$268 （中辣）黑鱸魚切到薄而不散，由此可見廚師刀功唔錯👍🏻食落嫩滑無乜骨，魚肉份量都算多，湯汁酸辣平衡，食到陣陣椒麻味又唔會蓋過酸味，味道控制得宜，相當唔錯。自家醃製既酸菜夠爽口酸香🤤無死咸味。配料仲有薯粉、芽菜、豆卜、菇、萵筍。炸饅頭$58一上菜就好有架勢，未食先打卡，諸葛孔明配麻辣風雲號，船身有乾冰噴煙，令平平無奇既炸饅頭顯得霸氣十足😆饅頭炸至外脆內軟😋非常香口，點少少煉奶甜甜地更好味，即使凍左都仲keep到外層酥脆既口感，我一口氣食左四個🤣真心欣賞製作既用心同創意👍🏻辣子雞$158（少辣）份量都唔少，雞肉切到細細件，方便進食，微辣咸香既辣子雞，好岩餸飯/野飲菊花蜜$48用酒壺同小碗飲菊茶蜜，充滿古代氣息，好有江湖feel🤣So IGABLE😊豪爽！乾杯！好似飲緊酒咁，味道似平時飲既菊花茶😋冰涼椰汁冰$38（少冰）大大杯既椰汁冰，份量同菊花蜜差唔多，一份

之前疫情嚴峻，又有限聚令，搞到好少同朋友見面，今日難得朋友聚餐梗係要揀大家最鍾意食嘅麻辣嘢賀一賀佢🥩我哋三個女仔，一人揀咗一個餸黎叫，咁就嗌咗一個辣子豆腐，泡椒鳳爪，同埋干鍋。🍖🥦一嚟到即刻吸引住我哋嘅視線,豆腐俾滿滿嘅辣椒同埋唔同嘅配菜撈埋,豆腐入口吸晒麻辣嘅精髓,食唔停口🍻泡椒鳳爪,鳳爪嘅雞皮爽蛋,酸度調配得啱啱好，夏天食非常開胃。呢兩個菜式我哋好快就食晒啦🤫干鍋之後好快都上枱，入面有肥腸，土豆片，墨魚丸，牛肉餅，豆卜，肥牛等不同配料，干鍋醬汁好出色，醬汁用嚟炒呢啲配料好入味🥦🥬🍖，不知不覺就消失晒喺我哋嘅口中啦😝

我呢個勁鍾意飲酒嘅酒鬼，一入到嚟就俾佢嘅酒櫃吸引咗！真係勁想大嗌一句店小二快啲同我送啲花雕，茅台俾我飲🤣然後轉過彎，😎就見到佢有好靚嘅卡位，雖然係食緊中菜但係設計一啲都唔會話偏向中國風，反而係簡約風。環境睇落去都好乾淨企理。因為係中午嘅時候過嚟所以我哋其實唔係話太肚餓於是決定咗叫兩個小食。😎我哋分別叫咗-椒鹽魷魚鬚$148-花雕醉雞$98魷魚鬚，炸得夠晒鬆脆。而且椒鹽味都好夠，需要話個價錢一碟大約都要$150。但係佢送上嚟嘅份量可以講超過呢個價錢！呢個價錢完全對得起佢綽綽有餘。😇最衰就係晏晝過嚟食，如果唔係嘅話真係好想攞佢嚟送酒，最好就係送佢酒櫃入面嗰啲酒啦😀好彩花雕醉雞，可以滿足到我想飲酒嘅慾望。夠晒酒味。可惜就係因為煮過嘅關係令到我冇街飲醉😵‍💫我覺得今次我哋超級失敗因為冇飲埋佢啲酒，如果下次過嚟一定要夜晚嚟！咁先至有feel D

【旺角·人氣麻辣川菜館】 🍽 麻辣風雲 📍旺角彌敦道628號瓊華中心10樓 (荃灣、銅鑼灣有分店)天氣開始轉涼 最適合吃麻辣的四川菜和酸菜魚暖暖身🥰恆仔開設的「麻辣風雲」旗艦店位於瓊華中心 位置很方便餐廳主打酸菜魚、水煮魚和麻辣干鍋等菜式 適合嗜辣之人室內以中式古典建築為主題 設有涼亭、屏風等打卡位✨第三間分店開業約半年依然極具人氣 建議大家提早訂座～招牌酸菜魚份量十足 魚片肉質嫩滑 而且完全沒有魚骨！很欣賞每份酸菜魚已附有寬粉 酸度和辣度也可以自由選擇 調味方面不會太香麻辛辣 感覺是刻意迎合了香港人的口味私心推薦外脆內軟的炸饅頭 以浮誇的諸葛亮小船裝飾🤣另外試了黑松露煙燻糖心蛋 味道很濃郁 很適合下飯🍚雞絲粉皮也不錯 加入了青瓜絲和偏稠身的芝麻花生醬飲品方面我們點了一壺菊花蜜 味道偏甜 但解辣一流👍🏻⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ✄ ⋄ ⋄ ⋄ ⋄ ✄ ❝我地食咗咩? ت ❞ ☞ 酸菜魚 $268☞ 黑松露煙燻糖心蛋 $68☞ 雞絲粉皮 $68☞ 炸饅頭 $58☞ 菊花蜜 $48

酸菜魚🐟好多地方都有得食 但出面食一般得辣度🌶️揀 但呢度特别之處就係要幾酸幾辣都由你話事 我地揀左中酸小辣 平時好少食辣既朋友都食到 我地2個人叫左碟酸菜魚同紅油抄手都好夠飽 酸菜魚份量好多 仲有好多配菜 最正係有寬粉 吸哂湯汁又煙韌😋

朋友仔成日話要試，今晚終於試到麻辣風雲！首先講裝修真古式古香，而且服務非常有禮！我地今次叫左人氣打卡既風雲船炸饅頭，上枱架船係會有出煙，好有仙景，打卡影相一流😜😜 炸饅頭係好鬆軟，而且係暖既，應該係即叫即炸，超新鮮再沾少少煉奶，好味$58 /6件😋 另外我地叫左香辣炸子雞$158，川味炒大蜆$148，上湯浸娃娃菜$88，秘製麻辣炒薯粉$88+女子紅菊花茶香辣炸子雞超多辣椒🌶️，$158雞份量有點少但麻辣味幾過癮川味炒大蜆又係超多辣椒🌶️，好入味，麻辣味夠香而且蜆都算大隻😋😋秘製麻辣炒薯粉，有咬口，彈牙，辣辣地，又幾開胃，又飽肚，越食越想食🤗 打卡靚靚既菊花蜜（埕）$48飲落有菊花香味，keep著冰凍仲俾3杯我地share,好貼心 ！

去到旺角唔係唔去麻辣風雲呀嗎？😀最出名就係食四川菜，我哋三個人一嚟到乜嘢都唔使諗，就叫咗佢哋嘅招牌菜。毛！血！旺！😜講真毛血旺，好少何喺街真係會搵到，點解？因為好少餐廳會特登整囉因為夠晒麻煩。毛血旺講嘅最緊要就係個湯底，湯底要夠濃味之餘又要夠辣，但係又唔可以偏鹹喎，所以都幾考廚師嘅功夫㗎。 一大碗送上來就見到超級足料。😤除咗成碗都有辣椒之外，入面仲有牛柏葉，午餐肉，鮮枝竹，豬肚等等。牛柏葉同埋豬肚超級爽口。而且食落去冇異味。所以廚房處理得幾好，好細心。另外就係佢嘅午餐肉唔知係乜嘢牌子呢不過真係幾好味，如果有得就咁單獨買就好了，真係會想買返個返屋企。😁食完咁辣嘅嘢都當然梗係會想食返一啲香口嘢啦。椒鹽雞軟骨～係我嘅最愛。雞軟骨粒粒分明，😄上粉嘅時候師傅做得好，另外食得出係粉漿入面係加咗調味料，所以令到成件事唔會覺得好單調。麻辣雞翼尖係我哋後加嘅一個小菜。雞翼尖份量適中。🥹麻辣味超香！食完有少少甘嘅感覺。喺香港地來講要搵一間落足心機嘅餐廳都比較難所以如果去開旺角大家可以試吓^_^

之前食過佢荃灣店 覺得服務環境食物都未如理想🤔聽講旺角店唔錯就咁啱去試下啦 酸菜魚有驚喜！環境都舒適好多倍～-酸菜魚($268)大大碟！魚肉份量足 而且嫩滑唔腥 辣度適中溫和又不失麻酸香😋 最緊要真係冇骨🤣 懶星人既我 但見餐牌話薯粉比魚更好食就… 啲薯粉淋到夾一夾就斷 都係食返魚🤣-炸饅頭($58)坐住「麻辣風雲號」登場霸氣十足！好多人點既菜！見有檯食兩架船添！的確炸到號酥脆 但略嫌有啲油益味同埋煉奶份量可以無限咁多😆 螞蟻人🤣🤣🫢-其他菜式例如炒花菜就一般 飲品方便菊花蜜幾得意 好似古代人飲酒咁 同埋前菜紫菜花生幾好食🤣 整體可以一戰！但分店質素可能唔同

酸菜魚放到上枱就見到湯底超級金黃色，唔多油，配上幾片菊花，😜睇落去感覺超級清新！而且入面有斤多酸菜，入口唔會好刺激，味道偏鹹辣，有少少麻，唔係好食得辣嘅朋友仔應該都可以接受到。魚肉用油灼過，大塊結實，無骨又易食，份量都有好多!配菜有娃娃菜同紅薯粉,份量同樣好足!😍🥰為左填補胃嘅空缺，我地都叫左碳水化合物-「炸饅頭」。饅頭炸到金黃色，表面勁香脆，但係內裏一啲都唔油膩。加埋佢哋嘅煉奶，有時都唔知道係叫做主食定係叫做甜品🍮 係我唔經唔覺嘅時候，🥳我已經差唔多一個人食晒成碟，淨係留返一舊俾我嘅朋友😂個人認為呢兩個餸下次可以再嚟食，不過下次就要帶多啲朋友過嚟食啦，咁樣先至可以試到更加多嘅菜，真係好想搵一次可以食晒佢哋餐牌入面嘅餸😤

夏日炎炎真係好想叫啲冰凍嘅嘢作為消暑解渴，於是就叫咗$38 椰汁冰。🥳果然係椰汁冰！除咗夠晒冰凍透心涼之外！仲有好香嘅椰子味，同埋椰奶味！真係飲完一杯都想叫多一杯，但係又怕飲得咁多食唔到之後叫嘅嘢，所以都係留返下次再嚟飲過啦🥳🥳之後我哋就叫咗我哋好耐冇食過嘅花雕醉雞，送到上枱，個樣睇落去都好精美，除咗雞睇落去夠晒白滑之餘，上面仲有幾粒杞子做配角。睇上去就更加開胃啦！食落去雞除咗夠滑之外，仲有一陣陣嘅酒香味，廚師果然灌醉左隻雞😗最後我哋都叫咗一道好有川菜嘅特色😏～乾煸肥腸，肥腸用左乾煸去烹調，食落去一啲都唔肥膩，而且口感超級爽口，味道有夠重。😙😙總結今餐食完，我覺得最滿意就係餐廳廚房煮嘢一啲都唔hea ，全部都係根足傳統嘅煮法，所以如果想食一道正宗菜，大家不妨可以去試一試！😎