鰻工房 (已搬遷) 新店位置

試左2款鰻魚丼1. 蒲燒鰻魚丼佢係平時做日本壽司嗰種燒汁鰻魚，不錯。可能只賣$68的關係，得兩件鰻魚，勉強可以送到飯，如果可以多一件就會滿足好多。2. (白燒)生燒鰻魚丼一分錢一分貨，鰻魚份量比前者多，大約有八件。白燒即是鹽燒，咸咸地，但鰻魚肉質則較彈牙，爽口，亦比較鮮味。當然，滿足度更勝前者。見店舖單張，有建議第2種食法，鰻魚茶潰飯。當食剩1/3鰻魚丼便可向店員索取昆布高湯，再隨意加入芝麻及紫菜，即成。美中不足的是店員給我們的高湯是冷冷的，感覺怪怪的 🤨 誰不知食完之後見到店員遞給隔離枱的高湯卻是熱到出煙... 如果高湯夠熱，茶潰飯應該會幾好食的。

素來是鰻魚愛好者的我 一見專賣鰻魚既地方當然唔會錯過最近面書雜誌經常見到佢既廣告 就係知名拉麵舖「數字蘭」既附近去到岩岩唔好彩坐滿人 小小店舖四張檯 老老實實 容量極低坐滿都不過16人乖乖係門口排隊 朋友七點左右到，七點半左右就可以入坐坐低無耐，店員好主動埋黎介紹餐牌👍🏻揀左個二重丼，加30蚊套餐試埋個鰻魚肝白貝湯🤤🤤肚餓既人特別無耐性！好餓呀！掉轉頭 赫然發現「嘩！原來即叫即燒架😱」後面師傅密密燒😍😍終於幾經辛苦等到佢黎馬上打卡唔多講開動啦！鰻魚夠厚身肥美 火候唔錯 但略嫌差少少香味穴子 （砌成花個個） 店員返類似細條既鰻魚略腥 口感個人認為一般。都係鰻魚好食d😆鰻魚干白貝湯 可能鰻魚肝真係唔多 一碗只有一粒同少量昆布 鮮鮮甜甜都幾好飲食到差唔多可以問店員拎湯做菜漬飯加紫菜同芝麻，強烈建議加wasabi!似係手磨新鮮既！加左超好食！馬上唔同晒！（利申：本人大愛wasabi “朋友食芝士鰻魚 比想像中有驚喜 係諗過係焗😯配搭幾新穎 但個人死板派，都係傳統風味得我心❤️附帶一提 可加少少山椒粉 又係另一種風味😋😋紫菜、芝麻，七味粉、山椒粉通通放左係側邊自行處理😏除左慢左少少同運動仲有少少混

每次經過門口都好多人等位，店內裝潢充滿日式風格🥺🥺餐廳有各種鰻魚飯選擇，我地揀左最傳統的鰻魚丼同生燒鰻魚飯，可以加$30轉套餐有味增湯、半熟蛋及玄米茶。生燒鰻魚丼😍😍😍店員推介的生鰻魚，鰻魚用鹽燒肉質最結實彈牙而且鰻魚皮燒得略脆，內裡保留住鰻魚肉汁，鮮味較蒲燒突出👍👍蒲燒鰻魚丼 燒烤時間同火候控制恰當，鰻魚帶有陣陣炭燒香味，聞到都令人食指大動。鰻魚油脂分布平均，食落魚油香濃，肉質嫩滑，加埋微甜的醬汁一齊食好開胃，望到已經流哂口水。當鰻魚剩下三份一便可向店員索取分昆布高湯，變成熱辣辣的鰻魚茶漬飯。餐廳鰻魚飯的價格親民，而且質素不錯，下次都會再嚟試下其他款式的鰻魚丼飯🙌🏽😃👍👍

我愛吃鰻魚，中式的食法無論是蒜子炆或豉汁蒸，都是我喜歡。日本的蒲燒鰻魚，我亦不會放過。今午來到銅鑼灣謝斐道一間新開的鰻魚專門店。此店地方不大，最多可容納16人，但裝修簡約，甚有和風氣息。看過餐牌後，點了兩客原條蒲燒鰻魚丼定食。泡出來的溫泉蛋晶凝通透，蛋白像豆腐花般嫩滑，蛋黃半生熟，軟滑流心，淋上稀䆁過的醬油，十分好吃。味噌湯除了用昆布、魚乾和味噌，還加入鰻魚肝臟泡製而成，味道鮮甜可口。原條蒲燒鰻魚新鮮肥美，鰻魚燒至皮脆肉香，色香味俱全，師傅的功架了得。兩人合共$256，享受美味的一個鰻魚午餐，順帶一提，我們埋單後踏出門外，已有十多人排隊輪候，相信此店口碑不錯。

以前真係好鍾意食鰻魚飯，但自從鰻魚價格不斷上升，我嘅食慾亦隨之而下降。今次朋友極力推介，一於去試吓啦。我哋叫咗原條蒲燒鰻魚丼，食原條真係有啲罪惡感，但$98又真係唔貴喎，鰻魚燒出黎陣陣炭燒味，已經香到流晒口水，肉原肥美，啖啖肉，爽，飯加入蛋絲同調味，淨食淨都好正！佢地仲第二種食法，剩返三分一飯，然後問職員攞碗昆布湯，將飯加入湯入面，再加芝麻同紫菜絲，咁就係茶漬飯，湯飯都好好味，軟下口又唔同感覺。老公叫左二重鰻魚丼，有穴子，再加$30做set. 鰻魚肝白貝湯超甜超好飲，推介。

在網上看到銅鑼灣開了一間鰻魚專賣店，作為鰻魚愛好者，當然第一時間要來潮聖餐廳在地鐵站幾分鐘的路程，非常好找。在門口已經聞到蒲燒的味道店內位置不多，餐廳內大部分都是日文字，很有日式風味。當天是假日下午三點，都坐無虛席，旁邊也有日本人來光顧餐牌內全都是鰻魚！加$30 可以升級套餐，有溫泉蛋鹹菜和湯小店即叫即整，大概十分鐘便上菜原條蒲燒鰻魚丼 - 鰻魚有三大舊，加了套餐有半熟溫泉蛋，混在米飯吃有幸福的感覺主角鰻魚一點魚骨和腥味也沒有！ 而且鰻魚都是厚切，配上鰻魚汁加米飯吃真是吃不停口！套餐的鰻魚肝白貝湯一點也不馬虎！第一次吃鰻魚肝，令湯變得鮮甜吃鰻魚飯要保留三分一飯，可以問店員取昆布高湯作茶漬飯吃把飯加入昆布高湯，加上紫菜和白芝麻，一飯二吃有日式風味芝士焗鰻魚飯 - 鰻魚鋪滿了整個飯，加入白濃芝士去焗芝士有拉絲的效果，鰻魚加芝士是非常之夾！這間鰻魚專賣店性價比很高，質素可以媲美在日本的餐廳！絕對值得再來

我們中午12點來到鰻工房,這麼早仍要排隊。見到一條人龍,我們大約等了半小時才可以座。見如此多人排隊,相信一定好食。果然没有令我們失望。見Menu, $68都有蒲燒鰻魚丼, 我以為自己看錯! 真是好抵。我們各人選了人氣的原條蒲燒鰻魚丼。原條蒲燒鰻魚丼有四塊,望落去已經覺得吸引。鰻魚燒得焦香,肉質肥美。其實一個人吃四塊鰻魚真是有點鮑。而飯加了蛋和紫菜,食時口感豐富。吃鰻魚還有另一個吃法,如下,不過我吃完才見到這個二食法。下次來時,試試這個食法。我們額外要了一串燒鰻魚串。剛燒過來,好美味!

鰻工房-日式鰻魚專門店門面以木色作背景襯上一個”鰻”字的招牌，左右兩旁是以日文字寫成的菜式名，木做的趟門內裡是和式的設計，深木色的桌椅配上一樣印上”鰻”字的白帆布，各個細節看出這是一間鰻魚專門店。原條蒲燒鰻魚丼經濟且性價比高的款，以$98的價錢可以有原條的蒲燒鰻魚，鰻魚燒的時間剛好，不會過乾身，而且醬汁滿滿的，沒有半點腥和魚骨的感覺。二重鰻魚丼由鰻魚和穴子而成的丼飯，鰻魚是在河裡生長的；而穴子是在海生長的鰻魚，前者油脂豐富油份夠；而後者肉質腍身且更鮮味，一個丼飯享受兩種不同的鰻魚，是專門店才有的體驗。最後店員提供了另一種食法，就是把一部份的飯留下配合昆布高湯並加入白芝麻和紫菜伴着一起吃，非常日式正宗的感覺。

在銅鑼灣謝斐道有一間鰻魚食店，店內座位不多大約16個座位，不過裝修很有特色，牆上掛上不同寫上日文的餐牌。.鰻魚飯的種類很多，差不多有七種選擇。除了鰻魚飯，這裏也有供應蕎麥面、燒鰻魚串、鰻魚芝士玉子燒，還有比較少見的燒鰻魚乾串呢，除了一般的鰻魚飯當之外，還有已經很久不見的鰻魚飯堡，記得以往有一間快餐店曾經推出rice burger，希望下次再到店舖能夠一上這個rice burger。。原條蒲燒鰻魚丼$98是店員其中一款推介的食物，不過這款萬裕是經過蒸煮的個人反而想一試活鰻丼，因為這個是由生燒成熟的鰻魚，配上白飯和汁燒，令我勾起了在東京旅行的點滴。除了兩款鰻魚飯，如果喜歡芝士的，可以選擇芝士焗鰻魚丼呢$128。經過一輪的選擇困難症發作最後選取了三重鰻魚丼 $198包括：鰻魚 （蒲燒）穴子 （較細條嘅鰻魚，類似黃鱔的）生鰻魚 （鹽燒，較乾身和脆口）。三款鰻魚之中，最好食就係生鰻魚，肉質最結實彈牙而且鰻魚皮燒得略脆穴子都有驚喜，帶點椒麻的感覺。飲品方面，選擇了紀。中野梅酒$48 （160毫升）店員們細心的提醒我，當鰻魚剩下三份一的時候，便可以向店員索取分昆布高湯，可以自行加入炒香的白芝麻和紫菜

香港專食日式料理的餐廳相當多，可是專注於鰻魚一種菜式的卻不多，呢間朋友推介的鰻之屋就係其中一個。店舖位於銅鑼灣的黃金地帶，相對的租金可想而知地高，所以店舖的座位亦不大，大約只能坐10人左右，亦因此，店主可充份照顧每一個客人，結出最好的服務給每一位客人。我們點的是店中的推介原條浦卷鰻魚丼，店主即場在廚房內燒鰻魚，由於店舖面積不大，所以燒鰻魚時的陣陣魚油香氣，很易傳到我們的位置，令人胃口大開。鰻魚油脂分布平均，食落魚油香濃，配上入口即化魚肉，有點焦香的味道，把鰻魚帶到最高境界。結帳時人均大均100元，以此地段而言，簡直時超值。

唔知大家有無聽過「土用丑之日」呢？呢個日子係日本食鰻魚嘅大日子呀！而秋天嘅鰻魚係最肥美嘅季節，所以話鍾意食鰻魚嘅你，真係日日都可以係「土用丑之日」！今日M佬就帶咗我嚟到銅鑼灣嘅鰻工房，一齊去同鰻魚飯拍拖啦。餐廳店面面積雖然唔大，但以日式為設計，好有氣氛。原條蒲燒鰻魚丼鰻魚份量有三大塊，香味十足！而鰻魚嘅肉質好嫩滑，微微嘅焦香味加晒分，而食鰻魚最重要當然係佢嘅鰻魚汁啦，比例啱啱好，好滿足呀。二重鰻魚丼二重鰻魚丼，即係有齊鰻魚同穴子，鰻魚肉質嫩滑，油脂比例啱啱好，而穴子嘅鮮味十足，相對無咁油膩，但就略嫌有些少魚骨。而丼飯加入咗枝豆、雞蛋絲、紫菜同日本魚蛋，好豐富。食到三份之一，記住加入昆布湯，將飯、白芝麻同紫菜加入，頓時成為茶漬飯，一丼二食，夠晒吸引。

香港鰻魚既專門店唔多，俾我搵到呢間鰻魚料理日式小店，性價比高。原條蒲燒鰻魚丼 $98未食已經聞到廚房一大陣香味，棒出黎更加吸晴，鰻魚份量多而且厚肉，表面鋪上醬汁，外皮燒香帶點脆，肉質嫩滑而且唔多骨。二重鰻魚丼 $148呢個係鰻魚加穴子既配搭，我覺得非常match, 而且穴子頗有鮮味又不太油膩。丼飯都好有心思，伴有枝豆，蛋絲同紫菜等，非常惹味。茶漬飯新體驗店員重會俾碗昆布高湯我地，留返3分1既鰻魚飯加入湯中，再加點紫菜同芝麻，又係一種新食法。

新開業餐廳鰻工房，店內主打鰻魚料理。餐廳設計簡約，只有4張枱，有點狹窄。蒲燒鰻魚（河鰻）蒲燒鰻魚是最受歡迎的食法。將鰻魚去骨，再串上竹籤和塗醬汁，燒鰻魚烤至金黃油亮，還帶有焦邊，富油香。白燒鰻魚白燒是不加糖及有顏色的調味料，都只會是一些色澤淡或白色的調味湯汁，而這種烹調方法多用於海鮮或蔬菜類食材。生猛鰻魚（白鱔），灑上少許鹽醃，取出放烤架上烤熱，不會蓋過食材原來鮮味。米飯口感較軟糯黏韌，是鰻魚飯的另一種新吃法

難得今日可以出外走走，逛街後我與閨蜜到了銅鑼灣，品嚐我最喜愛的鰻魚。來到鰻工房，充滿日本小店的味道，裝修簡約，木檯木桌子。店員非常細心，主動介紹餐單及每款食法。先來一個鰻魚芝士玉子燒，一份切開4件，熱辣辣的玉子配上鰻魚，鰻魚份量適中，芝士不會遮蓋鰻魚味道。我與閨蜜分別點了原條蒲燒鰻魚丼及鰻魚蕎麥麵，可以每款試下吧。鰻魚蕎麥麵，蕎麥麵煙韌，奉上蒲燒鰻魚2串，加原條穴子，口感嫩滑。原條蒲燒鰻魚飯，第一食法把蒲燒鰻魚配上蛋絲，蠶豆及鰻魚汁飯，鰻魚燒得香口。店內每張檯都貼上第2款食法，把1/3飯配上高湯，白芝麻，紫菜，製成茶漬飯。兩款食法視乎個人喜好。

是夜港鐵提早關門， 大部份人放工後也歸心似箭，為了身體力行去支持小店，決定去重災區銅鑼灣、謝菲道    有點生不逢時，開業短時間已遇上持續的示威， 真心希望小店可以撐住。 店子雖小只有四張枱，但內裡裝潢很新淨; 牆壁貼滿十分生動的手繪畫，令人不禁會細心看看。 店員也很主動地解釋一下餐牌上的食物， 令人感到很窩心。 我們點了兩份鰻魚餐令人期待萬分的鰻魚套餐放上， 感覺相當豐富。除了主角鰻魚外， 還有  賣相如在日本老店的出品一樣， 至於味道則要試 過先知道。先試了潰物 酸蘿蔔， 很醒胃。 二重鰻魚丼 $148二重分別是   如果你不懂兩重的分別，我可以告訴你 穴子 肉質較軟腍及魚味較為突出 ；而鰻魚經過慢烤後油脂盡現，皮脆肉嫩 、甘香肥美， 兩者各有優點，我個人而言會傾情於焦香的鰻魚 。  日本飯上放上紫菜絲，雞蛋絲和毛豆，無論賣相和口感也豐富。 我想特別一點於是將日本飯和溫泉蛋也一併撈起，令口感更滑溜，軟棉棉好岩食。 以前在名古屋試過鰻魚三吃， 原來這裡也提供鰻魚二吃 ， 客人可以將約1/3 飯的份量和一片鰻魚加入昆布湯變成湯飯， 湯飯可隨意放白芝麻和紫菜絲伴食， 令味道變得更精彩，