麻辣風雲 (已結業)

💛黃店💛位於旺角瓊華中心< 𝐒𝐩𝐢𝐜𝐲 𝐑𝐞𝐬𝐭𝐚𝐮𝐫𝐚𝐧𝐭 >, 一間宮廷風川菜餐廳, 設有涼亭打卡位, 最近推出太極鴛鴦魚, 一次過滿足兩個願望。ᴛᴀɪ ᴄʜɪ ʏɪɴ ʏᴀɴɢ ꜰɪꜱʜ $³⁸⁸太極鴛鴦魚, 分別是酸菜魚和水煮魚。其是麻辣風雲的招牌菜, 魚片質感非常鮮嫩, 配上水煮湯頭或酸菜湯底, 是不一樣的味道。ᴅᴇᴇᴘ ꜰʀɪᴇᴅ ʙᴜɴꜱ $⁵⁸以「麻辣風雲號」的大船氣勢登場, 放有六件金黃香脆的人氣炸饅頭, 配上濃滑煉奶更好吃呢。Qᴜɪᴄᴋ ꜰʀɪᴇᴅ ᴘɪɢ'ꜱ ɪɴᴛᴇꜱᴛɪɴᴇ ᴡɪᴛʜ ᴄʜɪʟɪ $¹²⁸乾煸肥腸肥瘦適中, 以辣椒加上多種料頭高溫爆炒, 口感外脆內軟。ꜱᴍᴏᴋᴇᴅ ꜱᴏꜰᴛ ʙᴏɪʟᴇᴅ ᴇɢɢ ᴡɪᴛʜ ʙʟᴀᴄᴋ ᴛʀᴜꜰꜰʟᴇ $⁶⁸黑松露煙燻溏心蛋, 冰爽香甜, 解辣一流。麻辣風雲 (旺角)📍旺角彌敦道628號瓊華中心10樓

💁‍♀️💁‍♂️ 17/5/2023(Wed), Dinner🍽想食酸菜魚，又想食水煮魚，why not both？怕唔係太多人叫唔到兩個鍋？今晚💁‍♀️為食妙妙同💁‍♂️A先生去既旺角麻辣風雲有個太極☯️鴛鴦魚就岩晒啦，一個鍋分咗兩邊，一邊係酸菜魚，另一邊就係水煮魚，岩晒我哋呢類揸唔定主意，但又眼闊肚窄既人。餐廳都好大，主要都係卡座，坐得好闊落。近入口位置有張枱佈置成一個亭咁，好特別。我地今晚有幸安排到坐喺呢個亭度享受麻辣風雲！而今晚我地order咗：🔆 太極☯️鴛鴦魚（中辣）（$388）酸菜魚既一邊有自家製酸菜、芽菜、豆卜、萵荀、蓮藕片、辣椒🌶️、薯粉同埋鱸魚片。試一試湯頭味道唔會過酸搶晒食材既味，魚肉嫩滑而份量都唔少，其他索味既食材特別係萵荀同薯粉吸收咗湯汁既味道都好吸引。水煮魚方面就唔會太油，味道麻辣平衡得唔錯，唔會偏向其中一方，麻中有辣而又辣中帶麻。配料都係主要芽菜、豆卜、萵荀、蓮藕片、辣椒🌶️、薯粉同埋鱸魚片。魚肉同樣嫩滑，蓮藕片爽口，配合返麻辣既水煮湯，都係索咗湯既配料不比主角魚片差。🔆 麻辣魚皮（$68）魚皮夠爽彈，撈勻麻辣汁同埋青瓜🥒絲一齊入口，凍凍地又夠爽口，開胃好食。🔆 花雕醉雞

今日系閨蜜既生日，平時都系CAFÉ， 今次一改傳統，同佢食佢最中意既麻辣菜，希望比個驚喜佢。臘肉炒萵荀～》呢道菜主要以萵荀和臘肉為主要食材，加上一些醋、醬油等調味料，口感酸爽清新，非常適合作為開胃菜或配菜。還有酸辣土豆絲都唔錯，口感都很爽脆，而醋的味道也不會太重，味道十分協調。乾煸肥腸～》呢個菜是一道傳統的川菜，主要都是以肥腸炒製而成。菜肴的味道非常豐富，口感十分鮮美，獲氣十足，食到好開胃！黃金蝦～》味道好鮮，份量好多，能夠食得很飽肚，炸得很香脆！香辣螞蟻上樹都好正宗好好味。最後飲翻杯洛神花茶，就可以解膩清新。💖整體來講呢度既菜式可以話各有特式，非常值得係度吃，下次一定要叫埋家人來品嘗💖

📍《 麻辣風雲 》旺角彌敦道628號瓊華中心10樓好耐都冇食過酸菜魚，聽人講呢間幾出名，一於搵咗晚過左嚟試吓😙 呢度啲嘢食擺盤好有特色，超級打卡able得嚟又幾好食， 果然間唔中係要食餐辣嘅過吓癮😋 餐廳入面空間都好闊落，張枱都好夠大同埋坐得好舒服～▫️炸饅頭 $58 🥯一上枱嗰陣我哋真係俾佢嚇親！原來佢用隻船仔🚤再喺上面放果六隻炸饅頭，打卡指數真係滿分，夠晒鬼馬🤣個饅頭一咬落去好脆口，蘸埋煉奶食真係一流！▫️太極鴛鴦魚 $388🌶️🎏見佢呢度酸菜魚同水煮魚都幾吸引咁，所以決定叫咗個鴛鴦魚兩樣都可以試吓～ 份量真係好多，夠晒我哋四個人食😌個辣度同酸度都算幾適中，同埋啲魚片都夠晒滑，食完個嘴有少少麻又唔會太痹，夠哂爽😝▫️沙薑蔥油鴨 $88 🦆個汁都好夠味，再加埋啲鴨肉都唔韌同埋幾入味，唔錯唔錯！▫️酸菜炒肥腸 $128 成碟真係好多酸菜😈 大碟得嚟佢嘅肥腸份量都算唔少，以小菜嚟講不過不失啦～▫️老乾媽炒年糕 $98呢碟幾有驚喜！啲年糕夠晒煙韌，又同老乾媽好夾， 再加埋啲肉碎同椰菜炒，真係好惹味好好食🥹另外我哋仲嗌咗杯鮮芒椰果玉露🥭同埋椰汁冰🥥，杯玉露就偏甜咗少少，不過兩杯嘢飲都夠哂解渴！人均消費

朋友聚會，去咗呢間麻辣風雲，一邊分享美食，一面分享生活趣事，非常享受。麻辣拼盤，呢個拼盤入面有幾種顏色，代表著不同既小食，三顏色吸引，每種顏色都有唔同味道，非常精緻！黑松露煙燻溏心蛋，黑色的是黑松露醬，蛋肉彈牙又滋味，充滿鮮味。花雕醉雞都唔錯，好香口好多肉。另外還有香辣茶葉炒蝦，我好中意食蝦，但系第一次食茶葉炒蝦，用茶葉來炒中和左辣味，味道好味得來不會膩。食左甘多辣野當讓要來個酒釀丸子，香甜滑溜，大滿足。黑糖糍粑都系解辣之選。美味指數😋😋😋😋😋餐廳環境❤️❤️❤️❤️❤️服務態度👏👏👏👏👏

[ 麻辣風雲 ]最近見到新推出咗款太極鴛鴦魚，兩款口味可以一次過食曬，即刻約埋朋友一齊去食先🤪🤪✿ 炸饅頭 $58來店必點嘅炸饅頭，木船嘅造型再加噴煙效果夠哂打卡able之餘，味道都好不錯。饅頭新鮮炸起熱辣辣，超脆口，再沾d煉奶食味道一流！✿ 太極鴛鴦魚 $388一次過可以試哂2款口味嘅魚，非常特別。水煮魚叫咗小辣，辣度適中，配料有蓮藕、木耳、豆卜、薯粉。酸菜魚方面有酸菜、萵筍、芽菜、薯粉等等配料，相對上較酸。同樣份量十足，3-4人share食都足夠，魚肉嫩滑得來唔會鬆散。✿ 手撕包菜🌶️🥬 $98叫咗小辣小酸，炒得香口惹味，唔會過分油膩/過辣👍🏻👍🏻✿ 秘製麻辣炒薯粉 $88薯粉口感煙煙韌韌，用上秘製辣醬炒香，美味可口，而且份量都唔少。總結🫦 食辣野嘅好去處，地理位置方便，空間感大，啱哂約埋朋友一齊嚟食吓飯，打吓卡📸📸✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿麻辣風雲地址：旺角彌敦道628號瓊華中心10樓電話：2156 1618✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

呢度都幾骨子，裝修幾好，有啲古代嘅感覺，真係中國風呀！我地先食啲前菜，最簡單一個酸辣土豆絲，薯仔絲切得好薄，口感好好，亦都真係有辣椒同青椒，夠晒酸辣，越辣越惹味，好開胃，送飯都啱😄😄另外一個都係前菜，係豐富啲既前菜，麻辣拼盤，有齊酸辣粉皮，酸辣海蜇，毛肚牛腱，雞腎同青瓜，粉皮好煙韌，又吸晒啲酸辣味，同啲海蜇一樣，口感都係好得呀，先雞牛腱都係好爽，雞翼都幾有咬口，青瓜辣得黎都好爽甜，成盤都好正😎😎然後黃金蝦就夠晒惹味，鮮蝦隻隻都大隻，蝦肉夠晒鮮嫩彈牙，炸完香脆可口，配埋香濃鹹蛋黃，啖啖咸香，份外滋味🤗🤗我地仲叫佐個自選干鍋，入面有土豆片、特色牛肉餅、萵筍、凍豆腐、五花腩片、魚春同埋白豬仔午餐肉，呢個干鍋夠晒豐富，每樣材料都好入味，辣辣地，亦都有啲炒香嘅芝麻，成個味道都好濃，就好似啲凍豆腐咁亦都好入味，惹味嘅一個干鍋🤓🤓最後食番啲甜品，酒釀丸子同埋黑糖糍粑，酒釀丸子一碗細細地，份量啱啱好，丸子幾煙韌，亦有啲桂花香，甜甜地，都真係有啲酒味；另外黑糖糍粑就更加甜，糍粑都係好煙靭，用黑糖就更加健康，甜入心呀😊😊

今日家人出咗去食飯，去咗旺角既一間食川菜嘅餐廳，餐廳個名叫《麻辣風雲》，入到去地方好闊落，餐廳掛咗好多畫，同埋書法喺度。食物都非常出色。🐟香辣茶葉炒蝦🔹一於試一試佢🔹呢個蝦都唔錯🔹好香又好脆🔹完全係做得好出色🔹好食到難以形容🔹 🥚香辣螞蟻上樹，完全無令我失望🔹 🔹值得推介既一道小菜🔹微微既辣度🔹就算唔食得辣既朋友都話好食👍小炒花菜，佈滿左一層濃鬱厚嘅醬汁，面頭加咗切碎嘅辣椒🌶，味道非常好食。🐟酸辣土豆絲，酸酸辣辣幾開胃，食落口齒夾留香。好好真系同家人歡聚既時光，美味佳餚更加錦上添花！

而家香港市面上有好多川菜食肆🌶️，有時口痕想食都唔知揀邊間好🤔，我地今次就去咗位於旺角嘅麻辣風雲，係瓊華中心10樓，距離地鐵站步行只需五分鐘～ 鋪頭裝修採用傳統中國風，餐廳空間面積大，座位寬敞，坐得都幾舒服☺️-太極鴛鴦魚🐟 - HKD 388.0首先我地就叫咗招牌菜太極鴛鴦魚🐟，依道菜嘅特色係將酸菜魚及水煮魚合為一道菜，令食客可以同時品嚐到兩種口味嘅魚😋，魚片係用鱸魚原條切成，每塊都好大塊及厚身👍🏻，肉質鮮嫩食落無骨啖啖肉，口感真係令人相當滿足呀🤩，酸菜魚嘅酸味好足，配埋酸菜及入哂味嘅薯粉，一齊食更加有唔同層次嘅酸辣口感呀！🤤水煮魚辣中帶麻🌶️，湯底有蓮藕、木耳及芽菜等豐富配菜，令人回味無窮呀😍，整體魚嘅份量都幾多👍🏻，湯底可以自選辣度，我地就揀咗小辣，少食辣嘅朋友都可以接受呀～-炸饅頭🥖 - HKD 58.0上菜時饅頭🥖溫度微暖，配煉奶食落口又甜又暖肚，外脆內軟，好有幸福感😍，另外值得一提嘅係，店鋪以船作碟上饅頭，係用諸葛先生嘅草船借箭嘅故事，再配上乾冰煙霧，令人聯想起當年諸葛先生係大霧中借箭嘅情景，玩味十足😆，拎嚟打卡一流呀！😏-黑松露煙燻溏心蛋🥚 - HKD 68.0市面上好少見黑松

💁🏻‍♀💁🏻💁🏻‍♂💁🏿‍♀💁🏿💁🏿‍♂🏷麻辣風雲@旺角💁🏻前菜小食前菜小食的紫菜碎炒咸香花生非常好吃，花生的香氣和紫菜的鮮味融合在一起，讓人垂涎欲滴。💁🏻炸饅頭 $58這道擺盤精美的饅頭外皮酥脆金黃，裡面十分鬆軟，配上甜煉乳醬汁，超好食。💁🏻太極鴛鴦魚 $427太極鴛鴦魚是這裡的招牌菜之一，太極型器皿分開有辣有不辣的酸菜魚，非常特別。魚肉鮮嫩，酸菜的酸味和辣椒的辣味相得益彰，讓人一試難忘。💁🏻沙薑蒽油鴨沙薑的香氣和蒽油的味道讓鴨肉更加美味，入口後讓人回味無窮。💁🏻椒鹽雞軟骨雞軟骨口感酥脆，不會太咸和濃味，是一道健康美味的菜品。是否推薦↩？✅炸饅頭好食🤤

豪華佳餚，口感豐富！🍽️花雕醉雞件，酒香十足！🍗🍶花雕醉雞件係一道非常特別嘅菜式，經過酒釀嘅雞肉質鮮嫩，花雕酒香味濃郁，作為前菜最適合不過！香辣茶葉炒蝦，辣味十足！🍤🌶️真係炒到好有水準，蝦肉口感鮮嫩又彈牙，茶葉嘅香味非常突出。黑松露煙燻溏心蛋，口感豐富！🥚🍄蛋黃溏心，黑松露嘅香氣同煙燻味道非常特別，令人更加著迷。如果你鍾意試吓非常特別嘅菜式，呢道黑松露煙燻溏心蛋絕對值得一試。🤭呢到好適合打卡，宮廷風嘅設計，食飯時仲見到啲着漢服嘅小姐姐係到影相添‼️職員態度親切有禮。很不錯

滿足家人不同口味🍺⸜(*ˊᵕˋ*)⸝🥟星期六晚上，我同屋企人去在一間連鎖嘅四川菜餐廳度食飯，呢一間就係「麻辣風雲」喇！呢一間餐廳食嘅嘢就啱晒我哋幾個人，因為我鍾意食辣嘢，媽媽鍾意酸辣嘢，爸爸鍾意食海鮮，妹妹鍾意食菜😏所以我地揀咗幾款招牌小炒，包括香辣螞蟻上樹、酸辣土豆絲、香辣茶葉炒蝦同小炒花菜，我哋個個都食到讚不絕口👍🏻👧🏻我最鍾意就係食香辣螞蟻上樹，粉絲爽滑，加上辣椒、豆瓣醬等調味料，味道香辣刺激，好開胃！👩🏻媽媽就鍾意酸辣土豆絲，土豆絲切得細緻，醋味同辣椒味好搭，帶有四川特色風味。👨🏻爸爸就鍾意食香辣茶葉炒蝦，新鮮的蝦仁炒得香辣可口，茶葉的香氣更增添了風味，口感一流。👧🏻妹妹一入到嚟又話一定要食椰菜喎，因為佢覺得隔離喂食嗰啲椰菜好好味🤣好彩都冇令佢失望！椰菜好爽口亦都好甜🤫我覺得如果大家一家大細都好鍾意食川菜嘅話不妨過嚟呢一間餐廳度食飯，因為佢哋個Menu有好多嘢食，總有一款會啱你！

「麻辣風雲」嘅酸菜魚深受我嘅愛戴🙈前排捉埋friends上去食翻餐飯😬.太極鴛鴦魚🍲酸菜魚同水煮魚孖住上😍黑鱸魚魚片鮮嫩🐟酸菜魚有酸菜、萵荀、菇菌🍄寬粉，口感超級煙靭😉酸辣開胃🤤水煮魚有寬粉、芽菜、豆卜🫔萵筍，辣得嚟唔會太刺激☺️.老干媽炒年糕🍽️椰菜🥬肉絲🐖加上老干媽炒🌶️年糕表面掛滿汁，幾惹味😗但偏油少少😞.涼拌雞絲粉皮🍜簡單嘅雞絲🐓粉皮、花生芝麻醬、青瓜🥒清涼又飽肚👍🏻.炸饅頭🥠以諸葛亮草船出場⛵️炸饅頭熱辣辣🥵外脆內軟😆蘸上煉奶傳統美味😋.前菜🥢有中華沙律、海苔花生🥜.特色酒釀丸子🥣過半丸子中心質感硬實🥺只有少少煙韌😢蛋花同酒釀亦麻麻😔

之前都有朋友介紹麻辣風雲嘅川菜高質，當我知道佢哋喺旺角都有分店，即刻約咗朋友去試下。無諗到麻辣風雲除咗環境別具一格，令人感覺置身古代中國之外，食物品質亦相當高，份量夠又好味😍𝗕𝘂𝗯𝘂推介🔥👍 炸饅頭炸饅頭搭配煉奶，呈現喺麻辣風雲號嘅盛裝之上，乾冰瀰漫，氣勢磅礡。炸饅頭外皮酥脆，內裡軟綿，搭配煉奶甜中帶點鹹，味道層次豐富，絕對值得一試。👍 太極鴛鴦魚呢道菜同時包含咗招牌酸菜魚同埋水煮魚，讓你一次滿足兩種口味。魚片肉質鮮嫩滑爽，酸菜魚酸同辣味恰到好處，水煮魚辣勁十足，令人回味無窮。📍 麻辣風雲旺角彌敦道628號瓊華中心10樓

難得有個外國朋友黎到香港，就特登帶佢食下啲平時少食啲既嘢，黎呢間餐廳食下川菜。咁岩個間晏就，就同佢上去食個lunch。-一坐低環境幾靚同幾寬落，店員比左卡位我地坐。我地總共叫左個一人雞煲，螺絲粉同一碟炸饅頭。-1. 一人雞煲8/10-不得不說雖然係一人份量，黎到發現佢都幾大煲。配料有芫荽、辣椒、紅椒同洋蔥。啲雞明顯有炸過，食落好香口同有少少脆既口感。醬汁頗為濃郁，食落幾惹味，配埋白飯一流。-2. 螺絲粉6.5/10-辣味同酸味好足，米線唔會太冧，彈牙有口感，配菜亦都唔少。可惜既係螺既香味唔夠，水準明顯不及出面既螺絲粉專門店高。可以一試，再試就唔會。-3. 炸饅頭7/10-水準唔錯，食落脆口同乾身，好明顯炸完即刻上碟。-午市冇加一，埋單加埋二百頭，呢個質素算係幾抵食。