影片
更多
2019-05-27
181 浏览
首先想請求各位中意順德菜既朋友仔原諒無知既👧🏻，因為由細到大👧🏻淨係識大良炸鮮奶呢樣順德菜，所以從來都唔知原來順德菜係有咁多款式同咁好味架🤩由於今次太興奮叫左太多野食，咁👧🏻就長話短說啦，因為真係好想介紹多啲👦🏻👧🏻覺得好味既菜式俾各位朋友仔🤤個日總共嗌左：1954蝦多士、生菜夾豬、考古欖角骨、順口水雞、麻醬手撕雞、龍袍四季豆、伍肆蒸粉果、金光炸粉果、招牌鳳城炒飯、3D車仔腸粉、魚湯杞子菜苗、黑松露水晶波、龍蝦湯鮮竹卷、紫薯流奶球、風騷蛋散、凍法式南瓜露同埋西米焗布甸，👧🏻盡量分開唔同既類別介紹俾各位朋友仔啦。小食類1954蝦多士：蝦多士上面唔係蝦膠而係一隻新鮮爽口既蝦，炸到金黃色但唔油膩，作為餐前小食好吸引。生菜夾豬：即係生菜包，而內餡除左豬肉碎，仲有臘腸同筍粒，非常香口惹味。順口水雞：辣味好夠而且啲雞唔老，啱晒中意食辣既朋友仔。麻醬手撕雞：最中意呢個手撕雞加左啲椰菜、蘿蔔同青瓜絲，可以中和番啲麻醬令個小食更清新。3D車仔腸粉：木頭車既造型好特別，而且腸粉好滑，估唔到係酒樓會食到咁高質既街頭小食。點心類伍肆蒸粉果：每隻都脹卜卜包左好多餡，皮既厚度同餡既比例唔錯，唔會覺得皮太厚或者唔夠
由於今次太興奮叫左太多野食，咁👧🏻就長話短說啦，因為真係好想介紹多啲👦🏻👧🏻覺得好味既菜式俾各位朋友仔🤤
個日總共嗌左：1954蝦多士、生菜夾豬、考古欖角骨、順口水雞、麻醬手撕雞、龍袍四季豆、伍肆蒸粉果、金光炸粉果、招牌鳳城炒飯、3D車仔腸粉、魚湯杞子菜苗、黑松露水晶波、龍蝦湯鮮竹卷、紫薯流奶球、風騷蛋散、凍法式南瓜露同埋西米焗布甸，👧🏻盡量分開唔同既類別介紹俾各位朋友仔啦。
小食類
1954蝦多士：蝦多士上面唔係蝦膠而係一隻新鮮爽口既蝦，炸到金黃色但唔油膩，作為餐前小食好吸引。
生菜夾豬：即係生菜包，而內餡除左豬肉碎，仲有臘腸同筍粒，非常香口惹味。
順口水雞：辣味好夠而且啲雞唔老，啱晒中意食辣既朋友仔。
麻醬手撕雞：最中意呢個手撕雞加左啲椰菜、蘿蔔同青瓜絲，可以中和番啲麻醬令個小食更清新。
3D車仔腸粉：木頭車既造型好特別，而且腸粉好滑，估唔到係酒樓會食到咁高質既街頭小食。
點心類
伍肆蒸粉果：每隻都脹卜卜包左好多餡，皮既厚度同餡既比例唔錯，唔會覺得皮太厚或者唔夠餡。
金光炸粉果：雖然叫粉果但內餡包既就係蝦，炸得好脆身，就算點左湯都仲保持到脆口既感覺。
黑松露水晶波：咬落去既時候黑松露味好特出，通常水晶球都係食甜既，但鹹鹹地都幾特別。
龍蝦湯鮮竹卷：湯底係用龍蝦煲既，味道非常鮮甜，而鮮竹卷吸收晒啲龍蝦湯既湯汁，鮮味更加提升呀。
主食類
考古欖角骨：一開始見到個色水以為會好鹹，但食落原來係甜甜地既，好似有層蜜糖包住咁，送飯一齊食一定好正。
招牌鳳城炒飯：有啲似係西炒飯同楊州炒飯既混合體，上枱個陣香氣撲鼻，食落鑊氣十足。
蔬菜類
龍袍四季豆：鹹蛋黃包住四季豆，食落夠香口，但又唔會覺得太鹹。
魚湯杞子菜苗：呢個清清地魚湯好夠味，啲菜新鮮亦無渣，啱晒注重健康既朋友仔。
甜品類
紫薯流奶球：紫薯球既表面夠脆身，入面既內餡好似奶皇包咁流沙，係一個帶少少蛋皇鹹香味既甜品。
風騷蛋散：比較少見係加煉奶既蛋散，蛋散炸得好鬆化，表面加埋啲杏仁片、砂糖同埋芝麻，令個蛋散更加香。
凍法式南瓜露：呢個係👧🏻既重點推介，超軟滑既南瓜露，南瓜味好香，就算撈埋表面既忌廉一齊食都唔會過甜，反而更加突出清甜既味道。
西米焗布甸：呢個就係👦🏻既最愛，出面唔多地方可以搵到呢個甜品，布甸上枱既時候仲係熱辣辣，入面焗得好嫩滑，蓮蓉清甜亦唔會搶去布甸既味道。
每次都會透過以下6大方面評分(滿分:30分)
味道 : 4.5 / 5
環境 : 4 / 5
外觀 : 4.25 / 5
價錢 : 3.5 / 5
服務 : 4 / 5
回頭率 : 4.5 / 5
總分 : 24.75 / 30
性價比
呢間酒樓真係俾到好多驚喜👦🏻👧🏻，成個晚餐都係諗緊一件事就係下次幾時帶埋啲朋友仔再黎食，👦🏻👧🏻開始真係有少少鐘意左食順德菜呀😳🤤
张贴