鰻工房 (已搬遷) 新店位置

香港鰻魚既專門店唔多，俾我搵到呢間鰻魚料理日式小店，性價比高。原條蒲燒鰻魚丼 $98未食已經聞到廚房一大陣香味，棒出黎更加吸晴，鰻魚份量多而且厚肉，表面鋪上醬汁，外皮燒香帶點脆，肉質嫩滑而且唔多骨。二重鰻魚丼 $148呢個係鰻魚加穴子既配搭，我覺得非常match, 而且穴子頗有鮮味又不太油膩。丼飯都好有心思，伴有枝豆，蛋絲同紫菜等，非常惹味。茶漬飯新體驗店員重會俾碗昆布高湯我地，留返3分1既鰻魚飯加入湯中，再加點紫菜同芝麻，又係一種新食法。