鵜舞

营业中

休息中

見年三十，同同事食好D，之前經驗話比我地聽，要早D book定位，我地一早做好準備，仲準時到達，仲係冬天，都係想食番D熱辣辣既野，所以淨係叫左個白豚骨叉燒拉面配兩件炸雞及三隻餃子，先上餃子，餃子煎得唔夠脆，食落有油膩感，但醬油格離有少許帶柚子味既辣醬，好開胃，到炸雞，炸得好好味，外脆內軟。到主菜，湯既濃度適中，但無乜層次，芽菜我個人認為多左D，叉燒肥瘦適中，但我就覺得個面質淋左DD，整體我覺得中規中矩，但應該都是荔枝角中拉麵最好的一間，如果當日想食下拉面，可以黎呢間食下，其他野我就未試下，有機會再試就再打食評。

之前試過比訂檯時間遲到了5分鐘（真的剛好5分鐘，愚蠢的我訂檯時忘記算上步行時間），在門口被店員「提醒」「你遲到咗5分鐘喎！」，這次特別提早出門口，免得又因爲遲到被訓話🤭真的，需要訂檯之餘更必需準時到達，不然還未入座就先要「硬食」門外負責接待的店員的嘴臉。店員落單和上菜的態度還是一如往常的對客人不屑一顧，落單時不會告訴你這個飯要等多久，到我們等刺身飯等了20多分鐘後才說這個飯要等。（天真的我們以為刺身飯不用煮，可以快一點上菜🙈）anyway 這無礙我們享受這裡的食物！↑我自己的小樽丼，有蟹肉、帆立貝、牡丹蝦、海膽和赤貝。它上菜時是很整齊的，只是心急的我吃了幾口才想起要影相！刺身很新鮮，海膽甜甜的，沒有半點腥味。蟹肉有很多很多，多得每一口都可以是蟹肉撈飯。牡丹蝦也不錯，如果有多一隻就好了😛另外其實茶碗蒸也夠滑和夠調味，總的來說這裡的食物很okay，價錢不便宜就是了（我的小樽丼要$220，工業區的午餐平均才$40-50）～

I don’t know what’s going on with this restaurant. Just within two hours I had around 20 mosquito bites?? Was I eating in garbage ? Please if any of the staffs read this, you guys need to get pest control service as the dining experience was terrible ! The food was actually okay and the waitress was quite attentive too.

打電話去 Book 位,對方只講一句 "無位, 唔該" 就 cut 線."請問聽日 7 點兩位 O 唔 OK 呀?""無位, 唔該"我都未問第二啲時間得唔得, 就 CUT 左線.呢個態度絕對唔得.

用了優惠 app 訂檯，9:30 後入座半價。搭的士唔塞車 9:15 已經到，照入座無問題。一入到去感受到氣氛非常熱烈。有一群客人包了一個吧檯 area 大聲談笑、高歌。配合昏暗的日式裝修，又幾有氣氛喔。實在頂不順噪音，店員也樂意安排我們到另一區的卡位坐下。服務態度ok。服務員似乎已經好習慣呢種氣氛，同客人解釋「居酒屋」就係咁。自帶了白葡萄酒，店裏有提供冰桶、白酒杯。食物方面：螢光魷魚，ok 啦。蟹子沙律，好大兜菜，蟹籽蟹柳稍嫌不足。雞泡魚乾，味道都OK。$680 的 10 式刺身。如果原價食的話我會覺得唔抵。因為味道只係中上。服務就唔錯，叫侍應跟一點紫菜食海膽都爽快奉上。吞拿魚腩細卷，非常好。魚、蔥、飯比例做得唔錯。唯獨紫菜已經唔脆。壽喜燒串燒跟蛋黃。好味。呢味係今晚代表作。可惜份量不大，就是一片牛肉捲起。雞翼。嘩咁大隻。燒得都脆嘅，不過可能係品種問題，無乜雞肉味。另外可能預先落了檸檬，聞起來有點洗潔精味。一大舊亦無左食「鹽燒手羽」預計的精緻感。奇怪。最後加了個烏冬。埋單優惠 $800 幾。抵食，未至於好好食。

用一個Q 字頭嘅網站book 大公館，去到先知冇booking。聽講網站已經冇經營。餐廳full咗，不過店員幫助callD1地下的日本菜Umai。見menu有好多選擇，而且看來頗有日本風，所以就來一試。部份menu~枝豆冇咩特別，不過配sake都唔錯。我點咗八海山。生蠔偏creamy。蠔味十足，aftertaste 不俗。其實唔配汁仲好。串燒鷄軟骨，好食。不過冇我鐘意嘅燒銀杏。烓牛舌not my cup of tea, 但朋友好鐘意。壽司水準一般，10件$280，唔貴。雜菜牛肉壽喜燒。太鹹了，配的蛋汁有蛋味。另: 點了咖喱飯，亦覺太鹹了~至於氣氛呢…啲歌有啲雜，一時播90年的日劇歌，一時又播吓小數民族歌、台灣歌~怪怪哋嘅。不過整體都食得幾開心。

今年新年假期比較長，係時候揾下住得遠啲嘅朋友聚一聚。D2 Place附近有間日式餐廳，即管入去試一試。餐牌選擇頗多，我就揀左個特上炙飯。有大吞拿魚腩丶三文魚腩同帶子。可能係火炙嘅關係，食唔出邊塊係吞拿魚腩，新鮮度是ok的。但略嫌份量比較少，女人就可以接受，男人食可能唔夠飽。小樽飯。有蟹肉，帶子丶牡丹蝦丶海膽同埋亦貝。蟹肉冇咩特別，其他都是新鮮的，飯質感都唔錯。兩個lunch set盛惠$440價格是比較偏高，可以有其他選擇

這次已是第六次吃這一間日本菜，因為覺得有些食物很有特色，店內環境也不錯，今個新年特登邀請家人黎食，還發現OpenRice 訂位可以有七折，很期待和屋企人吃一餐豐富的新年飯。小編媽媽很愛吃熱辣辣的東西，而我最愛吃釜飯，所以先點了唰唰鍋和釜飯，但店員說今天這兩個要暫停，這個真是令人非常失望，一心就想爸爸媽媽試一下特色的東西，最後只可以叫一些平時一般日本料理店都吃到的東西。另外時令菜式，都不能使用openrice的訂枱折扣優惠。食物的水準都保持到，唯一是厚切刺身和阿波美燒雞翼令媽媽感到不錯。但是在新年這個時候，專程邀請家人到來吃一餐飯，叫什麼都好似不順利，真的感到尷尬。

食物味道同質素好普通，味道偏濃同鹹；尤其係個茶漬飯，都未食晒已經要飲一大杯水價錢貴但份量偏少，而且食物選擇唔多；相反酒精類飲品有好多選擇🍶🍶，但我原本唔飲酒的，享受唔到刺身新鮮，三文魚腩同吞拿魚腩夠厚、肥美，但刺身飯份量真係好少😥😥串燒鹽太多，食落好鹹😵😵總括黎講俾呢個價錢可以有更多更好的選擇地點ok，近地鐵站，容易搵到餐廳環境尚可，坐得算舒服，凍冰冰的日子仲有暖風機；但音樂好大聲，同隔離檯相距又近，隔離講野稍為大聲少少都聽得一清二楚，唔方便傾偈

本身我都唔係OpenRice 會員，但真係頂lee間鋪唔順，要開返個AC表達心情🤮真係受夠簡直訓練我EQ！食野都係想舒舒服服輕鬆下，一班朋友傾下計點知仲辛苦個返工特登山長水遠去荔枝角諗住食好野，點知伏味濃由坐底開始已經冇人理會，三吹四請先落到單等待過程又勁大煙味🚬職員服務又差，問佢餐牌食品問題，佢唔識答都算，仲要亂up,得過且過，當人白痴咩又漏單（仲死撐唔認），埋單又要吹，又計錯數，野又唔係特別好食，海膽又唔新鮮，仲要貴

上次食過勁好食,所以今日再幫親,我地同職員講喺OpenRice訂左位,之後職員帶我地入去,但個位完全未執好,問我地介唔介意坐吧枱(為左唔想執枱就要我地坐吧枱),之後就落單,一開始已經點好食物,之後職員提醒我地釜飯要整35分鐘,同埋生蠔杯做緊半價好抵問我地試唔試吓。1小時過後,所有食物都黎齊兼食完,但個釜飯都仲未黎,所以我地問職員係咪漏咗單,佢轉頭就話有架喇,跟住就將個飯放上枱,然後乜都冇講就走左,之後問佢係咪食得㗎啦,佢先話係(明明上次係擺上枱度煮35分鐘)。我地一打開個飯,d海鮮已經overcook了點知去到埋單,佢先講生蠔要收正價。我地再同佢講:「冇open rice優惠連半價優惠都冇埋？！」但收錢個阿姐依然喺度講話:「係咁個喎,冇雙重優惠個喎(重複了好幾次)。」而家係乜優惠都冇,但佢完全唔明囉⋯⋯跟住佢啊呆上身,再講:「我問一問同事先⋯⋯(隔左一陣)唔好意思,一開頭冇同你講冇雙重優惠,經理比返半價優惠你地(仲用一個非常難得既表情望住我地,心諗你根本冇講清楚價錢仲要用一個比我地優惠既表情,真係O嘴)。當我地再對單既時候,個職員就吹我地埋單,但我地又發現個優惠計少左,再問佢先講酒水冇

一句總結在前頭，唔好試日本拉麵，*差*，在荔枝角工廠區內，這商場是由工廠大廈改建，幾有特色，此店位於大廈地舖，室內裝修，舖面亦甚為吸引，今天第一次試下午市日本拉麵套餐，食後真係要寫寫，製作拉麵，認真麻麻，收一舊水 （一百元碗拉麵），但廚師製作實在求其（不用心），難怪香港人要往外地（日本）搵食，廚師老闆不用心 ，對自己製作的食物，沒有要求，只求搵錢，顧客沒有投訴，就自我感覺良好，難怪有些店 長長人龍，其門如市，有些店 拍烏蠅。

同事生日，大家又話要食豪啲，佢指定食日本野，所以就黎呢到試試，呢到裝修好日本居酒屋feel, 而午餐會有set，最平既拉麵餐係大約$90， 有麵有餃子，而貴既呢就可以去到大約$300我呢就揀左蟹膏蟹肉蟹棒海膽定食，$166，一上枱，真係好多餸，成碗野超吸晴，而且仲有一埋魚子係塊葉後面，蟹肉下面仲有啲蛋絲，所以真係每一啖飯都有餸同飯，個定食再跟茶碗蒸，麵豉湯同泡菜芽菜，海膽都好新鮮唔腥，所以呢個價錢真係好值呀

荔枝角自從多左D2 Place之後，加埋一堆工廈隱世食肆，真係越來越多野食今次一班朋友就揀左鵜舞gathering啦。入到去不得不欣賞下佢d居酒屋佈置真係好吸引，昏黃色嘅燈光、暖色系木材，加上舖天蓋地嘅和風海報同居酒屋大旗，感覺好似短暫離開左香港當日實在太凍，點左支清酒熱飲。支匠純米吟釀好易入口，嗒完仲有少少甜味回籠，飲到個個面酣耳熱當日點左鹿兒島和牛shabu shabu、吉列牛舌、關東煮、和牛釜飯。個關東煮其實唔錯，上枱熱騰騰冒著煙，全部都煮得好入口，而且個汁好甜好濃郁，唯一挑剔係份量吉列牛舌(~$118)大概八至九成熟，所以食落完全冇過熟、韌呢d問題，每一塊都好豐厚，趁熱沾少少鹽食真係無敵鹿兒島A4和牛Shabu Shabu其實冇乜驚喜，牛雖然無A5級d油花咁多咁密，但食落好重牛香反而冇咁油膩。不過份量真係好，少如果話呢個係二人前我真係會嚇親，因為係連配菜都好少，根本唔夠食。最後個和牛釜飯就一般般，唔覺得d飯特別入味好食，但就真係等得特別耐喇(至少40分鐘)最印象深刻係加茶叫左兩個侍應一個supervisor，等成20分鐘到最後先有位西裝姐姐話d茶煲緊仲驚訝係連埋單都等成10分鐘

新開張時有吃過午餐和晚餐，印象一直不錯；所以決定帶男朋友去，讓他一試工廠區的居酒屋，其實店位置就在D2 Place 地下，也頗為方便店內燈光暗暗黃黃的，頗有氣氛，而坐位也不會太窄，餐牌選擇不算多；發現原來有爐端燒專用的位置，下次可找個機會試試。因為入坐時間已很晚，所以快快手手點了以下：和肉涮涮鍋 - 牛肉很淋，好味壽司併盤 - 全部都好味雞腎串燒 - 不會太un, 不錯豚肉露筍串燒 - 不錯燒雞翼 - 很大隻，好味炒拉麵 - 味道有點點酸，很特別不過此店價錢也不便宜，兩個人總共九百幾蚊 😅但質素真的不錯