鹵家

营业中

休息中

有睇開我既朋友仔唔知有無發現，其實我都幾鍾意食燒味🍖名正言順既食肉獸，除左燒肉、鋸扒、和牛...之外，叉燒、燒鵝、燒鴨我都愛🤤專食啲肥到爆既野🤰🏻-🔹梅子脆燒鴨配白飯($52)⭐️8/10呢個真係好好食😍燒鴨啲皮係脆脆地，咬落仲有啲油汁滲出黎，好正💦肉又好嫩好滑，一啲都唔鞋！重點係佢地自家調製既梅子醬👅酸酸甜甜，完全係錦上添花🌸真係好味，仲要$52勁抵份量多，開係我公司附近就好了🤤▫️拍蒜青瓜(+$12)🥒真心食到停唔到，微微麻香再加蒜茸好正呀！食到一半先發現原來有雲耳😩-🔹食神叉燒飯($56)⭐️7/10男朋友叫既🦊係叉燒✗煎蛋🍳叉燒燒得好香，亦都有我喜歡既燶邊，叉燒偏瘦，但都唔鞋口，唔錯👍🏻-🔹酒仙醉雞卷($45)⭐️7.5/10見個個都食，我本身又幾鍾意醉雞卷，好飽都叫埋🙊最欣賞係個大小剛剛好，一口size又唔會太厚，整件雞卷都吸收哂啲酒香🍶而且雞好嫩滑😋-🔺我當日2:30pm去到，佢地老火湯賣哂😭

係我以前已經食過嘅鹵家😝感覺今次係食得最滿足嘅一次，我對成餐飯都幾滿意😆.食神叉燒飯嘅叉燒份量估唔到都幾多，飯上舖咗兩排叉燒。有一排係半肥瘦叉燒，有一排就望落似瘦叉，望落都幾靚。無論半肥瘦定瘦叉燒食落都肉質鬆軟，蜜味香濃，好好送飯🍚而且叉燒都燒至有少許燶邊，食落更香。今次啲叉燒比我上一次食嘅進步了👍🏻唯一不足就係白飯煮得腍咗少少。.叫鹵水鵝片而唔係叫鹵水鵝，就係為咗食落可以啖啖肉咁🤤鵝片切得厚薄適中，鵝肉唔老唔嚡，滷得亦幾入味。墊底嘅豆腐都好食。整體都幾唔錯。.老闆娘推薦嘅炸乳鴿亦有驚喜！乳鴿皮帶微脆，肉質幾嫩滑juicy，調味亦調得剛剛好。同朋友share一隻，每人食半邊就啱啱好。.然後我終於食到好多人讚嘅話梅涼瓜片啦！果然係幾正😆呢道小食係顛覆你對苦瓜嘅一般印象🤣涼瓜片食落好爽脆，一開始食落係酸酸甜甜咁，之後先食到涼瓜嘅甘苦味。我忍唔住一塊接一塊咁食😆真心推介大家要叫嚟試吓。.加埋之前都有喺鹵家食過嘅醉雞卷，今餐lunch真係大滿足！除左食神叉燒飯係午市套餐外，其他都係全日任何時間都有得叫的🙆🏻‍♀️

如果你入嚟元朗，又鍾意食燒味或者鹵水的話，咁你一定唔可以錯過呢一間餐廳--鹵家😚冇幾耐前，啱啱搬咗新位置，環境舒服咗，大咗排隊都唔需要咁耐😛。今晚自己一個心血來潮，就叫咗佢哋嘅薑蔥煲仔豉油雞，揀咗配米線，同埋自家煲靚湯。🤤煲仔上嘅豉油雞熱辣辣，充滿著雞油香，同埋薑蔥味，但係油汁唔會太過鹹，雞亦都好嫩滑，例湯冇味精，每日現煲，做得好出色。😊

由最初開業，已經聽聞唔少住元朗嘅朋友推薦過鹵家，直到小店而家鋪位都搬埋，終於一試。小店格局，裝潢平實，以街坊熟客為主。週六接近下午茶時間，生意好好，見裡頭尚有兩個空位，毫不猶疑，馬上入座，搭枱都唔會話太過狹小，可以接受以往有留意過關於小店嘅報導，家庭式經營，大廚退休前曾任職五星級酒店，餸菜標榜每日新鮮製作，親力親為，注重品質，家的味道。店名「鹵家」，除左鹵味，燒味亦頗受歡迎， 經常見到有人分享小店出品嘅食神叉燒。另有小食、涼菜等，最家常嘅相信係無味精住家老火靚湯街坊生意為主，午市燒味、客飯定價$45-74，白飯可轉粉麵，附送老火湯、凍飲加3蚊，價格合理；晚市亦唔貴，兩個燒味飯，甚至加上涼菜、小食，人均都係百多元，出品水準高，好生意係必然。拍蒜青瓜 $30雖然比較多人推薦話梅涼瓜片，個人都係點左拍青瓜，青瓜份量唔少，十分爽口，入味酸甜，帶好微好微辣，大部份人都會喜歡嘅開胃菜。酒仙醉雞卷 $45叉燒以外，最想試嘅就係醉雞卷，由於工序繁複、考功夫，坊間都唔算常見。醉雞卷以杞子點綴，賣相吸引，雞皮軟薄滑身，雞肉去骨，一啖可以放入口，食得更爽厚薄均勻，肉質唔鞋，配上自家製醃料浸泡，帶清香酒味而不

🔹蜜汁叉燒皇 (晚市套餐 $76)半肥瘦，非常適中，食落好嫩滑蜜汁味好香燶邊脆邊，啲風味出晒黎，叉燒高境介絕對係必點推介.🔹例牌$68 雙拼$86🐥梅子脆燒鴨可能影耐左，唔算好脆皮皮下面只有薄薄既脂肪層👍🏻但竟然都有濃濃既油脂味同鴨既鮮味一啲罪惡感都無梅子醬都好高質，真係好似變左醬汁既梅子，配燒鵝簡直去左另一個層次.🐥秘汁鹵家鴨鹵味香，唔會咸，好食到鴨味皮下脂肪層相當均勻.兩款鴨既鴨味都係留喺口度好耐都唔散.🔹酒仙醉雞卷 $45拆左骨，整成卷狀，個擺盤好靚醉味好濃，聞同食都好香，不過食落肉質較實.🔹話梅涼瓜片 $32利申，我係唔中意食話梅，亦唔中意食涼瓜但見好多人推薦就抱住即管試下既心估唔到超有驚喜涼瓜片係凍盤，食落超超超爽脆食落好香梅酸味，無乜甘苦味，但又有涼瓜味完全係集兩樣食物既優點，又撇除晒佢地既缺點

今日下午去左鹵家食飯，係網上見到好多人都話呢度既食神叉飯係必食菜式，所以我就點左碗食神叉燒飯黎試下。啲叉燒燒得啱啱好，肉質好嫩滑，我覺得真係非常好食!而且個叉燒飯仲配左隻荷包蛋，令到成個飯都變得好豐富。我仲點左杯凍檸茶，杯檸茶既甜度冲得啱啱好，我同樣覺得好好飲。如果大家黎元朗，就一定要黎鹵家試下！

新年期間，差唔多食濟左咁制，日日都食好多野，行過見到有間小店專食滷味，簡簡單單一餐搞掂佢，唔想個肚愈來愈大負荷。餐廳內外店名就叫自己做「鹵家」，都有十幾二十個座位，簡單設計既一間小店，比人感覺好溫家。食物選擇唔止燒味，仲有小食，而且選擇都多，午市會再抵食啲。話梅涼瓜片 $32屬冷盤小食，其實係苦瓜片，用話梅醃製過，入口涼涼地，食落先係酸酸尾尾，之後係苦瓜本身既味，但因為醃過，所以食落唔苦，仲幾爽口。酒仙醉雞卷 $45份量都幾多，而且擺得幾精緻，每件醉雞卷上面都有粒杞子，而且大小平均，同為冷盤，食落又係凍凍地，入口酒味都幾出，肉質正常，索到啲酒味，酒味唔算太濃烈，岩我口味。蜜汁叉燒皇套餐 $76套餐皆配白飯及老火湯/飲品，當然揀住家老火湯，今日例湯係牛蒡粟米湯，真係住家湯既味道，而且又足料。蜜汁叉燒一份有非常多！唔講以為嗌左個例牌，色水好靚，大多係半肥瘦叉燒，每件肥瘦均勻，帶有少少肥膏，咬落好香口，完全唔乾，本身唔算中意食肥膏，但呢到既叉燒肥瘦比例岩岩好，食落唔會覺得好肥膩，反而令叉燒口感更佳！梅子脆燒鴨套餐 $68食燒味又點少得燒鴨，一上枱已經覺得不得了，又係大大份！同樣光澤十足，燒鴨

👁‍🗨皇牌鴛鴦飯-叉燒併鹽香雞(7.5/10)💲 63因為貪心想試多啲，同朋友就決定左叫鴛鴦飯，點知離到係大大碗白飯加一大碟驚人份量既叉燒併鹽香雞，兩個人即刻後悔冇叫少飯🤦🏻‍♀️叉燒係呢度最出名既燒味之一，食落果然出色，蜜味比起一般較濃較香甜😛每舊都真係做到半肥瘦既效果，肉質嫩而不鞋😇鹽香雞亦都嫩滑吾肥，咸度適中🤤👁‍🗨皇牌鴛鴦飯-叉燒併鹵家鴨(7.5/10)💲63鹵家鴨即係鹵水鴨，份量同樣係超級多，鹵家鴨肉質吾會梅，吸收哂鹵水既味道，所以食落夠哂香😎叉燒同鹵家鴨下面有一堆大豆芽菜，個人特別鍾意😅因為索哂蜜汁鹵水汁，令到啲大豆芽菜特別好味，又可以平衡番成餐飯，吾洗全部都係肉🤪👁‍🗨酒仙醉雞卷 (7.5/10)💲45期待左好耐既醉雞卷🤡份量又係比想像中多😯每一舊都帶有極香濃既花雕酒味，濃而不苦😍加上嫩滑juicy既雞肉，整體絕對冇令我失望😇🔛 整體評分（7.5/10)

元朗-滷家：蜜汁叉燒王餐（hk$76)、梅子脆燒鴨餐（$68）、酒仙醉雞卷（$45）、京蔥金錢肚（$40）-元朗小店掘到寶😁😁一句講哂，全部都好食！小店裝潢簡約舒服，主廚是退休五星級酒店燒味部大廚，食物出品令人期待，而價錢仍然貼地，套餐已連飯/麵+一大碗足料無味精靚湯！我去果日係栗子栗米豬腱湯，飲落清甜住家味好濃，簡直係我呢代無飯家庭既福音。-燒味比想象中大碟，擺盤精美，仲有大豆芽菜墊底。叉燒濃邊脆口，蜜汁色澤誘人，肉質鬆化，絕非一般燒味檔可比擬！梅子燒鴨有兩層，份量充足，皮帶梅子清香，啖啖肉而且嫩滑鬆化，一吃我已決定必再回頭。-小食價錢相宜，酒仙醉雞卷賣相吸引，啖啖肉，肉質不死實，酒香撲鼻，加埋杞子甜甜的，配搭得宜。至於京蔥金錢肚是我是晚既最愛，椒麻香氣突出，幼切的金錢肚條條粗幼相當，可見師傅刀工與功力深厚。小店仲提供多款其他燒味和小食，要加餸斬料一定再番黎試埋其他❤️

《鹵家》 #食在元朗 #燒味 #鹵水📍元朗教育路68號兆豐樓地下10及14號舖-係元朗實在太多餐廳 我好鐘意食燒味飯 有日經過比我見到呢間個價錢又幾抵食 人流都唔小嘅餐廳就bookmark左啦Dinner Set都只係$60幾蚊 連埋飯仲可以揀米線/米粉/公仔面 再送熱飲或住家老火湯 真心抵食 嗌左兩個set兩個小食 好滿足🤤🔺是日靚湯：南瓜粟米栗子紅蘿蔔湯好耐無飲住家湯啦😢 好足料好濃味好好飲🔹蒜汁豬頸肉 $63豬頸肉仲係勁嫩口 薄切嘅豬頸肉 蒜汁好香好惹味 真係忍唔住一塊接一塊咁食 秒清！🔹梅子脆燒鴨 $68有時係街買嘅燒鴨都會比較乾身同老d 所以我都好小會嗌 免得中伏，今次朋友想食就嗌左 點知有驚喜 個皮好脆好夠味 鴨肉唔嚡點埋個汁幾惹味🔸拍蒜青瓜 $30成餐飯都係食肉 當然要嗌下其他野食啦 爽口嘅青瓜 加埋蒜同辣 真心好味 秒清！🔸酒仙醉雞卷 $45酒味唔算好濃 我覺得幾岩我 雞肉夠滑 平時會走雞皮嘅我今次都有食哂 而且有好多舊 平時買返屋企加餸都唔錯🖌呢間真無好有家的感覺 而且價錢相宜 性價比極高 絕對有下次！ 下次試埋個招牌嘅叉燒飯先🤤

元朗高質煮家菜✨ 話說鹵家搬咗雖然冇得坐outdoor但就多咗樓上位坐，座位係有啲迫但有平靚正好西食一切唔成問題啦😗之前當成遺憾嘅招牌蜜汁叉燒皇，今次終於食到，叉燒唔算肥而係屬精瘦，但叉燒咬落唔韌幾有彈性都唔會痴牙，而且邊位燒得微脆，叉燒口感層次豐富✨而鴨肉有得揀梅子脆燒鴨同秘汁鹵家鴨，揀咗梅子脆燒鴨，外皮唔算脆，不過鴨肉有驚喜，平時都覺得鴨又嚡又乾但呢個卻嫩中帶彈牙感，唔錯✨酒仙醉雞卷以前食過水準依然保持到，肉質幼嫩酒香濃，豉油雞翼鹵蛋就冇乜特別咁，另外要提係佢啲老火湯真心正，記得要叫湯飲😂

元朗人應該識鹵家，打著酒店大廚主理旗號，家庭式經營，出名在佢個神早就會賣哂既黯然銷魂飯,（我到而家都未成功係度食過🥺）仲有醉雞卷係我食完車仔麵後，買返去下午茶必選🤣🤣🤣當初舊鋪個位細好驚佢做唔住，因為之前間泰國野好好食都.....搬左新鋪大左又舒服左，今次夜晚我就試其他，叉燒走唔甩太鍾意食，用脢頭半肥，厚切燶邊皮脆肉嫩👍🏻👍🏻👍🏻，用埋d汁撈飯一流👍🏻拍青瓜🥒夠酸夠辣，重點係夠爽脆新鮮即拍👏🏻👏🏻👏🏻,鹵水大腸頭就顯得較普通了。係呀係呀，今次驚喜係呢碟梅子脆燒鴨，真係堅脆皮，最鍾意要係肉好滑呀，入口會溶咁🥳😍😍，仲有個無味精既花生木瓜雞腳湯，好有媽媽味呀晚餐有送有飯有野飲先$6x-$7x不等，呢個質素呢個價錢根本就抵，平時無飯食行出去茶餐廳叫外賣咁既價👀，真係性價比高，一定要大力推推推，我唔想佢執呀☠️☠️☠️仲有就係我帶埋bb去，佢地店員都會好小心主動提醒我地擺放食物位置，仲同我bb玩，我想講而家雖然好多餐廳都會提供high chair,但其實好唔welcome bb去，未喊定就先望實你，黎呢度就無咁既壓力

元朗係一個聚集咗唔同菜系&小店林立嘅地區⋯ 呢間小店係家庭式鋪頭，從舊鋪到新鋪價錢都幾貼地吓，新鋪就未食過，一於走去試試！🤘🏻呢度叫得做鹵家，當然要試吓佢哋嘅鹵水！🤔Lunch有鹵水鴨餐，因為係鴨片關係，鹵得好入味，肉質一啲都唔嚡⋯ 😗 由於滷水汁係偏向台式味道，味道偏甜，亦冇潮式嗰種重香料味，幾大眾化口味，小編同友人都覺得幾好食！🤤 而另一款鴨就係燒鴨喇，小編竟然得到鴨肶部分！🤭 皮真係幾脆，肉質同樣唔嚡！但始終係肶位，脂肪相對較多啲！😉 如果怕肥但想食嘅朋友仔，可以指定嗌其他部位咖！🙊小編呢個lunch set係跟埋湯/熱飲，呢度嘅湯係住家老火湯！小編當日飲嘅係蓮藕湯，飲完完全唔口乾，都幾肯定冇味精，好有家的感覺呀！😍Ps. 如果只係嗌單拼燒鴨$52/鹵水$54，價值相當實惠呢！🤗-

📍HongKong🍚皇牌鴛鴦雙拼飯($63)▪️元朗這片美食林立嘅寶地，自家鹵味有誠意小店❤️主打無添加無味精，走健康清淡路線。我由重口味慢慢回良後就偏好清清淡淡的，所以吃到有住家味不油膩的燒味，真的很驚喜~加餸斬料又多個選擇🤘🏾叉燒是暫時吃過最肥美的🙈肥美程度輕輕夾起看到回彈力，有點動L的感覺，脂肪比例比平時吃到的多，入口比較油潤嫩口，我就覺得肥左少少，但👦🏻就話鐘意這脂肪感~~邊嚼油脂邊從口腔中釋出。叉燒吃到不膩的蜜香🍯蜜汁甜度比較溫和，多吃幾件都可以，外皮不會燒得過火，色澤紅亮，但很期待的燶邊位，在這裡就找不到~~如果再燒得香一點，定會更惹味！鹵鴨肉軟嫩多汁，鹵汁不死鹹，鴨肉比雞肉多一份勁度嚼頭，鴨肉平時比較少吃，另有一番獨特風味，不少老人都單點全鴨飯，應該也是這裡的招牌之一。如想口味刺激一點可以蘸附上的酸辣汁~~也不錯吃☺️✅跟餐(+$18)話梅涼瓜片，這個很好吃😋有點像平時酒樓開胃前菜 蕎頭，但更好吃~酸酸甜甜爽脆的口感，很醒胃解膩呀！用話梅浸泡的涼瓜苦味被釋出，怕涼瓜的人也可以吃😚❤️🍲跟餐還有例湯，每日誠意新鮮煲，天天不同，當日是霸王花蘿蔔豬骨🥕清甜解湯，無味精不會越喝越渴😁🍶酒

元朗新開小店，一家人經過入左去試下，好驚喜！-話梅涼瓜片 $32🌕🌕🌕🌕🌕涼瓜入口爽脆，以話梅汁腌製，食落帶少少酸甜，後勁有啲青草味，無哂所有苦味，好清新好開胃！唔鍾意苦瓜苦味既人都食到！一定要嗌！-酒仙醉雞卷 $45🌕🌕🌕🌕🌑冷盤，雞皮無肥膏，仲有啲透明骨膠原啫哩，雞肉一啲骨都無。食落雞皮好爽，好重花雕酒味！好愛醉雞既人好覺得爆正，但我本身唔食醉雞，所以覺得酒味有啲重。-食神叉燒飯 $56🌕🌕🌕🌕🌕食到同薛家燕一樣樣，超好食！新鮮自製既叉燒，好入味，但肉質仍然好鬆軟，一啲都唔實！外層既焦香實在太正！蛋都煎得好好！呢個價錢，呢個份量，呢個質素，超值無得彈！-秘汁鹵家鴨飯 $54🌕🌕🌕🌕🌑鴨份量爆多，就咁點已經好有鹵水味，不過濃味既朋友可以再點酸辣汁食，味道更重更刺激！-自家太陽煎雞排飯 $52🌕🌕🌕🌕🌕一上菜，我嚇親。塊排超級大，係普通雞排既2倍份量大...會唔會太足料！雞排好食到形容唔到，調味好特別好有風味，唔係普通黑椒汁咁hea，雞排有肉汁，勁腍勁滑！大家都知雞好易就老，好耐無食過咁嫩滑既雞！正！-自家製湯（跟餐送）好好飲，仲有湯渣食，湯夠味而且無加味精，係媽媽的味道。-以上是午餐