鹵家

营业中

休息中

鹵家係我元朗飲食地圖之一，今晚終於試到～聽講蜜汁叉燒王係鹵家招牌菜，燒味之中我最鐘意食叉燒，因為外面好難先食到好食嘅叉燒，呢個不得不試！叫左個蜜汁叉燒王套餐。先講是日老火湯，好有媽媽嘅味道😚，足料夠味，飲得出無味精。蜜汁叉燒帶少少燶邊，肥瘦均勻，最怕食瘦柴乾爭爭；呢個恰到好處，而且不是太甜，食到豬肉嘅質感。另外一個招牌菜，坊間好少見嘅話梅涼瓜片，同行朋友好怕食苦瓜；我遊說佢不如試下啦😆😆 果然一食愛上😍 甘苦中帶點酸甜，入口爽脆，味道好特別，係一道開胃小菜👍🏻👍🏻👍🏻天氣凍凍地，最後叫左個子薑鴨仔煲，+$25就有個老火湯。呢個煲搞到我食晒成碗飯😅，煲內有我最愛嘅子薑，酸酸甜甜好開胃呀😎~ 個煲鴨肉好多，而且仲保持嫰滑多汁。值得一讚，樓面姐姐好有禮貌😊因為第一次黎，主動介紹招牌菜。雖然八點幾先入座，中間仍然好不斷有人幫襯，呢到可能成為我將來嘅飯堂。😜

叫外賣就叫得多，今日第一次嚟食晚市堂食。未夠7pm已經坐無虛席，當然係元朗嘅人氣餐廳。晚市嘅選擇都好多，我哋叫咗子薑鴨子煲、酒仙醉雞捲、最重點係叉燒王：仲可以叫到燶邊肥叉，十分期待。首先上枱嘅係兩碗例湯：佛手瓜栗子南北杏甘筍豬骨湯——見到啲湯料都好足，飲落去都唔覺得有味精。酒仙醉雞捲——醉雞捲係呢間餐廳嘅名物，整嘅步驟比較繁複，一拎出嚟呢已經聞到好香嘅酒味最重要雞幼嫩同埋夠凍。叉燒王——果然名不虛傳，之前通常都係食滷水同埋雞，落單同阿姐講要肥叉燶邊，晚餐時間咁繁忙，居然都俾到，服務一流。叉燒好好味，切得厚薄適中，外面少少燶邊，裹面又嫩又juicy,配埋叉燒汁，送飯一流。子薑鴨子煲——酸薑加埋鴨子嘅味道原來係咁配合，又係配白飯嘅最佳之選。正值今晚街上天氣寒冷，個煲拎出嚟嘅時候仲熱辣辣起晒煙，睇嚟冬天繼續都會去鹵家呢間飯堂。

來過元朗都知道，除了街頭人山人海，食肆林立，各式各樣應有盡有。以往過來多數吃甜品，屯馬線通車後來元朗更加快捷方便，今次就同朋友來這家飯店吃晚餐精美晚市套餐選一款小菜+白飯及住家老火湯各一▶️蜜汁叉燒王 - 用上梅頭最靚部位梅頭芯，紋路分明，看似沒有半點肥膏，中間筋位食落鬆化，蜜味甘香，表面更帶有焦香，比一般坊間做得更出色▶️秘汁鹵家鵝🦢(餐牌+$20可轉鹵鵝) - 鵝皮色澤透亮，鵝肉夠嫩多汁，好的鹵水汁吃不出香料味，這個做到之餘，味道不會過鹹，好啱現今愛吃又愛美麗的人▶️話梅涼瓜片 (另加嘅小食) - 一向少吃涼瓜，原因簡單就是味苦，見到這裏的小吃用話梅做的涼瓜就叫來試吓。涼瓜口感爽脆，味道甜甜酸酸好醒胃，吃不出半點苦味，不自覺地吃清光▶️是日例湯 - 蓮藕章魚花生眉豆湯🥣豬骨的肉味，章魚的鮮甜味，再加入蓮藕、淡菜花生眉豆等豐富材料，飲落特別清甜

對鹵水，冇特別留意。鹵味聽落似乎就係一堆味精集結而成嘅味道。不過元朗國朋友大力推介呢間小店，標榜冇味精鹵味同燒臘。食過，味道唔死咸或搶喉，鍾情食鹵味嘅朋友可一試。冷盤見好多人都叫呢個 #酒仙醉雞卷，酒香冇話好濃烈，個人私心當然想重味啲。酒同調味比例尚可，至於個雞卷口感肉質結實，大大件好「均真」！有啲似食緊啫喱咁，唔油膩，加埋個杞子做點綴，入口咬到杞子滲著淡淡清香。再追加多2款主菜，一個係 #鹵水燒鵝脾，好大件鵝脾好震憾眼球！肉質比平常食到嘅鵝肉更扎實，因為唔係燒鵝脾，所以外皮冇咗香脆口感，反而係有啲煙un，脂肪唔算好多。啱我呢個要食又怕肥人士！最後係店員推介嘅入冬限定菜式 － #子薑鴨仔煲，話好補身暖胃喎！ 子薑酸店開胃，鴨肉十十弓心稔入味爽口，鴨味唔算好濃，但個汁好出色，而且一樣都係超足料！P.s. 值得一讚佢個例湯，好有阿媽煲嘅老火湯feel，清甜冇味精！

對鹵水，冇特別留意。鹵味聽落似乎就係一堆味精集結而成嘅味道。不過元朗國朋友大力推介呢間小店，標榜冇味精鹵味同燒臘。食過，味道唔死咸或搶喉，鍾情食鹵味嘅朋友可一試。冷盤見好多人都叫呢個 #酒仙醉雞卷，酒香冇話好濃烈，個人私心當然想重味啲。酒同調味比例尚可，至於個雞卷口感肉質結實，大大件好「均真」！有啲似食緊啫喱咁，唔油膩，加埋個杞子做點綴，入口咬到杞子滲著淡淡清香。再追加多2款主菜，一個係 #鹵水燒鵝脾，好大件鵝脾好震憾眼球！肉質比平常食到嘅鵝肉更扎實，因為唔係燒鵝脾，所以外皮冇咗香脆口感，反而係有啲煙un，脂肪唔算好多。啱我呢個要食又怕肥人士！最後係店員推介嘅入冬限定菜式 － #子薑鴨仔煲，話好補身暖胃喎！ 子薑酸店開胃，鴨肉十十弓心稔入味爽口，鴨味唔算好濃，但個汁好出色，而且一樣都係超足料！P.s. 值得一讚佢個例湯，好有阿媽煲嘅老火湯feel，清甜冇味精！

𓊦蜜汁叉燒王叉燒充滿焦香，肥瘦肉均勻，肉質軟腍！𓊦酒仙醉雞卷酒香入味得黎又唔會太搶喉，雞肉卷夾埋雞皮同少少肥嘅位置，口感好順滑𓊦梅子脆燒鴨燒鴨肉質好嫩，肥瘦適中，但食唔到梅子嘅味道，不過滷水味好香，墊底嘅芽菜入晒滷水味，好好送飯！𓊦特製鹽香雞鹽香雞相比之下唔算特別，肉質味道都正常發揮𓊦話梅涼瓜片涼瓜片甘中帶甜，完全無平時涼瓜有嘅草青味，好特別！餐廳平日晚市都非常繁忙，但店員服務有禮，值得一讚！

元朗不嬲出名多好嘢食🤣今日係元朗行街行行下肚餓，朋友話想食燒味，就search 咗呢間～一入去已經好多枱客人幾好生意味道應該都唔會差😆整體評分：7/10環境：6.2/10服務：6/10人均消費：$50-100地址：鹵家 (元朗)元朗教育路68號兆豐樓地下10及14號舖住家老火湯：每日唔同，今日係牛蒡粟米紅蘿蔔豬骨湯，好濃好好飲😋食神叉燒$ 56（包湯或飲品）：叫得食神叉燒相信佢對自己嘅技術一定好有信心🤣梗係要試吓～又真係幾得喎🤩蜜汁醃製得好入味，叉燒半肥瘦，厚薄一致，外焦內嫩，仲有濃邊好惹味！皇牌鴛鴦飯（豉油雞+燒鵝雙拼）$78:幾欣賞佢呢個，豉油雞好入味，又唔會好霉，而且雞唔會好肥！而燒鵝嘅皮燒得好脆，咬落有油香四溢話梅涼瓜片（$ 32）：我其實唔鍾意食苦瓜，純粹朋友想食，不過咬左啖有驚喜，味道酸酸甜甜，完全唔苦！絕對會對苦瓜改觀

入開元朗搵朋友就係附近食埋野，最近食得多日本野，所以今日就食番啲港式小菜，家常便飯。🧡蜜汁叉燒王🐷配白飯🍚$76聽店員講呢到啲叉燒好出色，所以就聽佢推介揀左。叉燒肥瘦均勻，蜜汁味搽滿係成個外皮，外面就燒到少少燶邊，燒得超靚！咬落去完全唔會乾同鞋，正！果然值得推介🧡子薑鴨子煲🦆配白飯🍚$73凍凍地食番個鴨煲就啱晒，薑片唔會太辣，個汁帶甜味而且濃郁，就咁用汁撈飯食都好正。鴨肉都有好多件，但鴨唔算大隻，厚肉會更加正🧡話梅涼瓜片🥒 $32係出面都未試過呢味餸，所以叫黎試下。味道甜甜地，仲有少少話梅酸味，食落完全唔苦，帶甘味，唔講唔會覺得佢係苦瓜，幾特別🧡住家老火湯🍲今日去就係冬瓜薏米排骨湯，夠熱，飲得出冇味精，飲完唔口渴平日黎都唔少人，算係一個幾方便同埋味道幾好嘅小菜餐廳，下次想試埋佢個醉雞卷

#元朗要去辦點事, 之後約媽媽一齊食晚飯👯‍♀️! 6:30pm 路過已經坐滿客, 好明顯好值得一試! 🐖蜜汁叉燒皇 $76 ~ 必點! 叉燒肥瘦適中, 肉質好腍好滑, 焦香多汁, 又細又嫩! 淡淡的玫瑰露酒香, 件件切得厚身, 甜甜的味道! 底下墊有芽菜, 吸收晒醬汁味道, 超讚! 🦢秘汁鹵家鴨 $68 + $20 轉鹵鵝 ~ 比較喜愛食鵝多過鴨, 既然有得選擇, 就梗係轉鵝啦! 肉質細緻嫩滑, 外皮唔肥夠爽身, 底下同樣墊有芽菜, 吸收滿滿鵝油, 另一番風味! 最特別係一邊鵝肉, 一邊係鵝片, 一次過迎合不同喜好! 🦆海蜇醉鴨舌 $68 ~ 好濃的酒香味, 但食落唔嗆喉! 鴨舌好滑、好腍、好入味, 海蜇好爽口, 份量比想像中多, 讚! 🍲必點住家老火湯! 猴頭菇南北杏椰子蜜棗紅蘿蔔粟米豬骨湯, 完完全全無味精, 超清甜足料 我唔喜愛飲街外所謂老火湯, 但呢碗, 我飲晒! 🥳連媽媽都大讚的一家食肆, 全無味精, 食完唔口渴, 服務態度好到極點!

一間家庭式經營既小店，由前五星級酒店大廚煮出多款美味鹵味燒臘菜式，食物每日新鮮製作，美味又足料，職員都好友善。晚市有套餐提供，一款指定菜式配白飯同是日無味精老火湯。蜜汁叉燒王 $76店裡王牌叉燒王，肥瘦均勻，肉質軟熟易咬，外面燒至少少焦，再加必備的蜜汁，不咸但好入味，絕對必叫！香葱煲仔豉油雞 $73豉油雞好嫩滑，而且好入味，有淡淡豉油味之餘，雞肉還有好香的香葱味，超級入味，但不是死咸。酒仙醉雞卷 $48新鮮雞肉浸透紹興酒，再配秘製調味料卷成形，雞卷內會有點啫喱狀物體，酒味幾清幾重味每件加上一粒杞子作點綴。話梅涼瓜片 $32好特別的一款小食，涼瓜片好爽口，經醃製後一點都不苦，再加話梅吃，反正變得甜甜地，好開胃。餐廳內有大大幅廚師畫像，還有例出廚師既工作歷程。餐牌:

已經第三次特登入元朗食鹵家🤣上次帶完男朋友去 佢一直都話要再特登去多次食佢一直都對個叉燒同話梅苦瓜念念不忘🤭〰️ 蜜汁叉燒王黎到呢到叉燒係必叫的!叉燒食落依舊鬆軟 加入蜜汁醃得好入味特別係邊邊位帶燶邊 食落重焦香 不得了😢食叉燒最期待就係焦香嘅燶邊!!!🤘🏿不過唯一係今次嘅叉燒肥瘦無咁均勻感覺比之前嘅有啲退步 但依然好食的~〰️ 子薑鴨仔煲 $73 +25配飯•老火湯/熱飲今次去到仲見到餐牌多咗冬日煲仔菜用上煲仔呈上 第一次見子薑同鴨肉嘅配撘食落鴨肉肉質軟腍 加埋酸酸甜甜嘅子薑成個煲惹味得黎好開胃 食落好有層次鹵家真係好擅長加入啲酸甜元素 令成個菜式更加好食🤘🏿〰️ 話梅涼瓜片$32上次食完好有驚喜 encore的涼瓜片!同樣係酸酸甜甜好開胃嘅一款小食即使唔鍾意食苦瓜嘅人都會對佢另眼相看!不過今次食落覺得呢個都冇上次咁入味😣〰️ 猴頭菇南北杏蜜棗红蘿蔔粟米豬骨湯除咗燒味出色之外其實佢哋嘅湯品都好高質所以每次嚟到都會揀湯 而無叫野飲🤣住家湯超級足料 清甜又無味精 飲完都唔會口渴🤘🏿

今日同朋友去咗「鹵家」食晚餐，我們入座後，店主很熱情地向我們推介招牌菜色，所以就叫咗話梅涼瓜片及酒仙醉雞卷。涼瓜片的最大特色是微微酸特別醒胃，基本上完全食不到涼瓜的苦味。至於醉雞卷充滿著微微的酒香，而且啖啖肉滋味十足。另外又叫咗店家極力推介的蜜汁叉燒皇及煲仔豉油雞，叉燒雖然真係成日食，但呢到叉燒調味做得十分好，而且肥瘦適中。豉油雞都做得十分惹味送飯一流。另外，不得不提兩個例湯，每碗湯的湯料十足，而且飲落去係完全feel 到真係無味精，應該係煲咗足夠火候，十分清甜鮮味，與其他茶餐的餐廳的味精例湯簡直就是天淵之別。

前排屋企人買過呢間燒味店嘅外賣畀我食，我覺得好出色！今日就帶男朋友嚟試下😁見到呢度大廚個background就知猛料👏 水準有保證！😎我地叫咗兩個午市套餐同一個小食鹵麻豬耳～❤️佛手瓜栗子南北杏甘筍豬骨湯 媽媽既老火湯味道😍 好大碗，零味精，足料夠味，岩晒宜家轉季天氣飲😋❤️食神叉燒飯 💰5️⃣6️⃣色澤好靚，燒到邊位焦香得黎唔會太燶，肥瘦均勻甜度岩岩好，配埋脆邊既流心🍳，超正！🤤⭐鹵家鵝王飯 💰7️⃣5️⃣午市套餐嚟講份量好多😯 鹵水汁非常入味，皮唔會太肥，肉質唔韌😋⭐鹵麻豬耳 💰3️⃣8️⃣同樣都係好入味，麻油味重，但略嫌豬耳口感偏淋左少少，不過加左芫茜同白芝麻好香😊我呢啲外食一族最中意幫襯啲無味精餐廳，仲要無味精得黎都咁高質👏難怪平日午飯時間都坐滿晒食客，作為元朗街坊既我真幸福🤗

香港人真係成日都食滷味燒臘，因為真係好味簡單快捷‼️係當唔知食乜嘢或者自己一個人食飯嘅時候嘅最好選擇😌雖然簡單，但係唔一定係hea。就好似元朗鹵家嘅食神叉燒，咬落去果下真係幾surprise🤩因為一啲肥都🈚️嘅瘦叉肉質居然係非常軟腍，連平時一定要食肥叉嘅我都清咗碟😋雙拼嘅另一款餸揀咗秘汁鹵家鴨，份量都唔少，喺淨鴨肉下邊仲有一啲係連骨🦴鹵鴨肉質厚實夠入味，放埋嘴邊時都聞到香香嘅五香味。店員推介我試吓佢哋嘅酒仙醉雞卷，層層碟嘅雞卷片上都放有一粒杞子，賣相精緻。酒香撲鼻，雞肉肉質嫩滑，連埋杞子一齊食仲多咗一份甜味☺️值得一提嘅係老火湯例湯係店舖自家熬製，🈚️落味精㗎，飲完都唔會口渴👍🏼

搬咗入大西北就努力食盡元天屯😎今日就黎食燒味🤤同區雖然有好多出名燒味舖，但店舖環境實在⋯⋯🤢呢度環境企理又坐得舒服👍🏻餐紙寫上五星級酒店老師傅主理，令人更加期待😍精美晚市套餐好豐富！有絲苗白飯+住家老火湯+小菜😋$76蜜汁叉燒王米線🍜叉燒份量多😋肥肉適宜👍🏻肉嫩又多汁🤤🤤🤤清清地配米線感覺冇咁油膩🤤$73子薑鴨仔煲🦆子薑鴨肉爽口，超入味，鴨味濃，配白飯食一流！🤤🤤如果唔係太飽都想加多碗飯🤤+$25轉套餐包無味精住家老火湯🍲當日住家湯係佛手瓜栗子南北行甘荀豬骨湯😋仲寫住有補肺益腎， 潤燥止咳功效😂$48酒仙醉雞卷🐥肉質結實爽口，一啲都唔肥😋凍食都唔會有一舊舊油啫喱☺️個人會更喜歡酒味重一點的🤤總括而言，小食款式多，食物分量足，機會都想食埋梅子脆燒鴨同皇牌鴛鴦飯🤤可再回訪！