鵜舞

营业中

休息中

有開心事緊係要請同事食飯啦。 入到店真係好似去左日本咁, menu勁多選擇.. 人均睇左十分鐘先揀到食咩大家ORDER 左鹿兒島產吉烈黑豚豬扒定食$165豚肉拉麵+雞唐揚2件SET $98 牛肉定食豚肉定食由於我只係左食自己碗飯…所以只好介紹自己果個特上火炙飯定食 (大吞拿魚腩、帆立貝、三文魚腩) 配湯及蒸蛋$180 其實order前我有問過可唔可以唔燒.. 因為我都係鍾意刺身多D,佢地又無大吞拿魚腩刺身飯, 同埋個職員又話燒左香D, 咁唯有就揀佢啦~  個飯真係超級邪惡啖啖香油, 真係食到6成已經飽; 大吞拿魚腩真係帶比人好開心既感覺。個蛋亦都係同事們一至讚好; 依間店亦係同事讚係依一帶最好食既一間。埋單時亦有會員儲分APP dl, 原來隔離Rusitco西班牙食店係同一個GROUP, 下次都可以試下最後我都係覺得唔燒會仲好食D 

我想話，你地門口個帶位同事真係無禮貌到爆炸！！講野嘅語氣同態度真係非常討厭！我入門口見你佢講緊電話，我咪搵第入面個同事囉，個黑衫男同事同佢真係差好遠，見佢好忙處理緊一d客人，但一見到我企係到無人理，立刻上前有禮貌有笑容，話唔好意思請稍等，等門口同事幫我，呢d咪服務態度囉到帶位，我問可唔可以坐前少少，佢話可以，但我聽到佢對住個對講機講，咁叻返屋企食囉，轉黎轉去當自己屋企丫！嘩，洗唔咁丫！？個經理仲衰，又大聲又無禮貌，可能係熟客啦，有講有笑，仲坐低一齊食一齊飲，對住我就黑口黑面，我都係客黎嫁！到底係咩事令到我食餐飯都要受氣呢？

同客食飯，揀咗呢一間位於荔枝角D2 Place既日本嘢試下。聽客講呢間中午長期爆滿，而且裝修都非常之有日式居酒屋風格，感覺唔錯，好似值得一試。今日係禮拜五，去到中午12點半去到嘅時候果然全場爆滿，氣氛熱烈。睇一睇餐牌，發現午市套餐都唔係太平，由百幾蚊至幾百蚊都有。我揀左個接近四百既A4和牛爐端燒set，呢一個餐有一碗麵屎湯，一碗白飯，同埋一個茶碗蒸。和牛扒味道唔錯，比較柔軟牛味都算濃郁，但份量真係好少🙀接近四百真係好唔抵！同事叫左個300蚊既十件壽司拼盤，但質素真係好差，魚生唔肥美，另外仲有幾件唔值錢既，例如蟹棒同玉子壽司。呢個拼盤收300蚊真係好憤怒啊！！下次唔會再黎

簡直一肚氣請貴公司認真正視一下 有位男同事服務態度超差，明明漏落order唔好意思都無句，就不了了之，我想叫熱清酒，唔識走去扮識，問佢咩清酒岩熱飲，就亂點一通，我當然唔識先問，亦唔係攞著數，但黎到完全唔係果樣野，問佢點處理，就將責任放返係我度，講野幼稚、態度輕挑，講真溝女咩，送酒黎果個又係九唔搭八，唔識開酒就唔好係客面前開，剛好有另一個女同事經過了解處理，呢個講真同男既爭好遠，起碼有招呼，識介紹，我唔識點講，只想貴公司好好培訓一下男同事

同同事去食團年飯，所以決定食好啲，走咗去荔枝角日本居酒屋🏮食午餐。食物：澳洲和牛燒肉定食 - 牛肉燒到大約五成熟，內裏是嫩紅色的，唔會鞋口。仲有四款調味料選擇。小樽丼定食：包括有蟹肉、帆立貝、牡丹蝦、海膽刺身。蟹肉有很多，每一口飯都有蟹肉配搭，而且材料新鮮。蒸蛋好好味。服務💁🏻‍♀️：侍應有禮貌環境：- 裝飾佈置甚有日本居酒屋的感覺- 座位比較擠迫泊車🅿️：可以泊D2 Place One 停車場總結：聽到隔離枱的日本人，等個定食需時很久，我們的食物到了，而且進食中，他們還在等待中。所以午膳繁忙時間都有可能等候需時。而且一定要訂位。整體食物質素很好，推介。

今日同我fd慶祝生日，好1近地鐵站出口，都幾方便，餐廳好大，有d位可以見到師傅整野食，好多食物選擇，可能環境比較吵會有時會落錯單，我落單係落天婦羅蝦卷，但出到黎變左天婦羅蝦，雖然好食但服務員既熟練度有待加強，可以再好d，叫左芝士燒蛋卷同鰻魚燒蛋卷，我鐘意食鰻魚多d，芝士食落冇咩特別，但鰻魚同蛋卷好夾，好好味，鰻魚釜飯冇落晒d汁所以好好味，但鵜舞釜飯因為落晒d汁，所以超鹹，所以唔喜歡食太鹹可以唔落晒d汁，其他燒烤食物都好新鮮，整體非常唔錯

我已經很好禮貌舉手下單和結賬，但服務員都視而不見聽而不聞，毫無做生意的意慾。好一間垃圾餐廳，在結賬還以為那幾百元是甚麼大數目，竟給服務員冷眼。態度真的決定品格，以後不會光顧。俾錢買難受。

住喺荔枝角區，周不時會黎哩度食嘢，不過哩度真係唔想再黎，因為服務真係極差之餘，價錢唔平，食物質素都不如以前，份量仲要越黎越少，仲要越黎越貴。首先，嗌前哩碟厚燒玉子，明明之前喺度嗌其他厚燒嘅蛋卷，明太子，鰻魚，芝土味都試過，都係熱食嘅，點知哩碟一黎到，完全冰凍，以為係廚房搞錯左，問個侍應，佢地話係本身要凍食嘅，唔肯退換。前菜嗌左鵜舞沙律，個份量比以前細左足足一倍咁多無誇大，哩個份量咁少，反而令到個味道太濃，大鹹，份量少左，真係味道都變埋加州卷就越黎越細舊，已經細到咬落都無左以前嘅口感。麵豉醬燒豚肉亦好鹹，仲要好油膩，價錢一啲都唔平，真係好唔值得嗌。燒青魚標明係 $118，不過侍應走過黎因為嗰日嘅魚特別大條，變左 $198，其實黎到真係唔覺比平時有咩特別。以上嘅環境係剛剛搭正9點10/15分，因為本身喺我地7點45分入座嘅時候一直無講過我地有限時交枱哩回事，點知食到8點15先走過黎同我地講話要9點交枱，要我地last order, 話之後有booking, 其實我地走嘅時候都係9點幾，仲有好多位，而真係無人喺門外等位，真係覺得成個 arrangement 好差。仲要喺我地 re-order

原本諗住打去問有冇派private room or space 俾人book枱，點知佢哋都冇聽過我講嘢就話好忙收咗線。呢度嘅食物係幾好味但係服務態度真係好差！我要重新考慮仲嚟唔嚟食。。。。其實我都食過好多次，就係因為佢有水準我先想帶多啲朋友過嚟食，如果真係咁忙，其實佢可以叫我之後再打電話嚟，講句唔好意思我都冇咁嬲。。。係咪先？一個電話嘅服務態度就已經令到我對呢間餐廳失去信心，希望你哋睇完我嘅感受會去改善。

行完長沙灣的花市，男友醒起D2place有間居酒屋一直想試，就搭一個站地鐵過來！荔枝角岀D2就看到，很易找呢！📝我地都中意食日本嘢，居酒屋來說，之前較常去apm的一杯。比起一杯，呢度雖然無大阪燒，但其他食物的款式較多，吃了幾款也很不錯，是會列入再戰的名單😋😋店內氣氛不錯，很適合不太多人的聚會。🍻首次飲Frozen Beer,我選了桃味，男友要原味。原來上面的啤酒泡是像思樂冰的雪質感一樣。桃味開頭有好微甜，中間就像普通啤酒，到最後是勁甜🙈🍳原來是凍的，不過蛋的質感和甜度適中，很不錯！🍣吞拿魚腩卷非常岀色！魚腩新鮮好吃，大推介！🍣因為個名得意而點的「威化壽司」就有點失望了，餅皮一點也不鬆化，是林的。海膽也不夠新鮮呢！🥟這樣看有點像心形🧡味道不過不失，以這價錢是抵食的。🍢最愛的露筍串有點失望。露筍和豚肉也一般，串燒來說可能一杯較為岀色？🧀整個太漏了，其實芝士是好味的，但就這樣單獨吃6片芝士，沒其他一起吃就實在太漏了！🥘右邊那小腕是蛋汁，把牛肉沾蛋汁吃的感覺，特別又好吃。如獨立吃牛肉會有點咸，沾了蛋汁就剛好😋鍋內很多牛肉，反而不多雜菇。

我好少係香港食居酒屋，一來價錢貴，二來味道或環境唔似我去日本時食居酒屋咁好feel~去得居酒屋就係想relax，食下串燒飲下酒，唔駛理價錢。但估唔到我係荔枝角遇到呢間居酒屋，一開始以為佢好貴，食過先發現價錢都合理（但唔好點刺身、壽司，勁貴又味道麻麻），而且有得泊車又近地鐵站，約朋友方便。我次次都叫阿波尾雞雞翼，外皮好香好脆，內裡肉汁juicy!蛋卷同串燒都好好食～～仲有果汁燒酎好好飲，特別係水蜜桃口味👍🏻

朋友推介這間餐廳的蟹菜式，於是在午飯時間來了，比想像中人多，座位也比想像中多。看了看餐牌，選了這個有蟹肉，牡丹蝦，帶子和海膽，定食有附送前菜(煙鴨胸肉生菜)，味噌湯和茶碗蒸。很快就上菜，茶還蠻好喝的。煙鴨胸沒想像中的咸，值得一讚的是前菜的醬汁頗特別。味噌湯也和一般在香港喝到的有點不一樣。茶碗蒸比較傳統，有冬菇，白果(?)和蝦，我個人很喜歡茶碗蒸的味道，但對白果的味道則還好。甫看見主菜，就覺得蟹肉比自己想像中的來得多，大概因為要二百三十多元吧。因個人口味，拿走wasahi，紫蘇葉(?)和酸薑後，拌好蟹肉吃原味。噢，好好吃喔。蟹肉的鮮味慢慢的出來，沒有太咸的感覺，也不算特別鮮味，但感受到就是真實的蟹肉的感覺。把海膽放在一口飯上吃掉，沒有擔心的苦腥味，令我對海膽有重新認識之感，很滿足。帶子比較厚切，一口咬下，滿足，卻沒特別出色的感覺。而牡丹蝦的蝦膏比其蝦肉吸引。總括而言，在辛苦工作的早上後，這頓飯有好好慰勞了自己的感覺，環境也頗有氣氛，暗暗的燈光，師傅忙碌的身影，身旁嘈吵的趕聲音，有種不知身處在哪的感覺。

因為懶，所以第一次寫食評，幫襯左好耐，每月都會去1，2次，keep到質素，價錢合理，所以變成我既心水飯堂之一，試過咁多種款式既食物，平均都合格，燒物方面我就最欣賞，所以帶過好多朋友去，佢地都話唔錯，所以我會推薦哩間居酒屋比大家。 鋪位地點方便，鋪位近地鐵站，同埋如果揸車既話，又方便泊車，附近又有商場可以行吓，因為附近都係工業區關係，到左晚上周圍都比較少人，所以我都係晚餐時間去，。但服務上有改善既空間，有時訂左位開左門都無人理，要行入去問，再同員工行返出去講番有無訂位等問題……,或者開左門，咁啱員工用電話解答其他客問題，完全無視我地呆等到佢講完電話先理我地，雖然唔係咩大問題，但感覺係服務上有所不足。

以前去過呢間食晚飯都算OK，我昨天和家人去試試午餐定食。午餐時段，很多人排隊。諗住實冇死咁多人去食。去攞位唔使等，但係要一個鐘頭後埋單。我話OK。入到去俾個卡位我都算好。個午餐Menu唔算多嘢食，但係都算齊。啲嘢食都係普普通通嗰隻，冇乜特別。最後點了一個牛舌定食，一個壽司定食和一個鐵板燒牛肉定食。呢啲都係普通野，冇乜難度，應該無衰。點知一嚟到，個牛舌唔係燒牛舌，係炆的。又唔一早講明。一啲牛舌味都冇，而且唔諗，冇味道。個鐵板牛肉，做到好似大家樂咁。個壽司真係不知所謂，連元氣壽司都好食過佢九陪。仲要食完半個鐘後，就急急腳攞張單你話要埋單。好似趕你就咁樣。個個餐都成百幾蚊，咁嘅服務態度，真係條氣有啲唔順。我爸爸媽媽都好少食日本餐，佢都覺得去過咁多間都算好差吓。晚餐不是這樣的，我懷疑午餐求求期期比啲下攔嘢就算個骨。十分之失望。下次一定唔會幫襯。我寧願去對面嗰間「繼」算啦。比多少少錢，唔使受氣，舒舒服服。一定唔會再返嚟。

荔枝角D2 Place 近年已成為荔枝角區的指標，本人經常去日本旅遊，為的也是當地美食。在香港，其實真是難找到貼近日本食物質素的餐廳，有的，又會收你天價。今次試呢間，價錢算中上，但慳了機票下，出奇食到日本的食物風味。店內裝修正宗居酒屋格局，坐位舒服，環境不錯。酒牌選擇雖然不多，但仍有合理的大吟釀可以選擇，種類這點可以加強。串燒可能不是主打，選擇不及一段串燒店多，但用料味道不錯，可一試。刺身、壽司就不得了，近乎日本當地口味。總結而言，值得推介日本食物控來一試，吾搭飛機，吾住酒店，其實在港食一間好既居酒屋，條數吾係相差好遠。