麻辣風雲 (已結業)

之前食過佢荃灣店 覺得服務環境食物都未如理想🤔聽講旺角店唔錯就咁啱去試下啦 酸菜魚有驚喜！環境都舒適好多倍～-酸菜魚($268)大大碟！魚肉份量足 而且嫩滑唔腥 辣度適中溫和又不失麻酸香😋 最緊要真係冇骨🤣 懶星人既我 但見餐牌話薯粉比魚更好食就… 啲薯粉淋到夾一夾就斷 都係食返魚🤣-炸饅頭($58)坐住「麻辣風雲號」登場霸氣十足！好多人點既菜！見有檯食兩架船添！的確炸到號酥脆 但略嫌有啲油益味同埋煉奶份量可以無限咁多😆 螞蟻人🤣🤣🫢-其他菜式例如炒花菜就一般 飲品方便菊花蜜幾得意 好似古代人飲酒咁 同埋前菜紫菜花生幾好食🤣 整體可以一戰！但分店質素可能唔同