麥文記麵家

营业中

休息中

一心諗住去隔離既澳洲牛奶公司食炒蛋, 可惜撞正佢中秋節休息唔開, 於是就過左麥文記試下佢既雲吞麵~~通常出名既雲吞麵店都唔會大碗, 不過我覺得份量細細地幾o岩女仔食, 男仔就可能要食兩碗先飽~^^~一碗四粒鮮蝦雲吞, 雲吞唔算大但入面D蝦就好新鮮, 麵都幾爽幾好食~~另外叫左碟芥蘭, 新鮮但略為多油, 一早叫佢走油相信會更好~~食完過隔離既九記食糖水, 不過都係大良八記既糊好味D。當然, 澳洲牛奶公司有開就最perfect~~下次一定要再來過呢頭食野呢~~^0^/

行完黃金,見仲有時間,就搭地鐵落佐敦行一陣,好似仲未夠飽,就去試下佢\的細蓉...麥文記就在牛奶公司隔離,唔難找...七點幾,好多人食,大部份的人都係上左年紀的長輩,坐得好逼,睇黎都係老一輩比較上...入到黎,淨係叫左碗細蓉.細蓉黎左,大概係一隻食飯碗咁大到,記得上次經過麥奀,d碗只有茶樓碗仔咁細...呢度的雲吞麵雖然比出面果d細碗,但都唔算係好細果種...正宗的雲吞麵擺\法,麵在上,雲吞在底...麵比較粗身(個人覺得),爽口彈牙...雲吞皮滑,餡係全蝦,一碗有四隻雲吞...一隻雲吞有兩隻蝦,蝦鮮甜,口感同食有豬肉餡的雲吞好唔同...湯只有九菜,清甜但油左少少...食完,繼續想食,可惜,我已經飽了...無論係正宗雲吞麵,定係$10大大碗雲吞麵,都有唔同的食法.雖然正宗雲吞麵比$10大大碗雲吞麵好食,但我覺得,如果要比較味道的話,正宗雲吞麵應與正宗雲吞麵比較,$10大大碗雲吞麵與$10大大碗雲吞麵比較就好了...食完之後,行一陣廟街,就正正式式出去睇國慶煙花了...

已有一段幾長的時間無去過麥文記了,日前路過,心思思想來個雲吞麵,麥文記除雲吞麵起朵之外,蝦子撈,腩撈,豬手撈等等,水準也不賴.幾十年老字號,收$20一碗的雲吞麵.份量來得細,如果在年輕一輩食客心目中,會覺得有點搵笨.又如果當你一口全蝦的雲吞入口.果種爽甜的感覺,加上彈牙,無甚鹼水味的麵條.相信事後一定會心誠悅服.開宗明義叫鮮蝦雲吞,全蝦入餡也得原諒,半點肥豬肉也沒有,何來真正雲吞?反正現今大多人,愛蝦多過肥豬肉,除注重健康之外,同埋蝦比豬肉高級.肥豬肉,你真可憐.蝦子撈麵又係另一主打,蝦子的咸香,配上彈牙的蛋麵,天衣無逢.只係車品品之出現,此店的蝦子,又要靠邊站.有點既生喻,何生亮之歎.此店的油菜,條條揀手貨,尤其芥蘭,又爽又甜,入口無渣,清甜之味令人神往.實在無須比多$1加蠔油.吃罷步出門口,抬頭搖望隔離有個大大隻招牌,寫住雲吞成.$10大大碗.不禁失笑.我之前的$20細細碗,又如何?九龍區雲吞麵店,麥文記是其中一間有水準的,如果你愛全蝦雲吞的話.一定愛不釋手.

上星期經過Jordon 和太座再次光顧。雲吞麵，豬手麵，芥蘭，依然好味。不過加價後有些唔抵食的感覺。希望它們可以在其他方面加以改進，如服務，乾淨，...--------------------------------------------------時代是不斷進步的，食老本，固步自封，吃虧的始終都是自己。

9月8日下午四時多，第一次來吃，當然要一碗細蓉嚐嚐~我媽吃牛腩麵，我則吃細蓉。一上桌，碗很細少，也好~可以留肚去澳記吃東西，麵質頗硬又不是煙韌那種，像未熟透般，喝一口湯，頗鹹，看來下了不少"師傅"，餛飩其實不錯~不過我不愛吃蝦，所以也印象一般~吃完很口渴，看來也是一間名過其實的店子。

今日食左麥文記既牛腩面, 嘩, 超好味! D湯我打開個LID都閔到好香! 我好少飲呢D湯但我飲左幾啖~好清. 我唔知係D面呀定d湯定d牛腩碗野好油. d面好彈呀d牛腩唔痴牙亦唔"un"~ 係衰在咁細碗都要$21 ~_~

到麥文記吃麵，常常要求他再給多一碗淨湯走油。很鮮甜，飲咗不會感到口渴。喜歡麥文記的云吞，特別是云吞皮雖薄，但不易破，云吞皮將蝦包得很實淨，云吞與湯的配合完美，很考師父的功夫和店東的心思。如果師父在落豬油時，唔好咁重手，蓋過麵與湯的原味，那就更完美了。

尋日老爸又去麥文記買外賣. 因為買多了, 所以媽咪把其中一個雲吞麵與湯分開放好, 今早弄給我做早餐\. 由外賣回到家, 還放了1天再煮, 麵質我不評了, 但雲吞的蝦依然爽口, 大大隻, 麵湯我一向都不會喝的, 但熱騰騰的撲鼻而來, 好正! 星期天的早上, 食到個好味的雲吞麵, 心情特佳! ^^

星期6去放工同男朋友約會~去佐敦食麵.下午1:45到達,好多人,坐位真係好迫,坐得好辛苦.個雲吞面同牛腩面好細碗..我平時咁細食都唔夠飽,我男朋友更加唔夠食.雲吞面的鮮蝦成隻上,好爽好好味,牛腩幾淋,面幾彈同埋個湯冇味精味.不過除了雲吞之外,其實好多地方都可以食到好味的牛腩面,可以仲好味過佢,唔需要專登走黎呢間食,唔需要坐得咁辛苦食一餐,坐位仲迫過隔離的澳牛,仲要食完=冇食咁.沒有"下次一定要再來吃"的感覺!!!

幼麵的確係爽口彈牙, 雲吞又好好味, 好足料!但係如果個麵可以大個少少..會更好!!真係唔飽肚>_<

好友珊瑚o既推介,佢話佢細個媽咪已經同佢成日o黎食,我o地而家同屋共住,點可以唔試呢?! :-D細"湧"果然係細細碗. 我諗大過屋企飯碗些少jar,女仔o既食量就還可,但係眼見在坐o既先生同uncle,都起碼一碗一碟(撈).鮮蝦雲吞有四粒,係碗底,真係又甜又爽.我諗豬肉o既分量好少. 幼麵的確彈牙,食到尾都冇見淋. 不過我一向都鍾意食粗麵,下次可以試下.

我想去食晚飯間野無啦啦執左,又趕時間,忽然醒起麥文記叫左碗雲吞河,唔知係咪我既問題,d河粉冇味...好失望,但係d雲吞好好食,d蝦好爽好鮮甜,我唔識分係鮮蝦定雪藏蝦,好食就得啦,都好耐冇食過咁好食既雲吞喇.只不過得過4粒,我又冇食晒d河粉,我就唔多夠飽下次黎,叫淨雲吞會比較好...

這麼出名的店，雲吞竟然用雪藏蝦！太過份了！浪費了好湯！

尖咀做完野，一陣有pr飯食，跟據同上次夏宮經驗，都係食定野打底穩陣，於是落佐敦搵食。路過唔少麵店，乜乜記潮州正宗魚蛋、乜乜記拳頭雲吞麵，見個牌都唔知食乜好，都係去麥文穩陣。豬手麵，個胃唔好唔咁叫撈，湯麵連豬手上，炆得入味兼起膠，肉嫩入口唔散，皮厚一口油脂少口肉，該是豬手非豬腳。望著對面那位靚女食雲吞面喪加醋、胡椒粉落麵度，好彩佢唔係偶女友，見到都真係心汗。

好耐無食,上個月心思思下,一支公去食,反正之後有飯局,食碗雲吞麵少不免,麵底依然爽口彈牙,雲吞亦保持水準,但可惜湯底比之前幾次淡口,有d好似溝水既感覺,希望下次黎可以回復以往