鳳城1954 (MegaBox)

营业中

休息中

鳳城1964係鳳城酒家集團𣄃下既年輕新品牌，注入左年輕元素，走新派順德菜既路線，除咗一貫傳統嘅順德菜之外，仲有大量新潮可愛嘅點心，之前食過一次印象都幾深刻今日再次經過見到餐牌多左新菜式，決定要試試。《冰鎮甜梅涼瓜》第一次食呢個做法既涼瓜，好特別，味道酸酸甜甜一啲都唔苦，保留到涼瓜既香氣，口感好爽脆，令人一口接一口。《蟹皇包》外形好可愛，岩晒小朋友。裡面既肉味道食起來似菜肉包既味道，不過不失。《蜜椒雞中翼》非一般既雞中翼！超香口，皆因外皮炸得好酥脆，肉質好滑，甜甜地好開胃。《大良炒鮮奶》順德傳統菜式，即使上次已食過，今次仍然要食！奶味好出，甜度低，炒得好滑，加上有杏仁片，口感更好，呢個菜老少咸宜👍🏻《芝士三文魚撻》呢個層次好豐富，首先個撻做到好鬆化，然後配上芝士、洋蔥、蘑菇同軟滑既三文魚，好好味！《西米布甸》聽講呢一個係鳳城酒家嘅名物，每次嚟到都一定要食，西米配蓮蓉，估唔到禁夾，不過有啲膩，最好搵人一齊share!《紫薯流奶球》由於我係唔食榴槤嘅，所以就留返俾我屋企人。而紫薯球外層好脆，內層帶煙韌口感，然後中央部分係流沙奶黃，爆晒汁，好正！ 今次嚟到，全部新品都冇令我失望，下次一定

叫左個半席套餐，水準很好，有3款餸菜比較喜歡，第1個係蝦多士，炸的時間掌握好好，不油不膩，蝦膠份量夠又美味，另1個係炸子雞，肉質嫩滑，雞皮脆口，煮理人有花時間張雞皮吊起風乾，要讚，最後係我今餐最滿意的，就是佢個包包，賣相可愛，味道很好，6個包包，有3款餡料，好好的主意，每位200元有找，我個人覺起值，有空會再去

上個月一家人去了九龍灣Mega Box的鳳城1954慶祝父親節，因為一早訂了位所以去到酒樓已經留座不用等位， 環境舒適， 試了幾款新舊式點心皮薄多汁的灌湯餃上湯炸粉果新潮可愛嘅流沙包新潮可愛嘅叉燒包蝦多士

放假約咗班friends出嚟飲茶吹水，之前食過呢間覺得幾好味環境幾好，所以今次都過嚟食！見到點心紙上面有好多香口嘅點心，忍唔住就叫左好多啦！見到佢有蜜椒雞中翼，立即心心眼即刻叫咗嚟食，雞翼個醬汁好濃，而且雞翼都炸到剛剛好！見到隔離枱個鹹水角好靚，我哋都照叫咗，個鹹水角睇落去好似個甘荀咁嘅，而且裏面嘅餡都好好味！侍應就同我地講芝士三文魚撻好好味嘅叫我地叫一份黎試吓，既然係推介梗係試吓啦，個芝士三文魚撻真係好好味，裏面有蘑菇、三文魚同芝士而且焗出嚟熱辣辣勁香口！我哋仲叫咗個清湯牛中寶，呢個真係好特別唔知靈感係咪嚟自電影「食神」，因為個牛肉球入邊係有件牛腩嘅，我落去牛味超濃，個湯亦都好飲！咁之後都叫咗其他點心同埋甜品嘅，而且質素都唔錯，下次都會再嚟食過！

早於個多月前已夾好表嫂一同慶祝父親節，知道呢間酒樓主打新派FUSION點心，聽落好似幾特別甘，於是便早於2星期前致電訂檯。於父親節當天，一行13人便來到這間位於MEGA BOX 7/F的鳳城1954，試試這些新派點心先因人多關係，我們都點了好多喔1) 小朋友食晒2個，所以味道唔知點，但賣相一流2.) 櫻花蝦燒賣我個人覺得味道一般，櫻花蝦味不太突出3) 古法灌湯餃份量大，皮算薄，但略嫌湯汁少4) 上湯炸粉果這個應該是必點點心吧，我見附近好幾檯都有叫。我是首次見到炸物配湯嚟食表面果層甜甜地，內有鮮蝦餡料，配上上湯一併食，感覺幾特別5) 安格斯霸王 (牛肉腸粉)因只食了一小舊，所以食唔出係安格斯牛6) 紅油抄手 沒試，所以唔知味道如何7) 菠蘿炒飯份量看似好少，其實都夠食。餡料略嫌太少，味道一般。8) 黑松露水晶包黑松露味不算太突出，但超多菇，中意食茹既人一定喜歡這個9) 叉燒包中規中矩，沒太大驚喜10) 奶黃流心包我沒有試，但見屋企人撕開時唔算好流心11) 魷魚鬚份量偏細，但應該係即叫即炸的，炸粉夠薄同鬆脆12) 蝦多士我覺得這個好味，多士炸得鬆化，蝦肉厚實彈牙13) XO千絲蘿蔔條我個人

平時唔鐘意食中菜但係就吓老人家父親節飲茶，覺得都呢間都唔錯，有傳統點心，亦都有啲fusion菜式，適合唔同口味嘅人。叫咗好多小菜同埋少少點心，全部味道都幾好，但某啲菜式嘅份量就比較少，例如麻醬手撕雞、黑醋木耳同1954蝦多士就得好少或者好細份，蝦多士直頭係一口咁滯😓。比較推薦嘅菜式有脆皮咕嚕肉、蠔仔炒蛋同貴妃bb鴿。👍🏻咕嚕肉嘅汁佢放咗喺個菠蘿入面，所以蘸幾多可以自己決定唔怕太酸或者太甜，而且可以保留個炸得好酥脆嘅皮。😍😋蠔仔蛋炒得好脆而且畀得幾多蠔仔，隻鴿就好滑同入味但真係得好細隻。特別啲嘅菜色就例如芝士三文魚撻同炒奶。個人都幾欣賞個三文魚撻，內裏有白汁好特別，不過都係得一口。個炒奶原來係醎嘅，但味道都幾好同埋幾滑。另外魚湯浸唐生菜個魚湯非常濃。蝦春卷、牛肉腸同粉菓就正常茶樓水準，不過擺盤靚啲咁解。個蝦膏海皇蛋白炒飯都幾大碟同足料。豬嘜叉燒包有豬仔造型，係幾可愛嘅。🐷service方面，唔知係咪特別節日所以好似唔夠人手咁，不停叫人都冇人，而且態度有啲唔helpful咁。🙄父親節飲茶有extra charges所以人均消費比較高，覺得有啲唔抵，但既然味道唔錯就算啦。

前幾日同朋友喺MegaBox玩玩到攰左就去飲茶食點心🍵覺得鳳城1954呢間茶樓真係唔錯感受到佢哋對食物嘅用心同熱誠❤️啲菜式仲要係好創新👍🏼影相一流📸以下係幾樣大推既食物-1️⃣紫砂茶壺燉螺頭湯係咪以為係茶🍵原來入面係好足料嘅燉螺頭湯用茶壺黎燉湯竟然味道唔錯👅飲法好新奇😽呃Like一流-2️⃣龍袍四季豆嘩🙀呢個我真係搶住食四季豆出面包住蛋黃醬啖啖都好香果然鹹蛋黃配咩都好食👅-3️⃣包羅萬有呢個又係呃Like一流大豬頭係叉燒包🐷黃色心心眼係奶黃流沙包😍綠色心心眼最特別🐸係綠茶流沙包食落無喉嚨痛嗰種甜味道都唔錯👅-4️⃣黑松露水晶波呢個唔講得笑每一啖都有松露既香味👅如果唔係張枱有其他人阿婆我真係會搶晒黎食😇-5️⃣小鳳依人賣相好靚好得意🐣其實佢係鳳梨穌完全用人手整出黎👐🏼呢個Like❤️係比點心師傅嘅-6️⃣紫球伴米糍最後幾飽都緊係食埋甜品先啦🤰🏻紫色嘅係紫薯白色嘅係阿婆最愛既榴槤👅榴槤香到個口過幾日都回味緊😻你地聞唔聞到呀~👄~

最近發現鳳城進入九龍灣 Mega box， 今天又再過來開會，放飯時間又可試新嘢。於是一早預約時間，一行四人吃點心。上手是肇順酒家，原來已經變了鳳城 1954, 預早訂位，準時中午一點到來，幸運地可以坐到卡位。開會足足開了四小時，大家肚子餓得不得了⋯⋯午餐時間，能夠坐卡位，望著窗外，對著零炭天地，原來零炭天地中午時段，多人聚在一起做運動，倍感輕鬆。蛋黃鮮肉糭$48~端午節將至，同事說要吃糉，醃過的糯米特別好吃，鮮肉少少肥，帶點點五香粉的味道，沾著沙糖，肚餓特別覺得味美。車仔混醬腸粉$36~腸粉未算滑嘟嘟那種，但也吃出米香味道，由於外形車仔，而且又是熱騰騰，賣相惹人討好，大家都吃得很滋味。魷魚鬚$58~當端上檯面時，大家都覺得以 $58 來說，份量頗細，可是一夾上口，真的即叫即炸，不是預早炸好，而且炸粉做得夠薄、鬆脆，魷魚鬆軟。正！上湯炸粉果$32~筆者每次到鳳城酒家，例必點這點心，因為喜歡那微甜的炸粉果皮，配上鮮蝦餡料，炸出來像一個個元寶，相當惹人喜愛，用筷子夾起，將它放進韮黃上湯，好像冇咁上火，減低罪惡感。鳳城水餃$36-~在衆多點心中，這水餃比較平凡，其實不是不好吃，只是其他點心太

前排同同事試食呢間 佢向Megabox 7樓 位置小小遠 但坐得幾舒服 環境都唔錯 本身以為係老字號個間鳳城 但好似係另一間？佢甜心既款色好多 我地試左拍青瓜 份量比想像中細 但個汁好濃好香 皮蛋都係佢既蝦多士都好好食 奶皇包整左心心樣好搞笑佢既柚子沙律🥗 同菠蘿🍍炒飯都幾唔錯腸粉既display幾靚蓮藕餅好食 要試下！牛油雞翼好香 個薯條🍟幾特別 似蝦片個柚子點心就一般 以為係甜 但係有d半鹹半甜feel 小古怪Overall值得一試

首先想請求各位中意順德菜既朋友仔原諒無知既👧🏻，因為由細到大👧🏻淨係識大良炸鮮奶呢樣順德菜，所以從來都唔知原來順德菜係有咁多款式同咁好味架🤩由於今次太興奮叫左太多野食，咁👧🏻就長話短說啦，因為真係好想介紹多啲👦🏻👧🏻覺得好味既菜式俾各位朋友仔🤤個日總共嗌左：1954蝦多士、生菜夾豬、考古欖角骨、順口水雞、麻醬手撕雞、龍袍四季豆、伍肆蒸粉果、金光炸粉果、招牌鳳城炒飯、3D車仔腸粉、魚湯杞子菜苗、黑松露水晶波、龍蝦湯鮮竹卷、紫薯流奶球、風騷蛋散、凍法式南瓜露同埋西米焗布甸，👧🏻盡量分開唔同既類別介紹俾各位朋友仔啦。小食類1954蝦多士：蝦多士上面唔係蝦膠而係一隻新鮮爽口既蝦，炸到金黃色但唔油膩，作為餐前小食好吸引。生菜夾豬：即係生菜包，而內餡除左豬肉碎，仲有臘腸同筍粒，非常香口惹味。順口水雞：辣味好夠而且啲雞唔老，啱晒中意食辣既朋友仔。麻醬手撕雞：最中意呢個手撕雞加左啲椰菜、蘿蔔同青瓜絲，可以中和番啲麻醬令個小食更清新。3D車仔腸粉：木頭車既造型好特別，而且腸粉好滑，估唔到係酒樓會食到咁高質既街頭小食。點心類伍肆蒸粉果：每隻都脹卜卜包左好多餡，皮既厚度同餡既比例唔錯，唔會覺得皮太厚或者唔夠

-邊個話後生仔一定要去coffee shop ☕或者西餐廳架，今次嘅中學同學gathering，作為女班長嘅我🙋（以前），今次就揀間特別啲嘅餐廳，食飯吹水。有啲同學原來未食過鳳城， 只聽過呢個名係曆史悠久，老人家飲嘅中式酒樓嚟。 所以一嚟到， 就好怪我搵呢間咁老土囉。其實裝修好young 吖。Menu係whole day menu， 多數係點心亦有其他特色小食。麻醬手撕雞🐔（$58）巨蟹🦀沙律🥗（$58）好清新嘅前菜，即刻開胃。細味三重奏（$69）［木耳、手拍青瓜🥒、皮蛋］其中嘅手拍青瓜最like，麻味好入味。包羅萬有（$46）［熔岩流沙包、清脆奶皇子、豬嘜🐷叉燒包］睇下睇下！！綠色包嘅綠茶流緊出嚟啦！！熔岩流沙包［3件］（$42）我枱嘅男士特別鍾意食，奶黃包。 點都要叫一籠先得。黑松露水晶波［4粒］（$39）好好食，菇味超濃。1954蝦多士🦐🦐（$20/每件）經典得嚟好食， 雖然係炸物，但油份唔多。大良炸鮮奶🍼［6件］（$68）金光炸粉果［3件］（$32）龍蝦湯鮮竹卷［3件］（$38）龍蝦湯係西式嘅龍蝦湯味道，crossover 中式嘅鮮竹卷，好特別，大家都爭住食。3D車仔腸粉［混醬

A new brand under the traditional Fung Shing brand; all the food they offer is creativity to the max, something quite different than the usual Chinese cuisine you will encounter. As a group, we ordered a few signature dishes. 1) Fung Shing Signature fried rice: all the goodies mixed in one dish (prawns, eggs, greens) 2) Cheung Fun: came in soy sauce with sweet and sesame sauce - best of both worlds. 3) Prawn toast: fried in golden colour, crunchy and the prawns were fresh and delicious. 4) Chill

上星期去左MegaBox食晚餐試左走年輕路線既鳳城1954💁#Hanako_多謝邀請🏵️酒樓裝修好有心思 加上環境好乾淨👍除左一般酒樓果d茶 仲有得揀玄米茶🍵/食物方面每款都有咁上下質素😋點心類最吸睛既肯定係“包羅萬有”即係三個包 豬豬係叉燒包🐷綠色既係抹茶包 黃色既係奶黃流心包另外值得一試仲有龍蝦湯鮮竹卷個湯濃到直頭好似西餐個餐湯咁😂黑松露水晶包超級香 愛菇一族必試❤️/師傅既炸功都好出色🙆每款炸物都熱辣辣 炸得金黃脆口又唔會油蝦多士舊多士直情係炸到鬆化🦐黃金四季豆超級好食 咸蛋包晒成條四季豆超級邪惡 忍唔住食多幾條😍😍小菜方面炸子雞皮夠脆雞肉又滑🐓炒飯好多料又炒得乾身👍/最後甜品都試左幾款😎首先有手功滿分既鳳梨蘇🍍真心佩服小小一舊鳳梨蘇都擺咁多時間心機去整跟住有榴蓮糯米滋+紫薯奶黃球個紫薯奶黃球有5星推薦 外面脆脆地🌟入面熱辣辣紫薯+奶黃呢個配搭無敵😻仲有平時少見既西米焗布甸夠晒香甜👯/位置係遠少少 但質素+價錢的確不錯下次去九龍灣可以去試下三兩個朋友仔試下創意點心又得👫一家人食個順德晚餐又得👨‍👩‍👦‍👦/九龍灣 - 鳳城1954#Hanako_九龍灣🌻#Hanako_中菜🌸

鳳城1954應該會有一啲合心意的菜式。環境都算闊落，不過服務就一般啦！ 樣樣都要叫侍應先至會做， 例如加水、加櫈……大鑊煎蝦餅聯想以為蝦餅就好似泰式蝦餅咁樣，但係佢好似炒蛋咁樣。金磚豆腐都幾香脆可口，豆腐唔係滑個種口感，係比較實。順手拍青瓜真係少得可憐呀！好似一碟小食，不過青瓜的味道有麻辣味，都幾好味。脆皮咕嚕肉估唔到咕嚕肉的外皮都炸過，但係點咗嗰個菠蘿醬汁之後，又唔覺得特別好食。龍袍大蝦(蛋黃醬)蝦唔太新鮮，只係外面有蛋黃醬，裏面冇乜味道。

fusion Chinese Cuisine💫 Lets start with lovely dessert❤️.. 既感覺 可能大家都會覺得係老派菜。但原來係九龍灣MegaBox 都開左間新派 。開左數個月，除左主打順德名菜&精緻點心。仲係走新派年輕路線，fusion點心菜式都唔少添。平晚既MegaBox，因為地點關係 人流比較少，但係度進餐 卻多份寧靜舒適。而新裝修既店 環境清雅 乾淨舒服，係度食飯真係好優閒。今次想介紹甜品先，呢度既甜品精緻之外 味道都唔錯架。結合傳統款式 加入新派元素`新派口味，一次過滿足晒懷舊情懷 又鐘意嘗試新派菜既年青人呢。仲有 真係好推薦 真係好好味❤️ 好香好濃杏仁味。..下次再黎介紹一下 有咩點心😋 粵菜好推介吧。..