麵棧 (已結業)

行街經過都知道路德圍有好多嘢食, 但實際一次都未試過入鋪食嘢, 今次有機會又想食麵就入咗麵棧試吓……鋪面雖然不大但總算清潔企理。我叫碗綠茶白肉麵, 男友要東坡肉麵, 一碟煎韮菜餃子加兩杯豆漿綠茶白肉麵咪認定個湯係綠茶, 咁諗你錯! 個湯係正常肉湯味……白肉其實係豬頸肉但係一啲都唔肥仲好淋呀! 我都有試東坡肉好入味仲超鬆軟同個麵係煮上海麵, 麵質爽口我最怕食淋到似糊嘅麵所以覺得個麵煮得軟硬適中。餃子略加煎耐啲會更香口好食……眼見好多客人都買生餃子回家自己煮, 短短廿十分鐘都有四位客人只買餃子離開, 我估湯煮餃會更好味吧!!