麻神麻辣火鍋 (已結業)

天氣突然轉凍，最岩十下十下食火鍋，見呢間台式火鍋新開，就決定試下有咩特別！野食既種類都好多，見隔離檯個海鮮拼盤好似好正咁，不過今次主打想食肉，所以無叫到點左個麻神麻辣湯底，飲左啖真心有驚艷既感覺，平時最驚食麻辣既野，麻到無哂味覺，但呢個湯底香濃得黎唔嗆喉，唔會太辣，難怪D台灣人食火鍋會飲埋個湯底。待應介紹左個牛小排比我地，話用個湯底恰一下恰熟佢，之後再加蒜苗粒，點D辣油就食得，試完確實係唔錯，D牛都好靚好新鮮，中意食牛既人真係唔好錯過！手打丸真係無得輸，尤其係瀨尿牛丸，好滑好彈牙，入面既湯汁真係會爆出黎，食黎時候要小心燙親

最近試左 近期幾hit嘅麻辣火鍋。銅鑼灣麻神麻辣火鍋。講真佢個麻辣湯底真係無得頂辣就唔算辣（當然我呢啲食辣食到麻目嘅人更係嫌唔夠辣啦）但一般正常人係覺得佢香辣適中，我覺得佢正係因佢麻辣帶少少甜、又唔油，湯底仲可以飲！無錯！侍應向我地介紹個麻辣湯底係可以飲，因為裡面係用大量水果淆制，無加味精！確實我地成班人一飲再飲個湯底，但無人覺得飲完味精重口乾至於另一邊清湯不過不失，唔算特別！另一重點推介無鴨血！必食！講真我係香港食過好多間麻辣火鍋，每次有鴨血我都必點，但一般我都覺得無咩特別，我一直都覺得香港嘅麻辣鴨血無台灣整得咁好食🤨！嗯！無錯！我鐘意食麻辣火鍋嘅瘋狂程度係會一年去台灣2、3次，為嘅就係食麻辣火鍋🍲🌶🌶 而我鐘意食台灣麻辣火鍋其中一個原因係佢地鍋底嘅鴨血同豆腐。（而係香港鴨血就食到，但台灣麻辣火鍋常用嘅硬豆腐我就真係食唔到！如果有人知請話俾小編知🙇🏼‍♀️）而麻神嘅鴨血係我覺得目前係香港食最好食嘅鴨血，無論係質感同味道都好好，好夠味一試愛上真係好想快啲再食！仲可以添食！只於食嘅時候侍應建議我地用🍴品嚐，聲稱咁樣就唔因爲用筷子🥢而夾散鴨血另到裡面嘅汁流出，雖然佢地咁建議，但我食左2嚿之後

近年听说香港開了好几家台式火鍋店。最近朋友推薦了這家麻辣火鍋店， 說是在台灣很火的，質量也不錯的， 而且可以一大班人食。我們點了一大堆海鮮，有瀨尿蝦，扇貝，鮑魚，帶子等。 另外也點了一點牛肉和瀨尿蝦丸。食物看上去和吃下去都很新鮮，食材賣相吸引，而且配上他們特製的醬料和湯底，味道很不錯。值得一提的是它的麻辣湯底。 儀式的麻辣湯底不是像四川的非常非常辣， 食完滿口都是火烧的感覺。 這個台式的麻辣火鍋沒有像四川般的辣， 他的辣是好香的麻辣不是火辣。 這湯底做得不錯的。

早於年尾，聽到「麻神」會開到香港，好開心，因為上年去台北本來book咗又取消左。真係十分好彩，居然比我哋響Friday night, 執到死雞，居然有人book咗冇到我哋今次叫咗i鴛鴦鍋，因為朋友唔食得太辣，侍應十分細心講解左個湯底用咗好多種蔬菜同埋藥材煲左3小時以上。當晚叫咗：1）鴛鴦鍋：佢唔似養生鍋咁重藥材味，入口好香辣，之後麻，食落不算太辣，好鍾意嗰種頭皮出汗嗰種感覺。2）鴨血：太好味好似Jelly,齒頰留香，好想潻食3）牛肩脊：二百幾蚊一碟雪花均勻，都幾ok!4) 丸類同雲吞：不過不失5）蔬菜：10分清甜大部份係台灣運到的至於服務：可能因為剛開業有待進步. 因為果夜 d order 有D亂，及抽風系統太弱，我成晚做咗三個鐘 Stream Mask結論，不愧為星級火鍋，食物同湯底都不錯仲俾我哋見到狂野之城

貴過台灣係預咗嘅, 不過都貴得幾離譜. 食物選擇少，冇食海鮮都＄600一個人。我哋其實只係食咗一啲大眾化嘅火鍋配料，一共加埋都冇八九碟, 個湯底又唔覺得有咩咁特別。我哋喺book位嘅時候專登問咗佢有冇限時,佢實牙實齒話冇, 之後打電話黎確認訂位嘅時候又話係有限時嘅, 我哋同佢解釋話之前問過話冇限時我哋先book, 之後佢又應承話OK今次唔會限時. 明明已經確認左兩三次係唔限時，點知我哋食食吓突然有人同我地講有人等位, 如果方便叫我地快啲走, 講完之後唔夠5分鐘已經攞咗張單俾我哋埋單. 咁嘅價錢咁嘅服務態度永遠唔會再去。

如要數城中新鮮滾熱辣的新店，「麻神」該屬其中之一。 麻辣火鍋在台灣、香港、內地均有捧場客，各地煮法亦略有不同。「麻神」源自台北，2014年才開業，有兩間分店，極多明星們捧場。 香港此店是第三分店，亦是台北以外首間；我來吃飯的那晚，隔離檯就是一班紅星。 來之前我有在網上看過，說它的麻辣湯底是少數會直接飲用品嚐的麻辣湯底，我吃時當然先喝少半碗試試： 帶藥材香的湯頭確甜，不太油，是用蔬菜、水果、自家製麻辣醬、各種香料煮成。舌頭微感麻痺，味帶香辣，有層次感，確不錯。用它來淥食物，我沒有點其他醬料，已很夠味。 另一款湯底是齋湯，沒有下肉煮的，相比之下很清淡。所以若你喜歡濃味及吃得辣，不坊點全鍋麻辣鍋底。 麻辣鍋𥚃已有免費送的鴨紅，叫「果凍鴨血」，由台灣空運到港，必食 。它也可以加錢另點的 (溫提，我最近有朋友來吃 10pm 那輪，鴨血已賣光，建議大家盡量 book 早一點) 鴨血好吃，外滑，內裡帶些少像纖維的質感，原因是已浸在麻辣湯中兩日兩夜令它入味，索盡湯的精華，質地亦有些微改善，蠻聰明及有心思的做法。 說過很多次，我覺得麻辣火鍋與肉類是絕配。西班牙黑毛豬和兩款和牛：

黎緊天氣又變冷了，香港人咁喜歡打邊爐，繼北京烤鴨大熱後，近期最火熱的非麻辣火鍋莫屬了。麻辣火鍋有台式或重慶之別，前者既麻且辣中帶甜，後者則重油重辣，各有風味。就在芸芸新開麻辣火鍋店之中，麻神麻辣火鍋的湯底卻深得小弟心，湯頭順口可喝，配合新鮮高質的食材，令人有喜出望外的興奮。 這間麻辣火鍋的名字，香港人可能少聽，其實他們是台北來的過江龍，在當地有「神級麻辣火鍋」之稱，長期爆滿，預約之期更要一個月之多。來到香港，落戶在銅鑼灣心臟地帶的金朝陽中心，估地8,000呎，裝潢骨子，設有多道屏風，設計成多個半開放空間，感覺舒適。另外，更有半露天空間，飯後在此喝酒聊天也不錯。 如之前所說，湯底真是可以喝的，創製出由新鮮蔬果熬製、自家製麻辣醬及多款藥材的湯底，湯頭麻中帶辣，有著濃厚清幽的藥材香，最後更滲有絲絲的甜味，喝起來順口不嗆喉，美味。 湯頭如此美味，故此也沒必要用上蘸料，所以食材的鮮度及美味更形重要。頭號推介的食材必然是店中招牌的【果凍鴨血】，經過店方48小時沖、浸、泡及滷等工序，鴨血質感煙韌有彈性。店方更建議我們用刀叉來吃，彈刀之餘，內裡還很粉嫩，值得大家一試。 他們有

看到網上很多介紹這家台灣過江龍麻辣火鍋，一致說它的麻辣湯底和鴨血質素超群，於是和朋友慕名而至。先說訂位很瘋狂（令人抓狂!!!），猶如打去cabel cut線打了無數次電話先有人接聽。幸好訂位過程快，到食果日入座都順利。打開餐牌，種類未算過多，問店員有那些去招牌，除了麻辣湯底和鴨血外，便數王子麵和南極冰藻，另額外叫了溫體牛一碟同一份手打丸。麻辣湯底據稱是用蔬果等熬，可以喝得落肚，又確係好飲，唔會太辣，仲有少少甜香。至於鴨血真係冇得頂，好入味，入口煙煙韌韌，跟湯上每人一舊，另柯打一碟5舊要$88，一分錢一分貨，未算太開天殺價。牛肉係好食，手打丸都相當唔錯，王子麵其實普普通通，不過脆脆地，都ok。不過有問題係冇乜指示教人每樣食材要煮幾耐，例如王子麵之後原來睇番網介紹係淥一陣，再用熱湯淋幾分鐘先有脆脆口感，至於冰藻就真係唔知要幾耐。問店員，又唔多清楚，要好好改善。

開幕第二天便到了，一直都是台灣無老鍋詹記鼎王等粉絲, 當然滿心期待地去試, 結果換來這最差體驗。訂了4位6:30pm, 我地準時到但張抬細到爆燈, 完全放唔到餸, 我要求換我後面大嘅4位吉抬, 攪咗半個鐘唔俾我換原來係留咗俾老闆朋友。 經理話批抬訂錯了請將就一下, 有抬幫我換, OK! 但另一位伙計擺抵捅蠔後想放低豬肉時卻拎走, 我望住碟豬肉放喺 open kitchen 到一陣忍唔住問碟豬肉係咪我地架, 佢話係不過你張抬擺咗一捅蠔所以冇位擺，你食埋先啦。簡直吹漲！我而家去飲呀? D菜一道道上我打咩邊爐? 再同經理反映不過又敷衍我。$398碟牛非常差, 好失望! $288 signature 牛雜鍋簡直係騙子茶餐廳的比佢好! 蝦丸冰鮮味超重毫無特別。鴨血係唯一好食嘅，$88 一碟細細份加埋 service charge 成 $97 一細碟就見人見智。食咗一個鐘終於換抬俾我。拼咗2張二人抬一齊，二人對面坐嗰D。個爐擺埋咗一邊唔係擺中間4人一齊打邊爐除非你加多一個煱 lor. 我問經理你換張咁嘅抬俾我啫係玩我啫, 佢笑笑口行開咗。4個人食咗捅蠔x1, 牛肉x1, 豬肉x1, 牛雜鍋x1,

以前總想寫食評，因為懶嘅關係，一直的唔起心肝……………………直到遇到佢………………麻神久聞大名，得知喺香港開分店，立刻仆到去，加上名星效應，令到對這位"神"更加有期望一入到去坐低已經有驚喜，以小弟多年打邊爐經驗，從來沒試過4個人坐咁細張始，我諗大家樂都應該大張小小……再睇睇餐牌，$228 一個鍋都合理，睇真d，原來只係一至兩位，另加要$68一位，即係剩鍋底都$364，呢個係乜玩法？？咁老實講，個鍋底味道幾好嘅，仲有個豬红，直頭係正，聽聞係喺台灣空運過嚟，當然，坐過飛機，貴d係應該嘅，不過4至5件收$88 就………………估唔到豬血仲貴過人血……另外再點咗招牌牛雜，牛肉，蝦丸，海鲜…………呢d我諗自己喺街市買嘅質素仲好好多，個人認為出街食飯，人地賺錢係應該，不過可唔可以俾d好嘢我食呢…………

湯底👍🏻👍🏻👍🏻👍🏻配料👍🏻👍🏻服務👎🏼👎🏼👎🏼👎🏼👎🏼經交友平台book枱，本來安排左坐四人圓枱，坐低一秒又話係近窗邊一張二人枱。但食到一半、果張枱先有人黎坐，都係二人。咁樣點解一開始唔可以畀我地坐呢叫餃子拼盤👎🏼👎🏼（魚皮餃、冬菇椰菜餃、韮菜餃、鮮蝦雲吞）我睇左個餐牌一次都知係呢四款餃。黎到邊兩隻係鮮蝦雲吞呢？問其中一個侍應，佢話拼盤無鮮蝦雲吞，我即刻背返個餐牌畀佢聽！佢之後去睇 menu、再問廚房，原來鮮蝦雲吞無貨、佢求其隊左兩粒落黎餃頂包魚皮餃係低級雪藏貨手切牛 200g 👍🏻👍🏻👍🏻 特別煮法：先灼幾秒再用湯浸，幾嫩響鈴👎🏼👎🏼👎🏼等左勁耐、食到尾聲、得返半碟牛，催佢先黎你以為佢即炸所以咁耐？少年人你太年輕了，凍架幼幼的、短短的，細細條、得四條$6X！痴線仲有手打丸拼盤👍🏻👍🏻👍🏻大家趨之若鶩嘅果凍鴨血、應該係跟人頭，兩個人就跟兩舊響湯底，隔離枱三個人得兩舊、即刻追返果舊本人唔食鴨血、但同伴話好食但係舊鴨血到底可以幾好食令你唔理其他野而再去幫襯、而只為鴨血呢？同好多台式火鍋唔同、鴨血無得 free refill，一碟價值$88，我唔知裡面有幾多舊鴨血喇你見佢 drink li

上星期五晚，同陳小姐到銅鑼灣搵食，本來想去溫野菜，佢到有個夜晩自助餐，想試好耐。不過，行行下又行到登龍街，見到金朝陽大廈咁多花牌，又貼左張麻神開張海報，我哋好奇咁走上25樓睇下啦。原來係麻神第一日開張，當然機不可失，走入去問受唔受街外客。佢哋又話得，我哋安排咗坐喺一張四人枱。見到周圍裝修都黑媽媽，睇落走高格格調。點知黑至坐低後好耐都無人招呼，等咗好耐要叫要揮手先有人走過來拾枱同畀份menu我地。睇一睇，真係好鬼貴！淨係個湯底都二百幾蚊，咁係兩位份。如果多個兩位，就每位加銭。嚟到，一定叫個麻辣湯底啦！之後，叫埋牛肉啦、各種餃子啦、各種丸啦、響鈴喇、魚皮啦。海鮮就無叫，都唔係我同陳小姐杯茶。等咗一陣間，個麻辣湯底到咗，佢哋好認真話個湯底完全冇味精，所以滾咗之後可以飲，品嘗完之後 才食湯中的鴨血。大嗱嗱成個煲，得兩嚿鴨血，懶係驚貴咁！仲話要用刀叉食添？！佢咁講梗係有d期望，陳小姐懶理得佢用筷子一夾，現型！舊鴨血嘅質感同埋食完之後嗰種感覺，真係不外如事，比另外一間仿台灣火煱叫養X仲比下去，真係巧失望！又話用刀叉食，都係雷聲大雨聲小。置於，佢嘅麻湯底係又幾特別，其實真係可以當湯飲 。過咗一排餃子

麻神正宗，湯底麻香，鴨血嚼勁，牛肚爽口。澳洲M7肥牛、牛尾、生啤售罄，別太遲（尤其週日晚上8時後）到店。環境不錯，桌子不大。服務有禮，店員很忙。份量不多、價錢不低。好可能新店開張，整體營運仍沒上手。3人光顧，點單如下：1）美國頂級牛小排2）綜合鮮餃拼盤3）綜合菇盤4）綜合丸子拼盤5）明火燴牛肚（細）6）手工蘿蔔片7）脆口高麗菜8）響鈴9）Boddingtons10）Diet Coke11）Ginger Ale12）鴛鴦鍋13）果凍鴨血加一後合共HK$1720

是的，我們又去了打邊邊，仲要係麻辣嗰隻，都講過，去滾是會一呼百應的。 今次所吃的，並不是四川或重慶麻辣鍋，而是台式的，叫麻神。 麻神，名字好架勢，其實在台灣也真是很出名的，即便香港店仍在試業階段，已吸引不少食客慕名而來，當中不乏名人明星，像這晚，我們便遇上了銅鑼灣揸Fit人，陳浩南。 店子選在老銅開業，當然要有揸Fit人射住啦，哈哈～ 我嗰年代，真是睇古惑仔大的，從人在江湖到勝者為王，全部睇過幾遍，加上一系列電影的歌曲，都是陪著我成長。不過，我並沒有因此而走埋去叫佢一聲南哥。 話題扯遠了，講埋是晚的火鍋，開了兩個鴛鴦鍋，始終烚蔬菜，仍是清湯會比較合適。聽聞呢度既麻辣湯可以直接飲用，試了一點，的確麻而不太辣，沒一陣油既感覺，少試無妨。 個人認為，食台式的麻辣火鍋，最最最重要的配料不是牛肉，而是鴨血。呢度既鴨血據聞由台灣總部嚴選，建議用刀叉食。刀叉切開時已感覺到其煙韌質感，吃起來嫩滑而沒有散，而且夠香，是我在香港嚐過最出色的鴨血。 始終，香港人打邊邊是不能沒有牛，什麼牛小排、板肉、牛頸脊及和牛，統統唔放過。和牛固然美味，但個人更欣賞油花分佈均勻的牛頸脊，入口軟滑，多一份脂香。 西班牙黑毛

本身不喜歡食麻辣火鍋的我，因一次朋友聚會去過麻神後，一試難忘 👍 火鍋材料也十分新鮮，滾牛肉的方法也十分特別，令牛肉更加嫩滑，但唯一敗北的是：當十分肚餓的時候，還要等⋯等⋯等⋯特別推介 - 體溫牛 😋 好淋、好重牛肉味