影片
更多
2008-04-24
24 浏览
又係頌揚的生日局, 轉眼又到一年一度的超人生日宴. 繼去年的吃包事件, 今年又有另一個食包表演. 第一選擇沒有位了, 留待下個月吧. 是晚的選擇就係鳳城.太子店也吃過不少遍了, 北角這店就係第一次來. 感覺上這邊係比較闊落小小, 但係是晚就相當之多人, 沒有訂位的, 也不太可能有得食. 一路預計菜單的時候, 也深深感受到搞手所面對到的問題, 是晚人數係改完又改, 最後也令到菜單安排上不太準確, 加碼也不太令到大家夠飽.西生菜鵪鶉崧$98: 8分, 來得鳳城, 也係例牌的叫一大堆主打菜. 先上的係鵪鶉崧, 係炒得好香口, 夾係西生菜或者剩吃點醬一樣吸引. 都吃過不少地方的鵪鶉崧, 兩間鳳城的, 算係幾出色.鳳城野雞卷$68: 8分, 很快就來了這一道野雞卷. 小弟一言不發, 大家聽見野雞卷之名也沒有甚麼懷疑地吃了. 讓大家吃完才告知這個野雞卷其實並不是甚麼野雞, 最香口的當然係肥豬肉, 見亞妹臉色一變, 哈哈, 不好意思了! 是晚的野雞卷係炸得幾勁, 入口都算肥瘦適中, 肥肉的比例其實也不算小了. 當然, 這就的沒有得龍的肥, 也沒有那麼香口, 喜歡那一個, 係要看你是否受得太肥的食物了
太子店也吃過不少遍了, 北角這店就係第一次來. 感覺上這邊係比較闊落小小, 但係是晚就相當之多人, 沒有訂位的, 也不太可能有得食. 一路預計菜單的時候, 也深深感受到搞手所面對到的問題, 是晚人數係改完又改, 最後也令到菜單安排上不太準確, 加碼也不太令到大家夠飽.
西生菜鵪鶉崧$98: 8分, 來得鳳城, 也係例牌的叫一大堆主打菜. 先上的係鵪鶉崧, 係炒得好香口, 夾係西生菜或者剩吃點醬一樣吸引. 都吃過不少地方的鵪鶉崧, 兩間鳳城的, 算係幾出色.
鳳城野雞卷$68: 8分, 很快就來了這一道野雞卷. 小弟一言不發, 大家聽見野雞卷之名也沒有甚麼懷疑地吃了. 讓大家吃完才告知這個野雞卷其實並不是甚麼野雞, 最香口的當然係肥豬肉, 見亞妹臉色一變, 哈哈, 不好意思了! 是晚的野雞卷係炸得幾勁, 入口都算肥瘦適中, 肥肉的比例其實也不算小了. 當然, 這就的沒有得龍的肥, 也沒有那麼香口, 喜歡那一個, 係要看你是否受得太肥的食物了.
大良炒鮮奶$68: 8分, 炒得幾滑, 不過就濕了點. 奶味都幾香濃, 大家都幾喜歡這碟的.
鍋貼大明蝦$98: 8分, 要了個中的, 只有十件, 小弟跟文迪分吃一件好了. 上次校友會剛吃完蝦多士, 這次跟大家再吃這個鍋貼大明蝦, 這裡的份量係比較大的, 面頭的蝦膠也比較多. 蝦係幾香口的, 但係嫌底下的多士係過了火, 硬了點.
百花釀蟹鉗$380: 8分, $38一隻, 最後只係要了十隻好了, 但都係全晚最貴的菜色, 不知大家覺得值不值呢? 蟹鉗的色澤好像一般, 應該係炸得過了火位, 但食落口依然係精彩的, 熱辣辣, 外層脆卜卜, 入面係燙口的.
蓮子荷葉飯$80: 8分, 是晚上菜係相當之混亂, 結果飯係比較早的時間已經出現了. 一眾頌揚人也吃過不少荷葉飯了, 是晚的, 水準算係中間位, 飯粒不會過濕, 但係荷香就不太突出. 是否人太多做的時間未夠耐?
上湯蒸粉果$30: 7分, 只要了半打蒸的粉果, 係偏油的, 跟平日飲茶吃的粉果委實分別不大.
脆皮炸子雞$180: 7分, 是晚的雞麻麻地, 無乜雞味, 當然係現今環境只能說句無可奈何, 也不能要求從前吃鮮雞的感覺. 但係炸得一般就要扣分了, 雞皮不算太脆, 吃了一件係硬硬的皮, 白肉部份也不算嫩滑. 當然, 吃回黑肉就都滿意的.
化皮乳豬$98: 9分, 要了一個例牌的乳豬, 都要$98一客, 但係份量係偏小的, 一人也吃不到一件. 乳豬皮依然係水準之作, 鬆脆.
炸粉果$60: 9分, 炸得相當之香口, 怕油膩的只要浸一浸湯也可中和一下. 小弟就覺得剩吃的口感更佳, 個粉個皮係炸到脆卜卜, 兩者比較, 都係喜歡炸粉果多一點.
鳳城炒飯$58: 7分, 吃到這裡, 大家明顯係未夠飽, 唯有叫碟飯大家分, 等了好久先有得食, 但係本來係要個中份量的, 最後又出錯了個小的, 不過大家也不想再等, 照食算了. 鳳城炒飯即係揚州炒飯, 都炒得幾香口的, 不過鑊氣就一般.
蒜蓉唐生菜$50: 7分, 另一個姍姍來遲的係蒜蓉唐生菜, 係我們剛要取消時就上臺. 望上去也覺得好油, 蒜蓉都幾惹味的. $50一客, 點都要照顧大家要食菜的原則, 雖則小弟覺得一人分得一條其實意義不大.
蓮蓉西米焗布甸$80: 9分, 本來要了一大一中的, 改完又改的情形之下, 最後只留了一個大的, 看來也真的不夠分. 是晚的布甸, 水準之作, 焗得好香, 蓮蓉分佈得均勻, 不會太甜, 面頭的皮也帶點點脆. 當然, 有得吃西米布甸, 小弟幾時也不會放過.
壽包$75: 8分, 要了打半壽包, 這裡的壽包件頭不算大的, 包都幾鬆軟, 係嫌不夠蓮蓉, 好像係包比餡多的情況.
或者是上菜的問題影響, 係吃得不太盡慶, 但整體食物的水準係令人滿意的. 服務方面, 基本上都係無人服務的, 係其中一位比較年輕的哥仔肯盡力幫忙追單, 值得嘉許. $125一位, 吃到不少名菜, 都抵食的.
看來下一局要想辦法質包大家了.
张贴
