鵜舞

营业中

休息中

今日去到d2place，原本想食泰國菜，不過朋友提議試下最底層嘅日本菜，即管試下！睇到meau都有啲貴 set lunch要百頭到二百！環境同氣氛都值呢個價，希望食物質素都令我滿意啦!我就簡咗刺身定食，套餐有湯、茶碗蒸、同鴨胸沙律，賣相都非常吸引！最易出事嘅海膽都清甜唔會有苦澀味👍🏻👍🏻不過最愛嘅帆立貝得一隻開半，有小小失望，其他刺身都唔會有重雪藏味，唯獨蝦頭有啲苦，可能係一隻半隻會咁啦，下次都想試下唔同嘅套餐！

沒想到走到荔枝角工廈區會有間散發濃厚日本風的居酒屋⛩用上一排排紅色日本燈籠和和風間隔，感覺像置身日本一樣架位與朋友歡聚把酒談歡是最好的位置餐牌有很多選擇，由串燒、爐端燒、炒飯、炸物、鍋物多款選擇🍣🍱黎到居酒屋啤酒就少不免啦，叫了麒麟的Frozen beer 有荔枝味和菠蘿味🍻🍺不過荔枝味比較弱，唔夠菠蘿味濃，但啤酒夠晒凍！ 當中叫了炸軟殼蟹卷，好新鮮包起的蟹卷，外面又鋪上紫菜粉，兩者混搭味道超好而第一次試的炸牛舌，超級驚喜滿分，沒想到這樣酥炸仍能保留牛舌的原汁原味但酥炸厚切的牛舌，很有咬口，又很惹味 厚切芝士蛋卷，上枱時仍是暖暖的，一口咬下蛋卷，芝士會溢出，好新鮮做起很有濃郁蛋味，芝士加蛋的配搭總是一絕 明太子炒飯，鋪上了細細舊明太子，再自行攪拌加上明太子的炒飯，少少的辣口，但好滋味

荔枝角較多工廠，晚上較少人，入到鵜舞就好似去左另一個地方咁！好熱鬧呀！一坐就叫左兩杯kirin frozen beer 菠蘿味同荔枝味！第一次飲frozen beer感覺幾好，配合呢度熱鬧氣氛！！朋友只食熟食，呢度選擇頗多！先黎鰻魚牛油果🥑卷, 點講呢，賣相精緻！食落味道同口感都豐富！推推推燒五花腩！燒物必食，肥瘦比例好好，香！滿足！！芝士玉子燒！都好好食，兩個就溜d! 必叫！一口餃子，係咪睇落冇特別呢，見其他人推先order,但一食真係ok wor!! 要試下！又抵食！最後雜菇牛肉壽喜燒。mama day for me~ maybe just not my thing😩😩😩

逃學唔操拳，游去搵美女南南撐檯腳，首次遠征荔枝角人生路不熟，食左先講！竟然走到偏遠的荔枝角，係那麼隔涉的地方，發現路邊有間中高檔刺生壽司居酒屋喎！食神眷顧，唔洗餓親喇。步入室內，時間尙早，食客小貓三四隻，喜歡坐邊就坐邊。侍應讓我們坐到牆壁位，非常有私人空間。環顧四周都是紅色燈光，使我聯想到紅磡加太賀。Menu 大得很，美食眾多，美酒佳餚，珍饈百味，貪吃的人有煩惱了！我不得不思前想後，難以決擇，貪吃的人當然想食盡天下，盡收五臟廟啦！月光純米大吟釀，美女不沾煙酒，我唯有獨尋醉啦！大吟釀穩陣安全，甜甜芳香、酒味清爽，配壽司刺生真的錦上添花。刺生生蠔，印象中係第一次食日式生蠔，用鰹魚汁、蔥花及蘿蔔蓉冰鎮同吃。洒上少許鮮檸汁整件瀡入舌尖，關門！冰涼肥美脹卜卜又滑嘟嘟的生蠔一咬蠔肚爆開，凶湧的蠔汁混合各配料使到鮮味大大提升，蠔味甘甜夾上清爽蔥花及蘿蔔蓉真的十分美味。原條池魚刺生，刀功還算不錯，排得齊整，配飾就稍遜喇。白肉魚大部份都偏瘦偏淡，配上蔥花、薑蓉及果醋非常聰明！秒殺！迅間灰飛煙滅，剩得崩骨，滿意滿意。來一片魚生，捲上青蔥薑蒜再沾點果醋，微弱魚甜夾雜清蔥香、薑蓉辛、果醋酸，味道多姿多彩，百花

是日同寶整完月餅準備過節，就決定同佢揸車黎到D2 place湊下熱鬧去天台賞個月！商場泊車有優惠，又有得代客泊車，所以就決定要食好啲！係門口見到間舖就比佢濃烈既日本居酒屋風情深深吸引住！所以兩秒就選擇左佢有位日本人帶我地入到去舖內轉角位坐，對住師傅做緊炭火燒，香到爆！日本人隨便就幫我地落單，唔識日文既我地唯有指下指下個menu話比佢知我地想食咩啦點知落錯左一樣，錯有錯著都好食既！不過果碟野係貴左少少😅先黎既就係呢碟老實講賣相其實係麻麻，飯同吞拿魚比例都幾參差😯 錫寶既我當然比哂啲多肉既佢啦，飯留返比我啦 不過食落吞拿魚都鮮味既黎到寫明出名炭火燒既舖當然要叫一叫佢既燒豬肉秋葵卷！薄薄既豬肉包住至愛既秋葵，口感又爽脆又有炭燒味，一流！ 可惜都係略貴左啲貴處未算貴啦，一條燒茄子索價70幾，不過又真係燒得幾好味既，個醬比例岩岩好，算佢啦食材本身好好，帶子鮮甜，蛋黃醬好似有啲多餘，或者係比例太多吧？全晚最好食就係呢個麵，麵質爽口彈牙，加埋個超流心既流心蛋，勁脆既天婦羅炸粉，仲有wasabi,又好食又抵食點錯左既就係佢喇，唔係太知點解要咁貴，可能係手打雞肉？蛋有少少多餘完全冇味，但豆腐的確係勁滑，

同朋友兩個人食dinner，叫了壽司（6件）、海膽蒸蛋、sukiyaki、燒鯖魚、燒茄子同雞翼。壽司好新鮮，鯖魚同茄子都係你面前即燒，算好食。最出色是海膽蒸蛋，個蛋夠滑，同海膽個味都夾。我地坐高枱，基本上每食完一碟都有人會換碟，服務幾好！個爐端燒師傅係日本人，亦同客人有交流～ 唯一是佢出食物比較慢，價錢亦唔算平，我地兩個人都要$700埋單，又唔算特別飽。不過呢度有居酒屋特色，環境唔錯，侍應亦夠，整體來說都是

一行4人黎食飯，朋友力薦呢度既食材全部日本直送，十分新鮮之餘，雞有雞味，魚有鮮味，講到咁真係要試下。波尾雞是日本名產，飼養過程無打肥仔快大針，無求証虛實，但都覺得食得好安落。 而呢隻雞翼真如朋友所講，十分有雞味，肉質好彈呀！不得了，叫左兩轉！強推！另一款心水係燒帶子，好鮮味應該係鮮帶子，唔係雪藏帶子，好感動呀！！成粒放入口，淡淡既海水同美奶滋醬完美結合！好日式既味道！燒雞皮好爽脆，唔油膩，唔太咸，好岩我食。 如果你鐘意食雞軟骨，建議你叫雞皮，因為呢度啲雞軟骨好瘦，真係軟骨，唔會有少少油既口感架。蘆筍豬肉串又係另一個必食之選，豬肉燒得好脆，蘆筍好新鮮！我平日鐘意食爽口野多啲，呢串真係好得我心。最後，必點係和牛串，個汁係有啲濃，但夾埋牛肉一齊就岩岩好。牛肉包住既唔知係咩，軟林林似係芝士，但又無芝士味，到底係咩我都無理，總之好食！我地仲叫左枝清酒叫一品，忘記左影相，係店長推介。 果然係溫醇易入口，甜糯的味道。其實我地仲叫左鰻魚爐端同白燒兩款，不過我就一般鰻魚，鐘意白鱔爽口啲，可惜呢度無白鱔。另外又叫左蕃茄豬肉卷，都好食不過唔係特別突出就唔多講啦。蕃薯南瓜天婦羅呢，個南瓜係粉個種，我又麻麻地，

今日黎到D2 place 搵食～叫左個丼 有海膽 吞拿魚腩 三文魚籽海膽算幾新鮮 吞拿魚腩都俾好多 口感一流三文魚籽都好爽口另外加錢要左杯生啤～ 襯托以上食物一流餐廳環境好舒服 店舖花左好多心思裝修 感覺同日本的居酒屋無分別 整體黎講 呢餐下午茶好滿足😎

鵜舞在D2 Place 應有三年左右了，記憶中祇去過兩次；一來荔枝角和長沙彎日本餐廳不少，二來這裡生意不錯，找位有點難度。如果說食材品質，我覺得附近Roppongi 較佳，而服務就M九較親切！這次再到鵜舞，郤有一種新感覺！服務生衣著整齊，更有不同國籍；相信有日本和南美人，不時要以英語溝通，最開心的是，在他們面前還有點外語能力的優越感！聽著「安全地帶」的歌，見著不同國籍的人，混雜普通話，忽然像走了一轉冲繩！氣氛帶起食慾！其實這次是跟著一個討論區的介紹，說九月到十月中正值秋刀魚當造，鵜舞又做推廣，所以，就「的起心肝」去一趟！不時不食，是不會錯的，「秋刀魚剌身」油脂豐盈，魚肉充滿彈性，加上鮮甜味美，才二百圓！加上擺設精美，實在相得益彰！有機會快啲去試下，希望同好者不會失望！其他食物就普普通通，除了杯荔枝味啤酒，沒甚麼好再介紹！不過，這裡好適合傾下偈，飲杯嘢！氣氛都算不錯👍

每年一度驚驚政治飯局又嚟，同大老闆食飯要矜貴點，荔枝角區數一數二好味又比較貴嘅日本菜，午市一定要訂位，先嚟每人一定食，我點了特上剌身定食($280未加一)，喜愛吃的老闆單點了每人一隻溫玉、壽司拼盤、秋刀魚剌身、海膽。溫玉配醬汁跟蔥蛋汁香又滑，喜愛太陽蛋的我爆鍾意此蛋。不知名的壽司拼盤我們只為陪食，有乜食乜啦，有一款食得出係炸軟殻蟹壽司，香脆非常，好好味。茶碗蒸定食當中的必然，超級滑蒸蛋⋯⋯又係蛋，有看似平價蟹柳及帶子一少粒、白果、冬菇，非常熱辣辣，只屬一般。有一小插曲～騎呢同事連自己叫乜定食都唔清楚，明明叫魚生飯，居然食左我個一早已嚟的特上剌身定食，而且仲要等好耐才完成的魚生飯，當侍應端上枱時才發現弄錯，還一句不好意思都無講我當然要回我的定食，只好繼續等⋯⋯剌身超鮮味，拖羅即溶口感回味無窮，值得等待。秋刀魚其實熟食都帶魚鯹味，剌身更偏鯹，都是陪食之一款，我還可接受，非常豐盛的一餐午飯。

作為街坊，又係開左幾年都無去過。難得賣甩粒豆丁，就二人世界叉叉電。訂左枱，準時去到，等左一分鐘。一直以為間餐廳就門口所見咁大，原來裡面別有洞天，幾大。裝潢都好有和風，坐得舒適。食物見圖。較出色係串燒同牛烏冬，本身不好秋葵，但夾在豬肉中，平衡了肉味：烏冬湯甜，牛肉不痴牙；蛋卷也很不錯，口感同甜味十足服務員充足。不過唔知點解會請唔識講廣東話的外國人做waiter，又唔係西餐...總結，一分錢一分貨，貴啲係好食啲。提醒大家，唔想坐bar枱，記得訂枱

今日特然想食日本菜所以揀左呢間試下~點左個鰻魚飯~鰻魚飯好普通，燒得唔夠香口~！點多個蟹肉飯~這個不錯，只係份量少左d~仲有點左個炸雞~男朋友點左雞肉串燒送啤酒~食到好飽~不過都點左甜品~一個好似係咖啡布甸，一個係綠茶味，綠茶味好濃~整體坐得好舒服唔洗等，不過就係份量比較小，價錢貴左d~

星期六下午，和好友相約到荔枝角逛街，逛完後便在附近食晏。心裡很想吃西京銀鱈魚定食，便上網搜尋日本餐廳，見到呢間umai好似好好評，就行去試下。估唔到星期六嘅下午十二點幾，咁大間餐廳竟然坐滿人咁濟，好彩好快有兩位。餐廳係日式居酒屋，室內環境好有風味，氣氛不俗。午餐價錢大概百約至三百幾不等，好多選擇，可惜冇西京銀鱈魚我揀左個吉列黑豚定食，定食包麵鼓湯、茶碗蒸。黑豚肉質好淋，唔會好多炸粉食到成口損晒，唔錯，份量充足。朋友叫左個壽司定食，睇落去壽司好新鮮，不過偏細件，海膽好鮮！最後加多五隻餃子兩份分，飽晒。埋單盛惠$400，中價日式午餐，都算合理！

餐廳係公司附近 上晝11點book 竟然有位 (之前book  左2次都BOOK唔到) 同公司同事一行九人去食lunch我叫左 函館丼定食前菜係有d泡菜味既芽菜 酸酸地咁蒸蛋熱辣辣 食落幾滑 成個飯面都係蟹肉 中間夾左一層蛋絲同紫菜 所以唔洗加鼓油都夠味 有少少甜甜地甘不過海膽同三文魚子好少 一節手指公甘多 (見到圖都知少) 整體ok 不過冇咩特別 食蟹絲撈飯咁 有兩個同事叫左鹽燒阿波味雞定食 成百六蚊 佢地食完都話有雪味 又冇乜調味 而且好細舊又有個同事叫左個百七蚊既咖喱吉烈豬扒定食上碟得塊豬扒 汁同飯 連少少配菜例如薯仔蘿蔔都冇 感覺仲差過coco屋叫左個蕨餅大家share 48蚊裏面有四舊 味道ok 冇乜特別大家食完都覺得野食好普通 對比同事D SET 我諗我嗰個算值少少總括來講性價比低 非常普通 唔明點解會咁Full因為今次老闆請  唔洗自己比但要自己比 就一定唔會回顧

午餐無論是一個人或一班人 到這裡也是一個好選擇！今天吃了烤牛舌套餐，沒想到牛舌是厚切，入口十分juicy. 餐配了茶碗蒸，兩款前菜和麵鼓湯。我也算是大胃王，呢個餐的確很大，要全部吃完是有點挑戰，伴菜是薯仔和甘筍 薯仔很林 配上那個肉汁 十分美味