鵜舞

营业中

休息中

荔枝角地鐵站 D2 Place一期有間居酒屋，名稱叫“鵜舞”，舖內完全係典型日式裝修，燈光暗淡，適宜同朋友齊歎美食及吹水，Hea一晚。厚燒明太子蛋卷，濃郁蛋香，嫩滑細膩，加上明太子咸鮮味，作為前菜，令人胃口大開。盬燒日本雞脾肉，雞皮炸得脆身，雞脾肉幼嫩多汁，唔乾身，調味適中，送酒一流，一於叫支COEDO手工啤酒，夠冰凍好飲。再有雜錦天婦羅，亦好啱配啤酒，薄身炸槳令多款食材炸得通透，唔油膩，入口依然鬆化香脆，蝦隻好鮮味。最後仲有甜品拌蕨餅，清新爽口彈牙，淡淡甜味，完美的結尾。

朋友嘅特上壽司拼盤，睇落幾靚仔，壽司都係細細粒～飯唔多，但係魚生都厚嘅特上刺身定食～我自己唔係幾鍾意食刺身餐，因為刺身啲款式比較少，同埋總係會有一兩種麻麻哋鍾意食嘅魚我自己就食廚師發板，雖然係廚師發板，但係食客都應該有可以要求唔要某啲嘢嘅機會架麻！其實佢買成$400.1個餐，先係中環嘅級別，呢一點應該要注意下，因為我自己唔食三文魚子同埋某啲魚， 咁都唔得嘅話其實可能就會冇得食，最後我嗰舊唔食嘅兩三件俾咗人不過講返質素來講，係好新鮮嘅！但係今次唔知點解冇人黎介紹啲魚，我覺得呢間餐廳嘅服務質素好變幻無窮，可能真係要冇乜客先會serve好啲🤔我覺得，佢收得呢個價錢，而且都係假日嘢，服務質素應該要好啲啲overall OK嘅

第一次喺荔枝角呢個區食日本嘢，D2 Place 一期嘅 “鵜舞”近地鐵，好方便。餐廳好傳統居酒屋佈置，好多卡位，見到每枱差不多都叫啤酒，一邊歎，一邊傾過不停。我地專注美食，叫咗一個什錦壽司，有十款之多，新鮮食材，顏色吸引，有生有熟，各有不同口感。海膽份量算多，夠鮮甜，魷魚夠爽，配上新鮮wasabi 一流宫崎煙肉就似中式五花腩，肥瘦相間，肉質結實，咸香甘腴。炸物有牛油果豚肉串揚，薄薄麵包糠裏面包住牛油果及豚肉，整體炸得乾身脆口，不過豚肉畧為有點肥。仲有個鰻魚蒲燒釜飯，侍應將整個器皿端上枱，打卡一流，再點火熱住嗰飯，夠保温。食時打開蓋，熱騰騰嘅鰻魚飯香即時湧出，每一口濃香四溢，軟滑鮮甜鰻魚，好好味㗎。假如有下次，不妨歎吓日式嘅酒類。

🍴燒魚翅乾 HK$68本身鹹鹹地，配上蛋黃醬鹹甜交織，再加埋七味粉刺激味蕾，煙韌滋味。🍴厚燒明太子蛋卷 HK$68厚厚蛋卷包住滿滿明太子，鹹鮮明太子更能帶出蛋香。🍴博多明太子黑豚腩肉卷串 HK$38腩肉燒至焦香，伴隨明太子放入口，甘香惹味。🍴鹽燒阿波尾雞髀肉 HK$98阿波尾雞係來自德島縣嘅走地雞，脂肪較少，肉質結實有彈性，雞味濃郁，點少少辣味噌，風味更佳。🍴佐賀金星黑豚 HK$238肥瘦均勻，肉質鬆軟彈牙，豬味濃郁，吉列脆皮爆晒花，外脆內軟。🍴辣吞拿魚腩卷 HK$78飯粒煙韌，吞拿魚腩蓉軟綿綿，香辣鮮甜，口感有層次。🍴福岡特色凍蕎麥麵 HK$78蕎麥麵口感清爽彈牙，配料豐富，包括蔥、紫菜、山葵、蘿蔔蓉、天婦羅碎、溫泉蛋，味道絕不單調，口感亦甚有層次。🍴拌蕨餅 HK$48煙韌，唔太甜。🍴COEDO紅赤 HK$62以埼玉金時番薯釀製，口感豐富順滑，帶香甜焦糖味。🍴COEDO瑠璃 HK$62酒身清澈，清爽順喉，花香、苦味較平均，易入口。📍鵜舞荔枝角長義街9號D2 Place一期地下2號舖

📎三點刺身三款刺身油脂都好重，好厚切😙魚油味好香🥰📎黃金芝士西京燒芝士燒到兩面金黃，帶微焦🤓入口即溶，不過比較適合3-4人分享😉咁先可以食到更加多嘅嘢食📎厚釀豆腐豆腐係咁多款食物裏面都係比較清淡嘅一款，其中一款用咗醬油調味😚另一款就配有木魚絲，同其他比較重口味嘅食物都可以balance返📎宮崎煙肉呢一款相比平日我哋食嘅煙肉冇咁鹹，仲要勁厚切🥰好重煙熏味，餐廳提供左檸檬同埋蜜糖芥茉醬😋個人比較鍾意加檸檬一齊食，食落light啲📎自家製雞肉串雞肉串混合左免治雞肉同埋雞軟骨，有唔同嘅口感，仲keep住好juicy🤩下次再嚟嘅話會encore!!!📎麵豉燒飯團飯團表面燒到好焦脆😆有少少似煲仔飯嘅飯焦😂都唔錯😙📎鰻魚玉子燒📎蕨餅表面有啲黃豆粉，有少少黑糖味🤤入口清涼又有少少煙韌，值得一試餐牌：環境：餐廳環境係傳統日本風😍入去食飯好似去咗一轉日本，服務態度都唔錯😙整體個體驗都幾好，生日或者紀念日慶祝都可以試吓呢間🥳

又去到D2PLACE，近期好鍾意去嘅地方，泊車消費比較容易，同埋有幾間餐廳🍴都想試試。今次係地下呢間日本🇯🇵料理，都開咗好多年，人氣旺盛一定有賣點，價格偏中上但仍不乏捧場客🤓———————————————————————————🥢佐賀太良町真牡蠣🦪💬少少🤏地叫咗兩隻，好肥美，勁鮮甜，加入淡淡柚子醬油更多清新😋.🥢雜錦壽司🍣💬唔算係好精美，不過食材都新鮮，見到枱枱都有叫都知咩料😅.🥢雞胸軟骨串。豚肉露荀串🍡💬串燒絕對係佐酒小食，所以去親邊度都會叫，香口嘢一定好食😋.🥢鹽燒特上牛舌🐮👅💬認真，好耐都食唔到日本🇯🇵正宗燒牛舌嘅口味，呢款係近似的，好回味，以前尖沙咀有一間牛舌專門店結束🔚就再食唔返😭.🥢鰻魚釜飯💬超級掛住鐮倉嘅海鮮釜飯，超級鮮甜，又可以變茶漬，所以在香港🇭🇰有釜飯都會好想叫，結果無令人失望，製作需時要等都係值🉐

認真！如果要食依間餐廳，真係要諗一諗！如果你接受到幾百蚊食茶餐廳質素及服務（係唔好食，服務衰到一個點），咁我都唔會阻止你嘅～從未食過一間餐廳如此令人由頭到尾都食得咁唔愉快。本身滿心期待，直到入門口一刻⋯不得不說裝修係有心思，打造得好似去左日本居酒屋咁，環境係幾得意嘅。但係去到入座時，係完全無人指示你應該坐係邊或者帶位動作都無嘅！當我問個staff 時佢反問返我有無訂位，之後就比左個又黑又逼又角落嘅位置我，我要求轉位，佢哋好似好唔耐煩叫我「等下啦你」，但當時那位staff係無野做緊，好唔想做嘅感覺！好啦到轉左位置，朋友都還未來已經望實我暗示單餐，我d朋友都還未到點叫？明太子蛋捲$68見到網上幾個推介蛋捲就試下，不過不失的，不過無驚喜，當凍咗後，會好「鹹」雞泡魚干$98一向都覺得依個唔會伏，點知依個「鹹」到飲幾杯水都唔掂佐賀金星黑豚$238普普通通，喜歡吃肥肉會覺得ok，但相反就會覺得難食，但佢嘅價錢就貴d，所以性價比唔高。題外話佢個汁真係好「鹹」富士蘋果豚肉串揚$38 &田樂茄子串揚$38豚肉麻麻地，唔太特別，略乾，都係好鹹茄子，唔知自己食緊乜，只感覺到食緊成口粉明太子炒飯$138應該算

這間餐廳在荔枝角地鐵站D2出口, 很方便！我們book了12:30食午餐，去之前看了OpenRice，知道只可坐個半鐘！星期日是休閒日，希望可以relax下。四人座位略嫌擠迫, 環境有點嘈雜，聽不到有近藤真彥的歌。因時間關係，我們很快叫了刺身拼盤、海鮮飯丼定食、燒雞髀和日本手工啤酒Coedo-Ruri。食物很快嚟到，桌上放滿食物，我們也很快把食物清了，食物不錯，啤酒味道淡淡的，容易入口，很適合我們女士飲。想叫透明啫喱狀甜品，但店員告訴我們只有一種拌蕨餅，於是就叫來試吓啦！我很想是他們的雞翼，最後加了雞翼，但啤酒飲完了，時間也到了，少少遺憾雞翼不能配啤酒。總括來說，食物不錯，環境有些嘈雜和趕，可以改善少少。

平時行過d2 place 最底下有幾間餐廳門面都好靚，今晚book左呢間日本餐廳做生日飯試試。剩係門口都以木系設計，都好有特色，原來入面地方超大，簡直身處日本一樣。天花擺滿日本燈籠，牆身貼滿海報，全餐廳用上木系，環境簡直一流，好有氣氛！我地要左小食魚翅干、同明太子腩肉串，明太子玉子燒，呢個賣相好靚，半熟既玉子包滿明太子，夠哂香滑。要左吞拿魚腩卷，吞拿魚好肥美同新鮮，卷物做得好好，唔會鬆散！主食要左金星黑豚，其實係吉列炸黑豚豬扒，呢個超好食，必點！佢既炸粉好薄不膩，用上黑豚肉，所以入口非常腍軟，加上厚切大啖肉，油脂均勻。同仲要左個鹽燒雞髀肉，雞肉好嫩滑，配埋蕎麥麵，懷念日本既味道。成餐飯唔算特別平，但係當節日慶祝，食過環境氣氛好值得一試！

d2 place地下有一間居酒屋，環境格局相當和風，好有氣氛～厚燒明太子蛋卷🍳明太子非常足料，每一件都有滿滿嘅明太子，蛋卷每一層都厚薄均勻，口感滑溜～辣吞拿魚腩卷🍣砌成花朵形狀，美味悅目燒魚翅乾🥢鹽燒阿波尾雞髀肉🐔阿波尾雞以肉質彈性、低脂肪見稱，雞皮沒有多餘嘅脂肪，鹽燒後好似一片薄脆，絕對唔覺得油膩，雞髀肉嫩滑有彈性，用少少嘅鹽提味，味道啱啱好，面頭灑上鮮豔嘅食用花瓣增添色彩👍博多明太子黑豚腩肉卷串🎌黑豚腩肉除咗捲住明太子醬，仲有紫蘇葉，紫蘇葉嘅獨特芳香很有驚喜，串燒表面微焦，時間控制得宜，依款串燒頗有心思佐賀金星黑豚🐷吉列皮炸得酥脆，黑豚扒係厚切嘅，雖然邊位比較多脂肪，但係整體嘅肉質鬆軟，豬扒口感帶點濕潤，絕對唔會炸得好乾，水準不錯！福岡特色凍蕎麥麵🍜天氣咁熱好啱食凍嘅蕎麥麵😋以日本甜品拌蕨餅作結

唔知係唔係因為用Eatogo 訂枱，餐廳安排咗兩個進入嘅我吧枱喺，最入嗰位望住一幅好污糟嘅水渠牆嚟進食，周圍都好似污糟邋遢咁，好唔開胃！人手明顯不足，因為好忙職員態度惡劣，成件事都好趕，一係就叫極都無人落單，一落單就要旋風式，好心驚佢寫唔切逐個逐個講，佢竟然催你「繼續啦！」呢啲係乜嘢服務態度？9:00 話last order問仲有冇野加？我哋仲有一個卷物未黎，原來根本漏咗單，又要迫人講咁快但原來根本寫唔晒！跟住又趕賣單趕執枱，成晚無人黎加過茶，成晚都係好趕好亂嘅情況之下完成晚餐，非常差嘅經驗！咁嘅價錢食物質素只可以算合格，無下次！

留意左D2 PLACE呢間日本野都一段時間, 終於約到朋友黎食, 不過真係要BOOK枱, 因為好FULL, 連平日星期三7點都滿座了!!餐廳裝潢好有日本居酒屋FEEL, 入到黎真係有去左日本既感覺!所以梗係要叫D啤酒飲下, 呢隻日本手工啤好多選擇, 我就揀左藍色樽,都幾好飲, 220蚊可以叫4枝, 岩晒同朋友SHARE!雜錦壽司有海膽/魚子, 唔同選擇, 雖然一睇落見到好多白身魚, 而本人對白身魚都無咩好感, 但係出奇地呢到既白色魚都好鮮甜, 無平時既腥味, 有驚喜!天婦羅係朋友想食既, 除左普通既蝦/蕃薯, 佢仲有粟米仔同九肚魚, 好吃!宮崎煙肉, 呢個小食做得好好, 煙肉味香而不太咸, 燒得剛好, 食落唔會覺油膩, 豬肉帶甜, 送酒好岩!!明太子蛋卷都值得一試, 蛋卷本身係日本菜既家常東西, 但加入明太子後, 增添一份咸香, BALANCE得好好!!

前一分鐘打去訂枱無事 我地想訂多一位 就諗住再打去轉人數 打通左之後 話佢知想轉人數 就用好差既態度講 「好忙 遲d再打黎轉！呯！ cut我線！」講真依間野食過幾次 服務出左名惡劣！ 食物可以接受 但要我比百幾蚊食個lunch 仲要受依d人氣 無可能呀！依間野真心垃圾

本人用左openrice好多年，未試過嬲到要寫comment！！呢間餐廳成為我既第一次。電話同係入座時不斷提醒用餐個半小時，明白而家經營困難，所以無問題都唸住會準時還枱。我地一坐底已即刻叫野食，一位女侍應落order時已十分九唔撘八，都算，食左只係一個鐘到另一位長髪戴眼鏡女侍應又再提醒我地得個半鐘，但係佢地連我地order既野都未到齊兼只係食左3分2時間就追我地還枱會唔會太過份？你係都check下我地d野到齊哂先提醒會唔會合理d？我地完全未食飽同佢講我地想再嗌野食(仲係只係食左一個鐘到）佢話:「你地最好唔好食熟食，因為你地張枱只係食個半鐘」我地問即係食左一個鐘已經唔可以嗌野食？呢位女侍應用好串嘅態度答我哋話：「唔係唔得唔建議姐」受氣俾人趕走都不突只，仲要野食一d都唔好食，$90幾蚊一碟雞泡魚干得好少，仲要唔好食..最後我地個半鐘前就賣左單，未見過有餐廳食左3分2時間就係咁催，好annoying好黑人僧！今晚餐父親節飯就俾佢地糟蹋左，建議大家如果要同仇人食飯，可以考慮呢度。

見過呢間野好多次，出面裝修幾有feel，就趁生日入去試下佢個晚餐，點知太失望了... 都預左貴同份量少，但又唔好食，裏面環境好逼，又大煙。最差就係服務態度，時時刻刻都好趕時間，落單又趕、收嘢又趕。一路望實你，等你一夾完最後一舊，就即刻插隻手過黎收走。傾傾下計又問我地仲要唔要，嬲嬲地就唔理佢😡一秒之後佢又問多次請問要唔要，打斷客人傾計。一開始講明一個半鐘食飯，都未夠鐘就問都唔問收晒我d碟，隻碟仲有野食，我都未食完！！！生日仲要比佢激一激