麵鮮醬油房周月 (歌賦街)

营业中

休息中

連我這個不喜歡日式麵食的人都豎起拇指讚好的沾麵，真心不錯店剛開幕時午餐大排長龍，標榜提供香港少有的傳統日式沾麵。為迎合港人口味，將湯的濃味調低（不過我仍覺得太鹹）。晚上即時有位。店很小，侍應非常有禮貌，帶我們一直走到一排長枱高凳，座位很窄。餐牌很簡單，點了拉麵、煎餃，而我試沾麵。上菜快。將麵夾起，沾上另一個碗裡的湯，看上去有點油，有幾塊肉粒，一吃。。。好濃，好香，好好味可選100g, 200g or 300g的麵，我試100g,早知咁好味，應該叫300g麵吃完可以請侍應加湯在沾麵湯裡，連湯都飲埋。不過我無，因為覺得會太鹹。

周月@上環帆立貝。油麵(8/10)($88)本來想食沾麵既foodki，最後叫左呢個帆立貝。油麵。油麵其實即係香港講既撈麵，foodki都係第一次食日本撈麵(印尼就食得多)。講番呢個麵先，嘩，黎到咁大兜既！聽店員講，首先食一啖試下個味先，覺得岩就唔洗落生蛋落去撈住，佢建議foodki食到一半既時候先再打隻蛋落去，令個麵更多層次同有蛋味，如果大家覺得唔夠味介可以落啲醬油同醋落去加味。帆立貝油麵既味道好特別，係用左帆立貝油。帆立貝油即係用帆立貝碎加上大豆慢慢煮成。味道有種海鮮特有既鮮味，呢種味道係香港真係好難食到，非常特別。除左油之外，麵上仲有大量蔥花，芽菜，令撈既時候咬口更特別同清新。油麵選用既豬肉係來自鹿兒島黑豚腩肉，foodki覺得呢個腩肉燒得岩岩好而且切做一粒粒方便撈麵，好正。不過foodki有個地方要雞蛋裡挑骨頭，就係個每日自家製麵太過硬，如果係沾麵仲ok，但如果係撈麵就太難撈。整體黎講，呢個麵都係滿意既。

本身自己比較喜歡湯麵，但聽說周月沾麵水準不錯，那當然要一試啦！我選擇了香辣沾麵。沾麵有三種分量可供選擇，一百、兩百、三百克等。附上一碗濃稠的湯汁，讓你把麵浸進去沾着吃。麵條的嚼勁十足，口感很不錯。沾醬裡面有筍、芽菜及肉條增強口感。但味道對於偏向清淡的人可能略嫌太鹹。 燒豆腐，賣相有些怪怪的，但味道不錯。炎炎夏日，店內貼心的準備了涷茶，但看著餐牌上的日本啤酒，還是忍不住點了一杯！一飲透心涼，而且跟沾麵有幾分匹配。順帶一提，我很喜歡店內的氣氛，充滿深色的木材裝橫，坐在小角落，很有日本拉麵店的感覺。

雖然在中環上班，卻總是因午飯時間有限，而限制了用餐地點。趁週末到港島拍照，便回中環的周月午飯。這天烈日當空，由地鐵站一路向山上走，穿過中環街市，來到歌賦街，食肆林立，還要有不少遊客已在著名食店門外排隊。今天有明確目標，沒有被其他美食吸引過去，直接走進周月，不消兩分鐘已可以入坐。之前來周月，都是食周月拉麵，大熱天時，就改食「帆立貝油‧麵」。帆立貝油‧麵 上菜時配上特製醬汁、醋和新鮮雞蛋，先試一口麵條，味道清淡。接著就個人喜好加入醋和醬汁，最後打入雞蛋，以蛋汁包裹麵條，頓時香味四溢，而麵條也變得十分香滑。配菜豆芽其實起了清膩的作用，當覺得有點飽的時候，那清爽的口感會幫到你。對女生來說，份量其實有點多，不過還是食光了。

期望愈大,失望愈大.先講香蔥拉麵,一碗拉麵沒有配料,只有麵同醬油湯底同大量蔥,所以主要味道係來自湯底,但奈何湯底只屬一般,只有淡淡略酸0既醬油味沒有鮮味,蔥只係一般蔥,平時自己煮麵都可能會落咁多蔥,所以唔見得點樣突出到香蔥的味道,只有麵係有質素,自家制幼麵,掛湯彈牙,份量足夠!!!再講周月沾麵, 揀左熱麵300g(其實應該揀凍麵先至正宗),麵一樣咁好!!!湯底基本上同之前香蔥拉麵0既一樣,所以都係普普通通,而且更酸(可能沾麵食法關係),不過就無外界所講0既咁咸.另外配料多左黑豚粒同荀段.黑豚粒燒過很香很有味道,好好食,荀段大小適中,十分入味,另一傑出之作!!!始終對沾麵食法都係有保留,所以我都係覺得哩個周月沾麵係屬於一般.整體0黎講,麵係屬於一流,配料水準以上,湯底一般,環境OK,食時有一陣陣炸黑豚香味,令人十分開胃!下次要試帆立貝油麵~

那天朋友到中上環區見客，知道我的公司在上環一帶，特意打電話約個午餐。見天氣未算很熱，打算到勝香園吃個蕃茄麵和蜜糖脆脆，可惜當日人頭湧湧，又沒有特定的一條人龍，見找個位置都這麼有難度，決定毅然放棄！但午間時份，每間餐廳都有多不勝數的人潮，要在重新選個吃午飯的地點真的要快，以免等位要等很久。剛剛勝香園同一條街的麵鮮醬油房 周月人流不算太多，因為等一下還要開例會，所以不敢怠慢，所以最後決定到麵鮮醬油房 周月吃沾麵和拉麵。麵鮮醬油房 周月著名的沾麵，朋友想一試，而我則點慣吃的拉麵類。我的是香蔥拉麵，放入大量的蔥，非常有青蔥和香味，自己不怕香蔥的感覺，所以青蔥的感覺非常清新。可是整體上的拉麵都沒有坐何配料，只有溏心蛋一隻，略為單調。另外湯底和麵質都沒有太大特別，普普通通不過不失，但吃得久湯底有點鹹味。不時要喝點水中和一下。而其中的敗筆就是連任何配料都沒有，有時候香蔥拉麵都總會配幾片肉，但周月的拉麵完全沒有，略為失望。朋友所點的是沾麵。但麵底的份量有100g, 200g 和300g的選擇，本來朋友想點100g，但店員說100g 有點小，建議朋友改選200g，可惜到最後朋友竟然吃不完。朋友本來不是大

朋友來食過幾次，佢覺得OK就介紹大家來食一行4人，大家都叫左唔同的麵麵底有幾個份量選擇- 100G, 200G, 300G (一樣價錢GA)我自己就叫左朋友極力推介的「沾麵」今次係我第1次食「沾麵」，我覺得呢種食法幾特別! 而且幾好味! 要講唔好GE野係湯咸左DD&唔夠熱食完個麵就會加D雞湯去醬度，但我個人覺得個湯就無咩特別特別要讚下店員! 我地叫左兩杯啤酒3個人SHARE, 倒酒分酒時唔小心倒瀉左少少。店員見到即刻來幫手，最後仲斟番滿我地杯啤酒添! 幾大方!!! 整體來講都幾滿意，下次再來過~

日本拉麵曾經是我的至愛，但是好食的拉麵店都成為了長龍店這日來到中環而這間設計得咁有風味的日本拉麵店又唔洗排隊當然要試下喇 !!!當然唔洗排隊喇 ... 還大把位任坐旺場的午市時間都過了好耐，晚市又未到的 4:00pm 喎 這兒的麵條是自家即製的 ... 很新鮮呢 ~~很鍾意個餐牌 ... 好可愛 ~~我們點了兩碗麵 ... 一碗乾的沾麵及一碗湯拉麵 這碗就是日式乾撈麵 ... 日本人叫沾麵 ... 帆立貝油‧麵 沾麵不是每間拉麵都有得食，所以一見就唔洗諗，一定試的 麵條較粗而曲，可以充分地黏著帆立貝油有大量的芽菜及蔥，食起來就更香 先食一口原味，之後再落隻生雞蛋撈埋特製醬油及醋一起食 枱面上的特製醬汁是由有 140 年歷史愛媛縣梶田商店為周月特製的含有對身體有益的昆布 ... 是周月沾麵的靈魂所在 周月拉麵湯汁較油膩，味道也較濃 ... 但又好好味喎 麵條與沾麵的不同，較幼身的麵條 我們還試埋這支四國愛媛縣名物 ... 100% 蜜柑橙汁 ** 以上分享是以我的口味、喜好及情況作出分享及感受，合用 / 一試與否請自行決定

成日都食拉麵, 沾麵真係未試過. 麵有分大, 中, 小, 都係麵底多/少既分別, 但價格一樣, 唔會因為你ORDER大就收貴D. 店員細心介紹食法, 濃郁既湯汁沾上麵條, 味道好香濃, 麵條掛上湯汁, 感覺同平時既拉麵完全唔同. 麵條亦都好彈牙. 食完個麵, 店員會問你加唔加水, 建議你飲埋餘下既湯水, 當然要試下, 因為平時食拉麵, 有時都會飲哂D湯汁的. 雖然加左水.....但其實個湯汁係相對地咸左少少. 但整體味道幾好, 會再黎食!

茶，完全唔熱 。杯，係膠的，感覺去了茶餐廳。湯，係暖的。到呢到已經覺得好危。湯底，本來覺得都可以，不過食完之後成個下午都要食朱古力，應該有味精吧。麵，蛋，蔥可以。will not recommend

星期日訓到晏一晏先捨得起身, 睇朋友面書嘅介紹話呢到嘅帆立貝拉麵好食到飛起, 我地就走黎試下啦 周月餃子$40 (3.5/5)皮好薄, 餃子裏面嘅汁好多 咬落去就流出黎, 味道都幾特別唔錯周月拉麵 $88 (2/5)湯底較油, 唔怪得知店員係落單野都會問下客人要唔要少油, 可能配合香港人食得健康嘅習慣, 想食得輕盈啲就記得嗌少油喇!!! 湯底有魚乾嘅味道, 不過唔係好鮮味個種, 麵質好幼, 如果可以多啲湯都唔錯帆立貝「油麵」 $88 (2.5/5)(我以為裏面會有帆立貝, 原來得帆立貝油, 我誤會咗嚕 ('ω')帆立貝油都香嘅, 但食唔出咪用帆立貝整嘅可以係加雞蛋前試清楚先煎五花腩都好入味, 勉強都夠餸哂全碗麵推介此餐廳 2/5 始終人口味唔同, 我食完之後覺得偏咸, 整體麻麻哋, 未必想再食 平均消費$118 兩個人, 2拉個麵,+1個餃子麵鮮醬油房 周月 Shugetsu中環歌賦街5號地舖(蓮香樓旁鴨巴甸街直上第二個街口)星期一至五: 11:30-20:30星期六、日及公眾假期: 12:00-18:00Tel: 2850 6009分店->鰂魚涌

周月我經過好多次，就係冇咩興趣入去，加上有識人話佢味道一般，所以遲遲未俾過機會佢。不過啲人好鍾意食拉麵，話未試過嘅都要試下喎。周月出名醬油風，湯麵，沾麵，油麵都有。油麵响香港比較少有，有興趣不妨試試。燒肉醬油拉麵 - 周月醬油果然與別不同，冇咗通常死鹹嘅問題，入口甜，有陣陣醬油香味，比普遍嘅醬油湯多層次。相信係加咗烤鰹魚粉，响醬油鹹味上，加入魚香及煙燻味，令原本口感單薄嘅醬油湯，味道從此立體起黎。燒肉香口，油脂分佈平衡，有炭燒風味，幼麵爽滑，係一碗有水準嘅拉麵。燒肉醬油油麵 - 唔好誤會咗係車仔麵果啲油麵，其實係用醬油，香油，蔥黎撈麵。食時先將麵同醬汁輕輕撈下，跟住打生蛋入麵，再撈，試味，唔夠味可以再落醬油。味道同湯麵相似，配料相同。由於冇湯，醬汁較濃，香味泛濫，鰹魚粉嘅煙燻味更甚。中太麵口感煙韌'，爽口彈牙。油麵雖然係暖食嘅，不過冇湯，食到咁上緊就會凍，香油多，凍咗就會膩，影響食慾。海老天婦羅味噌沾麵 - 期間限定，味噌湯上加入蝦油，食嘅時候享受陣陣蝦香，雖然係咁，其實蝦味要再濃啲，味噌湯鹹味尚可，但配沾麵要重口味啲，個沾麵湯我齋啪都唔覺太鹹，沾埋麵點算呢?! 中太麵沾呢個湯真係唔夠

想起周月剛開張時，香港還處於一片拉麵熱中，但沾麵就未成氣候；現在拉麵潮冷靜下來，想吃沾麵也不愁沒選擇，但周月在我心目中依然佔了一席位。說得那麼誇張，其實今次不過是第2次吃罷了。因為店的位置實在太偏遠了點，對於家住九龍、工作也在九龍的我來說實在遠如天邊。今次剛巧與友人同遊PMQ，知道周月就在一街之隔，當然不會錯過！特地挑了晚飯時間前來吃，店內客人不多。喜歡這裡的風格，是香港少有真正做到地道日本拉麵小店Feel的店。個人非常欣賞這裡提供的是凍茶而不是水，沾麵拉麵都油膩，茶比水更解膩，細節位令人滿足。茶是放在座位前自助倒的，由地鐵站徒步過來的我們喝掉了大半瓶。記得兩年前第一次來，當時還只有沾麵和醬油拉麵，現在打開Menu已多了好幾款拉麵，不過由於太掛念這裡的沾麵，對其他自然是不屑一顧，所以也沒印象多了什麼。沾麵可選麵量，麵條也可選暖or冷，這點也是很地道，回想觀塘某商場的某拉麵店卻乜都無得揀呢。選了少麵量和暖麵。戲玉來了，湯汁甫放下便傳來一陣醬油濃香。最愛這裡的沾麵的原因就是因為其醬油湯，記得曾聽聞過這裡的醬油是日本的老字號出品，嘗起來真的比別的醬油湯更香；而且湯汁夠濃（很多沾麵的湯不夠濃導

星期天到處逛逛，一家人走到周月去試試新鮮即打拉麵。到達麵館，已經有一條短人龍，大概等了10分鐘就被安排就坐，期間欣賞工作人員在打麵，不亦樂乎。就坐後order 3 碗拉麵：周月拉麵（濃湯）（$85）、燒黑豚肉拉面（淡湯）（$98）、香蔥拉麵（濃湯）（$72）。食後好失望！沒有什麼特別，美譽是名過其實，綜合以下優劣：1） 拉麵其中一樣靈魂：湯底。醬油湯底超級咸，沒層次，濃湯和淡湯基本是沒有分別，一樣的咸2） 豚肉是用冰鮮豬肉，留心品嘗還能吃得到雪味，亦沒有入口即溶3） 竹筍做得好！雖然只是配料，但我覺得周月做的竹筍應該在香港的拉麵館中算是數一數二的了，坦白講很多本港拉麵店的竹筍都做的不好，不是不入味，就是很硬有渣，再來就是因處理不當帶來的竹筍本身的臭味，但周月的竹筍都沒有這些問題。4） 拉麵另一樣靈魂：麵。不得不說，麵質有彈性，麵的味道和分量的balance做得不錯綜括來說，由於對周月有很高的期望，所以很失望，同樣的價格，在香港還有更好的選擇。不過，如果你的目的是要品嘗香港所有的拉麵，那又另當別論。

We went to Shugetsu after a recommendation from a Japanese colleague and had a pretty decent bowl of Shikoku style ramen.The service is alright and we were served quickly and politely.  We ordered a negi (spring onions) ramen and a Shugetsu ramen.  With both, we opted for the traditional broth, rather than the lighter option.The soup was good.  It is a chicken based broth with soy flavouring.  It is fairly unusual to get this kind of ramen.  It was salty and tasty.  The noodles were firm and thi