麻辣風雲 (已結業)

又到lunch time 啦~今日係MK做野，心思思好想食四川菜。同事就提出帶我地去呢間麻辣風雲。之前成日聽，但無機會試，今日終於一嘗心願。麻辣拼盤口感爽脆彈牙，辣度岩岩好，好有驚喜。———————————————————香辣茶葉炒蝦鍾意食蝦既朋友記得試下～份量十足，用上大量辣椒同茶葉炒香。———————————————————香辣螞蟻上樹香、辣，又有Q彈的粉絲口感Super good! 吸收哂配料既味道，D粉絲仲索滿醬汁，飽肚又滿足～———————————————————花雕醉雞雞肉入口夠嫩滑，雞肉肥瘦適中，作為前菜或送飯都一流～——————————————————— 再黎個自選干鍋，當然要夠麻夠辣，否則何來過癮。我揀左，土豆片、特色牛肉餅、萵筍等等。成個鍋份量相當澎湃，絕對夠三四個人咁制，而且麻香濃郁惹味，每一樣鍋物都沾滿哂辣汁，好夠鑊氣，送飯一流呀。👅整體小總結食物方面，川菜味道正宗，食材及用料都好豐富，而且價錢親民，午飯時間黎到，全場爆滿，可見質素有保證~