鵜舞

营业中

休息中

之前返工係荔枝角，所以會經過呢間日本野，每次經過都見到門面好靚啲燈飾、好日本feel。食咗幾次lunch，有便當套餐同埋壽司套餐，不過最記得有一次就係我order咗lunch set，成個鐘都未來，原來佢哋冇落單，跟住又趕住返工，所以就冇辦法要打包走，個次都幾嬲架！今次就嚟新食晚餐，之前都冇book位，就walk in入去，點知好彩都有吧枱坐下，兩個人就點左咁多嘢(如圖)埋單$1400幾，其實樣樣野都好味，同埋夠新鮮，起碼都係食到佢新鮮炸出來的野，另外海膽都好鮮甜，吞拿魚腩好入口即溶，雞翼好大隻，牡丹蝦就比較細隻少少，整體而言價錢比較貴，但係都好好食！

公司開年食飯，試下呢間餐廳，連名都未識讀既日式餐廳，叫左個燒牛肉定食，呢個餐非常豐富，先講下鐵板燒肥牛肉，仲以為會有係炸炸聲咁上枱，原來係用洋葱，青椒炒，已經炒好晒咁上鐵板，不過都好香噴噴同埋好夠味，而且唔係有好大堆肥油係碟底另外有一個好特別既日式登蛋，有蟹柳，有帶子同埋白果係裡面，蛋好滑，加上有帶子鮮味，超正，另外有麵豉湯，沙律，配埋白飯，一個午餐可以有如此豐富，實在不得了，價錢都係100.00左右咋

今日年三十，公司有得放早，就趁機同老公去荔枝角搵人洗車，但係要一個鐘先有得攞車，於是我就趁機去食好西，我平時都有幫趁呢間餐廳，覺得質素都不錯，但過左今日之後，佢地已經被我black list, 我以後都不會幫趁了。我今日大概2鐘到達，由於無訂位，所以係門口等左一陣。大概2:10分坐低，約2:15分，我order左兩個定食，過了10分鐘後，個待應走埋來同我地講其中一個定食賣完，叫我地再揀過，跟住就一枝煙溜走左。跟住又叫左好耐先有人應，我地再重新叫個另一個定食，當時已經並不多2:20分，再過多十分鐘，我個定食來到，但直到我差不多食完定食，我老公個餐都未到，我就追下個侍應，佢地先好似如夢初醒去睇下張單，大概二分鐘後，佢同我講真係漏左單，但係依家做唔到俾我，因為做熟食d師傅全部落左場，跟住話幫我轉佢地其中一個lunch box,果一刻真係好鬼嬲等左半個鐘同等講無得食。平時佢地都會同人講last order, 今日又無人同我地講幾時last order, 見我地兩個人坐咁耐都無嘢食又唔主動跟進，簡直不知所謂。我以後都唔想再幫襯啦

作為日本狂的我 繼續試荔枝角的日本菜今次試左一間裝修具有日本居酒屋風味的小店由於午市無訂位 所以等左大概5分鐘Bar 台呢間餐廳午市全部都係SET 價錢都唔平本身想叫一個$300 既set 最後都係決定叫$160 試下水溫先我叫左個函館丼定食當中有蟹肉 蟹膏 蟹子 海膽 三文魚子 值得一讚 三文魚子同海膽味道鮮甜但蟹肉就味道冇咁出 蟹膏幾好 唔苦另外友人叫左個特上火炙飯材料有：三文魚 吞拿魚 帶子呢個飯唔推介 除非你喜歡食全熟刺身味道幾好既 但醬汁太多 太咸☹️ 味噌湯中規中舉 漬物好味 茶杯蛋超滑 （有驚喜過主食）

之前都係食sushi, 今日同好友聚聚，就叫下熟食，叫個D定食，味道可以，但沒有特別驚喜！ 下次都應該叫返壽司會再開心D！

一間充滿日本特色既食店, 地點坐立於高樓大廈既地區，繁忙中顯得清雅，店舖以船為主題，加上舊木裝橫既外觀，感覺自己置身於日本海中的一隻魚船中，能品嘗各種生猛海鮮。點了壽司定食(付味噌湯，漬菜，前菜蘿白絲，蒸蛋，另有十種外觀精美壽司，可見師傅年資功力。最愛既甜蝦壽司，兩隻肥美甜蝦色粉紅，還食得到蝦既甜味，三文魚壽司小篇沒有特別偏愛，鰻魚壽司雖然比較乾身，有少許炭香同鰻魚汁結合，同以前食過油脂味重既鰻魚壽司相比係另一種風味。不得不提海膽壽司，海膽肉仲係結實濕潤，係剛開新鮮海膽先有既色澤，食在口中真係有幸福既感覺。另見有函館丼定食 (蟹肉，蟹膏，海膽，三文魚籽，蟹籽)，今次未有機會品嘗，下次食完一定同大家分享。

成日經過都冇試到，今日終於有機會嘞！店内裝修和氣氛不錯，每位員工很有禮貌和醒神。點了深海池魚壽司，油甘魚壽司和燒明太子沙甸魚。本以為壽司應該冇咩特別，想不到店員介紹的深海池魚正如她所説的池魚很肥美沙甸魚，好香。樣唔錯。釀上的明太子也多。食落也不失沙甸魚的甘香。味道輕輕鹹了少少，但如果餸飯或餸酒就剛好

今次是第二次去，想不到是中伏的最後一次! order一盤炸物，10種魚生，燒雞翅及啤酒和清酒。炸物一般不好又不壞，只有芝士味。啤酒算是最好的一環，因為十分夠凍。燒雞翅太咸了！order清酒我同意加冰，但來了的是加了梳打水，令到本身不太濃味的清酒更加淡。有禮地叫介紹，來的只是貴了一倍價錢的下價的燒酒。感覺及味覺都是失望。最令人失望的是那十種魚生，1830點的菜1926才有，中間我已經催過幾次，最終是要叫黑衫的員工才有反應。講返魚生，在香港食魚生是沒有新鮮的，只有冰鮮。這十種的魚生只有感覺沒有味道。得個凍字。下價的不好食。但今晚的埋單要千三元。相信沒有下次，下三流的日本餐廳。

同事們組隊話要黎試下，一早book定位，我地一行十幾人，話要落左訂先，好啦，就落左先。 入面裝飾真係好似日本，令我好掛住日本，入到去感覺短短一小時都有置身係日本嘅感覺。 叫左一份有蝦有海膽三文魚既魚生飯，比想像中幾新鮮，有鮮味，有種安心食感覺，餐附有面豉湯加燉蛋，燉蛋就較一般，不夠滑，不過價錢相對同區黎講就較高。$200左右一份魚生lunch。

依間地點方便，荔枝角港鐵站一出就到。而且仲有卡位添！整體收費不貴，款式也多。海鮮魚生卷新鮮！係壽司外另一選擇鰻魚蛋捲濕度適中，口感綿密，不錯。招牌沙律－般，三堆醬（蛋、薯仔、吞拿）放上面，賣相怪怪的。朋友愛吃納豆，這裡也有呢~配魚生，初試，我也可以接受。串燒也不錯，juicy～雞翼就瘦了些甜品咖啡奶凍，喜歡咖啡的朋友別錯過，口感滑啡味濃叫了一杯梳打和－支小香檳，合共六百多，冇限時的卡位。談天說地好地方！

餐廳環境幾好嘅感覺係幾有日本餐廳感覺可惜，食物質素又唔係十分之好675 2位 實在太貴雖然經理嘅態度好好但係唔係咁超值生日飯就還好平時嘅話我諗去返井井屋就得啦不過一試無防，食下環境ok既

時光飛逝, 轉個眼原來又到了宅女大一歲的日子了. 記得年輕時常常都很憧憬自己會有個大型的生日派對, 慶幸一直身邊總有朋友眷顧, 十年前巳達成了心願. 不過近年年紀越大, 越喜歡低調過生日. 來到今年妹妹更不在身邊, 正日原本只打算在工作中渡過, 不料朋友突然私訊問:朋友: [ 下班後有沒有約人呀? ]宅女: [ 沒有呀, 打算回家煮麵吃]朋友: [ 不要吃麵了, 下班後我約你吃飯吧!]就這樣, 突然造就了這次的宅女慶生晚餐! 要選餐廳其實最初宅女也沒什麼頭緒, 始終也是朋友出錢, 不想吃得太豪. 不過這家位於荔枝角的鵜 (讀音: 題) 舞 一直是朋友的心水食堂, 說吃過幾次水準都不錯, 反正宅女沒試過, 正好就帶了我過來.這家鵜舞至今開業其實都有差不多三年了, 選址並非在大路的鬧市區, 反而是在工業廠廈比較密集的荔枝角. 不過其實這區近年巳番新不少, 很多高級新型辦公室都開設在這裡, 變相多了不少消費能力不低的白領一族來光顧. 餐廳就在比較大型的D2 PLACE, 地鐵站D2一出來過條馬路就到, 徒步都不用一分鐘, 所以都算十分方便的. 來到餐廳門口, 本以為又是一間普通的日本餐廳,

之前去荔枝見客，食lunch，幫襯了好幾次，都係食刺身或壽司定食，性價比都幾高。今次試下熟食，叫左個拉麵定食，就出事！咸到食唔到，要叫杯熱水溝淡，都仲咸，最後只食得落三份一。同抬客人叫了炸豬扒定食都話唔得。下次都係叫返刺身or壽司算！

賣相價錢中上 ，食物質量差 ，千五蚊食唔飽仲要一肚氣 ，漏單，部份侍應態度串 ，服務衰過茶記，食物份量 細到無朋友 我唔係第一次幫襯，之前已經黎過幾次，估唔到今次一肚氣 ，食物份量比往年再細份左，質素差左好多 ，服務差到爆，隔離街誰是老闆茶餐廳服務仲好過你地電話訂位說三個人，明明係二人卡位，硬說可坐4個人，張檯迫過茶記 ，我要求換檯坐，侍應話無台，堅持轉檯，坐低之後至到埋單走，發現其他4人檯跟本無人坐落單 ，好多野都無，炒野既食物 佢地話要等兩個鐘，建議食第二樣，最後漏左單,大約半個鐘，見到隔離檯新落單有炒拉麵上菜。$480蚊刺身盤，當中海膽刺身唔比紫菜，問侍應話 $680蚊先會有紫菜，今次特別比紫菜我 ，最後又唔記得比！要問幾次先有 好難得先係餐牌上搵到岩食既飯類食物，侍應漏單，食物份量 簡直細到無朋友 ，味道尚可餓住個肚走 要再去第二間食

去完D2商場擺寄賣既野後經過見到有間居酒屋，想進內試試都好。入到去先知“原來係尼間”，之前已經見到好多食評，話尼間有好有不好既傳聞。還店黎到就睇下係唔係食評所講既評語先。接待既姐姐好好人，全程做野快，親切，笑同好好人。好難想像其他人所講既唔親切。個餐牌裡d野明顯偏貴，但有d又算抵食。我點左鵜舞卷，豬腩肉串燒，嬉野溫泉湯煱（侍應推介），柚子梅酒。上:嬉野溫泉湯鍋=豆腐鍋（店員推薦）無論d湯定豆腐都好清，好好味，加埋配上既醬油更鮮味。下:鵜舞卷，雖然見其他食評話普通，但我覺得好好食，沾埋醬油食更佳。左:豬腩肉串燒，頗咸，味道一般，價錢唔值。右:柚子梅酒，我平時對梅酒有d保留同覺得麻麻。但這杯同平時果d唔同，我覺得超好飲，柚子香梅酒好入味。不知不覺就比我飲晒，真係要試試。PS環境算不錯，店員服務不錯。