鯛魚魚湯專門店 (已結業)

在外辦事覺得寒寒的，好想食碗熱呼呼的湯飯，剛好經過一間鯛魚專門店，煲十幾個鐘的鯛魚高湯做膽，配合海鮮作主料，聽落都知道正氣，適合年紀有番多少的我。海鮮組合多元設計，仲可以追加自配海鮮，同時有牛肉、炸雞，仲有小吃，應該唔會搵唔到合心意，得知是日海鮮是蟹及蜆，就決定點$138的鯛魚濃湯鮮蟹湯飯，並加$18象拔蚌三件。明火原爐非常有誠意，中國人食飯一定要夠熱，未食已得分。原隻蟹上，新鮮的，物有所值，米飯加了飯素，味道更豐富，湯底充滿蟹香，冇點錯！象拔蚌爽甜，抵食！拍擋的日本帶子魚湯烏冬，三大隻帆立貝，稻庭烏冬夠滑，份量夠飽，$78抵食。仲有煎餃子，味道幾好，沙律菜酸酸的味道開胃好吃。無加一，很公道。

好耐都冇食過湯飯,突然間想起鰂魚涌做嘢嗰陣, 都係呢度食個湯飯, 感覺不錯, 就回味一下我點選了鮮帶子三文魚仔湯飯, 用 火盛載住, 可以保持溫度, 每一口都感到魚湯嘅鮮香, 奶白色嘅魚湯十分之吸引, 香噴噴, 另外湯飯裏面加咗蔥絲, 再加上雲耳, 令到咬口十分之爽, 香味爆發鮮帶子咬落去口感非常之q彈, 而湯飯嘅飯, 真係用上珍珠米, 又掛湯, 感覺不錯另外再點選左吉列蝴蝶蝦, 蝴蝶蝦炸到非常之金黃色, 咬落去外脆內軟, 點埋沙律醬一齊食, 口感豐富

早前去鰂魚涌開會, 開完後, 就係附近覓食, 最後見到這間鯛魚魚湯專門店, 對於愛飲湯的我, 當然要一試.這裡的款式選擇也有不少, 我選了鯛魚濃湯鮮蟹湯飯.湯飯以石鍋上枱, 更能保持熱度, 特別啱天氣凍的時候食. 份量都幾大份.湯飯賣相相當吸引, 有一隻蟹係湯飯上. 飯吸收晒蟹和鯛魚魚湯精華, 特別好味, 而個湯夠鮮甜. 這隻蟹也好吸引, 估唔到有咁多蟹膏. 蟹肉肉質幾鮮甜.下次可以試下其他款式.

鯛魚魚湯專門店 Snapper📍北角 North Point.🍜 鮑魚花膠魚肚湯烏冬 $138: 2隻鮑魚 4大舊花膠同4大舊魚肚😍 配彈牙稻庭烏冬👌🏻 鯛魚湯落足料熬製 記住飲埋啲湯呀😚 啱曬女士喺冬天嘅時候滋潤一下🤤.🦀 鯛魚濃湯鮮蟹湯飯 $138: 飯粒吸收曬鯛魚湯 湯底亦有蟹嘅鮮甜味 非常飽肚滿足 仲有小火爐熱住 保持溫度😆 蟹膏亦新鮮 蟹肉鮮嫩 👍🏻

今日天氣轉冷，想食啲熱野，揀左鯛魚湯，之前經過成日都好多人等而卻步，今日仲要係新年假期，門庭若市，但都照等位，因太想食喇！先叫小食，餃子雞翼，因響門口等時已聽到廚師嗌出來話剩三份，心諗，咁搶手，所以喜愛食雞翼既我，一坐低先叫，脹卜卜，裡面包了豬肉，外皮夠脆，好食。另一小食叫了唐揚炸雞$42，雞肉嫩滑，比日本食的更好食，保留了肉汁，唔會乾，而且外皮好脆，尤其雞皮，好香口，唔肥膩。主食叫了吉列豬扒手打烏冬$85，塊豬扒好大塊，份量好足，而且仲係厚切，好抵食，豬扒外皮夠脆又鬆化，肉質夠淋，冇肥膏。而且發現餐廳體貼之處每碟炸物旁都有一大堆生菜沙律，可解熱氣，減輕罪惡感。最期待個湯底，試啖，好濃魚鮮味，好好飲！手打烏冬都好彈牙，壓軸出場係期待已久的鯛魚魚湯泡飯配廣島生蠔$88，另加鯛魚$18，上枱時香噴噴，先飲啖湯，因為有火爐盛著，令魚湯保持溫度，味道更昇華，好鮮甜，魚鮮味濃，完全唔腥，而且泡飯加了飯素令味道更香濃，冇得輸，唔怪得咁多人等，廣東蠔好肥美，鯛魚厚切片啖啖肉，魚湯太好味好快已飲完，店員問要唔要加湯，當然要啦，服務真好，好周到，飲完個湯，成個人暖笠笠，好溫暖。埋單每人都係百幾蚊，食到咁

太古坊食lunch 時間係有點駭人。。。原來呢間店係極受歡迎。。排左半個鐘先有得入座，會叫你先回菜後入座。所以如果就到時間既話食tea或dinner會比較舒服。螢光魷魚做前菜，我本身愛食魷魚墨魚之類，但對生生地既做法一般。但呢個真係好軟滑，溫度適中，味道很天然。 一共有四舊算化算。吉列豬扒小食 厚身薄切豬扒比手掌更大塊。炸衣入口鬆脆，又不油，真係幾飽肚。海膽皇帝蟹魚湯飯朋友和我都很鍾意食海膽 而呢個海膽很飽滿，蟹腳份量多。呢度食物好，價錢不貴，係lunch time會迫d, 太古坊熱門餐廳都係咁。

一行三人去食，其中一個遲嚟未到，見岩岩有張四人枱，就打算坐低，店員之後問到齊未，我哋話嚟緊，跟住佢態度勁差話得返一張枱，一陣可能有人嚟 （事實上出面冇人等），我哋話我哋照叫住三份先，可不可以坐低先，咁佢話ok。 落完單我哋話另一碗遲啲先上，之後店員又黑面，再問朋友幾時到。 （平日OL look 嘅打工仔，佢覺得我哋可以坐幾耐呢？）其實人齊先可以入係ok 嘅，但態度可唔可以好返少少？至於食物，魚湯唔鮮，唔多似真係用魚煲，試一次都嫌哂quota🤷‍♀️。

今日同朋友去左怪獸屋照相打卡！行左去鰂魚涌找美食！今日去這一間是朋友介紹！是我好喜歡的魚湯麵！我們點了一個花膠鮑魚烏冬花膠有兩種，一種是砂爆～好似棉花雞果種！不過厚好多！口感爽爽地好彈牙！第二種是我地平時海味店買的好有膠物的花膠！好Q 彈，滿滿的膠質！烏冬吸收曬湯底的魚湯，好正呀！一個龍蝦烏冬嘩一隻原隻龍蝦！龍蝦超新鮮，仲有蟹膏！好鮮甜！烏冬吸收曬湯底的魚湯，好正呀！一個吉烈豬扒炸得剛剛好！👍🏻👍🏻👍🏻👍🏻

某日同朋友去左魚湯專門店。餐廳位置都ok多，好有日式feel,入面仲有d得意既擺設，木櫈為主。我地安排左坐對住牆既邊邊位。呢間餐廳主要食烏冬，menu好多款式，最尾朋友叫左個花膠鮑魚魚肚魚湯烏冬，我就叫左個原隻龍蝦烏冬，仲有小食炸豬扒。烏冬黎到店員細心地叫我拎起隻龍蝦先因為浸得耐會唔好食，之後我將隻龍蝦放左响另一隻碟度，佢仲有個火爐暖住d烏冬避免烏冬凍左。隻龍蝦都幾大隻嫁，仲要肉質好鮮甜蝦肉爽口彈牙仲有好多蝦膏。湯底好濃鯛魚味，好味到飲晒d湯。鮑魚魚肚花膠烏冬好足料，花膠好大舊，魚肚好厚身。都好好味。小食豬扒好大塊，香脆唔會好油仲有沙律伴碟。全店不收加一。真係幾抵食。

見電視飲食節目三位女主持介紹過這兒，好像十分吸引，所以專程來試試。我們點了「鯛魚湯日本帶子手打烏冬」和「鯛魚湯極鮮象拔蚌貝柱手打烏冬」，端上來時熱騰騰的，食材豐富，賣相吸引。喝了一口鯛魚湯，估不到真的十分濃郁鮮味。烏冬不是傳統的粗條，而是扁身的，比較容易掛起魚湯。「鯛魚湯日本帶子手打烏冬」內有三粒帶子，都算大粒。「鯛魚湯極鮮象拔蚌貝柱手打烏冬」內有蟹柳、象拔蚌和貝柱，都算豐富。在寒冷的冬天吃完這碗熱騰騰的湯烏冬，全身都變得很溫暖。值得一提的是店員服務細心周到，他上菜時特別告訴我們象拔蚌遇熱後會很快收縮，建議我們預先拿開，他還細心地預備一隻碗仔給我們盛載象拔蚌。另一枱客人要求加湯，他也細心安排。下次一定再來光顧，並想試試龍蝦烏冬。

呢個星期天寒地凍🥶，最啱食啲熱辣辣🔥嘅嘢！前日，放工去開鰂魚涌，就嚟咗呢間專門提供鯛魚湯底湯飯或者烏冬嘅日式餐廳開餐🥢。.呢度樣樣野食都會以鯛魚魚湯做湯底🥣，所謂鯛魚其實即係「白身嘅魚」🐟，當中包括有鮑魚花膠魚肚、象拔蚌貝柱蟹棒、鮮蟹🦀、安格斯牛肉🐮等，款款都好吸引，不過最吸引阿叔👨🏻都係波士頓龍蝦🦞。.🍴#原隻波士頓龍蝦烏冬 ($138)，一大鍋點著火🔥熱住上，啱晒咁嘅天氣時食。好似食拉麵🍜咁，咩都唔食住，就試咗個鯛魚濃湯🥣先，每日將原條鱲魚🐟熬製10個鐘出嚟嘅湯呈奶白色，味道鮮甜又濃郁，好好飲🤤。再嚟就要食龍蝦🦞，手掌咁大🤚🏽嘅波士頓龍蝦原隻分四份上，龍蝦肉肉質爽口彈牙，仲有少少蝦膏添。手打烏冬亦十分煙韌，吸收晒魚湯同埋龍蝦嘅精華，更滋味。

小編個人一直都好喜歡鯛魚湯底😉😉鯛魚湯底比一般魚湯味道更濃和鮮味比較突出😆😆成日飲仲有健康同美顏嘅功效添🥰🥰呢間鯛魚為主題嘅專門店製作鯛魚湯亦花盡功夫😌😌👍🏻- 薯絲卷卷蝦外面係脆口嘅薯絲☺️☺️外層包住裏面軟林林嘅蝦肉真係口感十足👍🏻👍🏻- 煙三文魚蟹子沙律好足料，蟹子同煙三文魚嘅份量都好多😋😋配上麻醬令整個沙律更加有獨特的風味☺️- 極鮮象拔蚌貝柱蟹棒烏冬賣相好豪華！有各種各類不同的珍貴海鮮材料分別有象拔蚌、帆立貝、蟹棒等等😍😍帆立貝雖然細細粒但好甜美，分量亦好多😆象拔蚌彈牙味鮮，鮮甜爽口鯛魚湯亦都好鮮甜香濃滑順😋😋我朋友係係男仔都覺得份量好多非常滿足！😎😎

已經響鰂魚涌工作第3個年頭，睇住呢間魚湯店嘅生意越做越好。隨之而來, 除咗食物品質下降之外，店內態度亦日趨變差，尤其TVB介紹完之後，更視自己魚湯猶如黃金般矜貴美饌咁近兩日天氣轉凍，Lunch time 就同同事食碗$138鮑魚花膠魚肚湯飯暖下肚，湯飯上枱啲時候本來魚湯已經唔多，湯只剛好蓋過飯面。食嘅時候正常咁揚開啲飯，隨即已經冇晒湯，再加上用個爐仔滾住食左兩啖後，啲飯基本變咗糊狀。個湯飯食落去根本唔係湯飯，食落去啲飯口感好似食緊濕左嘅飯，但又一半濕一半乾，質感好杰好乾⋯由於唔多夠湯，我哋隨即問老闆: 請問可唔可以加少少湯？因為啲飯索晒啲湯好似啲糊咁...然後老闆冷冷地講：無！冇呢啲嘢個喎! (附上一個眼掘掘嘅樣，好似我哋呃佢加少少湯咁!!) 本來我哋都唔介意俾錢加啲湯(話到明”湯飯”就一定要有湯先叫湯飯！)，但聽到呢一句咁決絕嘅說話(即係俾錢加湯人哋都未必so你咁)，我相信有錢都唔會買啲湯俾你l！ok..所以我哋幾個極速”啃”咗一碗乾爭爭糊仔飯然後走人⋯本以為剩係得老闆態度唔多友善？原來成間店啲人都係一樣！所以人長期十問九唔應唔多想應你咁...好似啲客乞食咁，100%係趕客嘅態度!!

第一次嚟試呢間鯛魚魚湯出名嘅專門店，夜晚都滿座，等左一陣先有張四人枱。原隻波士頓龍蝦魚湯烏冬（$138）龍蝦過熟好失望😞但係成隻龍蝦俾你，幾抵食。魚湯好濃，烏冬夠幼👍🏻如果龍蝦冇咁熟就完美😩吉列豬扒魚湯烏冬（$85）皮夠薄，但係豬扒都薄😅冇乜豬味，唔會話特別好食。餃子雞翼（$40）雞翼塞到滿滿🤩燒到黃金色👍🏻雞塊唐揚（$48）份量唔少，幾大舊又炸得脆😋蛋漿唔會太多👍🏻。蒜片炒牛粒（$78）份量唔細，比較多油。牛肉鎖住啲肉汁👍🏻唔會過熟。鱈魚魚腐（$40）好少見到有呢款小食😍炸得好靚好脆😋鍾意佢每一碟餸都有好多沙律菜😍但係主菜竟然唔得😞有啲失望。個魚湯係濃嘅，價錢唔貴。唔係坐得好舒服，枱比較迫，可以嚟一次但係唔會特登再嚟。

不知所謂，幾好食都無下次問佢拎杯水食藥，收銀姐姐話要買礦泉水。問老闆佢點解會咁，佢話peak hour唔會俾水，（但係我係2點半後問呢個問題）。要讚的是老闆還算是耐心解釋，態度俾姐姐好多了。問題係，個餐包野飲但食唔到藥嘛。其實，嘢食係唔錯。返工果陣一個星期都食一次，而家返工唔係呢頭，路過都特登返去食。但要杯水食藥都面有難色，我想講水係基本人權，如果有老人家一定要食左藥先食嘢呢？咪唔駛食？