麵鮮醬油房周月 (歌賦街)

营业中

休息中

朋友好鍾意食拉麵，上網見到呢間好出名，就拉我來一定話要試吓。本身諗住星期日晏就去，應該冇咁多人，點知我哋去到兩點幾，前面起碼有五六個人喺度排隊。不過等左唔係好耐都已經有位，等緊嗰陣時仲可以睇下師傅點樣整個啲拉麵出嚟。個餐牌都好製作精美呀，款式唔算特別多，不過樣樣都好吸引。掙扎左好耐要沾麵定係湯拉麵，最後都係要左。。。呢個燒黑豚拉麵！唔知佢同周月拉麵有咩分別，但見到張相好似多肉啲就揀咗呢個。一上台真係嚇親，個碗好大，個份量都幾多。即刻試咗個湯個味道，係幾特別嘅味道，皆因本人有少少重口味，個湯底就叫左特濃。拉麵又唔會好容易斷，豚肉冇乜肥肉，真係幾好味！因為本人不嬲唔係咁中意溏心蛋，但見到溏心蛋嘅賣相咁好睇，就是試左一啖，點知都幾好食！不過個湯底就真係幾濃，下次再黎就試下正常版本先，除左拉麵，每次我都要叫埋紫菜，不過呢到既有別於一般拉麵店，佢既紫菜唔係一塊塊，而係一條條。自己更鍾意食呢種，因為可以吸到更多湯汁。但整體都非常好味，下次可以試吓收工黎食，應該都唔會太多人。

成日聽朋友講周月既沾麵係全港最好食，一直記住係心，咁岩去開附近做野，當然把握機會去朝拜一下啦。星期日一點幾去到諗住應該唔使等啦，點知我錯啦，前面大約有十個人等緊，但好味既野係值得等既。一路等既時候隔住玻璃見到師傅即場係度製麵，睇下睇下好快就有位啦。一場黎到梗係要叫最出名既沾麵啦，餐廳仲好細心咁將沾麵既正確食法印左係餐牌，而且份量可以選擇100g/200g/300g，價錢一樣。今日唔算肚餓，就揀個200g既食啦。沾麵個麵底可揀凍或熱，雖然凍麵係日本正宗既食法，但個人都係鍾意熱食多D。沾麵到了。上台已經聞到好濃香既味道，即刻急不及待試一啖，不太鹹但有少許酸，頗特別的味道。入面仲有燒黑豚肉同溏心蛋，黑豚肉四邊燒得脆脆的有口感，溏心蛋卻稍為熟了少許，但味道仍然不錯。200g份量岩岩好，女仔食應該夠晒。麵條偏粗身，掛湯力一流。而且麵身偏硬，是我喜愛的質感。可能是即場製麵的關係，麵條非常彈牙，讚！不消一會沾麵已被我消滅了！店員隨即為我加上熱雞湯。雞湯明顯地中和了秘製醬汁的味道，減少了濃郁感，多了一份甜香。飲左幾啖味道真不錯，而且完全沒有口乾之感。終於明白朋友仔為何極力推薦這餐廳了。另外已鎖定目標，

上次生日去到剛好裝修，今次另一同事生日當然補番！本人很喜歡沾麵當然叫燒豚肉沾麵，而壽星叫了燒豚肉拉麵。 沾麵可選麵量很多家都有 但叫到最後問埋我油量真系好正。對胃食又怕肥嘅OL黎講真系福音！ 我叫左200g中量冷麵試下。黎到冷麵系室溫嘅温度，個湯有少少酸味好開胃，以夏天黎講唔會令人覺得heavy. 個人覺得佢肉量少左d, 糖心蛋ok. 同事話佢個湯拉麵都ok. 下次會試下佢地個辣沾麵

已經食過兩三次的日本沾麵，佢有100g、200g 及300g、冬或熱、濃或淡選擇，小弟因怕味濃而食開淡味，麵條剛剛好不太硬，湯的味道也相當美味，將麵條浸落湯再放入口，味道十分好，而且食完麵後可以同員工要求加上湯，可以飲乾淨成碗湯，十分好美味，價錢而日本料理可以算中等，可以一去再去！

經過過幾次都無試到，終於今日lunch去咗周月食麵本來係想試沾麵嘅，但係朋友極力推介帆立貝油麵，於是我就叫咗一個試下～大約等咗十五分鐘，個麵先到。個麵本身就好似撈麵咁，無湯，但會比隻生雞蛋你撈蛋醬落去一齊食，仲可以加油/加醋落去一齊食。由於佢地會係店內製麵，個麵質非常好，加咗蛋黃之後撈埋食個汁就更加正另外我地叫咗一份5件嘅炸雞，都好脆好熱，雞肉好滑呢間可以再戰！

對於我來說 上環像是個尋寶的地方 有次因為九記和勝香園大排長龍 而發現了這間來自日本愛媛縣的沾麵店-麵鮮醬油房周月主打沾麵 但我每次都被這個黑豚丼吸引著-黑豚丼 (大: $88)這個黑豚丼 我常常稱它為日本版的黯然銷魂飯😂豚肉的脂肪分佈均勻 而且烤得剛剛好 每一口都有種軟糯的感覺 但卻沒有油膩感 因為我是很怕吃到滿口油的而且糖心玉子再配上甜甜的飯汁 很能下飯🙆🏻-豚骨醬油濃汁沾麵 ($88)麵底可選100/200/300g 都是同價的這個可算是我在香港吃過是真的好吃的沾麵由下單時 就已經很貼心地問要冷麵條定熱麵條再圖文並茂地列出該如何吃沾麵真的是很體貼的舉動🙆🏻這次我選的是300g冷麵條 凍的麵條沾滿了濃濃的熱湯 再大大吸一口醬油的香氣充斥著成個口腔 麵條掛湯能力不錯 而且十分彈牙🙆🏻這裡的湯底十分濃郁 且帶點酸 但又不會太膩順帶一提 這裡的荀十分爽脆 和湯底亦很搭糖心玉子的流心度不俗 帶有濃郁的蛋香 而且亦很滑-餃子 ($45)平平無奇的 不用特別點-溫馨提示: 若週末去的話 可選3點多時去 不會遇上繁忙時段-

紅磡間姊妹店真中執得無聲無息，想食又要過海都幾煩，唯有食少D。但今日突然掛住d沾麵，特登黎食。女友最愛帆立貝油麵，肉粒好香口，帆立貝油、配埋蔥花，香氣四溢，食落唔會覺得太油膩，就算唔落生醋都已經好好味。我點左香辣沾麵，麵身煙韌彈牙，號稱自家手打既麵條幾掛湯汁，個湯唔太辣，仲有d叉燒粒，夾埋好正。周月暫時都仲係我最愛既沾麵店，唔知有冇沾麵fans有其他推介？

美芝蓮食府 傳聞中香港最好食既沾麵哇 一睇就知佢既來頭勁啦！最出名既沾麵湯汁係由愛媛縣大洲梶田商店既醬油再加沙丁魚、鯖花魚、海帶等煮成 難怪醬油味道咁濃烈 但咸味過後又會有一絲既魚鮮味 而另外一個特色就係表面既一層大荳油 真係好厚 有油香但又唔會覺得好油膩 湯汁入面仲有魚碎、半肥瘦勁好味既豚肉粒同大量既蔥花 令整個湯汁味道好豐富湯汁既濃淡油膩程度係可以選擇既 我今次揀左濃味同普通油膩程度就覺得有d過咸 因為佢整體係偏重口味 建議選擇淡味少油 應該已經足夠掛麵了.麵方面 因為佢有自家既製麵機 整出黎既麵十分彈牙 而且好有蛋香 配湯汁食一流 佢有熱麵同凍麵供選擇 個人建議食凍麵 方便食唔會痴住唒之餘亦比較彈牙最後要講既係溏心蛋 味道好重醬油味 但唔算好流心同埋會比較冧 冇左蛋既質感 不過都係好好食整體黎講係高質素既重口味沾麵 價錢亦都唔貴呀 呢個帆立貝油麵係周月獨有既招牌菜 好多人會理解錯佢個名 佢係帆立貝油+油麵 而唔係 帆立貝+油麵日本既油麵其實即係類似撈麵 店員話佢既食法係將所有配料拌好 先試味 唔夠味既話再加醋同醬油 原味食到一半既時候先叫蛋落去一齊食帆立貝油既香味似干貝既味 本身

我第一次食沾麵就喺周月，當時已經覺得好好食，之後就諗「應該度度都一樣」。之後我同我先生試過去第二度食沾麵...點知無一度可以好似周月咁好食。佢地D麵每日新鮮造，見住佢做𠺢！D麵好彈牙同chewy....個汁超濃同鮮！撈埋D麵入面唔會太濃，啱啱好！當食完D麵，職員會幫你加鷄湯落去D汁到，之後飲呢個湯，好鬼好味！（個鷄湯係堅鷄湯，唔係味精或鷄粉）Highly recommended!!!!

行到中環, 見到一間似是人山人海的拉麵店, 因不是極肚餓, 便有耐性慢慢等位~其實都不用等很久便可入座。朋友點了一個帆立貝油麵, 是要打隻生雞蛋一同吃, 因我對生雞蛋很抗拒, 沒有試吃她的, 但她說很不錯, 不油膩。而我點了周月湯麵, 除了麵方面感覺有一丁丁點”笠口”, 其他也很出色, 湯味濃郁而不帶鹹 而麵的硬度是剛好的, 肉片夠軟, 溫泉蛋的蛋味夠香, 一貫溫泉蛋的水準, 很不錯。餃子方面, 內裡的餡料算是足夠的, 但不覺有肉汁, 感覺跟現成貨品沒有太大分別, 沒有什麼驚喜。晚餐以甜品作終結, 點了綠茶紅豆窩夫, 噢~~ 出奇地好食, 窩夫綠茶味夠濃, 紅豆醬不甜, 但有香濃紅豆味, 紅豆雪糕亦夠滑, 整體沒有偏甜感, 對我來說是很完美配合, 仍在回味中~ 

今晚同屋企人真係咁啱經過，見到有沾麵，所以再試下有冇d接近日本既沾麵。幸運地，今次呢間沾麵真係似樣好多。因為我地4個大人，2個幼稚園小朋友，加一個B,初頭行過第一次都唔敢入，因為太多野又有BB車。最後都膽粗粗入左。我地叫左2個醬油沾麵，一個蔥拉麵同一個黑豚拉麵，仲有一客餃子。沾麵個湯都okay濃，雖然我唔鍾意酸，唔鍾意醋，但呢個味道都唔錯。沾麵可以揀100g,200g,300g, 好似日本咁。沾麵既麵總算彈牙，可沾到湯一齊食。黑豚個湯底冇蔥拉麵個湯底咁正，香蔥湯底濃得黎唔會鹹，我覺得好味。主觀咁講，當然食物味道最重，但服務態度對我全家人黎講都好好好重要，我覺得企最前既服務員姐姐服務態度實在非常好。我地咁"呢hea"又有小朋友，佢好細心幫我地安排好一排坐，放好袋同BB車，呢一點我覺得呢間舖值得推介。（多過4個人就最好早D去）

今日中午和Tebbie往上環食面鮮醬油房周月食周月拉面,拉面食落去爽口彈牙,溫泉蛋好香、而豚肉配上湯底食落鮮甜；另外女朋友點的的大豚肉飯,豚肉煎得乾身配上餐廳醬汁和珍珠米食落去鮮甜,很有層次,另外我們點了餃子煎得金黃,食落去不太油,配上獨有的醋帶出餃子的美味,最後我們點了愛媛縣的橙汁,飲落去比較酸少少,味道尚可,整體餐廳食物水準不錯,豚肉好味!

兩口子四點幾諗住食啲嘢，又唔想淨係食甜野，響中上環即刻諗起食沾麵。去到當然唔使排隊，因為我係成間鋪頭嘅第三個客人。一坐低就見到佢個happy hour牌，生啤買一送一，可惜今晚要打波，所以無我份了！第一時間叫個關東煮，佢二食材好入味，但廿幾蚊食一塊魚餅又略嫌貴左少少，二個餃子就一般貨色囉，冇特別好又無特別差。講返個沾麺($88)：有100g, 200g 同300g嘅份量比大家選擇，我覺得呢個安排幾好，同一個價錢喎！因為下午茶嘅關係，我叫左個100g，個面嚟到都有少少後悔，好似有啲唔夠食，不過侍應哥哥已經睇咗我架啦，自作孽😂兒歌醬汁好香帶子油味👍🏾好啱本少爺口味！食完仲可以叫侍應哥哥加湯，當濃湯飲，滿足呀！

近年「沾麵」潮在香港盛起，成為新興拉麵潮流，風氣一時無兩。從東京起家的三田製麵所，「周月」憑其自家製麵條及獨特惹味湯底連續兩年登米芝蓮的榜上，當然并非浪得虛名。「周中」元老店位於中環歌賦街，門前掛滿日文的餐單木牌，裝修充滿日本風味，彷彿置身於日本拉麵店。今次故事的主角「沾麵」，要故說從前，得由1915年說起，17歲的山岸一雄為了好讓勞動階層可以快速地吃完一碗美味的拉麵，然後力沛飽足地繼續工作幹活。因此「沾麵」就此由拉麵演變過來。有時候，我們喜歡吃的，是一份細心。對於第一次食沾麵的食客，台上沿放著沾麵食方的精美畫卡，圖文并附的教學，非常體貼和溫暖。彈Q彈Q的自家製麵底＋豚骨醬油濃汁（配料：黑豚腩＋特製脆筍＋新鮮青蔥）沾麵可選擇100g、200g和300g的份量（價錢一樣 ＄88），也可選擇熱或凍的麵底。為了不浪費食物，今次選擇了凍麵底 200g的份量。配半隻糖心玉子蛋。醬汁內的配料有鹿兒島黑豚腩肉，脆筍及香蔥，其中鹿兒島黑豚腩肉是日本名物，黑豚肉纖維細，油脂分佈均勻，一層肉一層油脂，嫩滑卻不油膩。脆筍甜酸甜酸，索滿濃濃醬汁，非常開胃。凍的沾麵配上熱的濃汁，兩者融合入口溫度配合得不錯。但可

中環食飯一向無乜選擇. 見依排沾麵咁hit, 於是就去左試係九如坊嘅周月沾麵! lunch時間去門口好似好多人排緊, 但我地一行二人等左大概兩、三個字就入到去了~舖頭細細, 同豚王差唔多啦~ 我就叫左辛辣沾麵, 朋友就叫左普通嘅周月沾麵佢啲麵有分大、中、細三種大小. 我就叫左中(200g), 對於女仔黎講都好夠好飽! 另外亦都有得揀濃/淡湯, 多/少油, 凍/熱麵. 見之前好多人話個麵偏油, 建議叫少油, 但係佢層油係帆立貝油黎架, 唔係豬油~ 真係有陣好濃嘅帆立貝香味 所以唔建議少油, 我覺得最好食係依層帆立貝油!!由於朋友話叫凍麵撈熱湯會變左暖暖地唔太好食, 所以叫左熱麵, 但原來都會好快攤凍 唔知係咪沾麵都係咁嘅呢, 下次黎可能會試返正宗啲嘅凍麵或者佢個帆立貝油撈麵