鳥炎屋 (已結業)

朋友生日，就話想食日本菜，所以搵左間居酒屋，可以傾得盡情啲。間餐廳地方唔算好大，但都唔會坐到好逼。去到發現原來仲有個半室外位，如果天氣涼啲，坐出去應該仲爽。人齊之後開始叫嘢食，由於個餐牌都好多選擇，同埋好多手寫當日嘅推介，所以索性叫老闆埋黎介紹。點知老闆一嚟到，佢非常熱情，我問佢介紹有咩Sake好飲，有咩刺身當造。佢都好詳細 咁解釋。最後叫咗一條伊佐木刺身，半板海膽，壽司同埋一啲串燒加支細嘅鳥海山。嘢食質素都算中規中矩，建議最好都係問下佢有咩拿手推介會好啲。雖然啲員工好似唔太熟手，但係老闆非常熱情落力，仲會送到你出門口講拜拜，食 omakase 都唔會咁。

上星期約朋友到尖沙咀亞士厘道鳥炎屋，已經有一年多沒有到這間居酒屋，回想店主殷勤招待的笑臉和回味的食物，所以決定到這間晚饍。入到店內，立即感受到店主和店員真誠和有禮貌的招待，店主過來介紹食物，生動解說，又不會有硬推感覺。刺身只叫了珍寶帶子和三文魚腩，十分鮮味，壽司和牛油果軟殼蟹卷做得很不錯。跟著我們叫了一些串燒，黑琢蘆筍串，煙肉香茘串、牛舌串、雞翼串、雞肉串、黑琢肉串，雖然這裡不是串燒店，但串燒都做得很出色，十分美味。鰻魚玉子卷、鵝干多士各有特色、不容錯過。龍田炸雞、雜錦天婦羅，鬆化好吃。最後叫了一個牛肉火鍋，肚子已經很滿足了。久違了的美味食物，店主和店員的殷勤招待，舒適的環境，在不久的將來，我們一定會再來。

星期一，又是落雨天，本來想約朋友在中環吃午飯但咁嘅天氣不如在附近了，諗起之前去嗰間都幾滿嘅居酒屋，亞士厘道樓上鋪嘅鳥炎屋，打電話訂咗兩位12:30 ，跟朋友相約在樓下等一起上去，可能因為時間尚早只有一台客我們被安排坐在卡位幾好清靜，個Menu好似換咗新，但內容和價錢跟一年前都冇變到，朋友點左雜錦魚生丼，我點左個鰻魚飯， 10分鐘內已到朋友嗰雜錦魚生當啲魚好新鮮內容有三文魚，油甘魚，八爪魚，魚子，甜蝦，帶子，飯煮得亦都啱啱好，至於我叫嘅鰻魚飯係半條上半身厚肉，燒嘅火候剛剛好。侍應殷勤斟茶到最後仲有雪米遲做甜品。感覺滿足，買單不需要$200抵食，滿足感到滿足。

一行四人到尖沙咀亞士厘道居酒屋飯局，首先講一講串燒，牛脷，雞腎，雞翼，黑豚片蘆筍串，又乾又硬，肉又有雪味😠波波壽司，飯又好硬好乾😩海膽炒飯更加不值一提，無味無道，想搵海膽都難😟清酒煮蜆，蜆肉也老。😰牛油果軟殼蟹卷，軟殼蟹全部好似隔夜，淋晒😓西京銀雪魚非常細件，又沒有特別，但係價錢$178😖日式炒菜，又好鹹，非常馬虎🙁基本上全餐飯無様好食，但價錢食左二千幾蚊，如果好也不緊要，每人要差不多$600，簡直火燒心，因為真係非常難食，連放題都不如，杯Sapporo 生啤最無問題，真係二百個伏

食日本嘢真的很興奮～～有睇開都知道小肥妹最鍾意就係食日本嘢，咁日本嘢都有分好多種，而把酒談心嘅話我多數都鐘意去居酒屋🌞依間居酒屋好有家庭式嘅感覺，靜靜地唔怕俾人趕😌刺身質素一般般，反而覺得佢哋嘅熟食先係主打😆• 三文魚刺身 $45正常水準，不過不失😗• 鯛魚壽司 $45魚生邊位參差不齊，刀功有待改善😐• 沖繩海葡萄沙律 $50海葡萄份量非常之多，口感新鮮爽脆，不過味道有啲淡，唔太突顯到海葡萄嘅特色😗• 唐揚雞軟骨 $40雞軟骨調味唔錯夠惹味☺️• 牛脷串 $50牛舌有厚度，彈牙唔韌，油花十足燒得夠香☺️• 雞腎串 $38簡單落咗少少鹽調味，爽口冇怪味😌• 日本番薯串 $48好香甜嘅一口番薯仔，口感細滑軟糯😉• 燒鯖魚 $68平時就比較少食鯖魚，依度嘅鯖魚質素幾高，魚肉細嫩冇腥味，肉質又細嫩😚• 鐵板牛油帶子 $90上枱嘅時候非常之香，每粒帶子都充斥着牛油嘅香味☺️• 牛肉火鍋 $128湯底鹹甜適中濃度剛好，牛肉都幾滑，仲有好多配菜，食埋就真係夠晒飽🤰🏻

今日中午黑雨過後 同老婆去尖沙咀 逛k11同isquare購物 。途經亞士厘道 覺得肚餓 想搵地方醫肚。 剛剛見到路邊有日式食肆廣告牌 價錢合適 遂順藤摸瓜上樓搵食。 出𨋢見鳥炎屋招牌即入 侍應招待入座四人卡位 即時奉上熱茶 但老婆要飲熱水 侍應即時再奉上 無怠慢。打開餐牌 唔知食乜好 侍應禮貌推介以下兩款定食 儘管試下 1 ）汁燒安格斯牛肉定食$85  2）壽喜燒牛肉鍋定食 $98  前菜係 醬汁螺肉唔係漬物 入味彈牙 餐湯係海帶麫鼓湯 味稍淡但唔口乾 主菜係汁燒牛肉伴日本洋蔥 牛肉入味及洋蔥有甜味 。另一款壽喜燒牛肉鍋有新鮮牛肉 ＋雞蛋 ＋旺菜 ＋金菇 ＋本菇 ＋上湯。牛肉鮮嫩 加上湯清甜 並非一般豉油湯 有驚喜 ！白飯軟硬適中有黑芝麻鋪面 賣相討好 冇料添食。 飯後有雪米糍甜品 抵食！！ 😋

好耐無飛日本，心掛掛，便約朋友去尖沙咀樓上居酒屋-鳥炎屋，同朋友黎嘆下日本嘢。七味魚翅干 $70，即叫即烤，剛上枱，入口仲暖，口感軟硬適中，越咬越香口。鰻魚玉子卷 $85，中間配鰻魚塊，厚切，大大舊又淋滿鰻魚汁，好食。黑松露焗雜菇 $80，好香黑松露味，菇控必點。明太子茶漬飯 $78，將明太子及紫菜攪勻加湯一齊吃，啲湯清清地但又有少少辣，味道更有層次，推薦。壽司拼盤選咗三款壽司，火炙三文魚+油甘魚+甜蝦，刺身新鮮，配即磨 Wasabi，好正。仲點咗雞肉串，茄子串，黑豚肉串，手羽雞翼串，熱辣辣又夠哂juicy，好食。經理好親切，睇得出對工作既熱誠，會按客人喜好推薦店內食品，又會同客人打成一片，就好似去到朋友家用餐咁，好輕鬆，同朋友傾計吹水，不知不覺就點咗好多嘢食，真系又飽又滿足。

標題唸唔到形容詞既居酒屋😅😅如果係標題度寫普普通通正正常常又好似唔太好但係一試午飯過後，又的確無咩特別既印像可以留低餐廳都算整齊企理，可能星期日人手不足既關係，眼見廚房同侍應都係得两位今日高太揀左個壽司盛，我就揀左個蟹丼每個lunch set 都跟前菜同麵豉湯，再加一杯飲品前菜係牛脷粒，都幾開胃既麵豉湯都係普普通通特上壽司盛高太食唔哂，我有幸食左两舊壽司飯醋香唔太突出，飯既份量比較重手蟹丼丼飯上既時候唔係好覺，不過食食下點解唔見有三文魚籽既食到一半侍應姐姐攞反入廚房補反俾我壽司盛仲会跟個細烏冬午餐黎講質素不過不失，人手顯然有少少不足睇過餐牌，午餐同晚餐價錢有啲略貴

上次在openrice訂日本餐，二選一，揀咗天后Etna,今次輪到此處。 我就例遲，去到佢吔已開咗支sake$498，正在㗳緊，咁豪，話在此店已最低。原叫穗乃智，埋單先知上咗惠乃智，價錢一樣,入口香甜，熱飲，酒精度不高，當然優質過Etna買一送一嗰隻。我們安排坐卡位，有竹簾隔開看不到後面枱，私隱度高，安全。 先來雞軟骨$40咬吓送酒，一看就知過火，深啡色又细粒，上次灣仔炙宴，好好多。 再來鱈魚干$40，食評熱門之選，魚香脆有質感，又好過Etna。 軟壳蟹牛油果卷$128，平個隻用紫菜包無供應，只剩華貴版，用牛油果包外面，我對此物要求高，軟壳蟹不夠香，不夠脆也不夠量，牛油果薄。 另一熱門鳗魚玉子卷$85等半小時，追2次，上枱賣相麻麻，一看散散地，鳗魚又小，蛋味又唔濃，口感尚可，失望。 炙燒三文魚$32及吞拿魚$40，新鮮，不太焦香。 熱門黑䐁肉串燒$40，一般豬肉，一般香氣，有丁點靱。 免治雞肉串$32，比天后，就較苗條及散，無那麽紮實，但價格便宜一半。 野菜天扶羅$88，不要大要求，尚算及格，粉不厚，最香小青椒，椒香散發。 實在已飽，取消海膽炒飯。 熱門點解無寫有哥哥仔跟妳聊天，侍應哥

原來尖沙咀居酒屋都剩不多了🙈與朋友好耐冇見，搵間居酒屋坐得舒服啲包場啊當晚得我地一枱D野食不過不失但不是全部有85折優惠，空運到港的全是正價anyway 其實都想搵地方靜靜地相聚嘅下

同幾個FRIEND好耐無見約左係尖沙咀食飯，想食日本野又想搵個靜D無咁嘈嘅環境，所以都想搵下有無邊間樓上鋪係可以試下 最好係居酒屋 可以飲多幾杯高質嘅其中有個Friend 就話想試亞士厘道呢間 好似聽講話燒鯖魚同埋串燒好好味 同可以揀坐半露天地方 咁就決定去試下上到去感覺係幾warm感覺嘅居酒屋咁 唔係太大 但係睇落幾舒服咁既然有friend話要坐半露天個邊就梗係request坐出去啦老細都幾nice 好快幫我地安排好 同埋唔會枱貼枱好焗束 同其他枱會有d距幾啱一堆friend上黎食下野傾偈老細俾menu我地個陣都會推介下今日有咩新鮮同埋唔同嘅清酒可以試下咁我地未諗好食咩都order左清酒試下啦 仲有一堆酒杯揀 可以每人揀唔同嘅杯聽老細講好似係佢係唔同地方搵返黎 有d係佢旅行見到靚嘅就買返黎我地order左 燒鯖魚 好多串燒 天婦羅 明太子玉子卷 黑松露甜蝦卷 海膽杯 碎蔥吞拿魚腩卷 刺身(赤身 油甘魚 蝦)海膽杯又幾特別 海膽加沙律係底刺身都真係幾厚同鮮甜d蝦CP值唔錯 又未去到好貴個種  以呢個價錢食到呢個質素真係可以再黎佢擺盤都幾靚 俾女仔friend影相啱晒同埋估唔到呢到有 鵝

本來唸住有折 晏就入嚟，可能係差唔多落場時 冇入迎接，第一位見到我地嘅哥哥仔 完全無視我地。 成間店其實係無人，本來心唸應該可以坐卡位， 但店員比嘅理由係 要落場唔比坐， 後來發現原來係要留反比其他店員訓教。 menu 又係好混亂， 想點嘅野 一係就已經唔做 一係就冇折，想知有冇折 要一個一個問店員，落單個時店員完全冇過嚟落單，係要我地隔住張枱同塊板 同佢落單。野食一般 叫左個海葡萄沙律，得三條海葡萄同一啲唔新鮮嘅生菜。其他壽司同鍋還可以接受。食嘅過程當中完全冇人過嚟斟茶。用餐過程非常一般。完全冇Service可言，建議慎重考慮過先過嚟用餐。

星期日同先生係尖沙咀行佐好耐 發現依間居酒屋..環境不錯...侍應好快安排卡位比我地 我地一坐低就想叫清酒 所以侍應都好有心機介紹比我地..仲介紹埋最新鮮既刺身 壽司 仲不時會問我地意見..服務好好...見我地食完凍野👍🏻會主動幫我地換碟再介紹熟食 真心覺得依份熱情招待好難得 我同先生一定會再黎幫襯😍刺身我地叫佐活赤貝..北海道海膽..真鯛熟食就多小小.牛利串..黑豚肉串..清酒煮蜆..明太子玉子..黑豚片蘆筍串 串燒燒得岩岩好 真心推介🥰🥰

我連續好短時間食左2次 每次都比到我唔同感受支持小店！加油第一次係食生日飯 果晚主打食刺身 超新鮮第一次上黎既關係服務員好詳盡咁幫我地介紹佢地既餐牌 但又唔會太hard sell 隔左個禮拜又同班朋友上去飲酒chill下 今次坐outdoor吹著微風飲酒食串燒又第2種feel經過2次既體驗結論係會繼續介紹朋友上去試下 我個人推介既食品有 清酒煮蜆，時令刺身，明太子燒雞翼，燒牛舌，燒黑毛豬 等等 希望大家都多多支持本地小店！

疫情關係少左出街吃飯難得約左朋友，經過啊士厘道就選擇呢間居酒屋，入到去坐露台 成陣噏味 張枱黐立立可能落過雨黎咁都算了，點了食物 軟殼蟹卷 刺身 炒飯 串燒 等等 等了成個鐘先同我講 某啲食品 賣晒勁無奈，期間得杯茶你飲 食物到左全部是凍的重見到有人食煙 唔會再有下次