鳥炎屋 (已結業)

📍鳥炎屋 (尖沙咀)✨燒鱈魚乾 $40燒得幾香口，有啲直情係脆卜卜。✨雜錦魚生沙律 $98海鮮多過蔬菜。有勁多三文魚、油甘魚、蟹子、魷魚。豐富到唔加醋汁都好夠味🤪。✨穴子壽司 $60星鰻肉口感綿滑，味道比起鰻魚淡啲但細緻啲。一件壽司有成隻手掌長嘅星鰻真係超滿足🤤。✨牛油果鰻魚卷 $108鰻魚肥美有咬口。卷物包住青瓜絲，食落會清新啲。✨柚子胡椒雞肉串 $38平時都係食之前先點柚子胡椒，但呢款預先用柚子胡椒醃過，味道會均勻啲。✨牛脷串 $55厚切牛舌好有咬口，加埋大蔥絲感覺冇咁油膩。✨木魚絲苦瓜薄餅 $88苦瓜夠腍又唔會太苦，蛋餅煎得幾香。落木魚絲幾香又幾夾，不過魚黃醬都幾膩🥲。✨火炙三文魚皮漬迷你烏冬 $70三文魚皮油脂好多，口感滑捋捋，唔講會以為係三文魚腩🤪。📍鳥炎屋 (尖沙咀)尖沙咀亞士厘道17-19號4樓

今晚收工去左試新餐廳，地點係尖沙咀既鳥炎屋，聽個名都知係日式居酒屋。餐牌有特選，前菜，刺身，沙律，壽司，卷物，手卷，串燒，爐端燒，炸物，一品料理，汁物，鍋物，飯烏冬，飲品。價錢唔算太貴。今晚第一次黎，叫左唔同菜式分享。沖繩海葡萄沙律 $68 另加一海葡萄份量好多，又脆又有豐富海水鹹味，海葡萄上面灑上白芝麻粒同蔥花點綴，下底有沙律雜菜，另上柚子醋汁，要多少自己添。油甘魚刺身 $70 另加一油甘魚刺身一客3片，用冰鎮住上枱，賣相不馬虎，魚生厚切，食落新鮮魚味濃，日式芥末都係生磨。仲伴有少少昆布同蘿蔔絲。燒牛舌串 $55 另加一燒牛舌串一串兩大件，每件切開兩邊，上面灑上京蔥絲，加上黑椒調味。牛舌好厚切，啖啖肉好好味，唔會過鹹。伴有半粒車厘茄同檸檬。燒雞肉串 $32 另加一燒雞肉串一串4粒，燒到好脆口吓，呢個味道淡d，唔過鹹。伴有車厘茄半粒。鐵板牛油帶子 $90 另加一鐵板牛油帶子真係用鐵板上，熱辣辣！帶子一客4大隻，整得唔會太韌又啖啖肉，牛油味適中。下底墊有洋蔥絲，再加上少量蔥花。牛油果軟殼蟹卷DX $128 另加一牛油果軟殼蟹卷一客6件，賣相不俗。係飯卷包住紫菜，入面有軟殼蟹，飯卷上面放有

尖沙咀寧靜致遠好去處有時候好想飲酒食串燒,就會去尖沙咀找居酒屋,今次有緣去到尖東附近的一間小店,環境都幾好,靜靜地食野都幾舒服,帶埋三傻是人生一大樂事~1. 明太子玉子燒&七味魚翅乾玉子燒及明太子是我在居酒屋最喜歡的前菜,配上魚翅乾(沾沙律醬)就是人生最大的享受~2. 三文魚&穴子壽司&油甘魚刺身油甘魚是店主推介,好新鮮的刺身; 壽司都是手握,充滿鮮味~3. 雞翼串&煙肉香荔串&燒冬菇&燒牛舌串串燒當然是不得不選的小食,牛舌/冬菇/雞翼都是最安全及常見的串燒,味道當然不差!鳥炎屋尖沙咀亞士厘道17-19號4樓港鐵尖沙咀/尖東站 A1 或 L5 出口, 步行約2分鐘 #鳥炎屋 #尖沙咀 #亞士厘道 #寧靜致遠 #油甘魚 #雞翼 #煙肉 #燒冬菇 #三文魚 #穴子壽司 #明太子 #玉子燒  #居酒屋 #三傻 #kumamon #熊本熊 #香港 #tsimshatsui #日本菜 #japan  #燒牛舌 #串燒

☆ 鳥炎屋尖沙咀亞士厘道17-19號4樓一入到餐廳，見到sanji海賊旗已經好興奮(誰明毒撚心)，然後想講呢到服務真係好好，特別有位唔知係經理定老闆呢，真係好好禮貌，好到我以為係日本食緊野XD✦ 孖寶燒蠔大大隻肥嘟嘟，2款口味，一款芥末味另一款就咸香味濃。✦ 燒雞肉串雞肉好嫩滑，燒得岩岩好。✦ 燒牛舌串彈牙爽口又Juicy，油香十足。✦ 煙肉香荔串好香口，煙肉嘅香口同荔枝嘅香甜，好夾！✦ 日本蕃薯串呢個無論點整都咁好食，100分XD✦ 鹽燒多春魚燒到好靚呀，靚到好似道具咁，燒到脆脆咁好好味。✦ 燒雪魚干次次去居酒屋必叫，脆卜卜，送酒一流。✦ 櫻花蝦炒飯店員強烈推薦就試下，一上枱好香，勁多櫻花蝦，好香口呀！同埋炒得好好，好乾身，粒粒分明，簡單得黎好好味(๑˃̵ᴗ˂̵)

尖沙咀日式居酒屋🏮正👍🏻過左海買野，突然想食日本野，朋友介紹我呢間居酒，佢話之前食過幾好食，又可以坐低慢慢傾吓偈。叫咗兩件壽司去開胃先，帶子非常鮮甜，穴子好好味👍🏻，店員仲好細心叫嘅時候同我講聲如此其實即係鰻魚，而且師傅條味道啱啱好唔使點豉油同Wasabi就咁食都得。我從來未食過咁好味嘅鰻魚😍然後見到有一個壽司叫隨意卷，問吓店員係咩嚟啦，佢話係師傅用最推介嘅食材卷嘅壽司，好啊咁咪即係幾十蚊有「我媽卡些」食😆！即時叫黎試吓睇吓今日有咩食🤗俾個驚喜自己，我哋嗰日，就係三文魚油同甘魚配清爽青瓜卷，個balance好好，好清新。Wasabi沙律燒蠔，啲醬汁同隻蠔好夾，蠔味濃郁🦪，”shop”一聲就成左，因為真係好燒完仲好juicy，入口即溶咁，唔會好乾🍂我哋再叫左啲串燒（雞翼&豚肉）同豬軟骨烏冬，豬頸肉炆到好林連啲軟骨都可以食埋，而烏冬彈牙又夠滑，應該係稻庭烏冬。推薦度（10👍🏻滿）：8.5👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：8⭐️賣相（10⭐️滿）：8.5⭐️味道（10⭐️滿）：8.5⭐️價錢（10⭐️滿）：8⭐️服務（10⭐️滿）：8.5⭐️地點（10⭐️滿）：8⭐️［鳥炎屋

同朋友傾計最啱就係去居酒屋🏮揀左呢間位於尖沙咀嘅鳥炎屋🎌餐廳環境唔錯 燈光稍暗有格調一邊傾計一邊食下串燒小食 好寫意順帶一提 老闆招呼好熱情 成餐飯食得好開心▪️雜錦魚生沙律🥗魚生都有幾多款 大大粒有口感沙律菜新鮮爽脆 沙律醋另上 可因應口味自行加落去個汁酸酸地咁食落更開胃▪️燒雪魚干🐟烤到脆卜卜 點埋蛋黃醬食好夾▪️牛脷串🍢肉質爽脆嫩滑唔韌灑上黑椒 味道香濃▪️炸紫菜露筍卷呢個小食幾特別 露筍用紫菜包住再拎去炸口感酥脆得黎又唔油膩 入口仲帶點爽脆口感▪️燒日本魷魚筒🦑照燒原條魷魚筒 大大條醬汁濃味 魷魚肉質彈牙咬口伴碟仲有好多沙律 感覺好滿足

颱風天出外食飯，樓上的日式小店剛好避下雨休息下~🥢隨意卷每日按廚師心情及食材進行調節，今日的隨意卷，就有三文魚、油甘魚及自家製牛油果醬。整個配搭很不錯！🥢魷魚壽司廚師已經預先調味，不用沾點豉油，燒到脆脆的外皮，所以又會不會太韌。🥢三文魚及赤貝刺身上枱整得好靚，打卡一流！ 🤣刺身一向都係夠新鮮同凍就會好食~🥢櫻花蝦豆腐分量很足的櫻花蝦豆腐，外皮是櫻花蝦，內裏滑豆腐，香脆又可口，櫻花蝦帶點鹹香，配合口味比較淡的豆腐，味道覺得剛剛好👍🥢串串隨便點要日式蕃薯、杏鮑菇及雞翼，三樣的質素都不錯，特別係雞翼，燒得外皮脆脆，少少鹽的調味，味道剛剛好。

今日嚟到尖沙咀， 啱啱攞到消費券，當然就係購物完之後就食番餐好嘅，咁見到樓下有啲廣告，寫住鳥炎屋係食日本料理嘅，咁就同朋友入去試下。 入到去啲裝修都幾日式，講多無謂，大家睇我叫左D乜:蟹子沙律: 呢個蟹子沙律，佢啲青瓜幾清爽而且同蟹子亦都分配得唔錯，咁作為餐前小食我覺得唔錯同開胃。芥辣八爪魚:呢個八爪魚都幾辣但係辣得嚟都有八爪魚嘅鮮味，因為係魚生，所以加埋啲芥辣幾好食。手羽雞翼串 & 燒明太子雞翼： 雞翼我最鍾意食，不過如果真係講係我嘅最愛，我會揀燒明太子，因為自己覺得喺個雞翼釀入明太子比較特別， 而且佢個味道恰到好處。 不過呢間嘢我覺得佢燒雞翼燒到唔係太及啱啱好，火喉都唔錯。燒肉香荔串: 呢個燒肉我覺得一定要嗌，因為佢個燒肉我覺得好juicy，一咬已經畀啲肉汁鎖住，再加埋佢嗰粒荔枝，第一次試荔枝加燒肉，原來兩樣都幾夾 ，所以鍾意食燒肉嘅朋友可以試下。燒日本青椒仔串: 呢個係朋友叫嘅， 因為我唔食青椒，咁佢講話燒得ok ，鍾意食青椒嘅朋友，可以一試。鰻魚玉子卷:燒玉子有幾香嘅蛋香味，食落去質感夠， 作為餐前小食 ，係唔錯嘅選擇。櫻花蝦炒飯:呢個炒飯，樱花蝦配料十分充足，而且炒飯嘅火喉以

同FD想去港威食飯，點知收工落大雨，行到亞士厘道差唔多全身濕曬，亞士厘道咁多嘢食，求其揾一間食啦。哩間串燒poster睇落去都幾吸引，咁試試。鋪頭唔算大，大概十幾張台，可能落大雨，晚市唔算太FULL，坐滿一半。可能我同FD真喺狼狽咗啲，一坐低，侍應即刻出聲，問洗唔洗攞多幾張tissue比我們抹下手袋同杉，服務真喺好貼心。嘢食都算多嘢揀，FD哩段時間要瘦身，咁今晚我們食得light少少啦。燒鱈魚幹好少見，出面都是燒一夜幹多。鱈魚幹燒熱咗味道會更加突出，點埋蛋黃醬一齊食，送酒一流。番茄牛油果沙律好啱減肥星人，沙律菜好fresh同埋分量幾大。沙律醬喺用咗日式果款，食落好酸甜，同番茄沙律菜好match，哩份沙律食幾多都唔肥，當然要全部食晒。帶子壽司都幾特別，搭配埋紫蘇葉同檸檬粒一齊送上來，食落口感好豐富。原本想叫牡丹蝦壽司，啱啱好今日冇貨，咁試試赤蝦壽司啦。赤蝦都算大件，食落同帶子一樣都好新鮮，冇雪味，OK。油甘魚刺身擺盤幾好睇，一份3件仲要厚切，食落冇筋同埋好鮮甜，唔錯。串燒唔洗等好耐來咗，煙肉香荔串好少見，荔枝燒過後更加香甜，同煙肉一齊食，成個喺嘴裡爆開，唔錯。牛舌燒得啱啱好，牛舌喺厚切，

一行四人想搵有室外坐位既餐廳，仲要有冷氣，呢間之前黎過一次，加上OpenRice 有85折，又再一次比我地選中但今次再幫襯就有啲失望喇，所有食物都偏咸，食材係ok既，但無上次咁好食，當中叫左個牛柳粒，好騷…雞腎串細粒到差啲夾唔到，炸紫菜蘆筍卷同埋個木魚絲苦瓜玉子薄餅就好推介，好好味！價錢偏貴，如果食物味道有改善，都仍然係我選擇之一！BTW店員服務好殷勤，唔會話我哋坐咗outdoor冇其他人就好少理我哋

第一次食蜜柑鯛！尖沙咀cp值高居酒屋今晚叫咗牛油果軟殼蟹卷🥑孖寶燒蠔煙肉香荔串三文魚楠壽司海膽軍艦金目鯛+蜜柑鯛🐟牛油果軟殼蟹卷，一客有6件，隻軟殼蟹即叫即炸，熱辣辣🔥，外脆內軟👍🏻 煙肉香荔串好食，又咸又甜，勁juicy下次都會再order!其他壽司都好食，三文魚腩夠肥美，好香！孖寶燒蠔有2款醬，1款秘製醬，另外1款係wasabi醬！超好食，有驚喜！另外，聽老闆介紹試咗一款新出未試過嘅魚，叫蜜柑鯛🍊🐟 D隻蜜柑鯛係愛媛縣出產名物，D魚食加咗蜜柑皮的飼料，魚肉就會帶有橘香，超得意！金目鯛都好甘香整體嚟講食物的確幾好食，而且店員非常有禮貌，超級nice同我哋講解menu，新菜式等等😊 下次一定再嚟試埋串燒同煱燒👍🏻

-最近情迷居酒居之 《鳥炎屋》🍶🍢把酒談心地方推薦✋🏻環境好舒服🤓老闆勁好人、招呼周到仲要好熱情🤭仲有Outdoor area架😏三五知己上黎chill下一流！👅牛舌串🍢豚肉蘆筍串🐡雞泡魚干🦪燒蠔（芥末）🐟燒銀雪魚🍶天之戶醇辛純米極度推薦佢地既燒物🥹🥹好食到顛左！燒蠔鮮甜爽口配埋個芥末汁係勁夾🙊仲有我每次食串燒/居酒屋都會點既雞泡魚干🧡送啤酒一流！同埋個銀雪魚簡直係世界級🫠個魚燒到卜卜脆勁香口！肉質鮮嫩🤫今次上黎輕食飲兩杯、下次一定要上嚟試埋佢啲魚生/卷物至得😤#foodiejapjapjap尖沙咀______________________________score:9/10地址：尖沙咀亞士厘道17-19號4樓

雞泡魚乾: 甜甜地，有啲鹹香，煙煙韌韌，不經不覺，一條一條好快就食晒香蔥吞拿魚腩卷: 去食日本菜見到的話，我都必定會點的菜式，呢度會將吞拿魚碎放喺飯上面，大大地滿足到想食多啲吞拿魚碎又唔想食咁多飯嘅我牛油果軟殼蟹卷Dx : 店員(後尾先知道其實係店長)好強調個Dx只係想區分以前有另一隻舊款嘅版本，好搞笑，佢仲同我地講側邊啲粉紅色唔係淨係用來裝飾，係真的可以點埋個卷一齊食，我地兩個都好鍾意，有少少食糭嘅感覺照燒雞串燒: 照燒得好香，雞肉一啲都唔韌，好味，但係個人意見可以比少啲汁雞皮串燒: 呢個燒得脆卜卜，勁香口，會令人想食完一串又再一串甘栗芋頭薯餅: 炸得幾香，熱辣辣，食入口好香甜，不過當做甜品會比較適合廣島蠔味噌鍋: 今天晚上的主菜，簡單嘅調味，突顯到廣島蠔味道，放咗好多菜喺煲入面，夠晒營養，滿足晒要食好多菜嘅我哋

公司同事，大部份仍然留家工作，今天獨自外出午饍，想吃日本餐，便往亞士厘道的鳥炎屋，疫情前，我們會五、六個同事一起到這裡吃午餐，因為這裡的午餐，做得很有水準。到達餐廳，老闆便很熱情地招呼，午餐牌有很多選擇，我揀了角切魚生丼，很新鮮和美味，吃完有很滿足的感覺。之前常到這間餐廳晚饍，很喜歡吃這裡的刺身、串燒、天婦羅，燒油甘魚鮫，每樣出品都很有水準，是一間很用心去做的餐廳。坐在鳥炎屋吃午餐和晚餐，感覺都十分舒適，這裡不會有限時，老闆對客人很親切，樓面同事都很有禮貌，沒有拘束的感覺。沒有晩市期間，曾去過這間餐廳午饍，看見老闆和員工都很努力去做，當時真希望他們能捱得過去，現在已經恢復晩市，見到他們仍然很努力，希望他們加油

只係order 2樣食物，都可以逐項漏單。入座一小時，吹左三、四次，先食到一個烏冬，耐過fine dinning。烏冬價錢$98，味道、份量完全冇特別，同一般價值$50-60烏冬水準一樣。最後食左80分鐘嬲嬲離場，80分鐘裡面有60分鐘係等，只係食咗2樣野。整體體驗實在太差，等待時間耐，CP值低。