麥文記麵家

营业中

休息中

媽咪同朋友book左場打波,點知朋友臨時有事去唔到,但已經book左場,就叫我同佢打,媽咪叫到,唔去都唔得啦媽咪真係寶刀未老,同佢打完真係好累同好肚餓,就大家一齊去搵食,佢選擇左呢度,因為媽咪同朋友之前來過,佢覺得d雲吞麵好食佢大名我當然聽過但就未食過,我一向喜歡食大大粒的雲吞,而佢就出名細細粒細細碗同價錢貴,我就對佢一d興趣都無,但媽咪想食,當然同佢食啦叫左兩碗雲吞麵~真係幾細碗,平日的我就夠食,但打完波特別肚餓,食完一碗都唔夠,但價錢貴唔想再叫,其實媽咪都唔夠飽,不過佢都覺得貴左d,所以大家決定去第度再食,d雲吞就唔太合我口味,不過佢d麵就唔錯,幾爽口同唔覺鹼水味,而d湯亦幾好,其實佢d雲吞麵係唔錯的,但自己就不會再來,始終唔係我杯茶

因為呢排都要起佐敦睇醫生，所以都會起附近搵0野食。唔想食太多，所以0黎呢度食返碗雲吞麵。不過唔知點解要等成差唔多十分鐘碗麵先0黎。而坐起我對面個女仔佢又係一個人等碗麵到，兩個人眼望眼，好尷！個麵0黎到見到個size真係好袖珍，好彩我唔想食甘多，所以對我都還可以！先黎拔啖湯飲下先，哇~好好味呀，無味精咖（因為我飲味精湯會咳）！再食一啖麵，哇~唔係cheapcheap麵黎咖，好彈呀，好味呀！再咬一啖雲吞，哇~皮薄，好多蝦，好甜好有味呀!!真係一分錢一分貨，同出面0個D十蚊碗無得比呀! 唔使十分鐘，我竟然連湯都飲埋，食甘多次雲吞麵….第一次呀！！

經過麥文記總會吃上一碗，因為只有它的湯，我是會飲完的。在其他麵店我只會叫河或米，因為怕鹼水味，但來到麥文記，就可以安心的吃...

非常同意Young的不平鳴，自問沒有他的資料詳細和對雲吞麵的知識，純覺得麥文記的確好吃，尤其是湯撈俱佳的麵、入味的手和爽甜的雲吞，著實無話可說。（炸醬麵跟好旺角有得揮，但麵和湯更勝一籌!）沒有貶低十蚊碗的意思，不過我會寧願返屋企食出前一丁都唔揀十蚊碗。靈丸發射！今次目標係一Ｄ因為麥文記價錢稍貴同老字號就對佢有偏見或誤解人！

麵質滑,彈牙,試過幾次都無梘水味,因是自己打的,有獨特之處.其他幾間老字號都是用粉麵厰交來的貨,當然沒得比.如果你認為價錢貴,那你是讓那些拾蚊碗蒙騙了.為健康著想,少吃拾蚊碗的.那湯是用味精加顏色加豬油做的,那有地魚,豬骨,蝦角呢?用吓腦啦.拾蚊碗的雲吞的確大粒,但你又知唔知D虾同肥肉俾*你食呢?世上沒有免費午餐!調查清楚才寫食評,不要只以(便宜)作標準,貽笑大方!日式拉麵賣幾拾蚊碗点解冇人話貴?D湯用壹枝枝湯精加水,大亞食品有售,師傅都慳埋,做雲吞麵功夫多好多,難度高好多,式拾蚊碗比起日式拉麵一D唔貴!但年青人好多都寧食味千拉麵,吹脹!多年前此店東主捐了弍千幾萬給東華三院!舖位是自己的,加上自奉甚儉,老太太把一生所得拿出來做善事,高尚情操,令人景仰.

其實佢地的麵真係幾好食，不過要揀岩時辰先得，有時好好食，有時非常普通，的湯底都係有時好有時壞。大概係廚師問題，所以話唔好食，係你撞唔岩時間。

前兩個星期...喺報紙上面見到依間『麥文記』賣全版廣告...話自己五十週年紀念...所以專登落去試吓係咪真係咁有水準...叫咗一碗雲吞麵、一碗淨豬手...先講雲吞麵...啲麵好( 林)...完全無咬口嘅...麵質亦好明顯唔似傳統雲吞麵果種...麵嘅外觀同口感...都幾似日本冷麵嘅...個湯底真係失敗...完全無味嘅...就算有少少咸味我都當佢有味吖...但佢真係完全無味嘅...令我R 晒頭...究竟點先可以做到個湯底係咁嘅『效果』嘅呢吓？啲雲吞仲絕...大家都毋須理會佢係咪用新鮮蝦嚟包o架嘞...因為一食落口...您只會感覺到一種味道...就係胡椒味！落咁多胡椒嚟『照顧』啲蝦...用意係咩呢？大家應該好清楚啦...至於豬手就值得一讚嘞...啲南乳做得好香...但又唔會太喧賓奪主...依吓真係非常好！豬手好彈牙、好有咬口...鍾意食無咁( 林) 嘅豬手嘅後生仔一定會喜歡依種口感...但老人家...我相信佢食唔到嘞...依間『麥文記』一碗雲吞麵賣二十幾蚊...有好多食評都話佢賣得又貴又細碗...話佢唔抵食...但我個人認為...無錯...佢啲雲吞麵真係好細碗...但論價錢嘅平同貴...係唔

聽朋友介紹麥文記雲吞正, 路經咪一試law.叫左雲吞面同蝦子撈, 雲吞面真係好細碗,好食既都唔介意,食落唔係唔好食,不過無任何驚喜, 唔通真係只在乎全蝦? 蝦子撈都可以, 起碼唔係咁大陣"up" 味law, 唔錯.不過唔見得佢係為食客既角度想, 加蠔油都要加$1? 唔係俾唔起, 我都有加, 不過無癮law, 不如全部加左$1先(個客唔知ga ma), 落唔落隨客人law. 免得無癮a ma.

喺澳洲牛奶食完燉旦白,好食呀!所以上次俾九十秒佢係啱嘅!再到隔離麥文記食雲吞麪,好似好出名喎!叫左一碗...超細碗,不過好彩小妹唔係好餓...碗麪算唔錯,啲雲吞幾好味...加多碟菜芯,蠔油要加一蚊,怪怪地!不過算啦,最緊要好食,但係講真,唔係最好食嗰間!七十ニ秒!

行過佐敦,諗住食麵昨晚餐, 行過覺得幾吸引, 入到去先發現同平時去開的麵店不同, 選擇不多.結果要了個雲吞麵+芥蘭.但蠔油要加$1, 實在太貴啦!好在芥蘭幾爽甜, 不太油. 唔落蠔油都ok.麵確實香口、彈牙、冇梘水味.雲吞的虾雖然好彈牙,但好重胡椒粉味, 遮曬虾的鮮味.碗雲吞麵真係好細, 比飯碗太少少. 兩三口就食完, 對於細食的我, 竟然有食完唔覺飽, 重餓餓地的感覺.對於要減肥的人士, 這個份量可能ok的.

我媽想食雲吞麵~來左呢間食~佢\話好出名~叫左個雲吞麵同油菜~碗雲吞麵細到你驚....可能個人對麵無咩要求~我唔覺得呢碗麵特別好食€點到加一蚊叫碟蠔油~係同其他唔同少少啦...但目前來講...我覺得呢間野係貴同埋細...無咩特別野je...

本人祖父於六十年代己認識此店老闆,經祖父口中說正中油菜是不加蠔油的,只是當時有些客人要求加些調味,故此老闆才因應要求而可另上之,日子久遠了,坊間以訛傳訛認為油菜是必須有蠔油的,若是如此,是否油菜正名應稱為"蠔油菜"呢?為甚麼只稱為"油菜"呢?再者如果在其他食店叫油菜走蠔油,試問對方又會否減收蠔油錢呢?所以本人欣賞的是有得選擇要或不要,是該店幾十年來的特別之處.至於抵唔抵食則見仁見智,本人身為男性,當然一碗是吃不飽,但本人是嗜吃麵者,為求一嚐口味己相當滿足,起碼唔會有梘水味搞到胃痛先啦.

在電影中心看完戲之後，往海港城方向走去，五時多的尷尬時間，下午茶太早、晚飯又太遲。在廟街找了間排檔食牛腩麵，一坐下就落雨粉，結果來到了麥文記。話時話，麥文是麥奀的遠房親戚，當年麥奀主理之時，老師傅應該從中偷了一些師，理論上不及麥奀記的。此乃題外話，因筆者當時亟想食牛腩，放棄了雲吞麵也要來一碗淨牛爽腩。sweetheart就點了淨豬手。伙計說著加點牛根介意與否，當然無問題。結果出事了，大半碗淨「牛腩」變了牛根，吃著爽腩也不爽。腩汁相當之濃，不是湯底而是真真正正的汁，太濃烈的關係，蓋了牛味，可能用以掩飾牛腩質地的不好，牛根雖腍，卻不是我想吃的，給誤導了。牛腩只屬一般，部分罕月腩位起渣黐牙。豬手同樣有濃汁，但感覺截然不同，因豬肉的味道比牛腩的味道淡，配濃自然沒有問題，豬手肉質也好腍滑。在一邊吃著黐牙腩的同時，一邊後悔為甚麼不要雲吞麵呢...

上星期無所事事一個人到佐敦,原想到澳洲食,但太多人的關係,又想起曾與J君到此店食過,一樣叫了雲吞河及灼菜心,一路都不太明白何解蠔油要加一蚊,but食灼菜心又怎可唔點蠔油呢?P.S. 食完後又令我再次想起J君

邊個話老字號就一定得架？麥文記麵家就係一個最考嘅反面教柴。。。仲鬼更多人幫襯, 5pm迫爆咗，唔明。。。撞鬼!唔知喎唔考踩定佢一時塞手，Ｄ嘅食, 除咗雲吞Ｄ虾幾生鮮。。。唉。。。佢Ｄ湯又冇虾籽味，仲淡到!!! 都唔知係唔係煲唔切用滚水媾稀!!! Ｄ麵唔彈牙就預咗，睇個師傅粗製濫造，淥完個麵乜都唔做，係咁pat落個碗度就知出事。。。總之冇下次>.<老字號？蘇屈？！？！