鱈卵屋 (已結業)

經朋友介紹必食既明太子專門店Tararan-ya 可能係期望過高 試過之後有少少失望😥店內四周環境整潔 人流唔多 所以感覺幾舒服 幾安靜👍🏻但食物比預期中冇咁好味 服務員都係主要係門口傾計 比較少留意客人需要三文魚鱈卵碗 份量正常 但味道偏淡同埋偏貴 性價比頗低…ดูเพิ่มเติม

明太子喺我嘅至愛！因為呢間餐廳主打明太子所以一定要一試呀 原本以為餐廳會喺居酒居咁嘅樣，但去到完全係西餐廳嘅感覺。明太子多士香脆牛油少許蒜蓉焗多士，兩個口味差唔多，好香口！南蠻炸雞雖然佢係炸，不過一啲都唔熱氣，亦唔會淋。味道酸酸地，幾惹味鐵板牛肉配香蒜辣椒明太汁 香蒜的味道很濃，倒是不覺得辣～牛肉的脂肪稍微多了點 避開那些脂肪的話，肉質來說是頗嫩口。西蘭花只用熱水燙過，有草青的味道，唔錯，值得品嘗这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民…ดูเพิ่มเติม

本身見呢間餐廳地點方便，價錢正路日本菜既價，一入到黎餐廳，居然全場無客，又冇人主動serve 我，要叫幾次唔該先等到店員出嚟，用餐過程都聽到服務員成日掛住傾計，嘢食出到嚟完全唔符合預期，個碟十萬分之細，個味又唔係好好食，性價比實在太低。叫咗個明太子蛋卷，個蛋腥味太重，芝士雞冇咩特別，算不上唔好食，又算不上好食，唯一好食少少嘅係牡犡奶油，但都係得個汁叫做好味。。。而且重點係三樣嘢食裏面冇乜見到明太子。。。…ดูเพิ่มเติม

食物質素方面， 個明太子忌廉撈烏冬唔好食。其他的還可以吧。但重點係服務態度很差！！我地坐bar枱對出，有個職員係bar枱倒瀉樽水（玻璃樽，倒到成地都係水，d水彈到我對腳濕左，好彩玻璃碎冇彈出黎，同埋我背脊同個袋好彩冇濕到。 但已經嚇親，個職員冇向我地道歉....好冇禮貌...另外，我地叫左要四杯水四次都冇人比我地，到第四次就不停話忙緊轉頭比，叫第五次先比...整體來說，感覺職員唔尊重客人...令人好失望.應該唔會再黎呢間餐廳..…ดูเพิ่มเติม

食物-炸雞：唔脆唔香，似微波爐叮熱明太子玉子燒：蛋熟到透無蛋汁，只有甜味明太子撈烏冬：明太子少到呢，不過唔平㗎明太子茶泡飯：索價過百，不過湯無鮮味，明太子味唔出，靠wasabi吊味明太子燒年糕：明太子都係少得可憐，靠芝士同粟米粒襯托出明太子少少咸味除咗茶泡飯個湯，同埋熱鍋上嘅燒年糕係熱嘅，其他都係好快涼，真係唔似即場煮。只不過香港真係無明太子專門店，所以想食明太子只可以被迫幫襯。服務-300蚊人均消費，水都無杯，味千服務水平…ดูเพิ่มเติม

幾個女仔聚會 但又唔知食咩好 朋友介紹下嚟咗鱈卵屋😉呢間專食明太子嘅餐廳🤪😛又有酒又有好多無酒精嘅飲品嗰日去到唔多人又幾好坐😺有勁多明太子嘅食物 大多都好唔錯😂啲嘢食好食 同啲嘢飲都好唔錯 尤其啲sake 易入口又啱女仔飲 本身想追加嚟飲但我酒量廢就算嚕😂唔飲得 淨食嘢都正 啲明太子都好新鮮 😺😺全部都好食喎 尤其係個薯條同卷蛋女仔聚會一流嘅餐廳如果唔飲得嘅 都可以飲佢啲無酒精嘅嘢飲😺推介大家可以去試下🥰🤪…ดูเพิ่มเติม

作為日本美食fans嘅我，當然都會好鍾意食明太子，雖然有人會覺得好咸，但我自己覺得撈飯就岩岩好，所以我都幾鍾意黎呢間以明太子做主打嘅餐廳。每次上黎都總會有日本人喺附近，所以好有去左日本嘅感覺。前菜 - 魷魚明醬 ($38)第一碟前菜係免費嘅，就咁食就有少少咸，用黎配飯就岩岩好。不過我鍾意食咸，所以反而覺得好惹味。之不過佢勁細碟...燒明太子 ($128)就咁食有d咸，都係送飯嘅佳品。因為燒過，所以食落會更香明太子軟綿上湯蛋卷 ($82)可能因為係上湯嘅關係，蛋味比較淡，不過配返濃味嘅明太子，味道適中。南蠻炸雞 ($79)雖然佢係炸，不過一啲都唔熱氣，亦唔會淋。味道酸酸地，幾惹味明太香蒜辣椒醬烏東 ($119)呢個係全晚我最喜歡嘅，雖然賣相有d乾，一pat pat咁，但其實食落一啲都唔乾，仲好煙韌彈牙 。味道唔算辣，不過如果再多d明太子就好喇！鱈卵碗 三文魚 ($148) - 新鮮有口感油甘魚 ($148) - 味道不錯三文魚子 ($169) - 唔腥，撈飯最正👍🏻鰻魚 - 乾同韌，不太推薦…ดูเพิ่มเติม

對日本不嬲都情有獨鍾，對明太子更加係一見鐘情💕星期五放工同朋友Happy Friday, 唔洗諗，就一於試下啦！店鋪位置十分方便，一出地鐵站行兩分鐘就到。店鋪面積需要唔大，細細間但好企理，坐得好舒服，好岩兩個女仔相約談心☺️野食方面，所有食物都好精緻，而且味道都好好，唔會太漏，又好新鮮👍🏻當晚我地叫左：1. 明太子蛋卷 - 蛋皮煮得岩岩好，好滑好嫩，淡香的蛋味配上明太子，絕配！必食首選2. 明太子烏冬- 簡單好味！明太子撈稻庭烏冬，雖然簡單，但食得出明太子鮮味！3.鱈卵碗- 精緻細膩，有層次的食法！唔同一般的魚生飯，配料新鮮，仲有配上上湯，將最後一碗配上上湯一齊食，又有另一番口味　…ดูเพิ่มเติม

銅鑼灣日本餐 打開餐牌 大量明太子食物如果你本身好鐘意食你真係會上癮店面幾新 第一次黎食 吾知佢開左幾耐呢明太子蛋卷 可沾醬食 中間明太子份量好足蛋卷亦好熱 好滑 明太子吾會腥推介既蒜蓉包 另外個件係明太子多士幾特別 未試過e個配搭 咸咸明太子醬配脆多如果下次黎 我應該會要曬4件都係明太子鳥冬 睇落吾多 實質食落份量吾少雖然睇落好簡單但正正簡單先試得出料是否新鮮同味道簡單配搭更食得出明太子鮮味而且2者都好夾不過鳥冬稍為黏 有少少難夾…ดูเพิ่มเติม

壽司、拉麵等都有專門店，原來連日本明太子都有專門店的喔說的就是位於銅鑼灣的 - 「 鱈卵屋 」既然是明太子專門店嘛~當然差不多所有的料理都會用上明太子由西式到和式料理，連鍋物也有喔 還有明太子任食放題的組合～店內亦有提供明太子的香辛料可以買回家先點了 - 明太芝士 ($48)濃厚的芝士加上微辣的明太子，是頗有口感的餐前小食鐵板牛肉 ($98) 配香蒜辣椒明太汁 香蒜的味道很濃，倒是不覺得辣～牛肉的脂肪稍微多了點 避開那些脂肪的話，肉質來說是頗嫩口。西蘭花只用熱水燙過，有草青的味道 ... 明太子軟綿上湯蛋卷 ($82)軟滑的蛋包著鹹香的明太子，咬下去亦有著滿溢的蛋汁和上湯的味道鱈卵屋多士拼盤 ($48) - 多士雖然很香脆 ... 但焗得有點太燶了香蒜味不錯，但我較喜歡的是紫蘇明太子口味！除了明太子和紫蘇外，還加上小魚干～味道明顯更為豐富喔Jr. 鱈卵碗．火炙三文魚拼火炙油甘魚 ($99/半份)這個鱈卵碗有三種的吃法，而且有半份的可選擇～那就不怕吃全份會太飽喲第一種吃法當然是直接吃用吧！加上明太子讓整個飯變得惹味第二種吃法則是加入調味料～有Wasabi、黑白芝麻等可按自己喜好添加第三種吃法則是加入上湯～變成茶漬湯飯當飯吸收了高湯的精華，吃起來更為香甜～加上Wasabi的話剛好平衡了一下，所以我更喜歡最尾的吃法，三文魚和油甘魚也很肥美呢最後還點了 - 滿滿的明太子 鱈卵鍋 ($178)這鍋有雞肉、豚肉、豆腐、蝦和一堆蔬菜等～雖然加了明太子，其實都是偏淡味。不過菜本身帶著甜味，所以愈煮愈甜倒是頗不錯 …ดูเพิ่มเติม

星期日晚一行四人為左明太子放題所以泥試。因為上網見到啲人話佢地個鋪唔大,所以就早兩日預左book左位。$110明太子放題加可以食五碗飯,但要另外每人叫一個主食同野飲。明太子撈飯真心正,可以唔洗就住食,四個平時唔好飯嘅女仔每人都食左兩碗飯。朋友話如果有得簡撈烏冬嘅話佢應該可以再食多碗佢個明太子蛋卷同薯條都唔錯,幾好食。最後埋單平均$250一個人,以星期日晚銅鑼灣泥講,重要有明太子任食算係可以接受。…ดูเพิ่มเติม

話說前一晚，😌抱住好想食燒明太子嘅心去左尖沙咀某日本餐廳食飯💔點知人地改左Menu，無得食，我份人好犯賤，無個樣就愈想食個樣😅好彩第二日下午有啲啲時間，即刻上網睇邊度有明太子食，以一了我明太子既心願上網睇佢開3點，我3:30左右入到去，無人，唔係無客，係連職員到無😑咁古怪既，啲貨又放係門口，唔怕俾人偷咩。等左一陣終於有職員帶我地坐低，坐落有啲好奇怪的感覺，周圍望下，原來隔離臺底有2對鞋，相信係佢地員工既鞋，可能中場休息/之前放工除低左😅算啦唔關我事。可能因為下午茶時段（但上網唔見佢有分下午茶時段/晚餐時段），無咩俾我揀😔同上網睇好大出入，有啲失望，而且都唔平，而且可能因為下午茶關係，份量亦較少。個烏冬好味，咸咸地辣辣地，烏冬煮得煙韌彈牙，👍🏻👍🏻一般雞翼，食唔出明太子係邊喎，幾十蚊得4件單骨雞翼，好貴姐😂多士焗得鬆脆，唔會太硬，放左一陣唔會變軟，同明太子夾得好好。兩件原味唔錯，但另外兩件似係香草/紫蘇葉味，唔岩我食😑但我男朋友就話好香好特別另外仲買左啲明太子返屋企，職員都好細心問定會唔會再行街，擔心天氣太熱明太子會頂唔順😂😂希望下次黎食晚餐，唔會再有失望，我真好鐘意食明太子架🙂…ดูเพิ่มเติม

呢間想試好耐但一空都冇的起心肝去食，今次終於試到，不過有少少失望。幾乎所有菜式都有加明太子落去，但大部份都發揮唔到明太子嘅特性，甚至係可有可無。最好食而又最發揮到明太子嘅係個蛋卷，質感嫩滑嘅玉子燒包住香口嘅明太子實在一流。另一個好好食嘅係完全唔關明太子事嘅醋漬鯖魚糕，醋鯖魚刺身加彈牙嘅魚糕，鐘意食醋鯖魚嘅一定會鐘意呢個✨至於沙律雞翼烏冬鐵板豚肉呢啲菜色，其實就算冇加明太子都冇乜所謂，味道影響唔大，又或者加明太子其實只係為咗加多幾十蚊？畢竟五隻單骨雞翼賣成七十蚊應該會俾人鬧死😂最吸晴應該係個名物鱈卵碗三食，除咗明太子竹筍粒同蛋絲之外仲可以自選魚生，我就揀咗三文魚拼油甘魚。三食係包括就咁當魚生飯食，然後加配料食，最後加上湯做茶漬飯，不過個上湯味道其實幾淡，所以我都係比較鍾意頭兩個食法多啲😗仲有如果叫花茶可以無限加水refill抵飲過其他嘢好多。話說當晚餐廳炸爐壞咗所以啲炸嘢都試唔到，可能炸嘢會同明太子夾啲啦。仲有其實依家電腦開咗起碼四五年，但一啲都唔似老字號應有嘅感覺，入面啲待應好似快餐廳啲新手咁，又冇乜服務，就算我係明太子fans都覺得呢間野試一次就算😌…ดูเพิ่มเติม

說起高質素於銅鑼灣的日式餐廳，鱈卵屋當然是其中一間。今天晚上，跟朋友又去了鱈卵屋再吃各款明太子美食。[環境點評]餐廳面積不大，桌子與桌子間的距離很近，但環境整潔、企理。[服務點評]服務不錯，員工要做的也有做到，而員工說話有禮，要是必須找地方去挑剔的話，只可說上菜速度較慢，需時約20分鐘。但我認為要為是次晚餐的食物質素去等15分鐘是絕對值得的。[食物點評]我們這次點了明太子蛋捲、明太汁燒雞翼、罐頭吞拿魚 x 明太蛋黃醬配麵包及明太香蒜辣醬烏冬。先談明太子蛋捲，蛋捲雞蛋味濃郁，且軟滑，內裡包入明太子，味道十分配合，而明太子味不太鹹，且有微鹹香，不會有腥臭味，故好評🐠而明太汁燒雞翼也屬推薦之一，雞翼燒得恰到好處，雖明太子味不突出，但帶微辣，故我和朋友也吃得津津有味😋把罐頭吞拿魚 x 明太蛋黃醬直接淘上麵包上，以為吞拿魚醬會把明太子味完全搶去，但仍吃到淡淡明太子的鮮味。把醬塗到麵包上，比直接一匙吃該醬更好吃！而且我們把吃剩的醬用作配白飯也是一流🤭最後，明太香蒜辣醬烏冬，味道有點辣，而辣味不會搶去明太子味，使同一時間也會吃到兩個味道，而且明太子量也不少，故想吃一點飽肚的食物，仍可一選🍝…ดูเพิ่มเติม

好開心呀，又黎呢間明太子餐廳，次次黎水準一致！當日上午Book晚上黎食，幸運地有位，黎到見到有10位日本人book左長枱聚餐，可見呢間餐廳味道好合地道日本人心意。餐廳唔大既，中間有個位置賣明太子類食品，一路食一路睇都覺得幾吸引嫁。［明太子卷蛋］一貫咁美味，軟軟滑滑好juicy, 淡味既蛋配咸味嘅明太子，非常之夾。［明太子多士］香脆牛油少許蒜蓉焗多士，兩個口味差唔多，好香口！［明太子鰻魚飯三吃］第一種食法就咁食，第二種食法係加入白芝麻、黑芝麻、紫菜、芥末等撈黎食，都相當之香。第三種食法係加淡淡嘅湯好似茶漬咁加落去食，都好好味。埋單Total $329，非常抵食呀，兩個小食加一個魚生飯，服務又好，下次會再黎！值得一提係鱈卵屋嘅洗手間，真係超級乾淨香噴噴仲佈置得舒服過屋企嘅洗手間！…ดูเพิ่มเติม