鳳城酒家

营业中

休息中

其實鳳城呢個名, 都有兩間, 係北角和銅鑼灣, 我兩間都食過, 我覺得北角呢間好食啲, 佢地啲鈼子鷄好食, 同埋我鐘意食布甸, 但係有類似'餃子'(我唔記得名)就普通囉....

20070912所謂食在廣東，廚出鳳城，“鳳城”分號不少，這一間還是第一次吃。有鑒於旺角、蔡瀾美食坊鳳城的狀況，煞有介事的預先訂位，來到之後發現，這裏卻與上環那間有幾分類似，一到了晚上就門可羅雀，是與位置相關嗎……真是有趣。不過，大嗓門的香港人，有本事把哪里都變得熱熱鬧鬧，是晚雖得三五枱客，卻已經要大聲叫著說話，才能讓八人桌上自己對面的那位朋友聽到……唉……當然了，除此之外，菜還是好的，上得也快。冬瓜粒湯：分八細碗剛剛好，湯清料足，雖不算特別，但也不失水準；大良炒鮮奶：例牌出現的名菜，內有少少蟹肉，新鮮味美；生菜鵪鶉崧：名菜之一，不油不鹹，大受好評；窩貼大明蝦：亦是名菜，感覺與以往一樣，只是下面那片多士似乎炸得有點太厲害了；家鄉炸蓮藕餅：比想像之中鮮美，不過就算不點伴碟的豉油，也已經偏鹹；海皇扒露筍：芡汁比想像中清淡，還不錯；上湯浸粉果：一打上其實頗多，不過很快掃清，其美味程度自毋庸諱言；蓮蓉西米焗布甸（細）：沒有預定，不過剛好也還有，分八碗也屬適中分量，不會太多太“漏”，不過始終是太甜。

今晚同屋企人出黎食, 好耐冇食鳳城就黎試下. 由於屋企人唔食得太油同太多煎炸野, 所以就叫左炸子雞, 瑤柱桂花魚肚同蝦子柚皮. 炸子雞: 塊皮好脆但唔係好有雞味.瑤柱桂花魚肚: 有d似芽菜炒蛋, 但有d魚肚口感都okay.蝦子柚皮: 依味菜係食佢既工夫. 但味道偏淡, 偶爾食到d柚子味.最後送埋綠豆沙做甜品. 三個人食左$284. 唔算太貴. 但如果要好味我覺得客家人做得好d, 如果要平我諗權發會抵d. 依度只屬普普通通. 可能真係要食窩貼明蝦先俾到驚喜.想睇相可以去.http://klcchung.blogspot.com/2007/09/blog-post_2488.html或睇我既飲食bloghttp://www.calebchung.com/FoodBlog.htm

三男一女，是夜選址此地一聚。鳳城四寶，只取其三：雞湯翅、炸子雞、窩貼明蝦。 飽肚之選：荷葉飯、琵琶豆腐。 個人情意結：炸蟹蚶。翅湯味濃，含金華火腿淡味，翅則淪為配角，湯濃而香，水準之作！炸子雞，水準一般！皮脆，奈何不察雞味。窩貼明蝦：蝦多士！？蝦膠口感豐富，質、味俱佳，惟頗油膩，水準之作！荷葉飯：荷香欠奉，僅屬雜匯炒飯一碟，乾身。琵琶豆腐：未知是否以玉子豆腐製作，具蛋香，個人甚喜之，十之一二具金華火腿味，不俗！炸蟹蚶：外層以蝦膠包裹，鮮蟹肉居中，久違的「真＊炸蟹蚶」，體積如中號鮮檸檬，索價三十八圓乙隻，亦不為過，本人選為是夜之最！場內陣陣漂水飄香，洗手間亦然，惡其味、喜其衛生！良朋在則，愛人在懷；最樂＠醉樂，酒不醉人人自醉！

晚上有家庭聚餐，經皇后左選右擇，終於決定去北角鳳城酒樓。酒樓環境擠迫，桌貼桌椅疊椅，把頭一轉可跟隔鄰北角肥師奶來一個巴黎反轉再反轉的情深一吻。我們點了金牌炸子雞，皮脆但內汁不足雞味欠奉；家鄉蓮藕餅，不太油膩，味道不錯；百花釀蟹鉗，賣相不俗，但蟹味不足。

今日去左北角鳳城食飯 訂時時已預訂了焗西米布甸同蒸粉菓 本打算叫個雞鮑翅餐的，但最後都係散叫了菜 九道菜如下:竹笙海皇羹♡♡♡蒸粉菓 (一打) ♡菜遠炒班球♡♡♡炸子雞(一隻) ♡♡♡♡炒莧菜♡♡♡鍋貼大明蝦♡♡♡♡♡生炒骨♡♡大良炒牛奶♡♡♡焗西米蓮蓉布甸♡♡♡♡ 埋單一千蚊左右 可以encore!!!

聽人說北角的鳳城酒家是最好吃的一家, 所以特地與蒙牛“落區”視察一下平日的八時半, 人不多呢!! 坐於下層, 點了三個招牌貨, 順德鯪魚球即點即炸, 又圓又大粒, 魚球外層香脆內層軟腍, 魚味香濃, 蜆芥的味道略為咸了點, 以及腥味重, 不沾醬反而更好. 一客有12粒, 很多呢~~炒鴿菘加價至$90一客, 真不便宜, 但是份量很大, 鴿味香濃而且肉質鬆軟, 加上生菜去吃感覺絕不油膩, 不錯不錯. 一試見菜譜內推介的煙雞卷, 誰不知“一見便知龍與鳳”, 煙肉雞卷一併炸到脆為止, 熱氣指數達至200%!!! 而且炸得過時, 全到硬到不堪, 味道亦甚咸, 而且感覺極度油膩, 令人吃了一兩件便要郤步了. 誰說這兒是最好吃的鳳城? 還是我倒楣呢??

佢個炒飯+西米布甸係我的最愛!但d翅退步了

很久沒有約一班朋友食飯了，最近終於比較有空，便決定，和大家一起再吃一點好味的食物。是夜感覺最好味的食物，竟比想象中少，不知是食物的水準下降，還是我的味覺差了呢？又或者因酒家太忙，做不出最好的水準呢？當晚最喜歡的食物，包括有生魚湯、鵪鶉鬆生菜包、乳豬拼盤和粉果。生魚湯- 魚味鮮甜、芥菜味又香濃，可惜份量得小半碗，唔多夠喉。鵪鶉鬆生菜包- 看見切得這樣幼細的肉和配料，已知鵪鶉鬆的事前預備功夫，真係唔少；如自家做，相信都有排搞。生菜新鮮爽口，加上鵪鶉鬆，真係越食越想食，可說是今晚最喜歡的一味。乳豬拼盤- 乳豬燒得好脆，而且唔會太肥，喜歡食瘦肉的，一定會喜歡；叉燒很入味，而且食落又唔會好韌，半肥瘦，係我最喜歡的質感，送酒食，真係最高享受。粉果- 蒸的皮薄餡靚，煙煙韌韌；炸的香口又唔油，加上上湯一起食，更加沒有這樣熱氣；也是今夜比較出色的一味。相信如要食出這酒家它，要找一些人少的日子再來，預早訂下所有要預訂和出色的食物，才能真真正正食出它的水準。可能實在太多人客了，今晚沒有什麼服務可言，但也可以接受和明白的！很高興再見到各位，期望下次的來臨。

幾個人月前在車廂內的談話,促成這一夜大家相聚在北角鳳城.太子老店去過多遍,甚至其他A貨也去過數遍,但北角老店就一次都未去過,說起來也醜死人.一早打點菜式,本著點幾味自己在太子老店吃過,再加幾味預訂菜式,可是店方的回覆,說做節期間比較忙之關係,蟹盒,糯米鴨等等這些要預留的菜式,一律不做.幾經交涉也不果.當夜來到酒家,仍然再追問經理今日係咪唔做糯米鴨同蟹盒?)經理係,因為今日會好忙.)好,終於死心.唯有求其亂點一通,想起也有愧於大家,真的對不起.沒有桂花魚之後,幸好仍有生魚,與其要炒生魚卷,不如加多少少錢,要多個生魚湯,一魚兩吃,始終一圍人吃中菜,來一窩湯,大家開心.生魚骨用來放湯,用芥菜去煲之,得出來的味道,鮮甜又好喝.一人分得一碗,有點嫌不夠喉.另一生魚菜式炒生魚卷,沒有以前吃開的桂花魚般實淨,但多一層嫩滑口感.鍋貼明蝦比太子做得更好,面頭的蝦膠夠彈牙,底下的多士沒有被油浸到淋.吃落很脆口,將油膩感大大降低.鵪鶉鬆生菜包,味道粒粒剁得幼細,包在碧綠爽脆的生菜一併吃,真的不錯.堅持要蟹黃,不要蟹肉,才有這個蟹皇扒菜膽.蟹黃當然比蟹肉豐富,就是小弟堅持之原因,就是如此簡單.至於S小姐事先抱

同屋企人食飯，諗住試下呢間老字號，點知水準差左咁多。環境好擠逼，ｄ侍應又打衝風咁，我地十個人，叫左個八人餐加兩個送，個翅幾好，好濃味，不過得好少翅，另外個炸子雞都幾好食，皮好香脆，其餘的好難食，鯪魚球，蓮牛餅，魚柳炒菜都好一般，好多大排檔好食過佢，另外仲有幾味唔記得，都係唔好食的，成餐飯食左一個鐘都冇（連埋等上菜）ｄ菜一黎，３分鐘後侍應會埋黎要你地夾哂ｄ菜佢，非常趕，又唔好食，又貴，十人埋單二千，唔會再去

上星期六同奶奶飲茶(一共4個人),見點心紙選擇唔多,差唔多全部都叫哂,諗住會有D懷舊點心食,SORRY,係無!全部都係普通過唔普通點心,(腸粉,蝦餃, 咸水角......),仲要唔好食,又貴,D待應服務又差,成日顧住吹水,肥B都話下次去返明星飲茶好過!

同外婆及阿姨一家晚飯, 7大一小, 食套餐.環境擠迫, 好嘈。服務亦一般食物: 小菜食炸子雞, 蝦多士, 炸魚, 莧菜。味道一般, 冇驚喜,偏油, 雞煲翅還可以. 分量普通, 岩岩好。不過按位置, 環境及分量算偏貴

這是一間老酒家，我相信飲茶可能不錯，但晚飯就唔係太好。昨晚試過，環境好擠迫，點幾味小菜都因為唔多人點開所以他們不會整，但餐牌又要有，另外有些可能比較出名的餸菜要訂，沒有訂當然沒有。點了海鮮一品煲，百多元，來的時候嚇了我一驚，小小的煲，還燶的，真係想嗌回水。豆鼓雞，都是百多元，份量不多，亦不太好吃和新鮮。蟹肉扒雙蔬變了豆苗，都算數，但有蟹殼碎就真係好難接受，其他小食都不提了，普通得很。侍應態度很麻麻，很亂。對於一間咁多年歷史的酒樓，很難接受各方面都咁唔好。

呢間野一直想試好耐, 但無奈進駐呢度兩年一直都無機會, 上星期日朋友仔心血來潮想飲茶, 打電話問仲趕得切茶市, 兩個人就一支箭咁落去去到兩點多D人都仲唔少, 得番張大檯就唯有同人搭檯點左8個點心但有2個無來魚翅灌湯餃- 皮整得算薄, 所以好明顯見到入面D湯浪下浪下, 豬肉, 蝦, 上湯等加埋, 配合得好好蒸鮮魷- 賣相麻麻, 魷魚大大塊, 用麵根墊底, 味普通上湯鮮竹卷- 鮮竹卷細細條, 餡料有蝦, 紅蘿蔔, 肉絲等, 用上湯浸住, 味清新豉汁蒸鳳爪- 有三大隻鳳爪, 普通生竹牛肉- 普遍燒賣- 燒賣面放左D髮菜, 蝦好大隻爽口, 豬肉好鬆唔會蒸到實一實, 咬落仲有豬肉鮮味, 唔錯