鹵家

营业中

休息中

這家間鹵家看似很普通但其實在元朗也是蠻出名的，是那種”路過的人不知是什麼，偶然經過吃一次的人對他有種特別的印象，喜歡的人會時不時來家常便飯” 的餐廳.沒有很浮誇的香味，但食下去就有一種溫厚窩心的味道- 這就是家的味道吧？.墊枱紙上說，師傅是曾在五星級酒店當廚難道菜式都是小巧精緻不是那麼份量超大超多的店，但食完會有種踏實的飽足.⭐️子薑鴨仔煲成個鴨髀wow，見到都流口水，煲仔熱辣辣冬天食正！子薑煮得很入味，除了醬汁，子薑味也滲入了鴨肉及薯仔粒。子薑的溫熱慢慢傳到口中。.⭐️醉雞卷&鹵水大腸頭聽聞也是必食之一鹵水很特別，不是濃濃的重味，而是經調和淡化了的鹵水味，更有一番風味.⭐️話梅涼瓜片涼瓜平時是苦苦的，但加入話梅的酸香，而且涼瓜做到脆脆的，有種份子料理的感覺！.加上碗老火湯，是家的味道！

年初喺鹵家食過午飯，質素唔錯，價錢又唔貴，之後都有再訪過幾次，so far都滿意。週六晚番到元朗唔知食乜好，想飲啖湯又唔洗太重口味，於是又黎鹵家。晚市9款套餐，叉燒、豉油雞、豬頸肉、燒鴨、鹵鴨等，主要以燒味為主；定價$58-76，附飯/米線/米粉/麵，可選老火湯或飲品。蜜汁叉燒皇 $76今次啲叉燒幾靚，有我地鐘意嘅燶邊，塊塊差唔多厚，份量足，冇眼見得到嘅脂肪，但食落柔軟唔柴、有彈性！墊底仲有少量芽菜，好入味，送飯一流梅子脆燒鴨 $68燒鴨睇彩數，有時瘦啲，當日嗰碟都唔錯，外皮薄身微脆，鴨肉香酒仙醉雞卷 $45掙扎完一輪都係放棄左豬頸肉，其實想食好耐，哈哈。醉雞卷都啱食，厚薄適中，一般人應該接受到嘅酒香。飲埋啖無味精感嘅蘿蔔湯，飽到上心口。埋單$192，相對黎講午市就更加抵，但晚市份量更多。

之前已經同爸爸媽媽食過鹵家，今次再去原來佢哋已經搬咗舖位，地方比舊店闊落。招牌叉燒一如以往咁厚肉，最鍾意燶邊帶蜜汁香，肉質軟腍富肉汁~鴨肉都唔錯，皮脆肉嫩，調味唔會過鹹。必試話梅涼瓜片！涼瓜爽脆甘甜，酸酸甜甜好開胃。滷水拼盤可以揀鴨或者鵝肉，頭先試咗鴨，依家試埋鵝。除咗滷水鵝，拼盤仲有豬耳、金錢肚、大腸、豆腐、蛋，非常豐富。鵝肉味道比較清香，肉質嫩滑富彈性。晚市套餐價錢相宜，仲送埋住家老火湯。三個人吃清光！！

今日飽飽滯滯，係元朗兜左好耐都唔知食咩好。本身想去食車仔餸，朋友話驚唔飽，最後經過呢間鹵家，見食評唔錯，又唔貴，就入左去試。lunch set 選擇多，有唔同既燒味，港式既碟頭飯，同米線。我地最後叫左個鹽香雞飯跟湯同鹵水豬耳米線。湯都ok既，飲完唔會好口乾，不過想要多啲蓮藕鹽香雞好正，雞肉夠滑，汁夠味，份量亦多，略嫌唔算太入味，但係都已經好好食。鹵水豬耳米線份量都唔少，豬耳都差唔多鋪滿成個面，米線都算夠彈牙，但係有樣野fail---除左頭兩舊之外我完全食唔到豬耳既鹵汁既味道。。。佢浸到啲豬耳無哂味啦！鹵水豬耳真係應該要分開上，呢樣希望店家可以改善一下。因為真係差好遠架！由於我覺得今次無食到佢地推薦既食物，而且比豬耳米線拉低左評分，所以評價一般。有機會想再試多一次，因為對佢既叉燒同醉雞卷好有興趣！！

在網上不斷見到介紹，覺得這間是一家大細都岩食，所以星期日一家人來試，來到6點幾左右就不用排隊，離開時8點幾門口已經有好多人等候。叉燒應該是必點，果然名不虛傳，我喜歡食甜甜的叉燒，肉質亦很好，是紅色的，不像一些劣質的叉燒，肉是灰灰暗暗，所以感覺是很新鮮的叉燒。另外點了鹵鵝拼盤，除了鹵鵝，拼盤還有鹵蛋，鹵豆腐，肥腸，金錢肚，豬耳。乳鵨亦很好食，十分香脆。醉雞卷好像亦是必點，有濃郁的酒味，如果你喜歡酒，不用考慮，就點這個吧！！！

啲人講到個叉燒咁正 就想黎食下⭐️⭐️ 蜜汁叉燒王還可以啦 肥瘦係適中嘅 但唔係食過最好食嘅叉燒上枱暖嘅感覺都冇 所以再減左分 好食嘅叉燒係食到燒嘅味道 佢係食到有蜜汁味嘅 但真係吾夠香口⭐️⭐️ 梅子脆燒鵝 首先講個肉質唔會過肥呢一點係好嘅！ 但係個脆去咗邊呢？😂 有一個共通點 碟嘢係暖既感覺都冇 又吾熱又吾凍 真係一個弊病😂😂⭐️⭐️⭐️ 呢個就好味啦 涼瓜好脆食到妹嘅味道香甜可口 一流👍🏼👍🏼至於係唔係真係咁好食都係果句見仁見智啦六七十蚊個燒味套餐 值吾值？就睇人啦😎

呢度叉燒出名好食，差唔多每枱都會叫，想試的話要早一點去！晚餐時間去到見門口有人等，以為無位，原來是等外賣，堂內都幾乎坐滿！食物選擇唔算多，有9款晚市套餐，另外有十幾樣的小食可以叫！.🔸「酒仙醉雞卷」🔸有驚喜，雞肉好入味，好嫩，應該係用雞脾去骨做，酒味不會太濃，剛剛好！.🔸「蜜汁叉燒皇」🔸最期待的叉燒有點遜色，味道是好味，但瘦肉部分太多，所以有點乾，下次要叫‘肥叉’！.🔸「梅子脆燒鴨」🔸皮一點都唔脆，同樓下街市的沒有分別，見碟有好多汁，鴨有一點咸！整體黎講還可以，下次可以試一下其他餐，見隔離枱叫的煲仔雞好吸引！

係ig見過唔少人推介呢間鋪頭，今日終於有機會黎試下。今晚六點幾黎到唔駛等位就入得，店鋪唔大，當晚所見的食客大部分都係一家大細黎食，主要做街坊生意。一場黎到一定要試下佢地最出名的蜜汁叉燒，一上枱就比佢吸引住，色澤好靚，仲有少少燶邊，而且叉燒的肥瘦比例岩岩好，食落好淋身，配飯食一流唯一要挑剔既係蜜汁少左啲，甜味唔夠。跟餐仲有碗無味精的住家老火湯，當晚的湯係老黃瓜赤小豆扁豆豬骨湯，碗湯落足料，仲可以解下燒味的油膩。另外我地仲叫左份例牌燒鴨，望落個皮燒得幾靚，不過食落就唔夠香同唔夠脆，而且偏咸，相比起叉燒就失色不少。最後仲叫左碟冷盤，話梅涼瓜真係第一次食，涼瓜片好脆，但我覺得話梅味太重，無哂苦味，搶走左涼瓜本身的味道。

有時食多了油膩的茶餐廳，就很想食一些家常菜。藉著那天端午節，約了媽媽食午飯，就光顧了這間我想光顧了很久的鹵家。鹵家是由五星級酒店的退休主廚開的，但雖然是前五星級，但整體價格卻很合理，午餐和晚餐的價格都只是$40-$60左右！令人驚豔的涼拌菜—【涼拌話梅涼瓜】$32，原本我以為這個會很苦，但誰知一夾入口，嚐到酸中帶點甘味，清涼中還有甜感，在炎炎夏日吃些冰鎮涼拌話梅涼瓜，非常下火。我很喜歡食醉雞，但食醉雞中伏嘅機會都有D高，有些餐廳整到雞肉很韌、有些就酒味根本沒有、有些只得嗆鼻酒精卻無風味，但鹵家的【酒仙醉雞卷】$45很棒，冰冰涼涼的雞浸在酒中，雞皮有如水晶一般的雞肉凍，而且吸飽酒香，味道和口感真是好極了。【健康雲耳仔】$30的雲耳口感爽脆而不膩，灑上白芝麻又增添了點香氣，味道酸酸的特別開胃，多吃也不怕肥，吃起來超過癮！ 【雞絲拌粉皮】$42，這道菜以青瓜和雞絲作配菜，拌上香滑的麻醬撈著煙煙韌韌的粉皮，口感特別豐富。吃完了涼菜，我們開始攻正食了，點了份【皇牌鴛鴦拼】$86，有鹵水鵝和招牌的食神叉燒。不愧以鹵家為名，其鵝肉的味道比較清香淡雅，不油膩，不霸道；而叉燒恰恰是完全相反，香、脆、焦集

放假才下雨，但一樣無損心情！碰巧弟弟也放假，於是一起到元朗逛街吃飯。今次是有備而來的：食肉獸的我倆想到「鹵家」一試馳名叉燒。招牌叉燒名不虛傳！肥瘦度偏瘦，脂肪不多，以厚切形式呈上。甜香蜜汁令叉燒香味倍增，入口肉汁四溢。外層烤得焦香，而裡面肉質腍軟味美。難怪如此出名。加上一隻半生熟的太陽煎蛋，傳說中的黯然銷魂飯誕生。鹽香雞原來也是一道冷盤。雞隻頗為肥美，肉質細滑。雞肉口感頗為彈牙，味道香口。湯米線大碗，用了清雞湯底，有葱粒和粟米粒。起初只看菜名有點小迷糊，後來問明白才知道是子薑皮蛋。子薑口感爽脆，入口未感過於辛辣，與松花皮蛋非常搭。賣相亮麗的醉雞卷，每一片都放有一粒杞子點綴。杞子味甜，配上了嫩滑的去骨雞肉卷。醉雞有著清香酒味，浸得入味。沒有想過可以在這裡吃到炸乳鴿，記憶中都是在酒樓才食到。炸乳鴿分了4件，外皮炸得香脆，而肉汁鎖死在內層，咬開後惹味juicy。餐廳在做買一送一推廣：點一客乳鴿送一罐啤酒。不好啤酒的筆者改點了這杯媽媽紅豆冰，頓時變成兒童餐。紅豆冰重椰汁味，紅豆非常大粒。假期+美味食物=心情大好美中不足是未能品嚐到老火靚湯（因為天雨導致食材遲了到店。），下次要再來一回。

*利申這家不是不好吃，只是沒有網上說的那麼好吃／早前，在網上看了一篇文章的標題是：「十大香港好吃的叉燒」然後，吃了文章所推薦的其中在柴灣的那一家，覺得文中寫得很中肯和真的沒有介紹錯，滿好吃的。這次，便特意去吃在元朗的那一家，去嘗一嘗。店面不大，星期六中午去到時全場座滿，我大約等了五分鐘門口貼滿了不同的文章推薦，令我更加期待是否真的名不虛傳這篇文章就是我上網看到的那一篇評論點了一個食神叉燒飯$56 跟酒仙醉雞卷$45食神叉燒飯：七塊厚切叉燒跟一個太陽蛋我看到網上那篇評論是說：（在上文中有那篇評論）1) 不用要求，便而是半肥瘦叉燒  (但如圖中所見，沒有半肥瘦，只有瘦叉）2) 1cm厚  (是真的有差不多1cm厚）3) 肥瘦適中 （偏瘦，理應多一點肥肉）4) 邊位帶脆，中間肉質柔軟鬆化 （邊位只有一點點脆，但也可以接受的，而且中間的肉質是真的柔軟鬆化）4) 叉燒不會過份調味 （這個太不準了，因為很明顯過份偏甜，我個人不喜歡太甜的叉燒，蓋住了本身的肉味）5) 份量大和配料滿足 （這個是同意了，七塊厚切叉燒加一個太陽蛋又有菜，飯量也夠）我自己的意見是：飯「汁」太搶戲了，汁本身就偏重口味偏鹹，再

食嘢除左好食 用既材料 心機都十分重要呢度既小菜 燒味好食不特止仲要係無味精既住家老火湯🤤成日要ᴏᴛ既我表示湯水真係好緊要～.先點個凍盤～話梅涼瓜片酸酸地好開胃 略為蓋過涼瓜既苦好爽口 入口清涼💙.‼️晚市仲有一人套餐 包曬小菜 白飯同老火湯醉雞卷非常花工夫 製作精美 用上🐓雞脾肉有淡淡既酒香 連鋪面既杞子同底下既青瓜絲🥒都入左味.蜜汁叉燒同鹽香雞一樣水準好高叉燒燒得好香 肥瘦均勻 邊位有少少焦香肉汁豐富 不會死咸 蜜味濃 好香甜光澤感又極吸引眼球👀淨係望已經好想食!!!.鹽香雞肉質好嫩滑 咸度適中用黎拌飯/米線都好一流😋重點係大大份 就算男士食都好足夠!.依家脆皮炸乳鴿仲送啤酒啊🍻最岩同朋友黎啤啤佢❤️

有事要到元朗做，我當然就把握機會到訪不少一直被我bookmarked的餐廳啦！首先就是鹵家，可是原本打算來試馳名的叉燒，怎料下午茶時間已經賣完，要等到晚飯時段才再次銷售，唯有等下次了...😢🍽 醉雞卷另外一個必點的就是它的醉雞卷。不僅份量多，啖啖肉；而且它每一塊因為切得比較薄，所以紹興酒味完全滲入每一塊雞肉，非常入味，完全夠「醉」👍🏻🍽 鹵水豆腐顧名思義「鹵家」，當然不能不嚐它的鹵水了！因為都比較飽，所以選擇了鹵水豆腐試一下。鹵水味道很濃，甜甜的，不會過鹹，而且豆腐本身豆味很香，真材實料🤤🍽 雞絲粉皮原本沒有打算叫的，可是媽媽👩說想吃就也試一試吧。怎料，竟然是整頓飯最有驚喜的菜！有大量粉皮，而且每一片都厚身，不會像市面的透明的，薄薄一片。重點是它的醬不是傳統港式麻醬，有點像日本麻醬沙律的醬，令這個菜更清新，完全不會膩🤤🤤

曾經睇過呢度嘅食評，心中一直都想有機會要食下，今日同朋友入開元朗，終於可以嚟試下我最鍾意食嘅叉燒。餐廳夜晚6時營業，我哋準6點到達，即刻有位(好彩我哋早嚟，因為跟住門外有好多人等檯) 。我哋點咗一份蜜汁叉燒皇套餐，跟有餐湯或飲品，可以要飯/米粉/米線/瀨粉 ... 等，另外再點了一隻脆皮炸乳鴿(送啤酒一罐) 同埋一碟話梅涼瓜片。是日老火例湯係霸王花煲豬骨，標榜沒有落味精的，就好似住家嘅湯水一樣，足料健康好好飲。一望蜜汁叉燒色澤，未食已聞到香味，肥瘦比例係8:2, 以套餐來說，份量唔算少，帶少少焦，食落非常香口，我覺得係滿分嘅燒味。我唔要白飯要了米線，米線比較粗身，覺得比外面的好食。脆皮炸乳鴿果然炸到皮脆肉香，仲有冰凍啤酒奉送，最佳配搭。第一次食話梅涼瓜片，涼瓜一啲苦味都冇，只有話梅的酸甜味，好清新開胃。今晚嘅食物我覺得係高質嘅，超過我嘅預期，我好少俾全5分，但今次一定要俾，而且會 encore!

今日食既一間元朗教育路既滷味，主理人仲係一位係多間酒店任職過既師傅。-蜜汁叉燒皇 $76 （配白飯&住家老火湯）白飯係平時茶餐廳兩碗飯既份量，叉燒又多又大舊，細食既兩個人食一個餐都夠哂👍🏻。叉燒肥瘦比例適中，每舊都會有少少燶邊、好脆口，又唔會太焦，岩岩好🤪。加埋無味精既老火湯，正呀！-秘汁鹵家鴨 $68 （配米粉&住家老火湯）米粉同平時食開既有少少唔同，依隻米粉比較彈牙同軟身啲，易入口啲。滷水鴨非常入味，肉質亦唔會好鞋，點埋酸醋汁就更較加惹味。😛-京蔥金錢肚 $40金錢肚係冷盤黎既，配埋青瓜絲、芫荽仲有辣椒絲，十分開胃，食到有少少濟既話食一兩塊金錢肚又可以再開行turbo繼續食！😈-鹵家晚市長期都滿人，證明食身水準係有番咁上下👍🏻，值得一試。