鹵家

营业中

休息中

[#元朗燒味] || 小店高品質燒味@元朗‧鹵家 / 講女搵食團  = = = = = = = = = = = = = = =總括💬：小店經營高質素燒味，分量大碟抵食環境：★★★★☆ | 味道：★★★★★服務：★★★★★ | 抵食：★★★★★ ———————————————— 住元朗有個好處就係多野食，除左一般連鎖店，都有好多唔同菜式既小店 今日懶煮飯，又想坐得舒舒服服食個燒味飯，就去左成日都經過既「鹵家」 . 小店模式坐位之間唔算太迫，坐得舒服 雖然是小店家庭式經營，主打由經驗豐富前五星級酒店師傳主理 標榜每日新鮮製作 主要提供鹵味，燒味 加上無味精住家老火湯 同親愛的一人個一人餐 經濟又實惠 . 套餐可選老火湯或飲品 老火湯標榜無味精 飲落完全無味精 每日既湯款唔同 大大碗，又有好多湯料 ———————————————— ˚‧⁺ ･ ˖ · 酒仙醉雞卷 ･ ˖ ·⁺‧˚ 每片醉雞卷加上杞子點綴，賣相吸引 雞皮軟薄滑身，入口唔油膩 雞肉去骨，一啖放入口，肉嫩啖啖肉 帶有清香酒味不苦澀 . ˚‧⁺ ･ ˖ · 頭抽豉油雞 ･ ˖ ·⁺‧˚ 雞肉嫩滑唔嚡口 頭抽豉油鹹甜適中 味道很有層次

聽講呢間燒味好好食，即約埋朋友去食個快、靚、正嘅lunch先😌🔸薑汁松花皮蛋（$32）紫薑鋪底，皮蛋加上薑汁及蒜蓉，味道酸甜帶蒜香，非常醒胃😋🔸食神叉燒飯（$58）有睇過套戲嘅，都會知係叉燒蛋飯。叉燒半肥瘦，唔會太乾又有燶邊，香甜蜜味又夠香口，另秘制豉油加埋蛋汁，真係多多飯都食得落😋🔸燻蹄拼海蜇飯（$69）一上枱真係有啲驚訝，竟然有咁多燻蹄，總共有十多片👍🏻燻蹄厚薄適中，太厚會膩，太薄又無口感，加上蒜醋汁，無得彈👍🏻海蜇十分彈牙，麻油非常香，食到唔停口😋🔸牛蒡粟米紅蘿蔔湯（套餐跟配）飲一啖已經知唔係坊間嘅味精湯，而係十分足料嘅老火靚湯，抵讚👍🏻🔸凍檸茶（套餐跟配）凍檸茶要咗少冰少甜，飲落微甜偏酸。

今晚突然想食燒味，於外賣平台揾到鹵家，睇價錢並唔似一般的燒味，就決定即管使下，叫咗一個2人餐及另外加咗一個小食。2人餐包一份雙拼燒味，一份小食，2個例湯及2個飯。我地揀咗叉燒及燒鴨，兩樣整得都出色，夠入味，口感亦佳，份量亦合格。小食我地叫咗酒仙醉雞卷，雞夠哂入味又有啲酒香，美味！就算係2個例湯都絕對唔馬虎，足料之餘，夠味但又唔會過咸。另外加的小食為話梅涼瓜片，味道雖略帶柑甜，但咬落並無太多苦澀的味道。整體鹵家的食物令人滿意。值得向大家推薦。

今日中午放飯試呢間鹵家，睇個名以為主打鹵水野呢，唔係喎，又有燒味又有d茶餐廳碟頭飯咁，一於入去試試先。睇完餐牌，試下個梅子脆燒鴨同個自家太陽煎雞排飯先，我地都係跟個老火湯，佢標榜無味精，一於試下。先黎個湯先，我地係第1批客人，呢碗真係叫頭啖湯，首先真係飲得出無味精，但我覺得再甜d會好飲d。梅子脆燒鴨，梅子係指梅子醬，呢度用既酸梅醬唔同出面一般燒味檔果d，個梅子醬應該係自己調既，幾特別，梅子味都幾重，脆燒鴨就唔脆，似鹵過咁好腍身，鴨肉好入味，今日食到係鴨胸位，師父仲片埋肉擺盤好靚，味道係唔錯但就唔似平時食燒鴨果種香口既感覺，飯煮得幾好軟硬適中。自家太陽煎雞排飯，太陽即係太陽蛋，個雞排賣相好靚，不過食落又係好似鹵過咁，無左果種香口既感覺，唔怪得叫鹵家，味道都係唔錯既。

這天OT完返到元朗已經超過八點，煮唔到飯就打算食埋先返屋企。元朗人當然會選擇去最多食店的教育路搵食，今日特別間想食燒味，平時望到會直行直過的燒味店「鹵家」，今日就行左入去。餐廳由經驗豐富前五星級酒店師傳主理，加上提供無味精住家老火湯，一般我哋想像燒味店都會比較不會太整潔，但呢間店比我感覺企企理理乾乾淨淨，坐得很舒服，而餐廳的侍應姨姨非常有禮貌同仔細，值得一讚。 餐牌上除咗有各種比較大路的燒味之外，比較特別的有蒜汁豬頸肉，仲有一些特式小食可供選擇。 晚飯堂食配有住家老火湯，呢晚係猴頭菇南北杏蜜棗紅蘿蔔粟米豬骨湯，功效係清熱潤肺止痰止咳。這個湯非常清甜而且暖心，又真係完全無味精，有媽媽的味道，對於少有住家湯飲嘅我地，係感受到溫暖的。 蒜汁豬頸肉(跟白飯) $69來到五星級酒店師傅主理的舖頭當然要試一些比較特式的款式啦。這個蒜汁豬頸肉絕對係超乎想像的好吃！一上桌貌似川菜的蒜泥白肉，豬頸肉半肥瘦是最好吃的，似是以慢煮方式灼過，肉質鮮嫩完全不會韌。重點係蒜汁，對於蒜頭控嘅我，呢個蒜汁絕對係無得頂！蒜香味一流加上燒汁，豬頸肉索盡蒜汁入曬味，送飯絕對一流。一般燒味店沒有這個豬頸肉，是一大鎮店之寶！

元朗晚餐時段發現左一間超高質既燒味店 無論肉質邊位應脆得脆 應軟得軟 品質真係好好食💓 據說由五星級酒店老師傅主理 食完一次之後令我一定會回頭🤤叫左兩款晚餐套餐 包埋湯品（青紅蘿白湯）同埋白飯 #蜜汁叉燒王 $76真心要一試 肉質同脂肪分佈完美 而且成舊肉外皮脆口 內裡都非常鬆軟 完全食唔到任何一舊係韌 非常香口秘汁鹵家鴨 $68鹵家鴨都非常嫩滑 最緊要鹵得入味亦唔會太過鹹 仲有白醋汁跟 酸酸甜甜認真開胃 食慾大開另外叫左款鹵水小食 一樣出色鹵水大腸頭 $45大腸頭好乾淨完全冇腥味 軟軟口感好有咬口 蔥花鹵汁配搭一流 仲有最嫩滑既鹵水豆腐 非常惹味試過一次真係會繼續幫襯落去 價錢合理試到高質燒味 晚市堂食人流一般 但外賣既人係滔滔不絕 真係斬返件料上屋企開飯一流選擇📸 Credit to Instagram: @mroolong

鹵家（元朗）元朗真係有好多臥虎藏龍嘅餐廳呢間燒味店由前五星級酒店大廚主理全部菜式都係用心製作今日試左一份小食酒仙醉雞卷雖然話係小食但份量十足醉雞捲非常入味酒味相當突出而且唔會過肥雞肉亦非常嫩滑每片醉雞卷仲好細心配上一粒杞子除咗賣相好靚之餘入口仲可以帶出鮮甜味另外仲試左兩份晚市套餐套餐包咗一份燒味、白飯同住家老火湯或熱飲蜜汁叉燒王🐷（$76)係半肥瘦嘅叉燒肥瘦均勻適中而且仲有我最愛嘅燶邊味道香甜美味😋秘汁鹵家鴨（$68)秘汁真係無叫錯一食落口已經食到好濃烈嘅藥材味唔會得個咸字同鴨肉味道超夾🤩再點埋醋一齊食除咗可以解膩味道仲好平衡師傅刀工仲要好好鴨肉切到一塊塊好平均好靚而且入口非常軟滑濕潤唔會柴真係好出色👍🏻今日嘅湯係合掌瓜栗子甘筍排骨湯飲落清甜完全無味精係真材實料煲出嚟嘅住家湯整體黎講呢間餐廳嘅性價比真係好高食咗咁多嘢連埋湯同嘢飲都係$200有找實在值得一試呀！

元朗真係太多美食🫣 呢間由五星級酒店老師傅主理嘅港式燒味黃店 好似無咩人識😭店家堅持每日新鮮製作🥳 本身我真係勁中意食叉燒🤣🫶🏻 佢哋嘅燒味真係臥虎藏龍😍佢哋仲要有手工自家製作嘅冇味精餃子賣🥟服務態度超好🥰 太喜歡樓面姨姨了💛食神叉燒飯 $58叫得食神叉燒，就知道叉燒一定係佢哋嘅招牌菜😍蜜汁叉燒用脢頭半肥部位🐷雖然望落唔算話好厚切，但係食落肉質真係好嫩滑🥹肥瘦比例做得非常適中🥰 燶邊都做得出色🫶🏻 仲有爆漿太陽蛋汁+甜豉油撈飯🥳梅子脆燒鴨飯 $56呢個真係驚艷左我哋！！個燒鴨食落好似仲腍過叉燒😨秘製鹵水汁好入味🥺食落一啲都唔肥膩😍燒鴨份量都好多而且賣相真係好好🫶🏻 本身想話叉燒係最正但原來燒鴨唔試會覺得走寶嫁😂🥹京蔥金錢肚 $45雖然燒味係佢哋主打，但小食絕對有驚喜😍除左好出名嘅醉雞卷，呢個金錢肚辣辣地真係好惹味🔥好爽口帶濃濃的黑椒味🤓隨餐附送住家冇味精老火湯🍲今日係木瓜花生眉豆雪耳豬骨湯😬超足料呀，花生味好香🤤 又可以清熱解毒，消暑去濕💦

聽唔少元朗嘅朋友提及到元朗有一間出名嘅小店，佢哋燒味非常出色，今日經過終於見到！紅色嘅招牌一望就見到啦！落雨都係買返屋企食就最方便！菜單原來有好多款唔同嘅菜式唔單止有燒味！最後我揀咗晚市套餐打返屋企食就夠晒豐富啦😋是日餐湯：紅蘿蔔瘦肉湯清甜又滋潤，飲完特別潤喉！蒜汁豬頸配白飯豬頸肉爽而不膩，配上特製蒜汁非常惹味可口！有少少香辣，唔食得辣嘅都接受到！特製鹽香雞配白飯 另有蔥油😍鹽香雞皮香肉滑，鹹香十足！其實就咁食已經好好味但係我就鍾意沾上蔥油，味道會更加香！送飯真係正！另外再叫埋麻辣豬耳仔豬耳仔爽口而且又入味，無論係就咁食定係送飯都好好開胃！而且小店無論套餐抑或散嗌都好抵食！諗定聽日晏晝食啲咩先！#鹵家#元朗美食#元朗國

兩年前同屋企人食過一次，覺得好好食，今次同朋友過嚟食,鍾意食滷水嘅值得嚟呢間而且真係唔算貴嚟到當然要食佢嘅主打滷味，今次叫咗兩個套餐一份小食。套餐仲可以可以揀飯或者粉，令我可以揀湯或者飲品。啲滷水汁撈埋個飯都更加好食😋當日嘅湯係合掌瓜栗子紅蘿蔔煲豬骨，超級好飲，BB好快就飲晒成碗。佢嘅湯真係真材實料，自己煲之餘冇味精👍🏻蜜汁叉燒皇 $76 我叫咗佢俾啲肥啲嘅，因為唔鍾意食瘦叉，份量都算多，味道好濃。就連BB都表示好好食😋秘汁滷家鴨 $68份量一樣係好多，其實真係唔貴好抵食，無論係配飯定係配粉都係一樣咁好食。粉佢仲會俾埋辣椒油，好體貼！而且朋友表示啲粉好滑，而佢嘅湯底就係清雞湯。滷水大腸頭 $45朋友坐低就表示要叫呢個，佢比起炸大腸更加入味，轉眼間我哋兩個就清晒

👦🏽👧🏻都覺得禮貌係最影響餐廳質素嘅首要，嚟間鋪又坐低到埋單都非常有禮貌，過程勁多麻煩客同非常忙，佢哋都會好好禮貌地應對非常欣賞👍🏼👍🏼蜜汁叉燒王 $76👧🏻真係極少食叉燒，但👧🏻都覺得好好味😋😋叉燒整到燶邊，而且脂肪比例較少，食落就知用咗叉燒傳統嘅梅頭豬肉整，爽口彈牙每一舊叉燒，中間連接嘅位會有博博一層肥膏，爽口之餘肥膏流出嚟嘅油香好正😍🤤🤤最後當然唔少得叉燒醬甜度鹹度都非常balance而且入味🤤蒜汁豬頸肉 $69呢個係店員推介要我哋試吓🤣我哋兩個不嬲都冇乜所謂，就聽佢講試吓啦😆😆完全估唔到係冷盤嚟🤣對於豬頸肉冷盤真係第一次食真係非常意外好味👍🏼👧🏻好怕食到啲豬每一啖都係肥膏，豬頸肉好容易會有呢種感覺，但可能因為佢係冷盤關係，豬頸肉同平時嘅爽口感覺唔同，食落比較軟身有少少似白灼完嘅嘢食口感，但味道非常好味😋秘訣當然係個蒜汁👍🏼鍾意食蒜嘅人，我哋估計應該會食唔停口，汁嘅蒜香味一流，亦有照燒汁嘅味道，配上容易入味嘅豬頸肉，非常特別👍🏼🥰🤤京蔥金錢肚 $45平時去茶樓都好鍾意食金錢肚，其實佢哋招牌小食係醉雞卷，但我哋都係決定食金錢肚🤣🤣份量都幾大碟，每一舊金錢肚都好爽口同埋非常入味👍🏼👍

黎到當然要試下好多人推介既叉燒套餐 ($76)我全晚食咗1.5鐘已經有至少兩枱客一坐低就問仲有冇叉燒果然無失望叉燒好淋完全唔會痴牙火喉岩岩好少少燶邊.晚市套餐已經包咗一碗大白飯同老火湯老火湯好大碗好足料日日都唔同款式我食呢日係蟲草花南瓜紅蘿蔔煲豬骨飲得出係煲咗好好多個鐘既老火湯唔係平時茶餐廳個d例水跟餐有碗大白飯唔要白飯亦可以轉米粉或者米線.小食點咗酒仙醉雞卷 ($50)又係必試上碟擺盤有心機花雕酒入哂味雞肉保持到嫩滑.另外叫咗個子薑鴨仔煲 ($73)除咗食薑醋其實比較少食到子薑估唔到同鴨肉又出奇地夾子薑個種少少酸酸地辣辣地既味道好開胃鴨肉夠哂入味而且份量又多真係怕唔夠飽仲可以跟餐 (+$25)有碗飯同湯/飲品

第一次試過堂食唔錯，之後朋友宴客，立即諗到鹵家斬料外賣打電話先落order, 指定時間去自取，去到先比錢，非常方便！叫左出名嘅鹵水燒鴨下庄，肉汁豐花又嫩滑。皇牌叉燒，蜜汁濃郁唔會死甜。以上兩個餸都好好撈飯滷水豬手，煮得入味軟糯，有媽咪煮嘅味道。涼拌海蜇，熏蹄，醉雞卷，全部都保持水準。話梅涼瓜，必叫項目，朋友唔食苦瓜都覺得好味食完飯後，感覺唔到口渴，應及無乜味精提外話，外賣回家每盒都擺盤好靚，但發現比少左一盒涼瓜，打電話返去立即話補返比你。

元朗仲有一間係教育路既鹵家唔係MM介紹過我應該一直會望到都係直行直過片入面話師傅退休前係已經執左既一星米芝蓮怡東軒任職燒味部主管即係文軒廳黃永強之前任職同集團果一間咁我諗質素應該真係有保證一樣係平日十二點半有位唔洗排隊直入餐廳出面招牌同入面都幾大落差外面睇以為好普通污污糟糟既燒味舖入到黎又幾企企理理坐得都算舒服午餐餐牌都算多選擇而且都大路有叉雞有雞有鵝亦都有手工餃咁佢有兩款雞而叉燒好似係招牌所以我地就大家都揀左鴛鴦飯一個係叉燒拼鹽香雞一個係叉燒拼豉油雞咁就叫做可以試晒叉燒同兩款雞師傅係米芝蓮級餐廳走出黎咁叉燒係好食過街邊燒臘店好撚多起碼肥瘦均勻唔會9比但如果同酒店比當然都仲有段距離傳閒好L好食類似新桂香果d就真係未試過成日覺得呢d舖頭好污糟仲要睇彩數等師傅切到咩比你就係點相比之下我覺得滷家都算係咁雞唔算話嫩但夠入味夠收貨有突另外仲叫左鴛鴦煎餃韭菜木耳各三隻話係自家製都足料不過係元朗黎講我就比較鍾意維港灣佢地口味款式仲多價錢亦都差唔多而且仲係黃店另外每個餐可以揀湯或者飲品凍飲加三蚊無加一配埋餃子每人差唔多九十蚊係元朗都算貴左d不過佢叫做有質素唔係普通飽暖既頹燒味飯咁我覺得都可以接受同埋侍

街坊系列 – 鹵家 💚話說小編都好耐無入元朗國😮‍💨始終有啲陰影咁玩有朋友邀請上去打幾返圈久違既活動😈就早少少入去搵下好野食🤡醫飽再大戰啦------------------------------環境: 小店唔算好大👀一眼都可以睇哂長方形格局好四正👏🏻座位都算幾闊落燒味為主既小店👍🏻枱面都唔會油膩,衛生做得唔錯------------------------------食物: 金牌燒鵝皇 ($68) 🐥好好彩食中左脾位🍗勁大隻脾啖啖都係肉除左脾位仲會有多幾塊既鵝片跟埋😍幾抵食外皮都仲好脆口🤤鵝油都好香,用黎配白飯岩岩好肉質正常,都幾嫰滑😋唔會有”鞋”口既感覺食神叉燒 ($68) 🐷小編最欣賞佢個叉燒燶邊位😍完美既焦香感食落脆口唔苦🤗肉質又夠鬆化,斬料加餸最佳白飯正常合格🍚稍為有點太濕,乾啲就更好了薑汁松花 (+$15) 🥚一款好好既開胃小食🥰糖芯既皮蛋加蒜蓉刺激又香口🙊小編鐘意到用埋黎撈飯海底野猴頭菇茶樹菇湯 (跟餐) 🍲每日都有唔同款既老火靚湯😍飲到無味精啲湯渣都煲到淋哂☺️岩哂缺湯水既打工仔------------------------------服務: 小店只有2位姐姐負責打理