麻辣風雲 (已結業)

吃辣和酸菜魚的人氣餐廳，這次來到他們新開的旺角分店，一嚐他們的人氣食物😋餐廳裝潢以中式古代為主題，有古時風味的吊燈和山水畫，背景音樂是古箏、琵琶彈奏的古代音樂，而餐碟也是用上中式古典花紋，還有一個古式古香的涼亭位置，彷彿身處古代的時候。♡前菜小食$9位前菜都頗有心思～帶微微辣且香口的紫菜花生和味道香辣開胃的中華沙律各一。♡炸饅頭$58 🥢必點🥢經典小食，上菜一刻很震撼呢！是一艘由諸葛亮開出的船😂哈哈！煙霧瀰漫的到來，充滿氣勢啊！不禁令我想起草船借箭等古代故事。設計很有心思啊～感覺很有趣😉而饅頭配煉奶是絕配👍饅頭炸成金黃色，外脆內軟。♡酸菜魚$268 🥢必點🥢點了BB辣，沒有魚骨，啖啖肉！吃得很自在～碗盤內有大量酸菜，內裡還有粗粗的寬粉，煙煙韌韌的，很有咬口。有芝麻、芽菜和芫荽等配料，還有很掛湯的豆卜啊，吸收了湯底精華，吃下去口裏充滿湯汁。♡臘肉炒時蔬$88選了萵荀，很清脆爽口，臘肉帶點咸味，肥瘦各半，油香味很惹味呢～♡黑糖脆炸糍粑$58 🥢必點🥢黑糖漿香甜，外脆內軟，內裡口感很煙韌，表面灑上黃豆粉，充滿香味。♡菊花蜜$48 🥢必點🥢充滿古時的風味，用酒埕裝着飲料，冰涼解渴，還有陣陣菊花

之前細妹食過一次覺得唔錯今次帶埋我同媽咪一齊嚟結果好失望 中辣多酸我平時都幾食得辣跟酸下嘅 結果辣到頭痛🫠D味道唔融洽.. 辣係辣 酸係酸 冇咩香氣…仲要我去到嗰陣時找唔到我個預約話OpenRice訂位已經唔小心✅左都OK 沒咩大問題..但夜晚返到屋企先見到店家沒跟我確認出席定位再致電已經關門休息..

因為有朋友話好食所以慕名而來,位置都好易搵，就係旺角瓊華中心10樓。😆一入到嚟就見到有好多卡位，位置都好闊落，全部都係二人枱。而且又好乾淨，服務到好周到。💪🏻💪🏻於是我哋就叫咗川菜嘅經典「毛血旺」。入面有鴨血，牛柏葉，鮮枝竹，豬肚☺️，午餐肉，獅子狗同埋墨魚丸。💕送上嚟已經見到鮮紅色睇見都覺得辣！最啱我口味😘😘我就最欣賞佢嘅豬肚夠曬爽脆，而且處理得非常乾淨，食上黎唔會有異味，豬肚吸收曬D湯汁後，變得更香辣，食上黎更加爽脆彈牙。🥰🥰🥰另外就係佢嘅鮮枝竹，除咗豆味超香之外， 佢仲吸收晒湯汁嘅日月精華！勁重花椒同豆瓣醬味。攞嚟送飯一流😜我覺得呢食川菜超級正宗我一定會再過嚟食！🤪

我哋成家人🥩不嬲都好鍾意食酸菜魚，有時喺屋企都會買一啲湯包返去自製酸菜魚的，但係自己製總係覺得食唔到外面嗰種🍖惹味感覺！🍴所以今日我和爸爸突然又想食酸菜魚了，於是就去到旺角瓊華中心嘅🍴麻辣風雲，去試一試呢一間嘅酸菜魚好唔好食🐠我哋兩個人🍴叫咗一個酸菜魚$268同埋叫多咗一個干鍋一齊分享嚟食。酸菜魚用一個好中式嘅大碗裝住，入面好多酸菜同埋魚，下面仲有一啲芽菜🥦墊底，第一下一定食咗芽菜🥬先，芽菜吸晒酸菜魚嘅湯汁，酸甜開胃，魚肉切得厚薄均勻，入口滑溜食得出魚塊好新鮮🐡🔥干鍋材料好多，有肥腸，土豆片，墨魚丸，牛肉餅，豆卜，肥牛🍖，所有材料都被香辣嘅醬汁包裹住，入口香香麻麻，吸哂香辣醬汁好惹味，下次可以帶埋媽咪過嚟一齊食😝

之前一直想夜晚去食，終於試左其中的小菜～環境都靚。。不過有些想試的，試完有d 失望😂😂.酸菜魚 $268好味度：⭐️⭐️⭐️d 魚唔錯～ 但個薯粉，豆卜，菇，芽菜類都偏酸，果個酸味係食落口，會覺得，唔知係佢落ge 酸味定d 野變酸🤣🤣🙈.黑糖脆炸糍粑 $58好味度：⭐️⭐️⭐️黑糖漿唔夠。。二來個糖漿有少少苦苦地味😂😂暫時糍粑來講，十二味的比較好味😀😋.小炒花菜 $88好味度： ⭐️⭐️⭐️⭐️.椒鹽魷魚穌 $148好味度：⭐️⭐️⭐️⭐️..芒果玉露。。龍眼冰 (各款$38/@).

忍唔住第一次寫食評，寫緊嘅同時，等緊佢換過份俾我。（都係咁差）之前夜晚經過見到好多人冇食到，今日晏晝嚟試佢嘅酸菜魚。揀咗小辣，中酸，本身已經好肚餓，嚟到飲咗2啖湯好似冇咩，就𢳂咗啲湯落碗白飯度。食咗啲餸覺得好鹹，即刻送2啖飯，食咗半碗仲覺得好鹹，原來係連啲湯都好鹹。鹹嘅程度係鹹過鹹魚10倍，本身都係食得鹹嘅人，但佢係可以鹹到成個口麻咗，即刻飲咗大半杯嘢飲都仲有嗰陣鹹味係個口度。令人懷疑佢係咪倒咗5樽鹽落去。搵咗侍應解決，佢態度好好即刻話幫我換，換到返嚟當然係同一碗，應該係加咗水再煲滾。但啲餸係死鹹，唔係淨係個湯出事，好明顯又係成碗唔食得，最後淨係揀咗啲魚出嚟狂過水，求其送飯算。成世人食過最差嘅飯，口味唔啱我都可以話佢食譜唔掂，啲嘢食唔熟我都可以當1次半次，鹹到咁真係咩藉口都冇，食半啖都驚腎炎。嬲到要打200字以上先可以po出嚟都係咁話。

今日同男朋友一齊放假難得出去拍拖，行完街睇完戲咁就搵一間餐廳去食好啲啦！男朋友仔話想食麻辣嘢，🔥川菜嗰類型🤨我記得朋友介紹過附近有一間麻辣風雲，咁就帶咗男朋友去試吓。男朋友想食牛肉咁我哋就叫做一個水煮牛肩肉$268，叫咗一個乾煸四季豆🤓，同埋叫咗一個涼拌燒椒皮蛋做小食😝水煮牛肩肉🍖一上到枱牛肩肉俾水煮紅湯浸住，超吸引，麻辣香味四溢🤓，忍唔住即刻係咁食，牛肩肉冇煮得過熟，入口依然仲係滑溜的，呢個好推薦🤩乾煸四季豆，用咗肉碎一齊炒，鹹鹹香香咁好惹味，最後嘅涼拌皮蛋都做得唔錯，醬汁做得啱啱好，味道好平衡！男朋友話下星期都想帶埋屋企人一齊食添😎

我和朋友都很喜歡吃辣，也很久沒吃了，上網見到呢間麻辣嘢未試過，一於衝去試下先！Book咗之後，佢當日會打嚟同你confirm同埋提示90分鐘交枱我哋夜晚8:30上到去就即刻要嗌嘢食喇炸饅頭 差唔多每枱必點一擺上枱好有氣勢 外皮炸得香脆很薄 ，而且不會一口油，內裏很鬆軟 水煮魚 我哋點左大辣 好刺激 先麻後辣 魚肉無骨，肉質嫩滑，不過魚的份量較好 好彩點左寬粉，唔係唔夠喉薑蔥蠔 蠔肉質略霉 而且冇蠔嘅鮮味仲帶點腥乾煸肥腸 肥腸略靭了點 麻辣味都足夠𡁻頭送酒啱

見網上好評如潮，今日一行2️⃣人決定黎潮聖一下🤭店內環境寬敞舒適，乾淨衛生，提供座位應該超過1️⃣0️⃣0️⃣個，仲有打卡位🫶🏻無論裝修到餐具都富有懷舊味道👍🏻==========🔹小鍋米線 $48 (墨魚丸+$8, 生菜+$5, 飲品+$4)可選麻辣/酸辣，內有芽菜，酸菜，韮菜，蔥，芫荽，豬肉碎及菜脯份量好足，湯底酸辣度剛剛好所有配菜皆新鮮香口米線夠滑同掛湯，煮的時間拿捏得好加配生菜夠嫩身而有菜味，墨魚丸有淡淡的墨魚香，口感彈牙推介指數：9/10==========🔹招牌酸菜魚 $88（配白飯，飲品+$4)份量非常多，勁抵食🥹除左酸菜魚同配菜，仲有薯寬粉墊底🫶🏻湯底夠酸，辣度高，唔食辣的朋友覺得太辣😅魚片嫩滑有淡淡魚香配菜味道夠掛湯，尤其喜歡萵筍，酸菜真係好酸😆寬粉好滑又吸到湯，不過唔係我喜歡的煙韌口感推介指數：8/10==========🔹糖醋排骨 $48（午市套餐加配價）大約有十件左右味道調較得唔錯，糖醋味足夠，好開胃肉質有嚼勁，不過可能因為炸過所以略嫌有少少乾🫠推介指數：7/10==========埋單連加一$1️⃣7️⃣3️⃣，整體用餐體驗滿意，店員有基本禮貌而且坐得舒服就咁睇價錢唔係最經濟實惠但睇埋份

Badboy最近見到麻辣風雲嘅炸饅頭好有架勢咁用隻船裝住，隻船仲要識噴霧出嚟好得意，即刻約咗鍾意食炸饅頭嘅朋友一齊嚟食😋-嚟到安排咗好有feel嘅風雲亭俾我哋坐，有點受寵若驚😂好似置身喺湖畔嘅涼亭上面食嘢咁😳-🥯炸饅頭$58饅頭炸得好靚，外脆內軟，就算凍咗先食口感都唔會變硬。Badboy鍾意蘸好多煉奶一齊食🤤大大碟煉奶岩哂我，好好食😋-🐟酸菜魚$268Badboy不嬲都話鍾意食酸菜魚嘅😎呢度嘅魚連埋魚皮切，切得好均稱，塊塊都好挺身，食落唔會散同無雪藏味👍🏻而且無骨可以食得暢快，夾完一塊又一塊密密食，好彩量夠多，唔係實俾我食哂😂薯粉係闊扁嗰種，滑身一咬就斷。如果鍾意食辣嘅朋友要叫辣啲，badboy覺得唔夠辣😆-🥟紅油抄手$78鍾意食雲吞嘅話會覺得幾好食，個皮夠滑夠薄。badboy叫咗中辣都係覺得可以再辣啲。-🥦小炒花菜$88雖然賣相一般，但係都炒得幾好，爽口。-🥒涼拌雞絲粉皮$68唔知原來係花生醬，badboy個人口味麻麻哋花生醬😛粉皮本身ok嘅。-🧊冰爽龍眼冰$38幾粒大大粒龍眼好足料👍🏻-臨走見到有個新全新會員系統，31/10前可以免費入會之餘又有優惠券同積分送，之後消費都可以儲分當

☠️去旺角行街但係行到熱死辣辣，想搵啲坐得舒服啲嘅地方食吓嘢，行過瓊華中心就發現呢度開咗一間麻辣風雲，見佢門面裝修都幾靚好有中式風格，同朋友就決定入去試吓👻由於天氣太熱😨我哋都唔想食飯所以就叫咗幾個香口嘅餸菜🔥，叫咗一個椒鹽魷魚鬚，雞絲粉皮做小食，最後驚唔夠飽再叫多咗一個香辣螞蟻上樹做主食。椒鹽魷魚鬚炸到脆卜卜，椒鹽落得夠味，炸野唔會成口油🐙,雞絲粉皮夠大兜,雞絲份量比得好足料，配埋麻醬食不知不覺就食🤭晒成兜，香辣螞蟻上樹，原來就係肉碎炒粉絲，因為肉碎好似一粒粒附在粉絲上面，所以叫做螞蟻上樹，粉絲炒得好乾身，入口又唔會成口油，有鑊氣👍🏻

放假冇嘢做，最近疫情好轉又放寬左限聚令，咁就一於約朋友去食吓嘢啦🤭久唔久都會好想食下川菜呢類型的菜式，今日朋友就揀咗去呢一間麻辣風雲度試吓😸 我地3個人叫左個辣子豆腐，香辣螞蟻上樹，涼拌燒椒皮蛋，同埋叫咗一個煉奶炸饅頭😝🤭本身想食辣子雞，但係天氣太熱大家都想食少啲肉所以就叫咗辣子豆腐🤣一上枱，粒粒豆腐比巨量嘅辣椒包圍🔥🔥聞落去辣味撲鼻，食落口豆腐吸收晒滿滿嘅麻辣香氣，好食😋 涼拌燒椒皮蛋🍳的醬汁配方配得好好，入口涼爽開胃。香辣螞蟻上樹送到想來嘅時候大大兜，好多肉碎沾滿每一條嘅粉絲，肉香味濃🍴最有看頭嘅竟然係煉奶炸饅頭😱炸饅頭以一隻木船作為擺盤,木線上面放咗八隻小小的炸饅頭，🥖🥖旁邊有配上煉奶可以沾滿煉奶去食，呢個必點！用嚟打卡真係好正🤭

朋友成日都話依到啲饅頭同埋個酸菜魚都好好味今次收工見喺旺角新開咗間旗艦店就約埋同事一齊嚟食下餐廳位置都好方便 而且座位都好寬躺餐前小食有兩款 每款各$9•炸饅頭$58最吸睛同最啱打卡嘅一款ʕ•ᴥ•ʔ諸葛亮嘅船上就放咗我地個炸饅頭啦船邊仲會噴出咗啲雲霧 要影相真係要把握好時間啦饅頭新鮮炸好 夠熱又夠脆 真正嘅外脆內軟再配埋煉奶甜甜地更加好味酸菜魚$268酸菜魚可以揀選酸度同辣度而我地今次就揀咗少辣(•̀ᴗ•́)و味度調得剛好 酸菜魚好入味好鮮嫩細滑 啖啖肉又無骨 一下可以滑入口配料方面 仲有萵筍 寬粉 豆卜 豆芽宮爆蝦球$228蝦球炒得惹味 帶上微辣 撈飯都好唔錯不過可能係海鮮嘅關係 價錢略貴咗啲但都值得一試ᕕ( ᐛ )ᕗ老干媽炒年糕$98年糕份量適中 炒得夠惹味 亦都唔會好辣( ͡° ͜ʖ ͡°)菊花蜜 $48我地叫咗兩壺 夠晒大壺 可以同朋友仔Share滿滿菊花味 略帶一點甜孜然棒棒骨$178𝚃𝚘𝚝𝚊𝚕:$𝟽𝟼𝟿📍麻辣風雲 (旺角)旺角彌敦道628號瓊華中心10樓

今日同屋企人經過旺角，我哋都想食辣嘢，於是就搵咗呢間麻辣風雲，上到去入面嘅裝修好舒服，有現代中國風，空間好大，衛生都好好。我哋叫咗招牌菜酸菜魚，上到嚟，賣相十分吸引，魚片鋪滿表面，食落去，魚片十分嫩滑，無刺，不會鞋颯颯，不禁令人一啖接一啖。除咗好好味嘅魚片之外，窩入面仲有酸菜，寬粉，萵筍，蘑菇，芽菜，配料十足。 我哋叫咗小辣，味道剛剛好，對於我們來說唔會辣得滯，又享受到辣嘅滋味。辣味有同酸菜互相配合， 味道好豐富。另外我哋都嗌咗乾煸肥腸，乾扁四季豆， 肥腸表面脆，內面彈牙， 咀嚼中又有些少辣味，好適合用嚟送酒。而四季豆嫩嫩的，配合埋炒乾的肉碎，送飯一流，不知不覺就會食曬成碟。另外我哋都嗌咗炸饅頭，炸饅頭放喺一隻大船上邊，真係花足心思擺盤，饅頭有六粒，粒粒都炸到表面金黃，乾爽，咬落去，咬破表面的脆皮，入面就係軟熟嘅麵包， 配合埋煉奶一齊食，甜甜軟軟，好味。飲品方面我哋嗌咗杯鮮芒椰果玉露， 芒果味自然清新， 椰果增加咬口， 是食辣嘢必嗌嘅飲品。整體嚟講環境好，食物質素高，適合同朋友結伴，試多幾款唔同嘅四川菜，一定唔會令人失望。而且佢哋有個會員系統，登記完有迎新獎賞，仲有得儲分。

見到依間有好多好評 就試下啦入到去好有中國宮廷色彩 裝修唔錯但枱貼枱嘅設計並唔令人舒服 因為無訂枱 可能佢好full 被告知得一個鐘頭食 無問題揀菜啦 選擇好多 但同朋友想食小炒 就揀咗個宮爆蝦球 老干媽炒年糕同炸饅頭 炸饅頭枱枱都有嗌 以為有咩咁特別 答案係無 周圍都食到嘅質素 可能啲人貪得意 用隻船仔裝住佢 好似幾靚咁 但得個樣宮爆蝦球 量同佢個價錢成正比 都算多 蝦球算彈牙 但炒到個邊勁實同勁硬 啲汁係包得哂個蝦球 甜甜辣辣正常嘅味道 但整體口感俾個硬邊破壞咗 失敗之作老干媽炒年糕揀咗中辣 但個味出嚟只係少少辣 味道似豉椒辣味炒年糕咁樣 質素唔覺出色同好味 只係中規中矩 另外 我哋得一個鐘頭食飯 但佢最後個蝦球送到嚟都只係剩返唔夠十五分鐘 既然你上菜速度又唔夠快 又何必勉強俾張枱我哋 只係好彩我哋嗌嘅係喱啲小菜 佢準時要我哋交返張枱 但明明成間鋪都仲有好多空位 或者你哋真係嗰個鐘數全院滿座la 總括而言 今餐食咗差唔多五百蚊 但完全唔覺得值 可能佢其他菜色會出色？ 但建基以上食物質素同環境舒適度真係無下次