鵜舞

营业中

休息中

對荔枝角工廈食肆無信心了。第二次嚟呢頭晚飯，上年嚟第一次咁啱係隔離間西班牙野，今次上網睇完，就揀左呢間首先叫左兩個飯團，紫菜淋晒，飯係熱嘅，有煙，啲飯好鬆散，無乜料，結果，食左一磚無味白飯嘅感覺然後清酒煮蜆，蜆有沙，湯極鹹再嚟牛肉烏冬，幾好喎，牛肉焾，烏冬彈，隔一陣encore 第二碗，點知呢碗啲牛肉勁鹹！又嚟兩個手卷，無味，入面啲粒鬆散，出面塊紫菜係可以反起喺底摺返上去的，無計，個手灿太少料，塊紫菜就無料可包，師父唯有咁處置塊紫菜。成個手卷，又無味又細舊（不過大舊的話都幾大鑊）再嚟，雜錦天婦羅，幾好食喎呢個！追加：menu 係無天婦羅烏冬，見一碗齋烏冬要七十幾蚊，就唯有叫多個牛肉烏冬自製天婦羅烏冬，點知，呢碗啲牛肉係伏。另外，奉客的茶係無味，呢啲少數都計埋，又比你賺到盡啦抽風唔得，應該有客人燒燶野，兩次，吸左兩次毒！最後，張枱天花係用最平細個街巿照雞蛋嘅兩個燈泡照住，無燈罩，用最低價錢扮有情調，結果係，傾計想吉起頭望對面朋友的時候，兩個cheap 光泡好殘眼（因為周圍暗，得呢兩點光），搭低頭咁昏暗又好眼瞓只可以講，menu 唔夾我，無乜野啱我胃口，唔係佢錯。。。對唔住無相，因為無興趣

我見午膳時間好多人幫趁,但係我地2次都係食晚餐,第1次黎係有訂位,所以服務態度比較正路,仲問我地要唔要籃放置個人物品,今次即慶同姪仔慶祝生日,所以無訂位,帶位嗰位姐姐話因爲無訂位,要1個鐘頭交枱,嗰時差唔多晚飯時候,我地都明白有客人訂左枱,要識做,會食完就走,所以應承左佢1個鐘交枱~今次入到去無地方放背包,都無問我地要唔要籃放個人物品,仲係我地食既期間,無限個侍應不斷嚮附近講,我地要交枱,我地由食到走都係咁講,(其實食既途中咁講好真係好擾人),同勁快收哂我地枱面既碟,(淨番1粒細卷要我地其中1個人夾左佢),真係好煩!!!我地一口氣叫哂想食嘅野食,咸菜卷: 餡係用蘿蔔漬物包既細卷加小小白芝麻秋葵豬肉卷:用豬肉片包住秋葵黎燒,無左秋葵原先潺潺地質感,口感幾好~蕃茄煙肉卷: 用煙肉卷住車厘茄黎燒,同平時日本餐既差不多,無咩驚喜厚燒明太子蛋卷:尼個製作幾認真,蛋卷香軟,包住微辣既明太子鰻魚牛油果卷: 餡係用鰻魚同牛油果包既細卷,鰻魚太細粒,食左都唔知鵜舞卷:係用鰻魚;蘿蔔漬物;蟹柳;牛蒡等等包成既太卷,尼個既份量較好嬉野豆腐:係一個豆腐湯,啲豆腐好滑,湯好清,清到似米水味,感覺都幾清新塩燒喜知

是日到荔枝角工廠區開會...開完會都9點... 合作伙伴請我去D2既鵜舞晚餐由於伙伴食煙關係..咁岩OUTDOOR空亦無人坐..我地就坐左係出面 而天氣又唔係太熱..又唔多車行過陣陣涼風吹過.. 感覺舒適!因為伙伴減肥..佢只係睇住我食咁我就叫左個海膽飯+油甘魚刺身海膽配30G既飯  鮮甜美味而油甘魚如果厚切 如感更佳茄子一開為2拎去燒2邊搽上不同醬料一邊味噌口味一邊醬油口味一條燒茄子.. 有兩款口味而茄子口感好腍超讚咁舒適既地方點小得叫返杯BEER RELAX一下呢~~

朋友選了此店作為慶祝生日的地方。我還是第一次來到。印象最深刻的是這裡的格局,及有很多不同味道的酒可選擇。當然食物亦算不錯。當店員帶我入去時,入面的間局跟平時的食店差不多，但當一轉彎入去時,簡直是進入了另一空間。燈光暗黃,每個卡位都有一塊布半遮掩著入面既情況,氣氛與外面截然不同。好正。坐低後睇餐牌，發覺酒類的選擇很多。啤酒也有蜂蜜味、綠茶味、桃味......清酒也有不同牌子及味道選擇。簡直花多眼亂。花了很久時間才可以下決定，哈哈。朋友選了桃味啤酒，我選了梅味清酒。大家都很喜歡自己所選的酒。不過,一杯清酒的份量很少,還是一杯啤酒比較抵飲。食物方面,點了很多卷物，刺身，及其他食品。最好味道是燒雞翼、燒雞串配蛋黃沾來吃(第一次吃,雞串沾上濃濃的生蛋黃,好特別)、及燒雞泡魚乾(送酒一流)。

荔枝角真的很少日本餐廳，有水準的日本餐廳更少。鵜舞是OPENRICE的荔枝角日本菜搜尋第一位，當然要去品嚐一下A10 三文魚。三文魚籽親子飯 $135套餐十分豐富，包括味噌湯、前菜、茶碗蒸及魚生飯。味噌湯湯料不多，但鹹淡適中，不錯！前菜是豆芽蘿蔔絲涼拌，清爽開胃。茶碗蒸餡料有蟹柳香菇，十分順滑。魚生飯看似份量不多。三文魚刺身有4-5片，十分鮮甜，另外三文魚籽沒有腥味。加分的是壽司飯上有蛋絲覆蓋，吃起來有多層口感。如不愛吃生的，午市套餐也有拉麵及熟食定食。

接朋友收工，一齊喺附近食野明太子玉子燒，好味唔洗講，好多台都有叫，可惜可能太多order 定點？有d凍左我好鍾意食銀雪魚， 叫襯銀雪魚好似唔會死，每一次叫喺唔同餐廳食都係一樣咁好味肉嫩皮脆非常握壽司，飯握得唔錯，唔易散魚生都新鮮燒雞翼正到爆！ 又係外脆內嫩， 調得入味 ，之前喺某間唔便宜的日式串燒店食燒雞翼，冇味既，白雪雪咁燒，就算點左d 調味料都唔好食，呢 間燒雞翼係佢嗰度嘅半價都咁好味， 唔讚唔得鹿兒島牛肉， 好嫩滑今次食物嘅質素普遍都唔錯， 唯一有樣嘢唔好嘅就係佢個位唔好坐， 我見到入面佢有啲卡位， 仲要有塊布遮住私隱度非常之高！ 如果佢可以改善埋出面嗰啲位嘅話咁就一級棒完！

原是去食拉麵，卻吃了博多長茄子田樂，鹿兒島和牛飯，亞波尾雞翅，冷麵，飲了梅洒等等....我認為和牛飯最好味，一開蓋已香氣四溢。鵜舞裝修設計以日本居酒屋為主題，勝於不少日本食肆。

老大同老友都話呢間平日中午爆人龍, 所以 我地就黎食晚飯鳥~好有日本 feel 呀~一路入去 一路入日本居酒居咁呀~ 氣氛好好, 好開心呢~好多好多款嘢食... 都係以日本各地原材料命名的~我地花多眼亂, 攪咗好耐先有結論... XD先黎個 嬉野豆腐鍋先~嗯嗯嗯, 分量好少, 一人幾啖咋得~豆 腐 係 激 滑 溜 的 ! ! ! 湯呢, 係清淡淡嘅豆味水味咁~好滑好滑好滑 但得一舊仔 唔夠食啊!!!餓 透 鳥~ 來 2客卷物先得~ Um... 都係估佢吾到咁細份量的...鰻魚牛油果卷入口唔腥 係 ok 好味嘅~咸菜卷Ur~ 正常日本薯蔔券物咁囉...食得出啲米飯係靚嘅~豬肉秋葵卷 嗯, 薄得好薄嘅豬肉卷住燒黎食, 無咗平時一堆潺嘅怪口感, 好味啊~厚燒明太子蛋卷, 好味呀, 滿滿蛋香 配微辣明太子, 唔腥又能為香香甜甜提味~想 encore 呀!燒豬肉車厘茄超薄豬肉卷住爆汁車厘茄, 好味!由於食完都好似無食咁, 太餓, 忍唔住叫個惠比須牡蠣飯... 又係估佢唔到咁細小...上枱要等一等, 焗多陣先可以食~ 飽滿脹卜卜好期待食呀~食得喇~每人得 1粒蠔配幾啖仔飯...味道正常嘅, 靚米飯

今次來吃lunch set，感覺上比晚餐抵食好多一坐低，先嘆杯煎茶，看味濃郁。點了一份鵜舞海鮮丼($145)，跟餐有前菜海蛪青瓜，日式蒸蛋，同麵豉湯。特別讚讚個甜蝦，真係好甜好juicy咖海膽都幾鮮甜，唔會有最怕既苦澀味。呢個價錢食到咁多樣食物，又新鮮好味，都算係咁，一次愉快的用餐經驗👍🏻👍🏻

家人的慶生晚飯，有老有嫩，但都讚好食。一早已訂位，餐廳安排卡位比我地方便照顧小朋友，食物水準都保持，其實唔係成日去，但都冇退步，甚至比初開業時做得更好。唯一係店員太忙，叫好幾次先回應。食物推介和牛，這裡煮的牛真係唔錯，全家人都覺得和牛飯同和牛燒肉最好食。亞波尾雞一向好食，而我自己每次都點茶漬飯或燒飯團，我的最愛！燒物其實我地最喜歡係納豆腐皮袋，可惜已經停賣了。其他壽司煮物反而一般。另外沙冰啤酒配小食好唔錯。

一直都想試下喺D2 place呢間日本野，不過硬係覺得有啲貴冇試到，於是終於等一個特別慶祝日子去試下！入到去個環境真係有啲去咗日本嘅feel，好正，不過我冇叫刺身呀果啲貴價野，食啲其他菜色，反而好有驚喜！碎蔥吞拿魚腩卷，呢個真係好好味，啲吞拿魚腩同碎蔥一齊食好正，每件都好足料好多吞拿魚！厚燒明太子蛋捲，好鍾意食明太子，唔係度度都有，佢仲要落重本好大舊明太子喺入面，好好味又好抵食。食咗幾個串燒，有豬肉蘆筍串，雞脾大蔥串，我最鍾意係芝士雞肉串，佢啲雞肉唔係一般雞肉，係有啲好似係雞軟骨喺裡面咁，有啲咬口，幾正!蕃茄牛肉壽喜燒，最特別係佢點果個蛋係發到起泡，等啲蛋可以更均勻咁沾上舊牛肉度，而且口感更加豐富，有心思!另外有叫燒肉，一個牛肉，一個厚燒牛舌，雖然牛肉好味，但牛舌係仲好食，燒得啱啱好，外面脆裡面好軟林林。其實仲叫咗燒飯團同三文魚茶漬飯，不過呢兩樣都係好正常，唔係太驚喜，不過整體嚟講好有水準，有個靚女侍應仲好有禮貌同耐性，令人食得更舒暢。4個人食咗$800幾蚊，一啲都唔貴! 下次會帶其他朋友嚟再食過!

行完D2個市集， 就去左呢間野食。個架局令人覺得好舒服因為我地無BOOK 位所個以就要坐BAR枱，都OK LA，最好就莫過於兩條女叫杯大啤酒， 叫D野食就一個晚上。不單係環境好， 野食都好唔錯。雖然係晚餐，但真係想吹水成份較高， 所以唔係叫左好多野食。吹到人地收鋪，但都仲勁好聲氣既服務人員。多謝你地，哈哈影唔到呢粒野究竟有幾大粒， 但佢真係好大粒同D刺身係新鮮！！大讚明太子蛋卷， 有蛋汁，唔乾身，明太子好食～牛肉鍋， 個壽喜燒好甜好中意呀,仲有個蛋白泡，雖然我唔係好明白個好食價錢唔算話好抵食， 但野食唔錯同真係好好坐。                          en joy your night~p.s戈日我地吹水吹左幾個字都未叫餐，突然FEEL到陣寒意， 唔知經理企左係後面幾耐，佢話又想問我地落單未，但又見我地吹得咁高興唔敢打斷我地．幾好禮貌：）好害羞

又係一個同朋友Ad-hoc 食飯之晚地點又係 D2 Place 一間叫 Umai 鵜舞 (朋友話 Umai 日文解: 好味, 好食)今次叫左依d 野雜錦刺身 - 大拖羅好拿正, 油分足夠, 入口溶化。其他刺身都唔錯，海膽鮮甜度略為不足串燒豬腩肉，一般喇，略為乾身燒雞翼 - 皮脆有肉汁，唔錯海鮮卷 - 三文魚子放上面令到夾壽司時趺晒，搞到好似不論不類，賣相差左雜錦手握壽司 - 質素唔錯作為鍾意飲酒既我，點都要叫支日本酒一品純米吟釀

黎開香工行街， 同朋友 睇下 荔枝角有咩好食，大家都話d2 place特別多好嘢食，就嚟睇下啦。黎到見到 呢間餐廳就喺地下， 門口望入去入面好似裝修得幾靚喎 ，好有特色咁 ，似居酒屋，又唔使等位就入去試下啦呢個刺身飯,有蟹肉，牡丹蝦 ，海膽，帶子，食落都幾鮮味，唔會話好腥同苦~另一個刺身飯，有蟹肉，三文魚子，海膽 等個蒸蛋就冇乜特別，同元氣差唔多，正正常常啦服務黎講，唔知係咪我地坐最出果張檯，成日都搵唔到侍應，呢度要改善下總括嚟講味道 ok嘅，係價錢算偏貴，我諗如果同區宗像屋應該會覺得正啲， 應該唔會再嚟lu~

午餐時間，客人頗多。但服務沒有因此變差，服務員很細心。餐牌有拉麵，定食及丼。我選擇了海鮮定食。價錢比較同區，屬於中高。但用料可以說值回票價。海鮮丼裏有海膽、三文魚子，帶子、蝦及白身魚。白帶芝麻及蛋絲令囗感提升。茶碗蒸很高分。而且份量剛好！