麵棧 (已結業)

身體不太舒適,又要到荃灣找兄弟幫忙, 在胃口一般情況下竟想到吃冷麵,那就走到兒時小學附近的麵棧;今天神奇地竟沒有太多人, 獨霸門口三個位置也ok,爽!想吃的雞絲冰鎮冷麵為不二之選,但又想吃些餃子, 問問阿姐餃子一碗有多少隻? 原來一碟煎餃子有六隻或湯水餃八隻,兩個數量對今天食力一般的月巴人似乎多了一些,可能面帶病容又饞嘴的月巴人看來有點可憐,阿姐主動的說加三隻吧, 八隻太多了!(好呀好呀!! )冷麵連同配料如甘筍絲、青瓜絲及雞絲一併在大碟送上, 顏色素白之中帶些色彩,幾種食材排列整齊,在外觀上已很不錯; 先將甜醬/麻醬及蘿蔔茸加進麵條混和,還以為醬料不多,原來份量剛好,令每條麵條也沾上醬汁但又不會過多, 份量準繩! 麵條雪得夠凍, 入口涼冰冰的在炎夏吃一碟一定更有風味!麵條雪白帶彈性,有嚼勁又不失軟滑, 很不錯的麵條水準;切得幼細的甘筍絲和青瓜絲味道清新也增加麵條爽口,兩者發揮極佳效果! 用雞胸肉做的雞絲味道輕淡,切得還算幼細,混進麵條中就變得美味多了。麵條味道都來自那碟醬, 麻醬很香芝麻味質感很稠,連甜醬味道也不夠它濃, 加上蘿蔔茸後醬料吃來沒那麼漿口,也微微增加一些蘿蔔味,好味道!

今晚同父母本來諗住去夏麵館, 不過路經麵棧, 老媽話不如試試呢間啦. 既然老媽想試, 做仔既自然 say yes 啦.我地叫左: 羊肉飯, 蕃茄牛肉麵, 綠茶白肉麵同煎九菜餃.1) 我唔好羊, 聽老豆講羊肉幾好, 幾入味. 自己眼見到唔錯, 至少冇乜肥膏2) 蕃茄牛肉麵, 呢個就略為普通左d. 蕃茄幾多, 牛肉嘛.........少d 啦, 不過都ok, 不過不失啦.3) 綠茶白肉麵, 我次次黎都只係食呢一個, 無他既, 麵"煙un", 湯底清淡, 但豬頸肉正, 加埋起黎唔知點解好 match!4) 煎九菜餃: 皮薄餡靚, 老豆老媽食上癮咁滯. 之後仲叫多一碟好耐都見過有爭食場面發生啦, 哈哈!

又再次經過滿街食肆的路德圍，不如試試什麼是山東麵啦！ 蜜棧醉雞脾麵：麵條大大條，也很爽滑彈牙，很有口感，但唯一失色的是麵湯太普通，使得口感出色的麵條有點淡而無味。醉雞脾都十分不錯，但還是不夠入味。 煎餃子，蘿蔔餃最好食，原以為是紅蘿蔔，怎知道是白蘿蔔，混在餃子裡味道十分協調美味。

今日學完車就行去麵棧,前晚上 openrice 睇定有咩食，一去到睇下個餐牌有無先......見到有就即叫冰鎮雞絲冷面超好味呀.......見到有個醬，有個湯比埋你其實個面都幾大個........撈撈撈第一口.....好香，好涼口，好好味雞絲都好有咬口，加下醬又撈下又食幾口重要左杯凍豆漿.......幾好味唯一佢送個湯就唔好味.....可能我唔鐘意佢隻味啦.....有小小白羅白味.......睇前幾篇d人話係雞湯......但我個碗唔係呢

一直都有留意荃灣區有乜好野食~ 事原住得近, 交通方便, 而且選擇多 本人都好like 白色既麵, 所以上至日本烏冬, 中國式拉面 , 下至米粉, 米線, 瀨粉都係my favour <麵棧>係咁耐以黎第一次試, 原因係附近有太多由初中食到大既米線舖, 食到而家就真係冇晒feel, 加上阿媽唔仲意試新野~ 所以到今时今日先有機會一嘗!!我好like 好like 好like ==> <綠茶白肉麵>!! 阿媽都話正~1. 麵底好煙"un", 彈牙, 個麵 6 得啱啱好過心, 一d 都唔會過冧~而且有少少麵粉香, 唔係一般麵店既"中麵"(有食開中式粉麵既人應該知道乜係中麵)2. 個湯好清, 同個麵好夾個湯係有肉味既清湯, 唔係太濃味,冇乜味精, 同個麵好夾~~好多地方一係個湯好味 但個麵唔得 (但通常會係個湯唔得, 個d麵就係一個普通既"麵"~ 哈哈~)3. 白肉好爽脆, 而且份量多~係久違左既原味豬頸肉, 冇"頁"過既好味豬豬~~~第二個係推薦 ==><雞絲冰凍拉麵>麵底同上, 係有d 麻醬+甜醬+蘿蔔蓉for 撈撈咁la~

行街經過都知道路德圍有好多嘢食, 但實際一次都未試過入鋪食嘢, 今次有機會又想食麵就入咗麵棧試吓……鋪面雖然不大但總算清潔企理。我叫碗綠茶白肉麵, 男友要東坡肉麵, 一碟煎韮菜餃子加兩杯豆漿綠茶白肉麵咪認定個湯係綠茶, 咁諗你錯! 個湯係正常肉湯味……白肉其實係豬頸肉但係一啲都唔肥仲好淋呀! 我都有試東坡肉好入味仲超鬆軟同個麵係煮上海麵, 麵質爽口我最怕食淋到似糊嘅麵所以覺得個麵煮得軟硬適中。餃子略加煎耐啲會更香口好食……眼見好多客人都買生餃子回家自己煮, 短短廿十分鐘都有四位客人只買餃子離開, 我估湯煮餃會更好味吧!!

在荃灣路德圍一帶，麵店開至成行成市，今天便到麵棧一試~白肉麵： 白肉是切片的豬頸肉，吃起來淡而不膩，配上清湯與蔥花，是一個不錯的配 搭此外，麵質彈牙、爽口，整體感覺不俗~雞絲冰鎮冷麵：這道菜還真是大堆頭，冷麵、醬料、湯，像是一個豐富的套餐 冷麵爽口且彈牙，而配料雞絲也並非乾巴巴、淡而無味的那種~ 可惜芝麻醬太稠，加之冷麵份量不少，吃了一半，肚子已幾乎撐不下 去，因此，那個湯我只作淺嚐，感覺與麵的湯底差不多，無甚特別之處總的來說，這店的賣點是麵質彈牙爽口，但市場上的競爭愈來愈多，希望此店能繼續保持水準吧!

半個月內吃了三次，可想而知有其過人之處讚：此店出名菜肉餃麵，那菜肉餃的確比一般的店好吃！最重要是菜的比例夠多，全部切至極細才混和豬肉，飽滿的餡，咬下去爽脆多於肉感，坊間罕有！必叫。再要讚的是湯底，帶濃雞味，沒味精，吃得出有用心。麵條亦爽滑彈牙。試過叫蜜味雞腿，汁好味，肉不韌。下次想試筍麵……彈：絕對不要叫韮菜餃，幾乎無餡，難吃！炸醬麵太甜了，我一向愛吃甜也不喜歡涼拌青瓜的汁不是我們想像的鎮醋，反而是普通的白醋，甜多於酸，難吃！吃了兩條便不想再夾，一大碟的很浪費。環境：普通中式格局。大家去過也知道，店內很多長枱，很多人都靠牆坐，令新來的客人不知坐不坐在他們對面好？！有待改善！服務：明顯人手不足。最重要是夠便宜、吃得飽又不受氣，已經阿彌陀佛。

也許是居於荃灣太久，老是覺得荃灣也沒甚麼特別的名店；所謂名的那家魚湯和那家米線，那排隊的人龍見到都怕怕。不過最近食友問起，再想想。嗯，的確，區內可登大雅之堂，成班人相聚搞大飯局的地方，的確乏善足陳；倒有好些北方麵食店做得很不錯，麵棧是其中之一。太公平素到此都是吃白肉麵；不過是晚10:40pm才抵達，我吃慣的白肉售罄，改要了個雞絲涼麵，同樣也是$26 - 一吃，味道驚為天人：麵質韌度很足，非常彈牙兼爽口，沒有放湯的麵條，彈牙度更勁，我愛死了！那醬汁，是帶甜柱候醬、麻醬和蒜泥組成，香口之餘層次感也非常豐富，這層次感還是歸功於那柱候醬！雞絲的鮮香也足，配上胡蘿蔔絲和青瓜絲，為整碟濃味拌麵添上清新感，絕對是炎炎夏日的開胃之選；縱使份量不少，也給我吃個清光。精采的不止是麵條，那附送的湯也很好；喝一口，濃烈的雞鮮味隨即襲來，與老媽在自家煲的雞湯味道非常相似！麵棧午/晚餐時間客人也不少，卻絕少出現那些光望一眼就令人有昏倒衝動的人龍；始終香港是廣東地方，對吃慣廣東麵的港人來說，愛吃北方麵食的人始終不多，更遑論北方麵食要比廣東麵食貴上一截！之不過，客人沒過多，對我等外省人來說其實是樁好事，也省得輪候，坐

男友剪完髮，見肚仔餓，咪係附近搵食唔係第一次黎食，覺得尼間水準穩定，便決定再食麵棧！叫左蜜味醉雞脾麵同淨菜肉雲吞男友蜜味醉雞脾麵 - 男友話個雞脾個汁得！將D汁放落湯麵度再加少少辣椒醬，好味！雞脾肉都算滑我淨菜肉雲吞 - 雲吞大粒，味道有屋企包既感覺，有菜肉香，菜同肉比例剛剛好！

日期：2009-06-28 在"麵棧"(荃灣總店)買了"秘製羊肉麵"($31)和"粢飯"($9)。羊肉，手打山東麵和湯是分開盛載的。1.秘製羊肉麵---羊肉骨多肉少，肉質尚算軟腍，羊味不夠濃，汁料味道像滷水，略鹹了點。山東麵加上少量雪菜和椰菜。麵質柔軟中帶點彈性，湯頭較清淡，加上羊肉汁後味道剛好。2.粢飯---糯米包裹著油條、豬肉鬆和榨菜。糯米乾硬了，估計是店員曾用微波爐加熱。油條已經完全不脆。這粢飯可謂乏善可陳......

吃了數年 水準不變 尤其那個湯 很少麵館的湯做得這樣清甜 麵也是非一般煙韌 餸料都很不錯 蜜味雞腿 甜甜的很滋味 值得一試 蕃茄牛肉麵很特別 是撈麵上的 很清新醒胃 適合夏天吃 蒜泥白肉是我每次來都會吃的 夠嗆 蒜泥撈成醬 不是一般切粒了事 以價錢來說 值得一試再試

今日見老公出左trip,就約個一樣住荃灣區o既朋友一齊試下呢間'麵棧",環境都幾干淨,咁我叫左碗白菜肉餃米線($26),再加一碟蘿蔔餃($18)同朋友share食....先講碗米線,一碗有5大隻餃,餃子皮薄餡靚,味道好,菜多過肉,同埋好大隻,真係幾好味,另外煎蘿蔔餃都好唔錯,夠晒未,唔需要好似出面d鋪頭o既煎餃子要點豉油先夠味囉!一碟大概有6隻

上個月跟同事在旺角分店吃過後, 有感蘿蔔餃不太像樣, 於是今天出黃金買腦前, 到此看看舊店的水準如何!雞絲冷麵, $26, 雞絲依舊不好吃, 歸咎於不是手撕而是手切, 麻醬味夠濃, 甜麵醬稍鹹, 上海麵份量明顯比以前多了很多很多, 水準不變, 煙韌!蘿蔔餃麵, $27 (走湯), 怕熱...於是走湯, 五隻蘿蔔餃跟旺角分店一樣跌 "Watt" 了, 已經不再飽滿, 而且皮亦較以前厚及硬, 我想以後也不再選擇餃子了!灼菜心, $10 (全走), 略硬!豆漿, $6...偏淡, 不太甜!陪老公....仍是會來, 麵仍是可取的, 下次可能會選醬爆鮮荀了!

來到荃灣，便順道去吃蔡瀾也讚過我麵棧。說真的，不是想像的好吃，很普通。試了一個菜肉餃麵，朋友則點了一個香蔥豬扒麵，外加2杯豆漿。菜肉餃麵 : 除了比超市賣的菜肉餃大隻，味道沒甚驚喜。而麵條的質感彈牙，湯底適中。總的來說是過不失。香蔥豬扒麵 : 香蔥豬扒是炸的，頗香口，很好吃!