麥文記麵家

营业中

休息中

以前0係佐敦返學成日幫襯食lunch, 貪佢快, 又好食.個個都話雲吞河好食, 我就覺得一般, 照計今時今日, 一間有人幫襯0既麵店, d 雲吞應該幾難整得難食. d 河粉吸晒d 湯後發大晒, 食落口實在太滯了.我反而鍾意牛腩河, 河粉吸晒d 腩汁, 食落口味濃d, 感覺上無乜漏. 牛腩好腍, 有時會食到牛筋, 變0左"牛筋腩". 肥油亦唔多, 好食!不過d 伙計態度唔好, 好寸, 好似唔憂無生意咁.

已經係第三次食呢度既蝦子撈呀喇...第一次都係男友帶我0黎食既...因為佢知我係個麵精ma^^d麵真係好好爽，好好味~d蝦子都算多呀，份量0岩0岩夠呢~ 呢度有卡位，所以同男朋友一齊0黎食0野都坐得幾舒服...值得推介^_^

Date: 16/6/5Time: 10pmOrdered 雲吞麵... One of the best i had so far. Will try again once i get back to HK.

上堂前和朋友來一個短促的晚餐, 最近還是喜歡多吃一點粥麵食品, 麵店幾近客滿幸好尚有幾個座位, 先來了豬手麵和牛腩麵, 兩者份量適中, 南乳豬手很入味, 牛腩亦鬆軟討好, 麵質粗幼適中有彈性, 湯料味道偏向輕清. 再來一個必吃的淨雲吞, 雲吞中型結實, 鮮蝦偏大鮮味爽口, 湯料同樣輕清沒有喧賓奪主的感覺.

早前和朋友來這裡食，這裡地方比較細，坐得唔多舒服。我們叫了雲吞麵，雲吞撈麵，南乳豬手和九菜花。雲吞麵，d麵好彈牙，雲吞細細粒，一口一粒，味道幾好，可惜真係幾細碗，大食一點都唔夠食。雲吞撈麵，和雲吞麵沒有分別，只是大碟d。南乳豬手，麻麻地，唔算好。九菜花，好新鮮，好好味；很快便食完第一碟，要再叫第二碟。真係好正！價錢都幾貴，如果大碗一點就好了。

單拖勇闖此其貌不揚麵店。試了水餃麵和蠔油芥蘭，共$31，貴夾唔飽。水餃麵（$20）：份量偏少，內有三隻足料的水餃和半飯碗彈牙爽口蛋麵。量少價貴，但食到「廿蚊碗的水餃麵」應有的水準。蠔油芥蘭（$11）：量亦奇少，蠔油要另收一塊錢，偏貴！味道算好食，份量超級迷你。環境擠迫，待應態度麻麻。不太喜歡食湯麵的我，大概唔會再幫趁。

早幾日睇完醫生仲未好,又到食藥時間,食藥前咬一碗麵就最好,呢到雖然好市井,但係有人情味喎,我話食藥要杯水,個阿姐自動自覺同我加冰等d熱水暖d食藥!所以碗雲吞麵寧舍好食,麵都彈牙d,哈哈,呢編我講明比感情分!

食左成個禮拜粥突然好想食雲吞麵今日捉埋朋友仔陪我去食兩個人叫左雲吞麵，牛腩麵，芥蘭，淨水餃雲吞麵～麵幾彈牙，亦無乜鹼水味，但個人喜好都係鍾意河粉多d；而雲吞真係得蝦o係入面，好似有兩三隻左右，d蝦都有鮮味，幾好食，比起十蚊一碗o個d波子咁大既無味雲吞真係無得比牛腩麵～偷食左朋友件牛筋，幾淋又入味，但係牛腩就un左少少，好黐牙，見朋友仔都因為咁而食剩左d芥蘭～十蚊一碟得好少，真係貴左d，幸好都幾新鮮淨水餃～水餃同雲吞既分別係水餃有埋冬菇粒，筍粒同肥豬肉粒，口感比雲吞豐富，但個人都係鍾意雲吞多d想飲野但只得汽水，我放棄左幫襯，都係食完野過隔離買好過，朋友仔要左支忌廉，係傳統樽裝，但要８蚊，都幾貴(味道俾4分係俾雲吞同水餃咋!)

假期的最後一日, 和朋友來一個簡單的下午茶, 先來了一個淨雲吞, 雲吞餡了結實而且蝦身新鮮爽口, 湯料鮮味; 再來一碗炸醬麵, 份量不多但肉質和麵質軟硬適中, 炸醬味道香滑討好.

呢排為了努力keep fit，打完波都係食粥粉麵就算。o尋日就去左麥文記，記得佢未裝修前食過一次，仲撞見過星爺係度食tim。佢冇雙併唯有叫淨雲呑、淨水餃各一碗，隻隻都包得好靚，皮薄但沒有爛或散開是完整無缺，粒粒都漲卜卜的，食落口的感覺真係與其他麵舖冇得比，雖然收17蚊一碗，但係都係值得的。再叫碟叉燒撈麵，叉燒肉質又乾又硬又實，沒有蜜汁味，應該是來貨。而麵身亦都好爽好彈牙，可惜沒有剪開，食落口有點兒困難。灼芥蘭-葉嫩、莖爽。幸好平時食慣走油走蠔油，如果唔係要俾1蚊蠔油錢。

呢度水餃先至係正野呀! 雲吞一般.

20050308 7.30pm同男友百無了賴, 食足一晚, 先去官涌麥文記.2人食o左:豬手麵- 好出名o既豬手, 麵都係果o的麵啦, 但我覺得豬手只是好麻麻, 男友覺得OK.雲吞麵- 雲吞好過豬手, 淨蝦夠爽.油菜(芥蘭) - 依然爽甜, 水準以上, 另加蠔油一碟($1)今次比我上一次o黎食差o的wor.份量咁少, 當然唔夠飽(男朋友話好似無食過一樣), 行去廟街再食過!!~

星期六晚同老公去食：雲吞河：雲吞唔算大粒，但有成隻蝦係入面，新鮮爽口，湯唔咸，冇味精，仲有蝦既鮮味，攪到我連湯都飲埋，d河粉份量都夠；豬手麵：豬手好大隻，有4舊，都好好味；菜心：ok 啦，原來加蠔油要加多1元，都幾姑寒。服務普通，連水都冇杯，價錢較一般麵店貴。叫做試過咁lor，我下次寧願去隔離澳州牛奶食好過。

阿嫲說想食粉麵, 她說這間是老字號, 於是就入去一試.一入已見d碗好細......又睇下d價錢咁貴.......心諗算啦, 老人家想食. 叫左一碗牛腩河, 一碗雲吞麵. 牛腩河的碗是較大的, 似平時"十蚊兜"的size. 雲吞麵就真係細d, 但一入口真係好唔同. d麵十分彈牙, 即刻俾阿嫲試下. 雲吞d蝦都好爽, 但我都係欣賞佢d麵多d.

唔知點解，呢排好似食多左雲吞，要分別出不同之處，確實唔難。早幾日經開呢頭睇醫生，就入去整番碗細蓉，朋友就叫左碗水餃麵。碗麵一上檯，第一眼見到的是麵而不是雲吞，而這亦是一貫傳統的雲吞在底，麵在上，才落湯的做法。夾起隻雲吞，雲吞皮沒有散開，可感受到是扎扎實實包著餡料的。雲吞餡料裡的蝦，是新鮮爽脆的，新鮮蝦肉是白得黎帶點半透明，食落彈牙而爽口，亦不會出現縮水蝦米現象。混著新鮮豬肉一齊包裹著，味道互相輝映，這才算是一粒好味的雲吞。而雲吞的餡料size適中，沒有露出太多多餘的雲吞皮，這點真的要講師傅手勢了。麵是手打的，不粗o鞋，亦算彈牙，鹼水味不算濃，可接受。拌以清清地的湯底，沒有味精的刻意濃味，喝下幾口亦不覺口渴。水餃麵沒有食到，不評了，但據朋友講亦唔錯。有時總覺得只要食物是好味，即使份量少d 亦無礙食客幫襯，這亦是其中生存之道，更何況，我又不覺得這裡碗麵特別少呢！P.S. 圖片一碗是水餃麵來的，唔好告我搞錯相呀！