鰻工房 (已搬遷) 新店位置

今日放工與友人經過這一間專食鰻魚飯的餐廳名叫（鰻工房），被他的日式裝修深深吸引着所以就進去了。一進入餐廳就瀰漫着一股很濃厚的燒鰻魚味！非常吸引非常肚餓了！這個是餐牌，鰻魚飯種類很多，有些更可以選擇汁燒或白燒。除了鰻魚飯外，這裏也有供應燒鰻魚串，鰻魚芝士玉子燒等等我和友人都一致選擇了原條蒲燒鰻魚丼$98 這個是大人氣的食物！蒲汁均勻地塗上在鰻魚上，超厚身肥美而這裏的飯也有特色是加上蛋絲紫菜絲同埋豆，口感層次很豐富因為我們都加了$30套餐，所以會有溫泉蛋，鹹菜，鰻魚肝白貝湯，玄米茶(無限添)，非常抵食還有第二個食法就是茶漬飯，當食到三份之一可以叫店長送來熱熱的昆布高湯，再自行加上紫菜和芝麻變成另一個食法！總結，在香港很少食到咁有質素的鰻魚飯！下次會和友人來試其他口味

身為鰻魚控的我 發現了銅鑼灣一家小店是專門食鰻魚的，便相約友人星期六的中午一起去品嚐 😝小店店內裝潢和門口都十分日式 ☺️我和友人分別點了：- 一本鰻魚燒丼 （原條浦燒鰻魚丼） $98(另加$30:溫泉蛋、鹹菜、鰻魚肝白貝湯、玄米茶）推薦溫泉蛋 & 鰻魚肝白貝湯 （我和友人都覺得好好飲 冇味精）鰻魚丼： 鰻魚好厚 好多肉，夠哂汁 好好味，丼配上了蛋絲 紫菜 青豆 - 活鰻丼 白燒 （生燒鰻鰻丼）$168店員推薦我們食白燒鰻魚，與一般濃濃醬汁食法很不同，白燒是沒有醬汁 食到鰻魚的魚味，我和友人是第一次食，感覺好特別 推薦一試 😝👍🏻食了一半，店員送上了一碗昆布高湯&wasabi，把高湯倒入飯可變成茶漬茶 😆👍🏻 一飯兩食 👍🏻喜歡食鰻魚& 茶漬飯的朋友一定要試試

我今天輕鬆鬆鬆地去了銅鑼灣吃午飯。我選了謝斐道一間小店，他專吃鰻魚。起初我還以為除了鰻魚以外，還有些別的日式美食；怎知就是清一色的鰻魚飯鰻魚雙拼飯鰻魚麵等等。我和朋友一人吃一個飯一個面，點了一杯生啤。鰻魚麵很嫰滑，醬油不是太鹹，我尤其喜歡所配的麵線，配合他的湯，鹹甜適中。至於鰻魚飯很特別，因為他建議三份二的飯用鰻魚作為餸來吃，剩下的三份一可以要求他加昆布湯，變成茶漬飯。生啤好味，麥味重，因為鰻魚比較熱氣，用生啤沖淡就剛好了。呢間清一色只有鰻魚的店舖，我覺得不錯。

在銅鑼灣發掘好餐廳時，看到了有一間新開的日式餐廳，看名字就知道專門食日式鰻魚。去到餐廳門口時，發現有不少人在門外排隊，就知道這間新開的「鰻工房」水準一定有返咁上下。餐廳裝修保持一貫日式風格，不過就略嫌有少少迫夾。而餐牌亦都不會花多眼亂，店員很有心向我們介紹每一款的不同之處，讓我們諗諗要哪一款鰻魚配搭。✺ 1. 原條蒲燒鰻魚丼最基本的，當然就要點一份原條蒲燒鰻魚丼。原條鰻魚切成細塊放入木盒，味道相當不錯，燒得恰到好處。而米飯亦有紫菜和雞蛋條相伴，不會過寡。須要一提的是，鰻魚丼食到剩餘三份一的時候，可以問店員索取昆布高湯，並再加上 Wasabi 和額外紫菜芝麻，整個鰻魚茶漬的味道會比剛才的更昇華。可以稱得上「兩食」。✺ 2. 鰻魚蕎麥麵除鰻魚丼外，我們還點了鰻魚蕎麥麵share。出奇的是，這份的配搭是兩條鰻魚串和一條穴子，而鰻魚串的口感會比剛才的燒得更加香口和脆爽。另外亦可一嚐穴子，多點花款。蕎麥面就一定要加上餐廳的醬汁和Wasabi，否則味道會比較淡。每一款都可以加$30加配伴茶和熱茶，我我亦會推薦大家可以加配。因為裏面包含了溫泉蛋、鹹菜、鰻魚肝白貝湯和玄米茶，單純鰻魚白貝湯已經值回$3

鰻魚燒是日本料理中我喜愛的一種食品，最近在網上看到銅鑼灣區出現了一間鰻魚專門店，今天下午便專程來到了。原來這𥚃之前是吃丼飯的，現在變成了鰻魚店，地方不是很大，約有廿多個座位，所以有時要等位，不過都只是十至十五分鐘。原條蒲燒鰻魚丼$98，鰻魚的醬汁，甜香味道十足，魚皮香脆，魚肉嫩滑。二重鰻魚丼(鰻魚+穴子)$148，穴子是鰻魚的幼兒版，肉質比鰻魚更嫩，味道更鮮甜。值得一提：可以將部份飯加在昆布湯來，加上紫菜和芝麻，便變成茶漬飯。

我的爸爸特別喜歡吃鰻魚 向來孝順嘅我 上網做了一些搜習 終於畀我搵到一家是專吃鰻魚的 一於帶爸爸前來一試店舖少少 只提供四張枱 每張枱可以坐四個人 即係有16個位 雖然坐得排比較擠迫 但係食客不斷 快嚟快去 長期爆滿餐牌上面嘅食物主要都係圍繞鰻魚 有丼飯或者麵類提供選擇 鰻魚種類有蒲燒鰻魚，生燒鰻魚，穴子或鰻魚肝藏都有提供鰻魚蕎麥麵$78蕎麥面與醬汁是分開上的 這樣不會令麵質浸淋 鰻魚比較濃味 配上味道清淡嘅蕎麥麵 恰到好處 唔會越食越滯原條穴子 是星鰻 體積較細小 相對肉質纖維比較細緻 沒有一般鰻魚厚肉 魚刺細得幾乎嚐不到生燒鰻魚 魚肉較為厚身 所以可以造成串燒的模樣 魚皮嘅位置燒到脆卜卜 加上鰻魚汁甜甜地 非常惹味 魚肉彈牙又爽口 啖啖肉 非常好吃 蕎麥麵軟硬度適中 帶有滿滿的麥香把旁邊的鵪鶉蛋，香蔥，wasabi 加到蕎麥汁內 攪拌均勻 即可沾麵來吃燒鰻魚肝$38/串質感軟綿綿 由於是燒的關係 表面帶有點點焦脆 非常香口 味道與鵝肝類同蒲燒鰻魚$92那濃郁的醬汁 可是蒲燒鰻美味的精華 黏著嘴唇的感覺是多麼幸福 魚肉好入味 又吾腥 夠肥美 慢慢在口腔中咀嚼 魚油慢慢滲出 實在太好吃

個人認為最放鬆嘅時間就係放假時去旅行，去到邊食到邊嘅感覺！但去唔到旅行都會掛住旅行食過嘅美食，今日比我發現了間食燒鰻魚飯唔錯嘅店舖，平時都會在另一邊搵食，今日見有時間行了呢邊，見到佢，個陣燒鰻魚嘅味道樸鼻，當然要入去尋找開心回憶。這裡雖然空間唔大，座位已坐得滿滿，但感覺就好似在日本啲小店感覺。而餐牌就主打係以鰻魚為主，當然要點返個最愛原條蒲燒鰻魚丼，呢個價錢絕對抵食!等了陣個丼上枱，鰻魚同飯分開上，蒲汁燒嘅鰻魚十分香，飯上就有蛋絲、紫菜、青豆、同兩片魚蛋在香軟嘅飯上。第一時間放塊鰻魚入口，燒得十分香之餘，鰻魚肉本身十分彈牙煙韌見肥，呢種感覺同在日本食度嘅感覺十分相似！加埋啲飯一齊入口感覺唔錯！而朋友就點了個活鰻丼，選了汁燒，鰻魚份量係我嘅一倍，有四大件，味道都係一樣夠晒肥美彈牙。加埋個梅酒，就係種日系口味選擇！食完又可以止渴一下o個種旅遊嘅心癮了！

這間「鰻工房」雖然店鋪很少，座位只得十多個，但和風的裝修很有氣氛，主打食鰻魚，仲要是即叫即燒，餐牌上選擇不多，只得數款鰻魚飯及小食，最平$68就食到蒲燒鰻魚飯，貴至$198 可食到穴子、蒲燒鰻魚和白燒鰻魚的三重鰻魚丼。 最平價$68的蒲燒鰻魚飯已經有大約半條厚肉的鰻魚份量，份量很適合女士們啊，微微焦香的鰻魚，肉質嫩滑，鰻魚汁的比例亦啱啱好。而飯亦加入枝豆，紫菜及雞蛋絲再作調味，令賣相加分，但如果飯身再熱一些會更好。另外點了一個$148 穴子加蒲燒鰻魚的二重鰻魚丼。蒲燒鰻魚的份量比$68 的多一倍，還有兩塊比較貴的穴子，穴子肉質就較鰻魚薄身。店主有教第二個食法，不過我們差不多食完先記得。另外可加$30轉套餐，有溫泉蛋、鹹菜、鰻魚肝白貝湯、玄米茶的。

朋友知我鐘意食鰻魚，特別約我到銅鑼灣午餐，未到開舖時間已有食客排隊等候。一到正午12時，店員推開門招呼客人進內，一眼見到店內面積不大，八張二人枱，兩張拍在一起，全店共可坐十六人，佈局充滿日本味道。餐牌主食是鰻魚😋😋😋。我選擇蒲燒鰻魚($92)+温泉蛋($12)，朋友則選原條浦燒鰻魚丼($98)+配温泉蛋，鹹菜，鰻魚肝白貝湯及玄米茶($30)。蒲燒鰻魚，肉質肥美，夠厚肉，放心大啖大啖食，皆因無骨嘛。鰻魚燒至微微焦香，上枱時香味十足，而醬汁的比例剛好，入口美味喔！味道如此出色，難怪外籍人士都成為坐上客🤗。

Honey 愛食鰻魚，見到有銅鑼灣有新開鰻魚專門店，當然又要去食啦！去到七點半，竟然係要排隊呀😱我們足足等了八個字先入座呢。店其實真的很細，可容納十多人左右，怪不得要排咁耐啦。餐牌以日文表示，再加上日式裝潢，尤如置身日本一樣。整間店都濔漫著燒鰻魚味，很香很吸引。我們點了兩個原條蒲燒鰻魚丼，火喉剛剛好，鰻魚表面和邊位燒得微焦，一端上已散發陣陣焦香味，食落有少少焦香味，加上肉質嫩滑肥美，食落啖啖肉，滿口都是鰻魚甘香。第二種食法，跟住下面做就可變成鰻魚茶漬飯。燒得剛好，食落甘香可口，加上厚厚醬汁，很惹味。

聽朋友介紹，原來銅鑼灣新開左一間日式餐廳，主打鰻魚。我係個鰻魚控。當然要去試下啦！放學已經3:00，即刻衝去鰻工房食個下午茶！3:00都要等位，人氣都幾旺盛啊！餐廳坐位唔算多，所以等一陣先入到座。我叫左蒲燒鰻魚飯。等一陣好快有得食。半份鰻魚，份量做下午茶剛剛好。好欣賞白飯加左蛋絲、枝豆和紫菜，入口味道完全唔會單調。鰻魚即燒，蒲燒汁唔會太甜膩，好香口。鰻魚魚油重，厚薄適中有口感，無魚骨。下次想試下活鰻啊！

最近銅鑼灣開了一間鰻魚專門店，店舖雖然細小，極有曰本家庭式風格。餐牌並不複雜，鰻魚丼只有七，八款，另外還有小吃類。汁燒活鰻丼鹽燒，汁燒兩款可選。鰻魚肉可見好厚身，燒得皮脆肉嫩，油份迫出沒太大油膩感覺。燒汁調味恰到好處，不太濃不會膩。肉質帶爽脆，好有口感。飯加入了蛋絲，紫菜和青豆的原素，增加了嚼感。另追加了三十元配套餐，包括溫泉蛋，漬物，鰻魚肝白貝湯和玄米茶，以百多元來說，質素又不錯，是非常抵食之選。

未行到店鋪, 老遠已經見到門口排咗成十幾個客, 反而旁邊一蘭拉麵門口鬼影都矛隻,真攪笑.排隊食飯一向唔係我做人風格, 因為今次有師姐請客, 再加上有太多事情要交代, 一邊排隊一邊吹, 都係等咗十令分鐘啫, okay 啦.感恩之餘, 當然要讚吓D有同理心嘅香港人啦! 食完即走唔好阻人做多轉生意是常識吧!入到餐廳環境不大但日本風濃厚, 連menu 都係全日文, 好似置身於日本D橫街小店.睇唔明 menu, 當然問問靚靚女店員啦!無記錯的話....一本鰻蒲燒丼 (原條蒲燒鰻魚丼) 係黃鱔,活鰻丼 (生燒鰻魚丼) 係白鱔,另外再點一個溫泉玉子同穴子,穴子係一條海鰻BB.單單個日本飯其實已經好好食, 原因係內藏味道帶甜嘅雞蛋, 再加上溫泉玉子, 一流!黃膳入口即溶而且有濃郁燒汁甜味.白膳肉身較原而且較有口感同彈牙, 膳味亦較濃.入口即溶口感最強係穴子，肉質最鮮嫩幼滑.噢.... 各有好處.嘻嘻.... 係韓國人眼中.... 鰻魚嘅尾部, 係壯陽補品, 所以我叫師姐留番條鰻魚尾俾我.....需唔需要呀?你又知我唔需要?嘻嘻.... (^_^)

朋友剛從日本旅行回來，相約交收手信再一起晚飯，她說她仍對日本的鰻魚飯念念不忘，所以今晚也挑了一間專吃鰻魚飯的餐廳。七點鐘到達餐廳已看到門口有長長的人龍,等了大概45分鐘。原來店鋪面積不大，只有大約十多個位置，整家店都彌漫著鰻魚的香味，餐廳主售不同款式鰻魚飯,除了莆燒鰻魚飯,還有芝士鰻魚飯和生燒鰻魚飯等。本想吃鰻魚玉子燒,但已售罄，店員介紹我們吃鰻魚肝串燒,也是熱門菜式之一。其實我平常不太吃內臟，總覺得會有一股不知名的味道,但師傅在鰻魚肝上搽上鰻魚汁,香氣撲鼻,完全沒有平常內臟的異味。吃下有點像生腸,爽口並充滿魚油甘香。蒲燒鰻魚飯,這個加了$3o變成套餐·有溫泉蛋,鰻魚肝白貝湯和玄米茶。鰻魚肝白貝湯帶有莞茜味和魚味。溫泉蛋可用來拌飯,提升風味。鰻魚有兩大舊，肉質爽彈結實。一本鰻蒲燒飯，分成兩個盒子奉上，一盒是鰻魚，一盒是飯。底層的魚皮燒至香脆，鰻魚入口即溶,完全沒有魚骨和腥味。飯面鋪滿甜蛋絲和紫萊,單吃已很美味。當飯吃剩三分一時,還可向店員索取昆布高湯,再加上芝麻和紫菜造成茶清飯，玩味十足。道家鰻魚飯的性價比非常高,最便宜只需$68便可以吃一個鰻魚飯，怪不得長期大排長龍。

環境4分：日式居酒屋格局，牆上貼滿餐牌同鰻魚嘅得意佈置，細細間舖擺左四張四人枱，即係共有十六個位，好有氣氛，可以畀四分。衛生4分：地方都好乾淨，D調味汁醬同紙巾放响牆邊架上夠慳位企理，一樣可以畀四分。服務 4分：樓面服務員一個足以應付比位，落單，送食物，埋單，爽手唔囉唆，比佢四分。味道5分：1)      生燒鰻魚丼，汁燒，加30蚊選擇左套餐，有溫泉蛋，鹹菜，湯同杯茶。生燒鰻魚有八件咁多，件件都燒到塊皮脆卜卜，Ｄ肉就非常彈牙，好明顯係高級靚嘢。飯有少少蛋絲，青豆同紫菜，同時可以任加紫菜同白芝麻响飯度食，咁就更加惹味。溫泉蛋啱啱好流心，個湯入面有鰻魚肝煲嘅，非常鮮味，滿分。2)      燒鰻魚串長長一條鰻魚串燒，呢款鰻魚好淋，鰻魚汁好入味，都畀滿分。抵食5分：唔使二百蚊食到八件生燒鰻魚飯，平時出面食一串三嚿鰻魚都差唔多要成百蚊，所以排咁耐隊 都咁多人值得等，畀佢5分！