麻辣風雲 (已結業)

我一入到來就好鍾意呢到既裝修風格，古色古香，充滿古代風味，濃厚既中國風設計。而且金碧輝煌，人都精神d👍🏻👍🏻✌🏻入面有包房，仲有一張檯好似成個古代涼亭咁😌😂空間偏大，燈飾有d宮廷feel 。乾煸肥腸整得好香口，聽聞係因為呢間店將肥腸經過油泡過，爆炒過程中加左特選辣椒，一個咁特別既菜式誕生～😌😌💯香辣螞蟻上樹爆過香的肉末與吸滿辛辣調味料的Q嫩粉絲，充分展現出川菜香辣的好滋味😋😋👅👍🏻酸辣土豆絲酸酸辣辣，酸度同辣度都比例適中，配合得很好。土豆絲夠曬爽脆～正呀！水煮牛肩肉辣味十足！麻辣香味四溢，熱辣辣好好食！牛肩肉都好堅韌，口感不錯～

前菜有花生同芽菜🥢水煮魚🌶水煮魚有麻度辣度可以選擇，麻辣得過癮，魚片越𢳂越有又越浸越入味，配料有芽菜、蓮藕、豆卜、薯粉等等，$30可以追加薯粉風雲擎天麵🌈依個係新菜式，賣相同餐牌張相一樣，係反地心吸力嘅擎天麵，視覺相當震撼，打卡之後侍應會幫手剪開啲麵做一塊塊，容易啲夾嚟食，個麵炸得乾爽唔油膩，而且炸得均勻，唔會話入面硬梆梆或者唔脆，食嘅時候要配埋隔離酸酸甜甜嘅汁，至於蝦嘅數量都唔少，又係炸得非常香口惹味，而且蝦身中間切開咗，唔洗用手搣嚟食🦐花雕醉雞🐔

朋友成日都想試麻辣風雲，Happy Friday night 去試下～ 可能早食，好彩排隊等位唔算耐🫣餐廳好大夠寬敞，見好多人食酸菜魚🐟 不過我地比較想淺嘗試多幾樣，所以寧願散叫幾款食物🤗🌸 黑松露煙燻溏心蛋 💰68煙燻溏心蛋好少地方有得食，雖然落左黑松露，但絕對無搶走微微嘅煙燻香味😋 是一道挺特別嘅前菜🌸 風雲擎天麵💰188嘩一聲😮 相機📷一定係食先啦🤭 究竟點先可以造到半天吊嘅效果😂 麵條酥炸過，脆卜卜， 配埋甜酸又帶微辣嘅醬汁和甜甜酸酸嘅蝦，好適合夏天食😋🌸 四川掂掂麵 💰68其實係四川擔擔麵，麻辣度任君選擇～ 我自己鍾意麻多過辣😛所以我叫咗小辣多麻，白麵🍜唔算有口感，但吸收晒麻辣湯嘅味道都算唔錯🌸 拔絲咕嚕肉 💰148同我想像中嘅拔絲有唔同😆 呢度嘅係造型都幾特別😆咕嚕肉啖啖肉，甜酸醬汁唔算濃，屬於正常發揮🌸 炸饅頭💰58幾乎枱枱都叫炸饅頭，我諗主要係因為佢好值得打卡😂 饅頭油膩感不重，沾煉奶係兒時回憶嘅味道😆

呢排突然間好想食四川嘢，所以上網搵下有咩好嘅餐廳。竟然俾我搵到喺旺角瓊華中心10樓有間comment幾好嘅餐廳！今晚一於約埋班朋友去食佢，去滿足我對🌶️辣野嘅慾望👍🏻🉐麻辣拼盤💯!! 食得四川嘢，一定要叫麻辣拼盤！拼盤分別有🥒青瓜，粉皮，海蜇，🐮牛肚同🦆鴨腎。5種唔同嘅口感及味道。有辣有唔辣！適合每個人唔同嘅口味！🉐炸饅頭💯!! 賣相超得意，🫓饅頭炸到外脆內軟。加埋煉奶🥛一齊食，簡直係一絕！而且一啲都唔油膩。勁好食😋🉐黃金蝦💯!! 每一啖都有好香嘅🥚鹹蛋黃味，師傅連🦐蝦殼都炸到好脆口。成隻連殼咬口感同味道都好豐富！🉐香辣茶葉炒蝦💯!! 🦐蝦超級新鮮，肉質爽脆彈牙，蝦肉吸晒茶葉🌱嘅香味。令到味道更加鮮甜。再加少少🌶️辣椒一齊炒。成個菜式更加惹味！好快就比我食晒！

心血來潮想食辣嘢。其實食辣野真係好過癮，夏天相對天氣比較鬱悶，出一身汗，一個字爽。周不時我都約三五知己去旺角呢間麻辣風雲食，貪佢就腳又方便曬大家。香辣茶葉炒蝦份量都幾大份，材料都幾豐富。每隻蝦都好爽身，SIZE都幾大隻，食得出落左好多唔同既香料去煮。乾煸肥腸肥腸偏向肥美果種，即係入面仲有好多肥肥位果種，食落係好香口🤭總體味道都唔錯，完全無好重油膩感，滿滿既辣椒好足口癮。香辣螞蟻上樹口感Q彈，賣相幾吸引。呢份香辣螞蟻上樹真係幾辣，唔食得辣既朋友要注意啦😜耐無食一段時間，便會囉囉攣有想嚟食返碟嘅衝動。酸辣土豆絲食酸辣野都喜歡食炒土豆絲，好野味的酸辣，可以食一口接一口🤩

又麻又辣嘅酸辣，真係好好味，今日想推介呢個中國風嘅麻辣風雲，位於旺角瓊華中心，地鐵站行無耐就到啦，極力推薦一試❤️❤️❤️1️⃣黃金蝦蝦肉鮮嫩爽甜，炸得脆卜卜，配上鹹香的流沙蛋黃，令人回味無窮😋2️⃣香辣螞蟻上樹一道經典的川菜，以豬肉碎、香蔥及辣椒去炒粉絲，香辣惹味，份量頗多。雖然係簡單用肉碎炒粉絲，但色香味俱全，調味用料十足，會令你不自覺一啖接一啖咁食🤭3️⃣乾煸肥腸肥腸炸得非常香脆，切為條狀口感好好👍🏻 先食到外層辣子辛辣味，跟著表皮層薄脆，繼而食到已爆香薄油脂，而且沒有多餘的油在碟底，證明炸得很乾身😙4️⃣黑糖糍粑外脆內軟，有嚼勁，口感煙煙韌韌，細細份都有五件，灑上黃豆粉，食之前一定要沾上黑糖醬，好香黑糖味，食落唔會痴牙，love it😆5️⃣花雕醉雞上檯嘅時候酒香撲鼻，食入口有陣陣清淡的酒肉餘香，但唔會太重。雞肉非常爽嫩，冇太多多餘嘅脂肪，皮同肉中間有層薄薄呈透明嘅骨膠原啫喱，正🤩

夏日熱辣辣食辣其實我都唔算係一個好食得辣ge人，因為體質關係，一食辣就勁出汗，所以有時都好怕會成身濕曬咁再去街呢排日日都落雨，個人好似好多濕氣咁，不如就順便出身汗，個人都冇咁攰～😆今日去旺角瓊華ge麻辣風雲 食個lunch，果然一上到去又繼續橫風橫雨…其實佢地禮拜一至日都有午市set，$58-$88不等，再加錢就有飲品，追加小食都唔係好貴～今次叫左一個客飯餐同一個麵餐，所有辣度同酸度都可以揀，任君選擇我呢D廢J都係食小辣算難得有餐廳有田雞，緊係要食#香辣鴛鴦雞煲！無論係雞同田雞都好滑又好食！麵類就叫左兩餸，分別係腩肉同特色牛肉餅，都正常味，但個酸好正，鐘意食酸可以叫大酸！🤣🤣追加左兩份小食，分別係酸辣老醋海蜇同炸饅頭而我要比MVP炸饅頭！好好食！新鮮炸出黎陫皮又脆，咬落去又軟，最緊要係夠熱！我諗我可以食4個都無問題！🐽總結成餐飯都唔錯，我仲見到隔離叫#酸菜魚 個賣相十分靚，下次就到我食😈

又到lunch time 啦~今日係MK做野，心思思好想食四川菜。同事就提出帶我地去呢間麻辣風雲。之前成日聽，但無機會試，今日終於一嘗心願。麻辣拼盤口感爽脆彈牙，辣度岩岩好，好有驚喜。———————————————————香辣茶葉炒蝦鍾意食蝦既朋友記得試下～份量十足，用上大量辣椒同茶葉炒香。———————————————————香辣螞蟻上樹香、辣，又有Q彈的粉絲口感Super good! 吸收哂配料既味道，D粉絲仲索滿醬汁，飽肚又滿足～———————————————————花雕醉雞雞肉入口夠嫩滑，雞肉肥瘦適中，作為前菜或送飯都一流～——————————————————— 再黎個自選干鍋，當然要夠麻夠辣，否則何來過癮。我揀左，土豆片、特色牛肉餅、萵筍等等。成個鍋份量相當澎湃，絕對夠三四個人咁制，而且麻香濃郁惹味，每一樣鍋物都沾滿哂辣汁，好夠鑊氣，送飯一流呀。👅整體小總結食物方面，川菜味道正宗，食材及用料都好豐富，而且價錢親民，午飯時間黎到，全場爆滿，可見質素有保證~ 

小編好鍾意食麻辣野，好耐以前都聽過麻辣風雲呢間餐廳，之前係荃灣食過一次酸菜魚都覺得好出色。今次黎到旺角店，就是佢哋最新推出嘅兩款菜式。呢間分店裝修十分精緻，一入門口就見到左邊有個涼亭飯桌位，勁有古代感覺！風雲擎天麵 $188炸過嘅麵條反地心吸力咁以「擎天柱」上菜，非常有趣！而且有大大隻炸到鬆脆嘅大蝦！好貼心地將蝦頭切走，而且亦係開邊蝦，令到每一隻蝦都掛滿酸酸甜甜嘅秘製醬汁！配上炸麵條一齊食，香口開胃！火山爆發 $178長排骨被醃製得非常入味同香軟，配上秘製嘅醬料，以火山型排列上菜，絕對適合相機先食！面層亦充滿好多紅卜卜嘅辣椒仔，睇落以為好辣，但其實食落辣到適中！炸饅頭 $58無論食咩主食都好，呢個一定係麻辣風雲必點菜！用一隻戰船放滿乾冰承載着半打炸饅頭，呢個浮誇嘅上菜方式相信好多人都有打過咭！最值得讚嘅係炸饅頭，可以揸到外脆內院，就算放耐咗都依然保持到質感！涼拌萵荀 $58食得太多熱氣嘢，都需要有啲涼拌嘅蔬菜調和一下！佢哋嘅涼拌萵筍唔係坊間食開嘅絲狀，而係萵筍條！非常有誠意洛神花茶 $48 ｜ 冰涼椰汁冰 $38再配埋兩杯極度解油解辣嘅飲品，先稱得上係圓滿嘅晚餐

中國風打卡特式菜一入門口，小編跟朋友就見到風雲亭，初頭打算打卡，點知店員話可以坐係亭內進食，小編同朋友超開心呀！🌸風雲擎天麵一上枱超正既感覺，打卡影相一流，店員會幫忙剪開再淋醬汁等耐脆麵變淋身少少食。仲有店員提議炸蝦要先食，就可以連殼一齊食，口感非常鬆脆肉質鮮甜結實。脆麵配埋醬汁十分醒胃，少少辣非常過癮。🌸川式回鍋肉小編揀左小辣，食落口唔會太辣，五花腩片完會唔覺油膩，椰菜炒得夠晒入味，仲有豆乾片索晒汁。🌸拔絲咕嚕肉超靚既芝麻拔絲球，拔絲球下面放超香脆肉質鮮嫩既咕嚕肉。拔絲配搭咕嚕肉一齊食有另一番風味呀。🌸炸饅頭擺盤非常之特式，用一艘船擺放著炸饅頭，用作打卡非常之靚，炸饅頭炸得好脆，而不膩，饅頭內有一絲絲感覺非常鬆軟，再點埋煉奶黎食，絕配！🌸菊花蜜非常濃菊花蜜，飲完喉嚨非常舒服。🌸洛神花茶既濃郁又冰凍既洛神花茶，超開胃。菊花蜜及洛神花茶均是用中國傳統酒瓶黎裝及迷你酒碗黎飲，別有一番風味！======詳情======麻辣風雲 (旺角)旺角彌敦道628號瓊華中心10樓================#yummy #香港美食指南 #香港美食 #hkfoodie #hkfood #hkeat

呢間酸菜魚真係好出名，成日ig都見到，所以約埋朋友一齊試下，但點知有啲失望… 個晚全部野食都唔熱*酸菜魚 $268呢個係招牌菜，所以試下，叫咗小辣，點知食落一啲都唔辣，反而係超級超級酸，除咗酸味我咩都食唔到，我本身都係食得酸嘅人，但呢個酸味真係over 咗，掩蓋曬其他所有味，唯一可以讚嘅係個薯粉好煙韌*椒鹽雞軟骨 $128呢個雞軟骨嘅味道ok,好有咬口，但最大嘅問題係唔熱，佢上菜即刻食都只係暖，唔係熱辣辣，所以會有個種凍咗之後油膩嘅感覺*老乾媽炒年糕 $98呢個唔太好食，食落有啲似街市買個啲炒腸粉嘅味道，只係一個係年糕一個係腸粉。不過佢貴人地幾倍，仲要冇人地咁熱*人氣炸饅頭 $58本身對呢個期望唔高，因為其他人都話呢個麻麻，但佢竟然係全晚最好食嘅😅雖然唔熱，但都算脆，蘸煉奶好好味唔知係我唔好彩咁啱遇到唔好食定係點，反正就唔覺得有網上講咁好食

好鍾意食川菜尤其酸菜魚同水煮魚…好多時都返big6食下。留係香港…就會去下麻辣風雲…因為個人覺得幾正中既川菜餐廳。當你又想食酸菜魚時又想食水煮魚…咁當然點個太極鴛鴦魚就可以滿足兩個願望。酸菜魚酸辣麻香好平衡…水煮魚麻麻辣辣好正…呢度魚片肉厚又滑…去骨做得好好…除左魚…一定要點下打卡既炸饅頭啦…炸饅頭點煉奶係最正我去食川菜一定點炒椰菜…唔知點解覺得呢味野又簡單又好味又惹味未夠飽就加多個拼盤同炒年糕拼盤有海哲…夫妻肺片…拍青瓜…青瓜要拍爛先好味…仲有粉皮同腎…唔錯唔錯年糕質感煙韌…辣辣地好正食完就飽哂有時返唔到大陸食魚…呢度絕對一個唔錯既選擇

於2020年開業，廚師則由擁有超過30年經驗、曾於五星級酒店擔任中菜廳主管，開店不久即以秘製酸菜魚打響名堂，店內超過6,000呎，空間感十足，裝修亦別具心思，以中式古典建築元素為主題，並設有六角涼亭座位、鏤空宮燈等打卡位，讓客人有種置身於四川，歎正宗川菜的感覺酸菜魚採用自家醃製酸菜及黑鱸魚，將鱸魚原條起骨，再切成魚片，魚片份量相當多，食落嫩滑少骨。炸饅頭也是每枱客人必點菜式，以《三國演義》諸葛亮草船借箭為靈感，船邊亦會加入乾冰形成噴煙效果。即叫即炸上枱時熱熱，每件炸至金黃色，做到外脆內軟口感。

心血來潮同朋友好想食酸菜魚，之前見好多Foodie都介紹呢間麻辣風雲！見到評價都唔錯！喺旺角睇完戲就行過去，超級方便❤️‍🔥入到餐廳見到Menu都好多辣嘢，我哋決定叫呢三個。✨✨麻辣拼盤✨✨貪心嘅我哋叫左個麻辣拼盤，入面有齊五款小食，每一款都好鐘意食！✨✨太極鴛鴦魚✨✨想食酸菜魚又想食水煮魚，叫個太極鴛鴦魚就一次過滿足晒兩個願望🥰！酸菜魚嘅酸度同辣度都岩岩好，勁開胃。另外水煮魚都好香辣味！夠哂麻夠哂辣！兩款入面嘅魚肉都大大塊，魚肉又好嫩✨✨✨水煮田雞✨✨太耐冇食田雞，見到呢到竟然有水煮田雞一定要叫返個啦🤤田雞肉比較結實，但都幾滑，又係好入味！

雖然這間餐廳有很多分店，但這是我第一次光顧。一進入餐廳，中國風的裝潢帶點古色古香的味道，環境寬敞，座位舒適，更有在窗邊的卡枱。酸菜魚是我最喜歡的菜式，除了辣度可以選擇外，連酸度都可以按自己喜好選擇，這並不是每間餐廳都有提供的呢，而且有很多魚片，不錯！酸辣土豆絲，一樣可以選擇辣度和酸度川式回鍋肉，有菜、有肉、有豆乾，味道惹味！手撕包菜很爽脆總括而言，這間餐廳的性價比不錯，環境舒適，食物碟頭頗大碟，用手機下單時，更可以按自己需要，為每一個菜式選擇不同辣度和酸度，是很貼心的服務呢！