影片
更多
2005-05-08
16 浏览
見多位食評家均讚此食店,便同亞媽去試下同當食母親節飯啦.點知星期四打去訂枱就話Sat & Sun晚市已full,要9:30pm先有枱.於是咪食Sat Lunch. We ordered:賽螃蟹--只有一塊生菜墊底,冇其他菜,但D蛋白確實好滑,只是稍多油,同D魚肉有渣.不過不失!北京填鴨--都係肉多咗D,於是我叫師傅片少D肉.都算好食!京燒羊肉--好勁羊酥味,亦算係香,唔算臭,但D肉肥咗D同唔夠鬆化(在下覺得"全聚德"好好多)由於食lunch,所以冇點"教化雞"(只有晚市供應,及每晚只造4隻,所以必須先預訂)同冇點太多野食,又冇飲啤酒,結賬約每人數$100.環境:則有D舊,好似入重慶大廈咁既feel.但原來此店於一九六幾年已成立.服務:侍應既衣著似舊式茶室果D,及稍為偏中年人士多,但好醒目,反應快,見枱碟餸啱啱清即攞走隻碟.衛生:雖然舊,但好衛生.Toilet清潔,及有廁紙.筷子白淨冇發黃
賽螃蟹--只有一塊生菜墊底,冇其他菜,但D蛋白確實好滑,只是稍多油,同D魚肉有渣.不過不失!
北京填鴨--都係肉多咗D,於是我叫師傅片少D肉.都算好食!
京燒羊肉--好勁羊酥味,亦算係香,唔算臭,但D肉肥咗D同唔夠鬆化(在下覺得"全聚德"好好多)
由於食lunch,所以冇點"教化雞"(只有晚市供應,及每晚只造4隻,所以必須先預訂)同冇點太多野食,又冇飲啤酒,結賬約每人數$100.
環境:則有D舊,好似入重慶大廈咁既feel.但原來此店於一九六幾年已成立.
服務:侍應既衣著似舊式茶室果D,及稍為偏中年人士多,但好醒目,反應快,見枱碟餸啱啱清即攞走隻碟.
衛生:雖然舊,但好衛生.Toilet清潔,及有廁紙.筷子白淨冇發黃
张贴