鱈卵屋 (已結業)

到咗鱈卵屋先知道原來鱈魚卵就係我所認知嘅明太子，而用明太子做主題嘅就更少，這就是以鱈卵為名嘅...鱈卵屋...值得一試。首先叫咗個小食，豆腐燒餅明太沙律醬，用鐵板上，所以好熱辣辣，明太沙律醬汁配上豆腐燒餅，味道好好，味道又唔會好濃，頭盤小食啱哂。明太子蛋蛋...熱辣辣，甜甜地加上明太子又幾好，多咗重口感。鱈卵碗有唔同配料，選擇咗三文魚及油甘魚。有三個不同食法...看圖識食...鱈卵盛、調味料及特製日式上湯。三文魚及油甘魚鱈卵盛，買相不錯。其中一個食法...直接攪拌完，見到一粒粒明太子在飯中。除了明太子外，仲食咗燒魚鮫，好香又有鱼油。燒豚肉，燒汁味道甜甜地又好似有D酒香，幾得意。值得一提係店內一個飾櫃由天花射燈光射下，中間層架再放上不同擺設，在底部原來就程現了店舖嘅Logo，有趣有心思。

不嬲都超鍾意食明太子，今年次聽同事講話呢間餐廳明太子好出名，於是就同女朋友黎試下。餐廳唔算太大，內裡走日式路線，氣氛唔錯，好岩情侶or朋友上黎靜靜吹下水，咁岩我附近都有情侶係度，搞到我唔好意思拎手機出黎周圍影，事前朋友已經推介左我地食乜，所以好快已經order。呢個係我成晚最鍾意，明太子香蒜辣椒醬稻庭烏冬，平日食明太子意粉就食得多，烏冬係第一次，但估不到明太子同香蒜d 味原來係咁夾，而且烏冬夠晒滑，每啖都充滿明太子既鮮味而且不腥，絕對要encore.明太鐵板芝吱雞，雞肉肉質好好，芝士夠多，每啖都好芝味加上小小明太子既鮮味，真係好正，但如果明太子再多d就更加好之後就係明太子上湯蛋卷，中間好多明太子呀!每一啖個口都充滿明太子，呢個簡直係呢度既皇牌，愛食明太子既人必定要試。三文魚3味刺身，第1味係普通刺身，第2味係加左1明太子及蟹子，第3味係火灸，其實3款都很好，刺身質素很高，個人最喜歡第2味，因為比較特別，都值得試下，可惜比蛋卷及烏冬搶晒風頭明太子汁燒雞翼，初初睇落以係冇乜味，但食落明太子味很重，而且不油，食完都唔會太口乾。以前以為明太子只會配意粉，但估唔到有咁多種食法，整體都好滿意，一定

銅鑼灣★鱈卵屋一直都心思思想黎試依間以日本博多直送明太子為主打既日本餐廳，可惜上次黎到已經full house，今次醒目book定個靚位入到黎先知原來真係有個日本人坐陣喎，佢掌管住餐廳正中間既area，睇黎都係老闆？嘩～好有心思呀下，竟然枱上面有張寫住客人名既歡迎卡［大概意思就係多謝你今日預約黎，希望你係到有美好既時光。］枱面既筷子座原來係可以食既nuts，哈哈～飯前小小小吃搵食時間鬆軟明太子上灌湯蛋卷（$78+10%）：★★★★★ ★☆☆☆☆見到都流口水！不過細心少少望d蛋層既紋理就覺得好似老老地，果然食落無想像中咁軟滑，好彩蛋香十足補救番，又成吋半厚有多感覺好滿足中間爆滿既明太子顏色就好搶眼啦，味道就唔係好突出，要細味先食到佢獨有咸咸地又辣辣地既味道或者可能係期望太高……？！多士拼盤（$48+10%）：★★★★★ ☆☆☆☆☆麵包控見到烘到金黃色既多士真係心花怒放，可惜一啖咬落去換黎既係失望個包完全唔新鮮唔軟熟又乾身！！明太子多士面頭有d魚毛仔增加下口感，味道就唔係好出眾只係食到咸咸地，反而蒜蓉多士整得仲出色，惹味得多sigh..麵包絕對是敗筆。三文魚拼油甘魚鱈卵碗（$138+10%

鱈魚既卵即是明太子，鱈卵屋即係吃明太子的地方，鱈卵屋應該係全香港首間以明太子創作料理為主題既食肆，並不是以壽司/刺身/拉麵/放題作主打。原來鱈卵屋 Tararan-ya係日本九州福岡明太子名店FUKURA在香港開設既餐廳。鱈卵屋位於銅鑼灣區商業大廈之內，一出升降機要再拉門進入餐廳呀 !店子的溫馨句語 !碟係雀仔形，精緻!可愛又有心思，用上日本零食小吃作筷子座，唔使清洗又唔怕損耗，用膳完畢還可以拆開食埋添 !  無酒精西班牙雞尾酒因為唔想飲酒，所以佢地推介一杯無酒精既西班牙雞尾酒，細問下這杯飲品係無酒精既葡萄酒加入多種生果，充滿維他命我鍾意!明太子上湯蛋卷MENU上話係人氣NO.1 MENTAI ITEM，所以必點吧! 看似只是包著明太子既蛋卷，但仔細看看，原來由無數蛋層組成的，都好考廚師的心機和功力。蛋卷入口嫰滑軟軟又有蛋香，食落仲有微微清甜，明太子同蛋好配合!牛油果吞拿魚刺身辣味沙律($94) ~ 又一"人氣"MENTAI ITEM，我鍾意食牛油果，將辣味明太子撈埋一齊食原來都好夾喎!豆腐燒餅明太沙律醬($78)明太鉄板芝吱雞($68) ~ 熱騰騰上檯，雞件被明太子輕輕包著，頂層係

鱈卵屋係一間專食明太子既餐廳因為男友係明太子既fans所以自從發現左佢之後，就一直話要黎試果日咁岩諗唔到食咩，所以就陪佢去試下喇明太鐵板芝吱雞 $68個名真係無呃人，上枱果時真係吱吱聲雞肉肉質好嫩滑，而且一口一件，夠哂方便面頭既芝士係落左少少明太子所以食落有芝士既奶香，同時有明太子既咸香加埋本來調味唔重既雞肉又真係幾芝/滋味炸明太子多春魚 $55多春魚係男友bbq必食既食物之一所以一見到menu佢就堅持話要點多春魚炸得好好，唔油膩最特別係個粉漿入面加左明太子所以食果時，魚面會有d咸咸地其實個感覺有d似椒鹽，好香口好好食牛油果吞拿魚刺身辣味沙律 $94身為牛油果既死忠粉絲，又點可以唔叫呢個沙律呢牛油果好新鮮，加埋d辣辣地既沙律醬都好夾男友話吞拿魚粒都好新鮮而且個辣味醬令吞拿魚無咁膩明太子上湯蛋卷 $78蛋卷夠厚身，而且見到每一層既紋理中間夾住豐富既明太子醬，正係睇都夠吸引味道方面，雞蛋同明太子既味道好配合最欣賞既係店家係蛋卷入面落左蔥花D蔥花真係令成件事提升三文魚併油甘魚鱈卵碗 $138男友報告剌身十分新鮮飯混和左明太子醬，所以食既時候係咸咸地明太子中和左肥美既剌身，就好似係另一種was

銅鑼灣不嬲都多樓上好野食，今次難得有人推介，當然一齊食好西啦一入店就覺得師傅好有禮貌，環境好適合同朋友聚會仲考慮緊有咩好食嘅時候，朋友已經叫咗個3文魚3食嘆下先!1食係剌身款，新鮮又肥味!2食有啲似撈咗蟹子or明太子嘅做法!另到食落去唔會太膩呢個火灸嘅食法暖暖地，有暖綿綿嘅口感友人話呢度係主打明太子，所以叫咗呢個店內推介款 - 牡蠣芝士鐵版明太奶油醬!大大隻嘅牡蠣食落無比鮮甜，明太子配上奶油原來可以噤好食，明太子令個奶油醬一啲都唔膩，忍唔住飲咗幾啖去到日本餐廳，當然要一試專長 - 明太子蛋卷啦，蛋卷上枱熱辣辣但食落都仲keep住啲蛋汁，蛋味濃又唔會搶咗明太子嘅味道而且俾明太子嘅份量都好多，絕對係一定唔可以miss嘅一道小食加埋啲蘿蔔蓉仲清新呢期新嘅櫻花梳打特飲，味道有小小淡呢個係本身因為好奇而叫嘅明太鐵板吱芝雞，有啲想試下日本餐廳會點煮韓國菜，一試，沒有預期嘅韓國style，保留了日本嘅特色，雞肉嫩滑，配上咸咸地嘅明太子同芝士，好下酒，呢個亦係被清碟最快嘅一道明太汁燒雞翼處理得好好，唔會太油同乾，食落好食又無罪惡感最後仲叫咗個燒魚鮫，魚油味超濃，完全無多一滴嘅食用油，食材好，手藝好，點

岩岩四月頭去完九州旅行，其中一站係福岡，福岡有好多當地特產，其中最出名既一定係明太子。係當地會見到好多賣明太子既專門店，同好多限定既零食，手信都會加入明太子。我同Mr.No都幾鐘意食ga，所以返香港之後就搵到銅鑼灣有間專門食明太子既餐廳，懷緬下，當自己仲係日本啦。餐廳入面有捐款箱，為熊本地震籌款。10pm後有任飲放題，$298可以有90分鐘任飲，估唔到呢間餐廳星期一至六係開到凌晨三點，鐘意食日本菜同飲返兩杯既你可以黎幫襯下！餐廳地方唔算太大，裝修簡潔乾淨。鐘意佢地每份既餐具隔離都會有一朵小櫻花。炸薯條點明太子惹味汁 $48 岩岩炸好熱辣辣既薯條雖然有d熱氣，但油溫控制得好，外脆內軟先係最好食，粗幼又岩岩好，點埋混合左明太子既沙律醬，好滋味，真係一條接一條，停唔到口。明太鐵板芝吱雞 $68上枱鐵板熱辣辣，吱吱聲響，雞肉粒上有薄薄一層芝士包住，芝士入面有少少明太子，明太子味唔太重，咸咸地加埋芝士味唔會好漏，雞肉都算嫩滑，除左雞肉仲有薯仔粒。魷魚明醬 $38除左明太子，仲有d味噌mix埋醃d魷魚，咸鮮味好濃，少少辣，送啤酒就岩哂，唔想咁濃味，可以配青瓜食中和下。牛油果吞拿魚刺身辣味沙律 $9

去完日本旅行依然念念不忘日本美食 咁岩上網見到銅記有間明太子專門店 -鱈卵屋 抱住試一試既心態 希望搵返多少日本既感覺 咁就成為我人生一段永不磨滅既記憶餐廳係簡約風格 有一種日本家庭式的感覺 除左餐飲外 更會有明太子的產品 供客人購買 非常有心思講到明明太子專門店 食品當然會有明太子係入面 先叫左碟小食薯條加明太子醬 好似普通野喎 樓下M 字頭快餐店日日都食 如果你咁諗 我只能夠講一句 「少年 你還太年輕了！」曾幾何時 我都以為M記薯條加茄汁 係一對冇得輸既組合 有呢個諗法 証明我都好年輕 試完呢個薯條加明太子醬後 絕對會改變你對薯條既概念 明太子醬同薯條既合體 脆中帶甜既味道 我認為已經非筆墨所能形容 簡直就好似李白既詩一樣 渾然天成 毫無半點缺點 再黎係明太子蛋捲 由於太多人叫呢道菜 所以我必須點一點試下 結果都沒有失望 明太子同蛋 從來都係合拍既夥伴 驟眼睇 會以為只有簡單一層蛋卷 但細心睇會發覺有多層蛋層 可見廚師要逐層逐層咁做 非常細心 絕對值得一讚 每一層都布滿明太子 食落去非常嫩滑 充滿蛋香同明太子香 絕對繞樑三日跟住食既係多士 由於我個人比較貪心 所以一次叫左兩款味

如果你係明太子迷嘅話就一定要黎試下呢間係銅鑼灣嘅日本餐廳因為你會見到成個餐牌都係明太子今日就同個朋友上咗黎食明太汁燒雞翼 $65首先叫咗有個前菜係明太汁燒雞翼真係夠特別 我諗出面都好難食得到食起上黎好野味 啲雞翼好入味配埋檸檬汁總和下 個味道就更加正！鬆軟明太子上灌湯蛋卷 $78然後就到小食嘅環節啦見到呢個蛋卷真係認唔到好想快啲食入面啲餡係明太子 而且啲蛋溝咗啲蔥落去整顯得格外香蛋卷口感都拿捏得適中 較為嫩滑牛油果吞拿魚刺身辣味沙律 $94呢個沙律呢 係就係好食 但係個價錢有啲貴而且入面啲吞拿魚刺身份量都唔多 性價比偏低但係味道上面 吞拿魚刺身同牛油果配合得好好火炙三文魚鱈卵碗 $138之後到主菜啦 就係本店最出名嘅鱈卵碗有好多刺身選擇 最後我揀咗火炙三文魚我貪佢火炙三文魚比起鮮三文魚多咗陣香味啲三文魚都算新鮮 成兜野撈埋一起食真係好幸福三文魚山葵明太 $68點解突然間又呢個呢 因為我地一早叫咗但係原來我地食完主菜先上其實係三文魚刺身加埋明太子同山葵撈埋一齊個味道好工鼻 而且明太子應該落得太多 搞到少少偏鹹明太子同山葵嘅味道有啲搶曬三文魚嘅味道 完全食唔出三文魚嘅鮮味 呢個感覺配合得唔

去完日本，對明太子料理念念不忘，竟然比我搵到香港都有明太子料理專門店，仲要係福岡明太子名店 fukuya 既海外分店，御用日本大廚，明太子迷既我一定黎食 店鋪環境簡約，好有日式家庭餐廳既風味，明太子迷和日式愛好者必到！非常有創意同心思 明太子上湯蛋卷仔細會見到多塊薄如紙既蛋層，蛋面上加上小許蔥花，可見大廚非常用心，蛋香味勁濃郁，配合埋醬爆鮮味十足既明太子，口感非常豐富！必食 明太子汁雞翼另一必食推介，雞翼雖然是單骨細細件，但金黃色脆卜卜既皮，雞肉滑嫩多汁，再配合淡淡既明太子汁，微微辣味，非常香口入味！食唔停口 ，必叫！（個人感覺有d似杜如風介紹日本果間雞翼既口味）蜂蜜檸檬乳酸熱飲，蜂蜜味勁重，甜甜的配合小小既乳酸味，感覺好潤好健康 魚乾仔明太和風醬烏冬日式烏冬非常彈牙，混合埋魚乾仔既魚香味同粒粒明太子既咸香味，整體感覺好清新好夾，但如果醬汁濃d會更好味！多士拼盤較為失望既一道小食，明太子多士味道唔夠濃，比較單調！個人認為蒜香多士較為好食，好香蒜香味，但同出面既蒜容包味道差唔多！pancake 雪糕豆沙餅熱辣辣，估唔到銅鑼燒入面有夾心，甜甜地（似焦糖味？唔太肯定 ），加埋香濃奶味

其實不嬲都好中意食明太子近期發現左原來銅鑼灣有一間係專食明太子既店即刻約左朋友去食下~~~先黎一啲小食先明太子汁燒雞翼(5件) $65每件其實只係半隻雞翼但成隻雞翼都係比明太子包圍住中意明太子一定會覺得好幸福明太鐵板芝吱雞 $68依個明太子味冇咁重除左有雞仲有薯仔都幾飽肚架!豆腐燒餅明太沙律醬 $78依個感覺好似大判燒咁但其實係豆腐整架!如果唔講真係食唔出熱辣辣食既時候都幾正架~.~三文魚山葵明太 $68依個山葵味好重加甘明太子 有少少重口味我朋友就話覺得太咸鬆軟明太子上灌湯蛋卷 $78差唔多每枱人都有叫蛋卷中間有大量明太子~.~唔算好咸 都幾好味依個名物三文魚鱈魚碗 $138其實依碗就係三文魚加上明太子加上飯另外其實仲有其他款既魚生簡份量唔算太大 如果諗住剩係食一碗應該就唔會覺得飽架啦同埋如果撈唔暈啲明太子就可能會太咸餐廳menu有建議食法建議第一碗就咁食第二碗加上佢提供既配料(有黑芝麻 白芝麻 紫菜 wasabi..)而最後一碗就加上上湯就會變左好似茶漬飯咁樣~最後仲叫左啲SAKE飲餐廳好細心會介紹番依隻係咩SAKE仲會話妳知依隻SAKE有咩特點依間餐廳真係所有都同明太子有關我諗我

鱈卵屋係一間專食明太子既日式餐廳😍😍。明太子上灌湯蛋卷 (7/10) ($78)呢個蛋卷係鱈卵屋既招牌作。蛋卷係由幾層加上蔥，😙上湯同蛋漿既蛋層組成，好考師傅既功夫，幾層蛋層合拼就成為一個蛋卷。蛋卷包住極澎湃既明太子🐠，明太子🐠唔腥，微微辣，好正。蛋味亦夠香濃。鍾意明太子既朋友絕對要黎試😍。鱈卵碗(7.5/10)($138-$168)鱈卵碗即係明太子選配唔同魚生，加埋蛋絲🐣，係鱈卵屋另一名物。魚生選擇幾多，例如三文魚🐟，油甘魚🐠，火炙三文魚🐟，三文魚子，吞拿魚🐋，鰻魚等等，價錢各有不同。個人覺得鱈卵碗係必食之選。食法亦都有三種，非常新鮮。第一個食法就係將飯均勻攪拌後就咁食😍，就咁食鱈卵碗食材既鮮味。第二食法就加埋調味料😛，例如蔥，紫菜，wasabi等。 第三食法就加埋鱈卵屋特製既鏗魚湯😍，類似茶漬飯咁，湯真係非常鮮味，好食！野菜肉卷拼盤(6.5/10)($98)鱈卵屋除左得明太子外，仲有呢個拼盤。拼盤上既食物調味料都只係落左少少，為既就係食出食物既鮮味。野菜肉卷拼盤上有蘆筍，羊角豆，粟米仔，蕃茄，金菇，每樣各兩件，即係總共十串，每串都包住切薄切既鹿兒島既豚肉。食落味道比較偏淡，可能係之

不知你明唔明白小確幸的意思，大約你也會聽過小確幸這個名詞。雖然這不是一個好新的字，但這等如英文的TGIF，LOL，中文的古早味一般，如果平時睇書不是太多，對文字不是十分敏感又不求甚解的人，大約就是會不明白。用我自己的文字來說，小確幸，就是生命中一些小事，然這些小事卻叫你非常幸福。今晚和朋友又來到了這裡，還記得上次來的時候，和帶我去皇仁的lady m歡送同事E，佢俾我嘅條件，係食日本野但唔食生野，因為lady m不吃刺身。在Openrice 看了又看，發現了這間以明太子為主角的鱈卵屋。說真以明太子為主角的餐廳，香港真的少之又少。那天晚上的回憶，太久遠了，但感覺非常不錯，至少同事吃得都算快樂，特別是三位女孩都細食，佢碟碟餸都是精美小巧，絕對適合那些櫻桃小嘴的女士。那天吃著簡單的小吃，有說有笑就是生活的小幸福。還記得當時這間店應該是新開，主力吃明太子這個唔係人人喜歡的食物當然不是會像綠茶甜品般受歡迎，那個店員還問我點找到這裡，然後我說，也是拜開飯網的能力吧，我也是用最簡單的尋找方法。這天晚上，開完會和朋友飲野食野，我提議了這個地方。可能有很多人都發現了這裡的小確幸，今晚人流顯然多了，可惜我工

這個晚上，友人帶我到專吃明太子的餐廳吃晚飯。餐廳位於銅鑼灣sogo旁，十分好找。我們先點了清酒三味，它分了了種口味，由淡至濃，有偏果香和花香，蠻易入口。清酒三味 ＄58小食方面，我們點了明太子雞翼，牛油果卷及明太子上灌湯蛋卷。明太子雞翼 ＄58雞肉嫩滑，皮煎得香口，但仍能保持肉汁！唯明太子的味道不夠。牛油果卷一般，可能不是明太子的關係。明太子上灌湯蛋卷 ＄78軟綿綿的蛋卷口感配上粒粒分明的明太子，少許咸的明太子配以沒有味道的蛋卷，放入口茲味非常。主食方面則點了火炙三文魚拼油甘魚鱈魚碗和野菜肉卷拼盤。火炙三文魚拼油甘魚鱈魚碗＄138這裏的鱈魚碗有3種食法。第一種是把既有的配料攪勻，這是最清新的一種吃法，吃到食材的鮮味。第二種是把附上的配料加進一起攪拌，這時的味道會變得濃一些，口感更為豐富。第三種是加入茶吃，變成湯飯的感覺。我個人最愛我第二種吃法，把火炙三文魚，油甘魚，明太子以及紫菜，芝麻等配料一起拌勻，不但吃到油甘魚和明太子的鮮味，更能吃出食物的美味。野菜肉卷拼盤 ＄98燒的香口，肉汁juicy，但每款只有一串略為不夠喉。最後甜品我們點了櫻花味雪糕。櫻花味雪糕 ＄38雪糕味道牛奶味重，只

向來特別喜歡日本料理，之前有朋友介紹這食店給我，一聽見已感覺很有趣，急不及待想來嘗試。因這間日本餐廳與別不同，不是以壽司、刺身和拉麵作主打，而是另有主角─「明太子」。先來一個前菜，就是明太子薯仔沙律，薯仔不是一舊舊的，是打溶了，吃下去每一啖都有綿綿的感覺。再加上明太子微辣的味道，感覺挺開胃的。想不到明太子的辣與沙律原來可以這麼夾。下一道是明太汁燒雞翼，餐廳好細心，將雞翼一分為二，讓客人能吃雞翼也吃得很有儀態。至於味道方面則不太特別，感覺似是微微辣的雞翼而已，沒有吃到明太子味。接下來這個是明太鐵板芝吱雞，很有趣的名字。原來是一碟鐵板雞肉上面淋滿了芝士醬。雞肉嫩滑多汁，每一件都是熱辣辣的，沾滿芝士的雞肉份外美味，除雞肉外，鐵板上還有少量薯仔粒呢。南蠻炸雞，必吃！雖然這道菜跟明太子沒有什麼關係，但很喜歡旁邊搭配的旦沙律，無論伴著炸雞一起吃或是單吃，都令人回味無窮。名為Kitty的Cocktail，入口甜甜的，酒味不太濃，很適合女士呢！甜品是這個極品的蕃薯，個人非常欣賞這味甜品。整個蕃薯完全就是蕃薯的味度，沒有其他食材添加了進去。而口感則像糕狀一般，軟軟的滑滑的，吃了一客還不夠呢，差點就忍不住