鳳城酒家

营业中

休息中

星期日到北角鳳城食晚飯，七點己經要等位，其實呢間鋪幾年前有一段時間出品唔係好得，但近年狀態回勇。因為唔想食翅，所以無要雞燉翅，叫咗一Ｄ小菜包括大班兩味，骨香雞，炸子雞，鵪鶉鬆，大良炒鮮奶，花膠鵝掌，重有叫咗西米布丁。叧外叫咗個生腸餐前小食，呢味真係好正，出面唔係咁多地方可以食到或做得好，但呢到就做到爽脆可口，有唔覺有雪味，絶對推薦．可能旺嘅關係，上菜速度十分快，大概二十分鐘己經起晒菜，不過味道都幾好，個炒班球重竟然有ｄ糖心，肉質同火候都得，叧外個炆班腩都好正。兩種唔同整法嘅雞各有千秋，炸子雞皮脆肉滑，水準之作；而個骨香雞有部份係炒，有一ｄ係炸到好似雞軟骨咁，幾香口。大良炒鮮奶因為唔係自己嘅喜子，所以己經唔記得乜味道，印象最深都係布丁，甜味恰到好處。雖然係比較趕一ｄ同埋迫一ｄ，都算幾好．

1個月前去過太子道鳳城,不過因為食唔到招牌灌湯餃(用鐵片墊底)所以返北角食.招牌灌湯餃- 唔記得係2個一籠,叫2籠.要親熱食d皮至軟滑,冬瓜蓉湯底,足料好味(當然係第1隻好味d)!招牌蝦餃皇- d蝦新鮮,不過細小小會好d.XO醬蒸鮮魷- 從未食過噤厚肉0既鮮魷,用XO醬蒸夠野味!鳳爪- 原隻蒸鳳爪...ok啦由於唔覺意叫2籠灌湯餃,所以已經飽飽勒.都係個經理唔夠醒目,見我得2個人都唔會提醒d客1籠2隻,點做經理呀?!**這兒的招牌炸子雞也很好味,皮脆肉嫩,值得再食!

老字號茶樓，父母亦常常來飲早茶。叫了炸粉粿﹑牛栢葉﹑叉燒包﹑鳳瓜，各款食物都幾好，保持水準。咸魚雞粒炒飯，好香口掂﹗

招牌雞翅：用料、味道跟收費一致，值得一試。大良炒鲜奶：不滑。環境：裝修一般，椅背貼椅背，人聲嘈雜，绝對稱不上舒適。服務：舊式服務，上菜快，埋單更快，兼且自波(趕客)。總结：吃不到一休閑舒適的晚。

鳳城是著名的順德餐廳，老字號而且有很多分店，因此亦經常到這兒飲茶、食飯，灌湯餃、炸粉菓等都是其著名的點心，其製法較為傳統，而且質素不俗，而叉燒包更是我的最愛，有時到此亦是為了它。有段時間沒有到來，今次叫了糯米雞、叉燒包、炸粉菓、大腸、蓮蓉包等其中炸粉菓是將粉菓炸至金黃色，其他地方不常有的，而上的時候會跟個上湯，將粉菓放在湯中浸一浸，可使口感不會太乾，但又不失其脆，是不錯的做法，可惜今次粉菓的皮很黏口，大失水準叉燒包、蓮蓉包的包皮亦是很黏口，不過仍然欣賞其蓮蓉包中有欖仁!其他的東西不過不失，可能因為之前覺得很美味，因此對這次實為大失所望，希望可以改善!

今日我地兩個人食左:-(1) 灌湯餃(一客兩隻) - 很普通, 我個朋友說很難食, 成塊餃皮掉去, 我就ok.(2) xo醬蒸鮮魷- 好大碟, 最好味, 有塊麵筋好好味好大塊(3) 雞扎- 有粗粟米仔, 豬肚, 魚肚, 雞肉, 好味道!(4) 蒸排骨- 好淋, 好瘦, 好味不過不便宜, 全部隊$96

上星期五放工跟男朋友到了北角的鳳城酒家食飯，因為我鐘意食廣東菜，有機可以試一下出名的酒樓．．．太好了！這裡沒有豪華的裝修、可是有一種舊街坊食飯既感覺！都不錯～我們２個點了（餐請的酸菜花生好好食）１）炸子雞半隻（特價＄６０）　－　賣相是一流的，也是酒家的招牌菜，可是在香港食到好有雞味已不是易事！表面炸得很脆，肉質也ＯＫ，只是雞始終都是冰鮮的～這不能怪酒家啊～２）大良炒鮮奶（＄５８）－　我都是第一次食這個菜，鮮奶炒得軟綿綿，配上松子仁，味道好好！３）釀豆腐（＄５８）－　這個簡單的菜，一點都不易！因為平日食到的不是鯪魚肉太多、就是沒有鯪魚肉．．這裡吃到的卻是材料十足的釀豆腐！ＧＯＯＤ！飯後的甜品是蕃薯湯水家住屯門的關係，來到北區當然四處蕩蕩，發現酒家旁邊有一間賣蛋卷的老店，都幾好食架！可以一試～

星期六北角間鳳城慶祝母親節, 之前特登打去問有乜野要訂定, 佢話只係粉果同布甸, 點之一去到, 俾佢吹到”啤”一聲, 原來一定要食套餐, 咁我問佢點解我打電話來佢唔講, 咁佢話唔記得左, 我地其實好憎食套餐, 咁我地全部黎曬可以點, 唯有焗住食, 但一睇過餐牌個價錢要成三千幾(我地有十五個人), 有無攪錯, 全部普通野, 除左有條東星, 同埋所謂翅(你都可以想像非常求其). 仲有仲有就係佢地出菜差唔多想一次過出曬, 好似要我地半個小時食完, 我諗佢想做4倫客, 大佬! 食成四千蚊野, 唔係咁ma, 你要做生意, ok無問題, 但你都要好d服務, 有d質素呀, d上湯粉果入面蝦臭臭地, d伊麵硬過象筋, 個招牌炒飯可以一舊舊, 係我食過最差一次, 埋單成四千蚊, 真係十萬個唔底, 我地全家決定以後唔去鳳城. 其實佢地好蠢, 做到咁差, 叫人以後點再幫趁呀. 果日唔係母親節正日, 正日真係唔敢像. 母親節正日我地去左楓林, 人地唔使叫套餐, 質素依然, 又唔趕客, 十二人唔使三千, 學野喇! 鳳城, 我地杯葛你!

到了今時今日，還有這些有誠意的點心師傅，這當然是鳳城的福氣，也是我們食家的福氣，大家有生之年不要走寶呀！午市上去都可以叫炸子雞架，隻雞真係好「正」

First time there, environment is not so good but much much better than "Lin Heung" in Sheung Wan that also have big name. The quality of Dim Sum is good and the ingredients are fresh, even better than "Lee Yuen" which had doubled the price, must go for dinner next time !

哩度至出名既點心.....都應該係灌湯餃....因為d湯係入面, 唔係用水浸住~~ 諗住都唔錯啦~~ 特登一試~~~星期日既早上十二時.....無咩人wo, 唔洗等位....不過要搭台, 都算啦`~ 我地2個人者~~~灌湯餃- 兩大隻, 但係d 料唔多, 得兩隻蝦....咩都無....入面湯就唔多....但好多大菜糕....唔好食.....非常失望~彊蔥蒸爽肚- 一般, 無咩特別~~四寶滑雞扎- 都算唔錯, 有粟米仔, 棉花.....份量同味道都唔錯`炸粉果- 以前晚飯時候, 係細細隻, 一口一隻ga ma , d 料同皮剛剛好....但係今次就好鬼大隻, 仲大隻過咸水角....又唔熱.....唉~~ 又失望~~蒸排骨- 哩個算係幾好味, 唔多肥膏, 但係好多油, too bad! 但味道都幾好....用左黎送飯....正~~海節分蹄($28) - 海節都ok, 但係分蹄唔知點解係"鞋"既....搞錯.....至於服務....簡直係無服務呀~~ d 人又少, 都算啦~ 見到你又扮見唔到.....shit!! 環境陳舊.....都係時候搞下d 裝修啦~~ 真係完全唔掂呀....今時今日咁

25/3晚，行完銅鑼灣，搭左的士黎呢度食飯。8點幾開始食，一行六人，叫左炸子雞一隻、生腸一碟、菠蘿生炒骨、大班兩味、大良炒鮮奶，青島兩支。一心黎食炸粉果，居然無......野食今次麻麻，d雞好生(紅)，同埋d"食送"唔係好夠熱。之前食過油麻地0個間，0個次好好食，又話北角呢間係正宗，但今次唔好食播，以前細個成日經過呢度，但無食過，今次黎，令人好失望。送左紅豆沙。招呼又麻麻。因為唔好食，所以食得唔係太飽，惟有返屋企食生日蛋糕啦。價錢唔平架，仲要唔值。食物同服務都要改善下！而且係時候裝修下啦。

上星期約了2位朋友晚飯，由於怕銅鑼灣泉ｘｘ多人，所以選擇北角鳳城，然而穩陣起見都訂了位。我7:00先到，原本其中一位已經坐低，因為另一位要OT，所以先來一碟小食「乳豬」($28)，脆皮可是不夠熱。到人齊，我們點了炸子雞半隻($90)、大良炒鮮奶、蟹肉豆苗($68)和桂林炸蝦丸($88)。先來炸子雞，侍應一放下已被香味吸引，急不及待吃一件，雞肉熱且嫩，有肉汁，而皮也是脆的，一等！之後來的是炒鮮奶，粉多奶味略少，有多少失望。蟹肉豆苗，碟頭很大（同是鳳城但黃埔店則較細碟），味道可以。最後上陣的是炸蝦丸，原來還有好戲，因為蝦丸剛炸好很盪口（食時要小心），蝦丸大大個很爽口，絕對值得推介。服務方面，訂位時接電話的女士很有禮貌，但奇怪的是不像其他食肆要留電話，至於侍應們也是可以的，他們不算很殷勤，但已有侍應應有的服務態度和禮貌，總比一些客人付了錢還要看面色的好得多。價錢方面，三個人$395，不可叫抵，但是很值。

大腸好好食，脆皮雞都好好味，啲皮好脆餸既份量都幾大件夾抵食．．．．但係除左以上嗰兩味餸，其他都未能夠有好特出既表現算係中等啦，唔會失望但亦唔會有驚喜

越來越稀有時訂左都可以賣晒