鳳城酒家

营业中

休息中

鹿記過後~又一大禮堂之約~北角鳳城的名物早就視為must try item~滿有期待的~連開四圍~各散東西~你吵我鬧~很是盡興~想吃炸蟹鉗..也想吃炒鮮奶..但是夜已訂好的菜單好像是沒有的...是夜的流水菜單~~不乏煎炸油膩膽固醇萬歲 全是我的天敵.......還看大比的無私精神~全晚最討好的...是酸菜....雖然酸得有點膚淺...很嗆喉..但對我胃口. ..最愛青瓜也海蜇生腸乳豬大戰金錢雞.. 粗條狀海蜇滿得M歡心~生腸較un ~~金錢雞交由大比主理..再來鵪鶉鬆生菜包..生菜塊塊工整...鵪鶉鬆亦見不錯..咸度適中..加入菜甫... 喜歡那粒粒咬口~包著吃一口...加上點點甜醬..再吃..又不同金錢蟹盒....金玉在其內...敗在其外...極油..鳳城的炸物應當如此?順德魚肚羹~比想像中的''羹''定義為稀.芫荽極多...千挑萬選..吃不中芫荽的一口..都算幾rich~炸子雞來也~炸得皮極脆又不失嫩滑的肉地 貪心的挑了外皮較多的雞翼部份..薄得透光的外皮..翼尖也可一口不剩的全吞了煎釀鯪魚....前一回在蓮香吃過...找不著其特別之處....是夜也有...也不太 抱期望吃...我

睇完網友推介後，先知道原來我有好多野都未試過，今次就叫Ｄ完全唔同的點心～灌湯餃：即使係早餐時段，灌湯餃都要$22，唔特價，原來係用最傳統的做法做的！用個鐵托托住，唔係用水浸住，係包住水，有Ｄ似港式小籠包呀！水唔多，但係包皮幾實，唔會漏水，內面Ｄ肉好新鮮，無怪味，仲有好多蝦添呀！好好味！但係$22兩隻真係有少少貴，我諗都係試一次算喇百花釀魚肚：魚肚好老，好乾好韌，百花係墨魚丸，幾彈牙，但係同魚肚無乜關係咁，係鳳城最難食的點心糯米雞：唔係珍珠雞，係大大隻的，好多餡呢，有成舊叉燒同雞翼，好好味，飯有荷香，黏身唔乾，好好味！蓮蓉包：除左蓮香外，最好味的蓮蓉包！餡好滑，唔會甜到漏，有成半個蛋黃，食一個就好滿足喇！馬拉糕：我覺得唔特別好食，好乾身，無乜味，只係食黎懷下舊，因為好耐無見過原個大馬拉糕喇！蝦餃：好大件，原隻蝦，又新鮮，無怪味，皮薄之餘又彈牙，係咁多茶樓之中最味的蝦餃！唔想去蓮香同人迫個陣近近地去鳳城都係一個唔錯的選擇架！伙計都係有Ｄ寸，但係比蓮香客氣好多，只係會成日話＂我唔知喎＂同掛住睇股票心不在焉姐！

此老牌洒家雖然近年開咗唔少同名分店但始終都係以太子同北角呢兩間最正宗,是日下午嚟到已經2時半,一入去樓不櫃面阿姐已經講話收3點不過仲可以叫點心,呢度無下午茶但早晨就有優惠時段由9點至11點,大,中,小點同價.坐落即刻叫點心,食咗义燒包,一籠兩個,饀料足,好大舊义燒,蓮茸包又係一籠兩個,都係蓮茸饀靚,但係個D包就比較粗鞋,馬拉糕就好正宗,唔係時下好多酒樓個D雞旦糕可比,爽肚夠爽又好大碟,最後隻糯米雞原來好大隻,饀料唔算多只有雞翼,义燒等但係好好味,呢度D點心係一次過嚟晒証明真係即叫即蒸,味道懷舊,完全係兒時味道,食得好飽又滿足.

細細個已經好鍾意去鳳城飲茶,所以應該要為佢寫返遍食評0既鳳城係好傳統0既茶樓,點心種類好少,唔好期望佢會有咩花式,佢0既好處係傳統點心做得好味而且足料,永遠serve出黎都係熱辣辣冒晒煙馬拉糕:鍾意佢唔係切開細細舊,而係傳統0既一大舊,不過味道一般,蓮香樓會好味D,但係近近地懷下舊都係一個唔錯0既選擇蓮蓉包:好大個,D蓮蓉好滑,無沙,唔會太甜,仲有蛋黃,非常好味叉燒酥:好鬆化,永遠都係熱熱地,叉燒都夠多,好好味!叉燒包:好足料,包好軟熟,整開會冒煙,叉燒半肥瘦,好正!蝦餃:話晒都係招牌,蝦真係好大隻,好抵食!腸粉:我通常都係早茶最後的時段先去,所以那個時候好多時都無腸粉,想食就要早D去/等正價時間去,腸粉好滑好多料糯米雞:係懷舊的,好大舊好多料,D飯唔會太濕滴晒水佢仲有蛋白燉蛋,但係質素就麻麻,我咁鍾意食燉蛋0既人都好少食(次次都係Daddy幫我叫,我先會因為唔想hurt佢所以食)以前就會成日食炸饅頭,佢炸得好香,金黃色,見到都開胃!不過服務態度就認真唔得,伙計都唔啋人,問佢點解咁耐都未有點心黎,佢居然可以答你"我唔知喎!",真係激氣D傳統酒樓就係咁,野食得服務唔得...睇黎無野係可以

坦白說，小時候的自己對於到酒樓"飲茶"，都只限於那隻美味的蝦餃、"菲林卷"、椒鹽魷魚鬚、焗西米布甸、灌湯餃而已﹔除此之外，心中總不明白父母為什麼能花上數小時在茶樓閒坐著，不過到了自己獨立出來之後，也就漸漸愛上這個"玩意"。久聞北角鳳城還可嚐到正宗的灌湯餃，還記得以前的時候，這個點心完全只有大人才可以吃，心中難免有點不憤。 即使一會要趕回去灣仔的動漫節，但也絕不會放過這次機會。還好其中一位食友 - 高達提早致電給我，否則便要遲到三十分鐘以上了，只因為自己錯記了會面時間.....雖然有點急趕，但是總算是在應約時間遲了十分鐘後到達。看到店內十分熱鬧，人雖多但不算嘈吵，感覺比一般的茶樓來得舒服，實是不錯。坐下後已急不及待拿點心紙來看，大筆一劃，除點了兩籠灌湯餃之外，還點了一些必食的心水點心。等了一會，數籠點心首先"彈出":<<鮮蝦腐皮卷>>真正的皮脆肉滑，腐皮經油炸之後變得脆口鬆化，而內裡的蝦腸則爽甜鮮滑，混入了一點點的馬蹄粒，口感上的層次感增加了不少。<<上湯炸粉菓>>不論炸的火候和餡料，都比陸羽的出色一點點。唯一可以挑釁的，或

聽友人奇雲高達兄說,北角鳳城的灌湯餃,是用金屬托盛上.有別現今大多的用湯浸的做法.眾人聽罷,就找個周日早上,在鳳城二樓擺下龍門陣.既然為著個灌湯餃而來,當然一人要一隻.在金屬托上的灌湯餃,拿上來也要小心翼翼,怕把外皮弄穿.放在碗上,一篤,鮮甜湯汁破繭而出.餡料足.小弟的一隻外層較齦,而陵兄所吃的第二隻就不幸地,未上碗就穿.除此之外,粉果是鳳城其中一味必吃.小弟偏愛上湯炸粉果,聽到粉果浸在湯內而產生的"沙沙"聲,未吃已喜.身為鳳城的正店,絕對有水準.有些人在那些"鳳城飲食集團"的鳳城,吃過的粉果就話麻麻.那些只是A貨鳳城,來老店再試一試吧.糯米雞大大隻,胃口不大者,吃一隻已叫飽.其他點心水準一般,再來個燒味拼盤.雖然貴為順德菜館,但其燒味也是高水準.乳豬皮入口鬆化,叉燒充滿蜜香,肉質軟稔.最好吃是生腸,鹵得夠味,入口爽脆,點些芥辣吃是絕讚.很喜歡一大班人飲茶,天南地北無所不談,各位,下次去邊度飲茶好呢?

Signal No.8, strong southern winds, occasional gale fore winds over offshore lands, it’s so happy that most of my friends enjoy one more holiday today!Slept until 1230pm, went to this Chinese restaurant for lunch coz we wanna enjoy a “slow eat” lunch—I think going to Chinese tea house is sort of Chinese style slow eat.This is one of the tea house we used to go, as usual, managers will try to let us have better seats. Today, it’s just 80% occupied. However, I guess it’s because they don’t have fr

坊間的灌湯餃，都已變了「湯浸餃」，至於以前有個托，貨真價實的灌湯餃，已是買少見少。今次有幸約到一眾為食友人，去了這北角老店，重溫一下古早點心的風味。一看灌湯餃的外觀，是十分對題了，至於味道，前後吃了兩隻，頭一隻的「糊仔」，確是少了一點，幸好第二隻挽回不少分數。今次為這灌湯餃而來，看來已是不枉此行了。糯米雞十分足料，糯米飄香，不乾不膩，是少有的佳品。上湯炸粉果，其水準也比太子老店為佳，古法欖仁馬拉榚和蛋黃蓮蓉包，不遜蓮香的出品。也有一些不好吃的，最失望是蝦餃，不知是否不幸，竟然一 夾即散。魚肚花膠沒有吃到，叉燒包、炸/蒸腐皮卷，也是大路東西。最後來個燒味拼盤，叉燒、海哲、生腸和脆皮乳豬，見證到老店的基本功夫。今餐的點心水準甚高，也吃得甚飽，再次多謝網友的安排。

16-4-08 (三)久聞鳳城早茶又平又靚，今早和Ｔ一試。吃了鳳城蝦餃皇、古法馬拉糕、韭黃鮮蝦腸和懷舊糯米雞。差不多每檯必叫的四寶鮮雞扎巳沽清，下次早點去。大、中、小點一律十一元，雖然巳加價一元，但仍很抵食。

又係頌揚的生日局, 轉眼又到一年一度的超人生日宴. 繼去年的吃包事件, 今年又有另一個食包表演. 第一選擇沒有位了, 留待下個月吧. 是晚的選擇就係鳳城.太子店也吃過不少遍了, 北角這店就係第一次來. 感覺上這邊係比較闊落小小, 但係是晚就相當之多人, 沒有訂位的, 也不太可能有得食. 一路預計菜單的時候, 也深深感受到搞手所面對到的問題, 是晚人數係改完又改, 最後也令到菜單安排上不太準確, 加碼也不太令到大家夠飽.西生菜鵪鶉崧$98: 8分, 來得鳳城, 也係例牌的叫一大堆主打菜. 先上的係鵪鶉崧, 係炒得好香口, 夾係西生菜或者剩吃點醬一樣吸引. 都吃過不少地方的鵪鶉崧, 兩間鳳城的, 算係幾出色.鳳城野雞卷$68: 8分, 很快就來了這一道野雞卷. 小弟一言不發, 大家聽見野雞卷之名也沒有甚麼懷疑地吃了. 讓大家吃完才告知這個野雞卷其實並不是甚麼野雞, 最香口的當然係肥豬肉, 見亞妹臉色一變, 哈哈, 不好意思了! 是晚的野雞卷係炸得幾勁, 入口都算肥瘦適中, 肥肉的比例其實也不算小了. 當然, 這就的沒有得龍的肥, 也沒有那麼香口, 喜歡那一個, 係要看你是否受得太肥的食物了

老豆約左亞叔亞嬸姑姐飲茶，我晏左去，上到去聽到佢地媽媽聲咁，原來話3點鐘收爐，家下已經係2點半過d...-_-聽聞亞部長話哩樣又無個樣又無...是但啦，叫左先算！d點心都係大路野，加個肉絲炒麵。點心ok啦，個肉絲炒麵幾好食。講完。

兒時在附近居住，大大話話，也吃了三十幾年，若問我這裡有何是必吃的，隨便也數得出一堆。是晚來吃一圍，不巧是大節前夕，特色的大都沒有，這個也可以理解，而人人也知要吃的，水準也差了一點，也不奇怪，但見全店滿座，樓上樓下也座無虛席，那三廚四廚也都要動手了，原因就是這樣。難得我可以輕鬆等吃，也樂得專心喝酒。先來一魚兩吃，生魚湯及生魚卷，說真的，吃了幾十年，大斑兩吃試得多，龍躉兩吃，也常有，連生魚這麼便宜的也來個兩吃，也是第一次，相信是這個店子極忙碌的晚上才會有的情況。先來的是芥菜煲生魚湯﹝席上食友更正是生魚骨﹞，火侯一般，似滾湯多一點，不過聚火清熱，比吃個什麼羹好好多；炒生魚卷是桂花魚卷的更新版，生魚片跟桂花魚片一般味道沒有個性，而口感亦缺乏質感，比較腍身，個人而言不太喜歡；沒有焗千層蝦，來了個蝦多士，上面的蝦肉餡較油膩，看來也是「時間關係」，如可做得乾身一點就更香口。不過以蝦多士而言，比較喜歡「蝦膠」版本，較易見廚房的真功夫。如果是「蝦肉」版的，校友會又會做得比這裡好；鵪鶉鬆生菜包是比較接近正常水準的一味，鬆料挅得幼細又夠味，略嫌炒得不太乾身。而亦請不要問「鴿鬆」跟「鵪鶉鬆」的分別，我也不十分

一星期休息一日同老公仔去嘆荼,大家最愛吃就是灌湯較,真是很好味! 但真頂唔順呢度d服務態度!每次都食到一吐氣,我地決定以後一定唔會再去,有次我地好好彩不用搭檯,可坐二人細檯,但因隔離大檯有人訂左,我地比一位灰衫的女部長不斷騷擾,係甘問你地叫齊野未,佢好想我地快d走,因我地走了,大檯先有位座,但當時都未有人到,兼我地都未座夠半個鐘,真的很無癮!之後又格左一個禮拜去,當時酒樓不是太多人,我同老公棟左張四人檯坐,因諗住想舒舒服服睇下報紙,出面又不是太多人,我地就無坐埋一邊了,當點心到,又係個件灰衫老女人走埋來話你地係咪倆位,請坐埋一邊,呢度要搭檯格!真的很無奈,又係佢!佢洗唔洗甘有規矩呀,我地初頭專登唔理佢,之後佢重係甘吩咐其他待應過來比語氣我地聽, 但當時真周圍重好多位,我地真好激氣!覺得佢係睇唔起d年青人飲茶甘!好谷氣!食物點好又點,服務態度甘差真頂唔順呀!絕對沒有下一次!奉勸大家想飲茶食得舒適,千其,千其,千其,咪幫襯佢!

預先訂了位預備冬至食飯，只有6點及8點兩個時段選擇。並且當日只有4款套餐選擇，就算散叫只可以點套餐內的小菜。相信是方便廚房，極速上菜，這樣就可以做多幾圍客。我們6人唯有要了一個4-5人餐再加乳豬拼盤及大西米布甸。套餐有雞燉鮑翅仔、炸子雞、冬菇鴨掌時蔬、沙律鍋貼蝦、生炒石班球、揚州炒飯及糖水。雖然是日是工廠流水作業，水準亦不錯。炸子雞-算有雞味，亦夠嫩滑，只是略為鹹；鍋貼蝦-多士炸得非常脆口，沒有油膩感。生炒石班球-老豆說生炒一定是做新鮮石班做的，魚身厚肉結實，而伴碟的西蘭花亦夠爽脆；飯也炒得不錯，粒粒飯身爽口。還有另加的乳豬拼盤，除乳豬外還有叉燒、海蜇及大腸。乳豬皮脆肉嫩，比一般飲宴還好，叉燒件件厚切有口感之餘，蜜味十足。最後的西米布甸，有點失水準，上枱時沒有陣陣香氣傳出，沒有金黃外層，而且有點兒韌皮，沒有熱烘烘的感覺，相信是翻局的。

今晚在棲下晚鈑,菜式還可以,但服務差極,‧大排檔都不如,可能工作時間長,入息低,無處出氣,難為了在座食客,侍應亳不專業,粗手粗脚,砰砰彭彭,可能是人客的錯~~~~來錯了,下次還敢來嗎?