鵜舞

营业中

休息中

同朋友去左d2place行市集，行到肚餓既時候咁岩比我地發現有呢間日本居酒屋😍成間餐廳都充滿住日本既氣息！仲有好多清酒放左係牆做裝飾👍🏻我地叫左個牛肉壽喜鍋$168見佢烏冬得半份一定唔夠食既關係就再追加多半份烏冬$20自從上次去日本後就好掛住壽喜燒既味！呢到都有少少當地感，但始終唔夠濃郁，如果佢咸味重少少就更加好！啲生蛋係俾我地黎點牛肉食，配埋一齊肉味更出更鮮甜，最後朋友仲好唔浪費咁倒埋落去變熟蛋撈烏冬食😋牛舌 $42 汁燒雞肉棒 $32牛舌一流，燒得岩岩好，爽口有咬勁，但又唔會韌！但雞肉棒就偏咸，可能係汁燒既關係。綠茶心太軟 $48有新鮮生果配搭，紅豆超飽滿😂😂😂喜歡紅豆既人就一定要食啦！

今日約咗兩個姊妹淘,聽聞D2 Place有間唔錯嘅居酒屋格調嘅日本菜, 一於同啲姊妹去試下先鰻魚蛋卷, 蛋卷好味,但同鰻魚好似無咁夾燒阿波尾雞翼,燒得香脆,雞肉滑滑,食得出係靚雞燒豚肉,豚肉配上醬汁燒,啖啖肉好惹味呀燒牛舌,厚切架入口非常爽脆,配上新鮮檸檬汁,可以中和油膩感。明太子蛋卷,呢個好味呀明太子咸香配滑滑蛋卷,推介呀鵜舞釜飯,呢個味道一般,價錢略貴。三個人每人分到一小碗,裏面有三文魚,鰻魚配飯及三文魚子。燒年糕, 煙煙韌韌配上甜甜的汁我地仲試咗荔枝生啤, 啤酒泡好似沙冰咁,感覺好得意呀整體燒物不錯如果經過附近,呢度係一個飲下酒食下串燒嘅唔錯選擇

呢間餐廳環境100分！!!令人覺得自己真係係日本居酒屋食飯🤗🤗推介明太子蛋捲...雞蛋煮到半熟 超滑🤩...厚身蛋捲加明太子，啖啖都好滋味🤩..!!炸蝦卷👍🏻d蝦都算大隻 yummy😋😋凍豆腐味道就一般般啦😣無咩特別😣😣不過睇得出餐廳都花過心思上菜!!deco都幾靚..壽喜燒 my fav ah🤓🤓!!!!!!不過湯底偏鹹 ..😖 牛肉好難咬。。鹿兒島和牛 ..牛肉都幾嫩口🤓..yummy !!

We booked via online platform and arrived at 6pm. Ordered 秋刀魚sashimi which was fresh and tasty. On a la carte menu items, the female manager recommended 3 new items to us - grilled cheese, beef croquette and deep fried pork cutlet sandwich. We ordered all 3 but was later told the first 2 items are not available. For the third item, they served the deep fried pork cutlet rather than the sandwich. When we asked whether it’s the same thing, the manager said we pointed on the wrong item on the menu

上星期，我家老爺因為放假，所以約了舊同事吃飯，更邀請小弟結伴同行。我們在商討吃什麼時，大家也不約而同想吃日本料理，於是大家就想到AMAI.... 記得之前這間餐廳很多人，排隊等位好耐，於是一早預約好位子了。到了午飯時間，門外已有幾個在等候，心想：預約應該不用等卦？！幸好，不久已有位了，坐下來已經急不及待打開餐牌，午餐定食種類也很多，刺身、天掃羅、不同魚類定食也有；老爺選了什錦刺身定食，而我選了魚定食。等了一會，食物端上，賣相令人食指大動，熱辣辣的麵䜴湯，不過有點鹹，定食的魚，忘了是什麼魚也很肥美，把飯上面加一塊魚一起吃，嗯—-不得了，好好味呀，令人很掛念日本的一切美食，老爺幾時去旅行呀？老爺：下年吧！

食呢間日本餐廳一定要訂位，呢間餐廳嘅裝修好有風味，而且食物都有保證，位置又方便。我哋今次都食咗日本直送嘅番薯，薯仔，串燒爐端燒物，同埋每人飲咗兩round飲品--- 威士忌可樂同埋荔枝燒酒，仲有呢個麒麟啤住，happy friday!! 薯仔蕃薯每100 gram市價計算，貴得有道理。飲啤酒一定要串燒秋葵茄豚肉，燒到有‘‘焦‘‘正呀! 秋葵無論點樣煮，咩都可以，有佢嘅特別真係好好味。之前食過燒蠔，但係而家呢唔係季節。所以呢今次就食炸蠔，炸蠔都好鎖定d汁，做得好好! 燒牛舌好爽口。雞翼非常大隻，好配大蔥和辣醬，好夾呀因! 佢嗰個大蔥原本身係燒，perfect match好惹味。今次，我哋每人食咗四百七十蚊。其實主要我哋今次都係咪食爐端燒嘅嘢，正呀!

今日又係慶祝生日既日子啦！今次主角想試下位於 荔枝角D2 既鵜舞，之前都食過佢既中午set 感覺不錯😊所以今次再戰晚餐，看看水準如何！首先，叫左佢既刺身，十分新鮮，店員仲會介紹每一款刺身！刺身很鮮味！再叫了 佢地既串燒，佢地既串燒 比平時既串燒店特別！亦都可以配不同醬汁去襯每一串串燒！十分講究！ 服務很好！

友人係呢區開左showroom, 參觀完就係附近食飯！呢間日式居酒屋，裝修似身在日本，相當有氣氛！叫左d十式壽司，材料新鮮，手握壽司食得出有分別，飯份量唔多，可以叫其他嘢食！仲有串燒都出色，點了雞皮，食落唔算太油；多春魚燒得香脆；雞腎爽脆！呢客燒雞翼，皮脆肉嫩，熱辣辣好好味，加埋杯冰凍啤酒，夫復何求呢！

最近要過黎呢頭做嘢，遇著趕時間落大雨，就入咗呢間鋪頭啦。睇左店名，上網查一查，鵜係一種被綁着喉管，用來捕魚的鳥類，而重要點呢個字嘅日文發音「好吃」一樣。星期日都幾多人，好多都係一家大細黎到。已經聽說呢頭食嘢係唔平，確實係。我叫咗白豚骨叉燒麵，我要左雞唐揚2件加餃子3件，$98。叉燒一塊，啲湯都幾膩，唔係特別好食。麵唔係好掛到湯，比較麻麻。隻蛋都還可以。雞都幾油，味道一般，油味幾重。餃子煎得幾好嘅，可惜涵好少，食落口好快就無咗。坐bar枱都有風味嘅，可以同廚師交流下。一直啲職員態度平平，到埋單時，我俾咗錢，拎咗錢無即時拎去收銀，仲係度傾計。。。我已經係企近係經理面對，都要專登叫店員行過黎再俾我（佢係知俾我）。呢點我真係好唔明。

從未見過態度這樣差的經理（男的）, part time服務比他好得多.落單時一脸不屑, 不複單卻漏單. 歉棄客人落散單, 雖然有13樣菜仍沒有丁點笑容. 但食物质素是可以的.

自從鄰近荔枝角的大型商場 D2 Place一期和二期相繼落成之後，在這附近覓食便多了不少好地方。而我這一晚，就來到 D2 Place一期地下的這間日本居酒屋「鵜舞」吃晚飯。 這間居酒屋已開業好一段日子，我已是第二次到來，第一次是和同事來吃午餐，而這一次則是和太太一起來撐檯腳。這間居酒屋地方偌大的，陳設佈置大有日本的風情，坐滿客人的時候，人聲鼎沸，觥籌交錯，熱鬧非常，氣氛甚佳。 這夜的我，先來一客開胃的「胡麻伴海鮮刺身海帶沙律」，清新醒胃的味道為這晚餐揭開序幕。三串不同口味的串燒「白燒鰻魚串」、「雞髀長蔥串」和「伊比利亞黑毛豬肉串配黑松露鹽」，我較喜歡肉質嫩滑的「雞髀長蔥串」，另外兩款串燒雖過得去，我就覺得「雞髀長蔥串」更為出色。 「煙豬肝」和「青森產山芋」是特別的，前者比一般的豬肝菜式多了一份獨有的煙燻味，感覺特別，後者吃來就像在吃薯片一般，也帶來嶄新的感受。 「蒜片宮崎A4和牛」下了極多蒜片，來自九州的宮崎和牛就好像埋藏在蒜片的海洋一樣。這下酒菜的和牛粒質素不錯，雖然間有稍韌的部分，整體仍然好吃。特別是這夜叫來一瓶「一品純米吟釀」，微辛的味道與和牛、煙豬肝和串燒都甚夾，就更是令人

喜好日本料理，刺身寿司以外還有太多選擇；地道美食、佐酒小吃、時令之選、燒物...... ，就愛那精彩紛呈！喜歡來這裏除了因為它的選擇多樣外，便利的交通也是因素之一；由荔枝角地鐵站D2 出口，過一條馬路便是了。通過長長的走廊才到用餐區，左邊是廚房及Bar 枱。另有兩間特別室，有點「深夜食堂」feel，和風味甚濃！喜歡靜局點的可選這個以布簾為區間的卡座，私隱度較高。「一條條」典型誇張的廣告，引人注目；很令人有身處當地的感覺。從種類繁多的選擇中花了一輪時間才搞定了吃什麼，有時太多揀擇反而讓人頭痛呢😅咁嘅環境氣氛，少不了要點酒精助興吧！一品純米吟釀300ml（$200）～帶陣陣鳳梨及蘋果的香甜，口感圓潤。燒雞泡魚干（$98）～雖叫作魚干，可一點也不乾呢，咬落煙煙韌韌，沾點灑了七味粉的沙律醬，更覺惹味。碎刺身拌納豆（$88）～很多人聞納豆色變，把它形容到像是「十大」難吃食物一樣；個人來講；它當然不是什麼珍味；但也絕不難吃的，而且它渾身是寶；最實惠的要數其對便秘、腹瀉的效果，當中的納豆菌和優質膳食纖維可以抑制腸內病原菌生長，調節腸道菌群平衡，從而改善和提升胃腸道健康狀態。

因為有事做要去D2 Place,一個不熟悉的地區兼一個陌生的出口，又明知呢區好多高質工廈餐廳唔識揀，要靠openrice話我知！一向喜歡食日本野，一年前就決定入左呢間餐廳。就係咁，我地就耐唔耐會心思思再黎食啦！對於呢個冇野行冇野睇兼唔順路嘅站黎講，一年間都食左好多次啦！今日又去我地飯堂探班，我地次次都有必點嘅菜：軟殼蟹你去出面冇一個地方夠佢好食，熱辣辣，滿口啖啖肉，仲要有少許膏，好香蟹味，都只係呢個價，慳家的我覺得值得食，而且上碟賣相吸引，唔覺吖可？今日上碟冧晒，平時唔係咁架！而茶漬飯，已經試晒餐牌上咁多款口味，個人認為只有三文魚食得過。我好少係出面叫呢個，因為由細到大爸爸都唔比人食湯飯，所以我唔慣d飯有湯浸住，呢度令我破例。佢好味在，少少兩舊魚肉，已經能令碗飯由同食到尾都充滿濃郁的魚味，應該有煙薰味，湯都係重點，非常香嘅鰹魚味,淨飲都唔惹少架，加埋山葵，完美配搭超好味，可惜今日唔知師父做咩落到咁咸，食左咁多次第一次失準！近期又發現呢個蕎麥麵好好味，我諗你係出面食親都係純麵然後浸下清湯，呢度隻味我好難形容出黎，總之食一啖嘅感覺係：因為有溫泉蛋，蛋漿充滿整個口腔，仲要d脆脆，口感帶來幾個

鵜舞食過好幾次 主要係食lunch, dinner都食過既Lunch既就多數都要book位雖然價錢唔平 但平日都幾full既裝修就係日式居酒屋 有燒肉, 刺身, 壽司, 丼, 刺身飯, 鍋物所有食物質素都好好Lunch我就食過2個餐, “小樽丼定食”同”澳洲和牛腹心燒肉定食”對於一個食肉獸黎講 澳洲和牛腹心燒肉定食係冇得輸既牛燒得好香加埋日本米送飯一流唔洗點汁都夠味水準keep得好好 食過不下五至六次都好好味 牛唔會燒得好老而小樽丼定食主要係蟹肉, 帶子, 牡丹蝦, 海膽我可以講造蟹肉多過飯海鮮都好新鮮順帶一題蒸蛋係好出名又滑又香

好耐冇黎過 D2 place，今日同事生日想食日本野！再次黎到 鵜舞！不過我打落去訂位滿左！侍應姐姐話可以俾間房我，但高枱黎！咁冇滿左就唔緊要啦！聚下啫！入到去原來係鐵板燒房！U 字咁坐，都唔錯呀！不過傾唔好到計...唔緊要啦！一餐啫！各自叫左自己鍾意既野食，我叫左個函館丼定食！個餐有沙律/蒸蛋/麵豉湯！個蒸蛋好滑，算好有蛋味，入面有雞粒同白果！沙律個汁好正，係柚子汁！入面仲有兩塊唔細既煙鴨胸，沙律菜唔少！個麵豉湯我好似飲左一啖，太飽喇！函館丼入面有蟹肉/蟹醬/蟹籽/海膽/蟹柳！當然蟹柳就唔好問喇 🤣🤣 蟹肉我覺得好鮮甜，個蟹醬唔夠濃味！但唔鯹既！個海膽就太少喇 🤣🤣🤣 算甘甜！我幾成個隻伴均去食！堅正 🤣👍🏻 但真係太飽喇 😋