鳥炎屋 (已結業)

比貴 D 服務都好 D 。比貴 D 野食都鮮 D 。雞泡魚乾一碟 。正正常常 。價錢唔太記得 。赤貝刺身 。好似一百蚊一個 。好爽口彈牙 。咬落去有小小甜甜地赤貝本身裏面既汁 。帶子 。如無記錯的話係80到100蚊三粒既 。咬落去 。真係入口即容 。用上顎妹妹佢 。冇牙婆都食得 。個海膽好似係250蚊左右一版 。咁我就叫左一版既 。佢就包左六舊飯同十幾塊紫菜既 。食完佢呑左個口都仲好多海膽個甜味 。係齒頰留香既 。咁既價錢黎講仲要佢咁新鮮係買得過既 。牡丹蝦係60到70蚊一隻既 。咬落去彈彈地又淋淋地又黏黏地咁既 。一野咬落去填滿左成個嘴果個滿足感真係好正 。因為隻蝦有番咁上下大隻 。衣個刺身其實係廚師發板既 。同佢講只係唔食希靈魚 。跟住佢就黎左帶子 三文魚 生蝦 吞拿魚 海膽 北寄貝 章魚 拖羅 帆立貝 。成盤好似三百到4百蚊左右 。炸魚鮫 。好似110蚊 。女士恩物 。魚鮫係開口合口果個位啦 。有好多骨膠原啦 。食完皮膚會靚靚 。衣個係燒蠔 。個老闆送既 。買既話好似係30蚊粒 。咁衣度有兩粒 。味道都正常 。冇咩特別 。中意飲唔同酒的人當然問老細有咩推介啦 。佢就推介左山花大吟

餐廳有位侍應（身材較豐滿嗰位）服務態度極差。入座時成間餐廳得一枱客但就同我講無book位就唔serve。之後又話可以俾我地入座。坐低落單到我地埋單都好似得罪左佢祖先咁，黑口黑面。執枱時又跌曬D野落地下。做到咁厭世真係鄧你辛苦！我見佢對其他客人都不友善，問多句或講慢少少都顯得極不耐煩。野食一般。不會再來。我睇餐廳裝飾同餐牌覺得店主應該係個對餐廳有要求嘅人，可惜嗰位員工無熱誠同唔專業，影響客人對餐廳overall impression.

午飯時間總是人頭湧湧的街道，想著不妨可以試試樓上鋪，享受一下難得的寧靜，就來到了這裡。🌟照燒雞排定食🌟份量很多，外皮超香脆，雞的油脂在嘴裡散發，跟鹹鹹的照燒醬相輔相成，但要配飯/沙律菜一起吃才會比較沒那麼鹹。旁邊還有一些蛋黃醬可以點。🌟牛肉壽喜燒定食🌟配料很多，反而牛肉較少，不過湯底濃度剛好，跟飯一起吃非常飽。🍮定食有配一個味付螺肉跟一個甜點，這天是荔枝雪米糍，超級冰啊～

今次要介紹嘅係一間位於尖沙咀好有誠意嘅居酒屋性價比超高 店員同老細服務態度都超好雖然已經唔係第一次幫襯但係每次去都有驚喜👍🏻雜錦天婦羅炸得好香好脆有海蝦，南瓜，茄子，番薯同冬菇🍠🍆🦐啲蝦好大隻唔會炸完縮晒水😋海膽杯好驚喜估唔到蛋同海膽呢個組合幾襯下面仲有沙律食落好清新一啲都唔會濟而最推介嘅就係佢哋嘅刺身食咗咁多次都仲係好新鮮👍🏻三文魚係大推厚切得來好肥美啲蝦又係好大隻同好鮮甜呢個價錢食到呢個質素嘅刺身真係物有所值最後要介紹嘅係鵝肝toast💯鵝肝fans記得一定要嗌！❗️

2條友book左8點黎食，先叫左壽司，半小時後再叫熟食。發覺壽司係黎得慢過熟食😂可能入面唔夠人手。不過樓面同事好好，有解釋催單都有耐性又熱情（啡色衫男仔）~而老實講壽司係麻麻地既，魚生好薄隻甜蝦甩尾😂不過海膽唔錯，總括黎講唔係難食但太普通。熟食反而比較好，特別係牛舌同炸蠔。仲有食其他雞皮雞腎等既串燒同天婦羅，都ok好食但無影相了。最後 食完我地係漏低左野係餐廳就走左啡衫男職員好快打黎通知我地仲勁好人話跑出黎搵我地唔到，最後拎左落樓下比番我地，真係好感謝佢。佢既熱情同專業既態度其實係食成餐飯都感受到😂

尖沙咀太多良心日本菜，最後因為有優惠選擇左鳥炎屋。從confirm booking到入座，侍應哥哥都非常有禮貌，有禮貌到我地驚⋯前菜海葡萄沙律普普通通，不過不失但非常足料牛肉鍋牛肉非常不錯，放左一陣都唔會覺得老，壽喜燒湯底唔會好似其他日式餐廳咁一係太甜或太咸串燒叫左免治雞肉，燒豬皮同燒大啡菇，一上檯係非常香，三樣野都非常好食刺身叫左三文魚腩，酒甘魚同吞拿，三者都好好食，三文魚腩encore左一次添，不過油甘魚略嫌唔夠肥，再肥美啲口感更好試埋大家推介既牛油果軟殼蟹卷，真係好好食，難怪聽到附近幾檯都叫因為全部野都好好，到最後上既鵝肝多士反而令我地有啲失望，非常大份量但唔夠香同口感，問題係仲要等好耐，難怪侍應哥哥都話，要等如果唔趕時間先好叫⋯結論，食物服務環境都非常出色，值得推介既良心小店。

今日揀咗呢度同朋友慶祝生日，店長太好人啦，熱情細心介紹餐牌，服務又好，當我叫佢哋準備生日甜品之前，店長又會靜雞雞打去我手提，提一提我就快有驚喜俾我朋友，之後仲要幫我哋係咁影相，呢個服務簡直10星級

7:00到已經坐左一半客，可能員工未返齊人手不足，但都唔會唔理你，服務態度很好，好有禮貌叫完餸好快就上菜，唔駛等咁耐，有效率本來想叫刺身併盆，但刺身種類唔係好啱食所以都係散叫，叫左赤身、油甘魚、活赤背$216牛脷就普通咗$50一串偏貴，可以不叫清酒煮蜆好味手羽雞翼串好入味，無雪味牛肉火鍋個人認為偏甜豬軟骨烏冬好味喜之次一夜干$138抵食鏝魚炒飯好大碟牛油果軟殻蟹卷DX四人份量超飽希望繼續堅持做下去，好食店好難找

繼續慶祝生日， 限制令前最後一夜Dinner, 趁著最後一晚可以喺餐廳晚餐， 選擇很喜歡的日式居酒屋😊😊大蜆野菜豆腐鍋蜆肉彈牙美味， 湯汁滲著大蜆的鮮甜， 蔬菜和豆腐吸收了蜆肉的鮮味， 健康又美味的選擇。七味魚翅乾經過燒烤的魚翅乾， 暖暖的感覺，質感 煙煙韌韌的口感，微微的焦香以及辣椒的味道。雜錦天婦羅🍄🍆🥔🦐天婦羅包括了彈牙海蝦🦐、 南瓜、冬菇🍄、 番薯 ， 茄子 🍆非常豐富。牛油果軟殼蟹卷🥑🦀+芝士蟹棒火炙壽司🍣壽司真的不錯， 米飯煙韌黏度適中， 酸味不會太過搶。牛油果軟殼蟹卷， 非常豐富的配搭， 牛油果+ 蟹子+ 軟殼蟹 +沙律汁， 非常配合的口味。雞肉串炭燒雞肉串的味道 啱啱好， 唔會太鹹加上醬汁非常惹味。 雞肉保持嫩滑多汁。

越無得去旅行就越掛住日本 去唔得日本唯有揾番間正正居酒屋頂下癮😆 今次去既呢間居酒屋係尖沙咀 性價比超級高😍 仲要不得不讚佢地既店員服務態度超好 又會不停加茶👍🏻👍🏻餐牌食物種類繁多 仲有好多款酒👍🏻 前菜方面我哋揀咗蟹籽沙律 燒雪魚干 蟹籽沙律最緊要一定係夠多蟹籽 佢地既蟹籽竟然係多到青瓜絲蟹柳絲撈唔哂😱😍 燒雪魚干好香口 加上沙律醬都係我哋好鐘意食嘅餐前小食👅接住落泥就係串燒燒物 我地揀左必食牛脷串 芝士年糕同燒鯖魚🐟 一間居酒屋好唔好食 大概可以從佢地既牛舌串燒睇得出😂 呢到既絕對合格 牛舌輕微調味 唔韌又juicy👍🏻 芝士年糕就正正常常 外皮香脆 芝士都流心🤩 鯖魚亦好高質 魚肉皮脆肉質有口感 點少少醬油更能提昇味道😋小食方面就食左龍田炸雞同明太子玉子卷🥳 龍田炸雞分量好多 略嫌有少少乾 不過點左沙律醬都好食👅 明太子玉子卷就好嫩滑 中間有好多明太子 帶輕微辣味 非常引人入勝🤤壽司我地就食左黑松露甜蝦卷 油甘魚壽司同碎蔥吞拿魚腩卷😍 黑松露甜蝦卷賣相真係極之吸引 甜蝦超肥美 配搭上青瓜令口感更豐富又唔膩 仲散發着黑松露既香味🤩 油甘魚壽司都好新鮮肥美🍣 碎蔥吞拿魚腩卷 亦係

是日晚上黎到位於尖沙咀亞士厘道的「鳥炎屋」品嚐日式居酒屋晚餐，餐廳裝滿頗具特色，充滿和風感覺，恍如置身於日本居酒屋🏮蕃茄牛油果沙律🥗沙律菜新鮮爽脆，蕃茄多汁又鮮甜，牛油果熟度剛好夠軟滑，配上酸甜的沙律汁，好開胃醒神三文魚壽司🍣厚切三文魚油潤肥美，滿載魚油香！壽司醋飯Q彈有米香甜蝦壽司鮮甜棉滑的甜蝦非常高質黑豚肉串肥瘦相間的黑豚肉油脂感豐富，豬味濃郁，香軟腍滑，送酒一流👍🏻手羽雞翼串簡單的鹽燒雞翼串，肥美厚肉，好juicy呢雜錦天婦羅分別有冬菇、番薯、茄子、南瓜、大蝦天婦羅🍤炸得香脆唔油膩，南瓜同番薯🍠都好香甜。大蝦爽口彈牙燒油甘魚鮫第一次食燒油甘魚鮫，魚皮燒至微微香脆，內裏嘅魚肉相當甜美且鮮嫩多汁，唔使加檸檬汁都好好食

真係好耐無出黎食餐好野 今次揀左居酒屋🍻 去到餐廳 餐廳員工話今日人手嚴重不足 所以上菜時間會慢左啲🍽️ 我就當然無咩所謂 慢慢食吹下水仲好啦 不過真係勁好禮貌 不停say sorry 上左個小吃 燒雪魚乾 燒到好乾身但又勁香魚🐟味 點沙律醬正 蟹籽沙律同芥辣八爪魚 👍👍我最搞笑應該係叫左串燒蒜頭 出面好似無呢啲野 重口味 我記得係台灣最中意食啖台灣黑椒腸再咬啖生蒜 中和膩感又突出腸既味道 所以就一試燒蒜頭 果然無令我失望 蒜香濃 唔會有生蒜既辛辣刺激 正燒花魚一夜乾 主角到 食得出師傅既心機 油脂同咸度都好均衡 勁快就Ko 曬服務真係一流 可惜人手不足 試唔到玉子燒 唯有等下次

本身期待食呢間餐廳 因為上次經過想試但滿座 今次上到去竟然等左個幾鐘都無主菜到 廚房做到發哂脾氣 講哂粗口出面都聽到哂 食左幾樣野 主菜都未黎到 真你嬲到無哂胃口無心情 間餐廳仲可以完全無誠意做任何既野 講真個句 你整舊壽司黎食都好 肚餓住等成個幾鐘 吾識甘做都算 仲好意思收哂我正價 9點半入底座都7折啦 我等左成個幾 十一點都就到 真係好好意思甘樣做生意 講真 呢間野我呢一世都吾會再黎 我仲會幫你地廣傳你做生意既方法 我只可以黑心講句 你地無資格做一間餐廳 希望好快執埋

作為一名健身教練, 好想去日本居酒屋呀係尖沙咀上堂同學生講起日本, 好掛住日本D美食呀居酒屋呀, 就索性落堂搵間居酒屋食下野! 係OPENRICE碌下好快咁揀左依間鳥炎屋一試。蕃茄牛油果沙律蕃茄牛油果同蕃茄切成大片, 底下鋪左沙律菜, 牛油果熟度剛好, 軟綿綿, 加上帶酸既柚子醋, FRESH!油甘魚壽司 + 三文魚火炙壽司兩者都好肥美, 而且切得幾厚身, 咬落口感豐富, 三文魚經火炙後有更香既魚味道。燒花魚一夜干個人既居酒屋必點之一, 燒到有焦香又不失魚香, 加上花魚獨特既口感, 點埋酸酸地既醬汁更好食!手羽先雞皮位燒得香脆熊田炸雞大件而且新鮮即炸, 炸得岩岩好, 外表微脆內裡雞肉仲係嫩既, 而且唔覺油膩。汁煮牛舌牛舌厚身, 腍中帶點彈牙, 牛舌已經入哂味再加左牛油落去煮, 好香!SERVICE都唔錯, 店員有KEEP住主動加水。

同朋友慶生 黎到尖沙咀亞士厘道既居酒屋 食朋友最鍾意既日本菜一坐底就有杯熱茶暖下胃 朋友表示呢杯茶比起一般既香同濃黑松露牛油果卷 $60入口黑松露味好突出 當中加有香滑牛油果 口感味道唔錯甜蝦壽司 $38/兩件甜蝦爽口彈牙 鮮甜無腥味 底下既壽司飯唔鬆散火炙三文魚壽司 $32/兩件三文魚經火炙後 充滿油脂香 鰻魚玉子卷 $85玉子燒望落去好似有啲乾 但係食落有驚喜 濕潤 富蛋香 中間更加夾有鰻魚 鰻魚半肥瘦 帶點肥膏好香口手羽雞翼串 $35雞翼外皮燒得微微脆身 肉質又唔會燒得過乾 調味十足 黑豚肉串 $40黑豚肉串有驚喜 食落一啲都唔柴唔乾唔韌 而且越咬越香豬肉味 燒雪魚干 $40見網上好多人都推介魚干 果然冇介紹錯 魚干食落好脆 啖啖魚香雞肉串 $30雞肉肉質較實 嫩滑唔柴 外面裹滿甜甜地燒汁牛肉火鍋 $128牛肉上枱時 呈粉嫩既顏色 即使放耐左都唔會過熟 富牛香篤穿隻蛋 沾埋蛋黃 牛肉入口更嫩滑火鍋中仲有唔少菇 娃娃菜 京蔥 全部配料都吸滿甜甜地既壽喜燒湯底環境舒適 好啱同朋友撐枱腳 店員服務態度唔錯