鹵家

营业中

休息中

入開元朗, 鍾意食滷水既可以試吓呢間, 鹵水既質素唔錯!鹵水鴨併盤 - 有大腸、豬耳、金錢肚、掌翼、豆腐、鹵鴨等等。滷水汁鮮味十足, 滷味香, 款款都充份吸收到鹵水味道!酒仙醉雞卷 - 帶有陣陣酒香, 凍食冰涼透心! 酒香滲入雞卷當中, 充滿花雕香氣, 入口啖啖肉, 肉質嫩, 浸泡得好入味, 杞子帶出天然甜味。豉油雞翼滷蛋 - 鹵水雞蛋唔會太硬身, 點埋啲汁, 更加和味! 雞翼好入味, 唔老身。海蜇醉鴨舌 - 酒味香醇, 濃度剛好, 鴨舌有爽滑彈牙既口感。蜜汁叉燒皇 - 外層烤至微焦, 油脂及瘦肉比例均衡, 肉質細嫩, 帶有蜜汁既甜味。

天氣好熱同朋友行完 特登過嚟試吓呢一間 tea一tea～首先叫個酒仙碎雞卷（$45）：賣相都幾靚仔 唔錯～但係夾落去覺得稍為薄身咗少少 大家都建議食呢個 但我反而覺得呢個好普通🤪 覺得酒味可唔濃d 唔算好滑雞絲拌粉皮（$42）⭐️推介呢個本身只係想食啲涼拌 冇乜期望但係一食落去覺得粉皮出奇地滑嘟嘟 調味雞絲各方面都可以 好 ～好食～呀～😝 仲滑我之前我喺葵廣食過既涼皮仲見到其他滷味叉燒好似好吸引 但係奈何食唔到咁多 有機會下次再試下🤗

十年前，香港旅遊發展局舉辦了一個以叉燒為主題的廚藝比賽，廣邀江湖豪傑一併高下，有幸吃盡了最美最巧最創新最奇特的叉燒。但冠軍卻頒給用最傳統煮法，名不經傳的中式酒樓廚房。所謂最簡單，其實就是最美味。當年還有一道落選作品至今仍然回味，可惜沒有餐廳供應。它先將數隻咸蛋蒸熟然後壓碎攪勻釀回肉內，然後再以傳統方法烤製，外則蜜糖甜香，內則咸蛋味道。咸甜相沖，味蕾刺激，好不過癮。冠軍廚師然後學而優則仕，自行創立門戶。最近疫情時間生意依舊澎湃，正如我近期常說：「美好的食物是絕對經得上經濟大浪潮」。傳統叉燒制法大致相同。利用新鮮梅頭豬肉以鐵針刺孔，再將蠔油豉油、桂候醬、八角香料、玫瑰露醃於肉上，烤前塗上一層麥芽糖漿，中段取出再塗一層糖漿。出爐後刮掉燒焦部分，再厚切每塊半根手指大小，伴以蜜糖豆同吃，外層脆香帶有黏黏甜甜味道，內則肉層鬆軟，肥膏部份口感煙韌。賣相油光棗紅、刀切不散、肥膏於外是為最佳。有些油雞佬愛在糖漿上玩花式用上昂貴蜜糖；有些則在醃料下功夫加點辣椒味道，各施各法，各有各饗客支持。聞說「鹵家」經營者是五星級酒店燒味部主管出身，就特來嘗試他的出品。酒店燒味部並非什麼大部門，容易被人忽略，資源緊拙，

唔知大家係元朗已經食過邊幾間餐廳呢🧐？今日小編係收工之前特登搵一搵係元朗有邊間好食，畀小編搵到一間叫做「鹵家」既餐廳🤔，第一時間望下啲餐牌都覺得唔錯，評價亦都好高😲，而餐廳主要以滷水汁燒味為主。小編諗諗下都覺得自己太耐無食燒味😚，而且仲要用滷水汁整出黎，小編決定收工之後去朝聖下🤩。✦✦✦✦✦✦✦✦✦✦✦✦✦✦🎈秘汁鹵家鴨 $68餐廳既晚餐白飯🍚係可以轉米線、米粉同瀨粉，如果唔鍾意夜晚食白飯既朋友就可以轉粉麵🍜。而跟餐仲送住家老火湯🥣，小編已經好耐無飲過湯喇，唔洗諗就一定要湯啦😋。打開外賣盒見到鴨既份量有半隻，其實好多好夠食🤗。滷水汁帶咸，肉質嫩滑，小編以為食入口會偏咸，反而無呢種感覺😮，而係食到鴨肉香既更多。味道、賣相、材料種種夾埋下，小編覺得質素係尚可👍。雖然滷水味渗哂入鴨肉中，但小編只食到鴨肉香同嫩滑😧，少左滷水再帶出既味道，不過鴨既份量、質素都係可以👏。✦✦✦✦✦✦✦✦✦✦✦✦✦✦🎈住家老火湯 套餐既老火湯，清甜足料，小編好耐無飲湯喇，所以一大啖咁飲哂成碗湯😝。小編認為如果餐廳有提供湯就值得加分，而且都建議大家飲多啲湯👍，健康啲對身體都好，尤其係呢段時間呀😷。✦✦✦✦✦✦✦✦✦✦

呢間餐廳係位於元朗既, 朗屏落車就會方便一點位於熱鬧的街道上, 同友人傾計聊天都不錯的店子蜜汁叉燒王一定要食既就一定係呢個叉燒!! 未食過咁juicy又好味既叉燒, 甜甜的肥瘦分明, 我沒有特別的點要肥或是瘦, 但這個味道同口感真是100分梅子脆燒鴨係燒鴨脾!! 肉質係非常之咁嫩滑, 而且脆仲係卜卜脆的, 無得頂!!脆皮炸乳鴿一隻既炸乳鴿都可以分成4大塊, 足夠2個人share黎食啦!! 即點即炸既關係所以係超香口同脆皮的!! 味道一流而且價錢唔算貴!! 無得頂

門口亂七八糟，感覺唔係幾好。有板隔開，但感覺有啲逼。招牌叉燒，想食好嘢都係要跟風。套餐絶對係女士份量，或者男士減肥份量。唔介意，好食就得。個湯都可以，無味精，不過份量真係好孤寒，個碗已經咁細你都裝滿啲啦！唔好誤會，張相我未飲過影。好睇唔好食，叉燒無肉味，只有香料味。認真講，呢種叉燒唔會好過十九蚊單拼飯盒果種叉燒，睇你邊間。我明白食叉燒有時講運氣睇師傅畀咩部位你，但都要體諒寫食評都要中肯忠於體驗，只可以講大家都唔好彩囉無辦法，唔好食我唔可以夾硬話佢好食。果日叉燒無肉味係鐵一般事實，可能第日會好啲我唔知。比較上嚟隻蛋好味啲。

元朗多嘢食就大家都知啦，今日我們一行二人，入嚟元朗食嘢，諗唔到有咩食，但係又想食少少燒味等等嘅食物，就搵到呢一間餐廳。我哋夜晚食，叫咗兩個套餐，每個套餐都有中式老火湯飲，湯清甜、餡料豐富，兩個套餐分別係蜜汁叉燒王同埋梅子脆燒鴨，另外仲叫咗個酒仙醉雞卷添。叉燒肥瘦適中，撈飯一流，燒鴨皮好脆，肉質亦都嫩滑，醉雞捲就好重酒味，切得好工整擺得靚，呢個係凍盤來，新奇有趣。呢一間比其他中式酒樓更多新款。值得推介！

出色鹵味落到元朗想食叉燒飯 會諗起鹵家鹵家嘅廚師係各大酒店任職過所以對於整中式燒味係好超班同樣地叫咗個蜜汁叉燒飯叉燒靚 半肥瘦 睇落立立令但並不會太油膩 蜜汁適中唔會話太甜搶咗肉味另外 叉燒底係芽菜平時唔太喜歡芽菜嘅我都因為吸晒啲精華而食晒今次另一個飯就叫咗秘汁鹵家鴨啲秘汁真係令到鴨昇華咗而且鴨切得好工整 擺得好悅目好可口 口感不錯 餸飯好正叫餐會有湯送 每晚都係不同的靚湯令次係木棉花豬骨瓜豆湯 木棉花滲透得好好 好特別的味道嗌咗一款小食 鹵大腸頭好肥美的豬大腸 口感彈牙而且份量多 叫一款小食都可以好飽哩到嘅叉燒飯會令人諗起鹵家 下次再見

哩間係其中一間我幾經常食的溫馨小店, 店不太大, 但坐位空間好夠, 坐得好舒服點左 梅子脆燒鴨晚餐 另加小食麻香海蜇首先上左個足料靚湯青紅蘿蔔煲豬骨, 唔係出面d得個咸字的味精湯, 好清甜, 夠大碗又多料梅子脆燒鴨, 個皮真係好脆, 同埋我最鍾意係本身d鴨肉好香出面食 有d會八角或其他調味料太重, 變左死咸或只有香料味哩個調味啱啱好, 夠味得黎又食到肉香而且勁大份, 點埋梅子醬好開胃麻香海蜇, 平均都大條, 唔會碎濕濕, 夠爽口喜歡辣可連辣椒絲一齊食氣氛寧靜溫馨, 放工想搵個地方好好地坐低食餐飯好選擇^^

由細店搬到大店，幫襯到現在，品質都係保持高質素，價錢平，所以今晚就去呢度開餐😚😚由於七點係晚餐時間，好彩耒早一步，唔係又耍等，入到去姐姐已經熱情招待👍👍招牌鹵家食鵝，芽菜 墊底，鵝片大片，肉質有咬口， 齒頰留香 ，鹵得入味，Hkd 98 蚊價錢食到甘大碟，好滿足😋😋😋蜜汁叉燒王 必點 之一， 叉燒 肥瘦適中， 鬆化，加上 叉燒邊 燒到微微焦香 送飯一流😋麻香脆海蜇， 惹味配上 脆海蜇 是 餐前的好選擇佛手瓜 栗子南北杏香甘荀豬骨湯，無添加味精，大大嚿豬骨正！！！😍😍請支持小店🤩🤩🤩🤩好好味

又係呢間鹵家啦，佢哋啲嘢食都好啱我胃口。夜晚嚟叫餸食飯，又係令人滿足嘅一餐晚飯😋.每次嚟都忍唔住會叫叉燒～今次嘅叉燒都係半肥瘦，食落肉質都好鬆軟。叉燒有少燶邊，味道剛好，整體依然令人滿意。話說我記得上次嚟食啲白飯有啲過腍，但今次啲白飯就煮得啱啱好👍🏻.香蔥煲仔豉油雞一上枱超級熱辣辣，個煲仲係咁滾緊㗎，所以要小心熱吖🙈入面大概有半隻份量嘅豉油雞，啲雞食落都好嫩滑。豉油雞食落調味啱啱好，唔會過咸。雞下面有啲薯仔，成煲雞連薯仔清哂冇難度😂.今次特別encore咗上次食完覺得好有驚喜嘅話梅涼瓜片。同行朋友唔鍾意食苦瓜，所以佢食咗一片之後其他都係我食晒☺️😌涼瓜片好爽脆，食落有話梅嘅咸咸甜甜味，又有苦瓜本身嘅甘甜，我幾鐘意😆.呢到每日都有一款住家老火湯，所以跟餐記得揀湯啦！是日老火湯係霸王瓜南北杏豬骨湯，好足料，真係好有住家嘅感覺吖👍🏻😋

蒜汁豬頸肉😋😋😋😋超好味！必食推介！蒜汁又香又甜又入味，豬頸肉處理手法非常新穎，唔講以為係雞肉，薯比戒左雞咁耐，真心可以止到癮～話梅涼瓜片😋😋😋評語好壞參半，薯比本身係好鍾意食涼瓜嘅，但我就覺得塊嘢剩係得甜酸味冇咗涼瓜味，相反，馬比就覺得好正啊，因為佢本身係唔食苦瓜嘅（黑人問號），佢話好甜容易入口，成碟苦瓜比佢食晒😂蜜汁叉燒王😋😋😋😋叉燒肉肥瘦分布平均，調味適中，入口即融，總括而言係超級好味！！薰蹄海蜇😋😋😋😋同幻想中嘅味道一樣，有正常薰蹄同海蜇應有嘅味道，合格 ！打完呢篇食評，打算今晚再去食過🤪🤪🤪

今日嚟到元朗搵食，突然間好想食叉燒見到附近有呢一間餐廳有燒味小菜又新開就去試吓啦☺️店入邊座位唔算多，但兩邊梳化位都坐得好舒服，地方都乾淨，就好似一間高級茶餐廳咁🤣🤣我哋分別叫咗兩個套餐同埋一個小食，叫餐嘅話餐廳會送湯🍲而且仲會寫埋有咩功效今日係冬瓜木棉花赤小豆扁豆煲豬骨，清熱解暑，啱晒咁熱嘅天氣飲呀🧊而且唔好以為送就細細碗，上枱時好足料好大碗，好有家的味道☺️☺️蜜汁叉燒王套餐($76)叫得做叉燒王咁巴閉就試吓佢有咩特別先！🥓而家好少叉燒會做到燶邊脆口👍🏻👍🏻肉質半肥瘦，叉燒汁又唔會太重口味，啱啱好，份量超多，比平時酒樓嘅例牌都要多！好高質🥰🥰梅子脆燒鴨套餐($68)佢嘅燒鴨一睇個樣就好賞心悅目，個皮真係脆，燒得好靚好香鴨味🦆肉質唔會鞋，送飯一流，我哋一舊接一舊就食晒成碟🍛份量又係超級多，開頭仲諗應該食唔晒要打包返屋企🤣🤣酒仙醉雞卷($45) 醉雞捲卷得好靚🥃一件一件擺好，每一件上面都有一粒杞子，清甜爽口，男朋友本身唔食醉雞都話幾好味😆😆其實佢仲有好多款小食，下次要再試多幾樣啊 !

今日要去元朗做野 搵咗附近餐廳食午飯🥣呢間餐廳店面裝修光猛舒服 仲幾乾淨 都坐得幾舒服架～叫咗兩份午餐🍽食神叉燒飯🍛 ($56)都幾黯然銷魂飯既feel~~ 賣相好靚好吸引！食落啲叉燒肥瘦適中 唔會話一咬落去全部肥膏咁 叉燒都燒得好正 蜜味好均勻～秘汁鹵家鴨🍛($54)一貫排得好整齊賣相吸引既作風🤤 鴨肉都鹵得入味 同唔韌啊👍🏼仲叫咗兩款小食～薑汁松花(+$15)薑切成碎粒舖滿松花皮蛋上面 一啖食落去 其實我唔食薑既人都覺得唔辣 同啲薑粒都同皮蛋幾夾 呢款小食有啲特別～😍.鮑汁雞腳(+$18)鮑汁浸過既雞腳好入味 仲甜甜地 👍🏼飲品就要是日老火湯-老黃瓜赤小豆扁豆豬骨湯🥣佢地主打係無味精既住家老火湯 真係煲得幾好飲 好入味 係媽媽既味道😍原來呢間餐廳既老闆係前五星級酒店大廚 每日新鮮製作既叉燒飯同無味精老火湯係呢間店既招牌菜

—平時夜晚喺屋企食飯想斬料加餸都會嚟呢度上咗個例湯先佛手瓜栗子南北杏甘筍豬骨湯功效: 潤燥止咳 增強體質符合而家天氣同疫情飲完唔口渴 湯渣都入味蜜汁叉燒皇($76)兩層叉燒疊高 份量幾慷慨厚切半肥瘦 香口微甜 軟腍有肉汁最鍾意揀燶邊嚟食 肥膏部分幾有嚼勁堂食好似更加好味秘汁鹵家鴨($68)皮薄富彈性 肉質尚算腍身唔死實我諗加錢轉鵝會更柔軟食完碗飯 都仲有好多鴨肉lol三個人嚟嗌兩個餐都會夠食麻香脆海蜇($42)海蜇好爽脆嗦嗦聲 啖啖麻油香味從個餸菜名無差異地反映出嚟—————————————鹵家元朗教育路68號兆豐樓地下10及14號舖