鯛魚魚湯專門店 (已結業)

對上班族來說，偶爾也是需要稿賞自己一下的🤤⠀⠀⠀【鮑魚花膠魚肚鯛魚湯烏冬⠀$138】⠀⠀-⠀日本鮮鮑、軟腍的花膠和魚肚，這絕對是補充蛋白質之選！最讓我深刻的，是奶白色的鯛魚湯，魚香十足，沒有丁點腥味，的確容易令人一口接一口，配搭彈牙滑溜的稻庭烏冬，不錯喔🥢🍜⠀

夜晚唔再想食米飯去咗太古坊一間食鯛魚湯餐廳食麵，這間餐廳是香港人營運。叫了廣島蠔鯛魚湯麵。其實我覺得鯛魚湯有少少聲腥不過間中食一次都唔錯。之前食過一口我湯麵我認為比這個好食。

小弟好鐘意飲魚湯，所以早幾日同女朋友一起去試呢間鯛魚魚湯專門店～佢地個餐牌好多選擇，樣樣睇落都好吸引，我地選左好耐先決定食咩😂安格斯牛肉蕃茄鯛魚湯烏冬$88雖然掛名安格斯牛肉，肉味尚有，但唔算好香濃～佢個湯底蕃茄味濃郁，但略搶左魚湯個味，不過伴湯仍是十分美味原隻波士頓龍蝦鯛魚湯烏冬$138佢呢個原味鯛魚湯烏冬個人認為幾好飲～個湯味道好清甜，魚味十分濃郁～（如果不太喜歡魚湯的朋友，可能會認為有小d魚鯹味～有個熱爐keep住保溫👍👍👍龍蝦份量正常，店員會預先幫你一開二的，方便客人食用。龍蝦肉都算鮮甜，但肉質偏實🙌總結：推介喜歡飲魚湯的朋友來一試😋，食物質素就中上啦～

唔知有冇人好似我咁中意飲魚湯？又唔知有冇人好似我咁中意食烏冬？如果同我一樣有呢兩個喜好，我誠意推介呢間鯛魚魚湯專門店！真心好好味！Menu裡面好多餸都好吸引，好似有龍蝦、花膠、鮑魚、安格斯牛肉等等。咁岩見到呢個蕃薯蜆虎蝦魚湯烏冬/湯飯有個初嗜價，一於就初嗜一下。蕃薯蜆虎蝦魚湯烏冬係同圖一樣架！蕃薯蜆大大隻，份量又多，呢碗有成九隻咁多，蜆肉肉質肥美鮮甜(係間中一兩隻有dd沙，但可接受)。仲有兩隻大虎蝦，真係好大隻，食得出係新鮮！重點係個魚湯，奶白色架！呢個魚湯真係冇得輸，魚味重得泥唔腥，仲好清甜，果然係招牌湯，我同男朋友都差唔多飲哂成碗湯！至於烏冬，係扁身手打烏冬，入口彈牙，同魚湯好match！足料又好味又飽肚，只不過係$88。烏賊魚湯烏冬呢到除左魚湯出名，我發現佢地嘅配料一d都唔吝嗇，烏賊又係份量多兼大大隻。自稱為魚湯專門店，個人覺得絕對當之無愧！可惜唔係住係附近，如果唔係我真係會日日泥食，下次一定會再泥試其他餸！

男朋友喺太古坊返工，我去接佢收工順便一齊食飯，我哋就揀咗呢一間試一試。因為係疫情期間去既，佢有啲自閉位，咁我同男朋友就揀咗一個角落坐低。都幾舒服嘅，可以自成一角。見到佢有個鮑魚花膠魚肚湯烏冬，正啊！花膠對女人補充骨膠原有幫助，又係佢推介之一，所以我就一於叫呢個試下啦😜湯烏冬送到黎果時個湯好香，啲餸擺到成碗好豐富咁，見到都好開胃。有兩隻大大隻嘅鮑魚，有三至四塊花膠，同埋一大炸魚肚。正啊🥰烏冬正正常常，鮑魚有少少韌，食到最尾魚肚都食唔落，因為真係太多餸，所以分享左啲俾男朋友。男朋友就揀咗個帶子魚湯烏冬，有兩隻大帶子。佢食唔停口，好味道，好短時間已經食晒個烏冬同埋啲餸，最後慢慢品嚐晒成碗嘅魚湯。😙叫碗湯烏冬，跟餐會有一杯半價嘢飲，我揀咗一杯熱生薑藍蝶花，飲完暖粒粒，唔係好覺得有藍蝶花味，生薑就好濃味啦😜坐耐少少佢都唔會話趕人走既，俾我地足足坐左差唔多兩個鐘😘 食到飽飽咁走，男朋友番工咁近，實可以再食多次😉

鰂魚涌海天街、海康街、海堤街一帶有很多食店，中西泰日式任君選擇，這天想喝魚湯，便選擇了這間餐廳。餐廳地方不小，排滿了很多座位，如果坐在靠牆橫檯的話會略嫌稍為狹窄了一點。叫了一個鯛魚濃湯鮮湯飯。魚湯鮮甜，蟹也吃得出是新鮮貨，蟹肉不霉，且是肉蟹，蟹殻裡面有滿滿的蟹肉，非常好吃。餐廳有事先敲碎一部份的蟹殼，敲碎的部份很容易就可以吃到裏面的蟹肉。沒有敲碎的部份店家有提供工具可以取用，如果店家能敲碎所有蟹殻就更加好了。買單總共$138 ，雖然價錢不便宜，但物有所值。

唔係第一次食，呢期天氣又凍返少少，想食啲湯飯/麵，第一時間就諗起佢。雜菇肥牛配鯛魚湯烏冬（$75）有芝麻醬蔬菜沙律，大大堆雜菇肥牛同湯烏冬雜菇肥牛啲肥牛都幾肥😂牛肉有少少硬，不過個味都唔差，同埋份量真係好多👍🏼鯛魚湯烏冬，湯底都ok，唔會好腥，應該落左大量胡椒粉同薑辟味。烏冬有好多菜，海帶，油豆腐... 索埋啲湯汁😋75蚊大大份，味道又唔錯👍🏼

推薦下附近唔錯既店。。。雜菇肥牛定食$78定食配帶鯛魚湯同前菜。各種雜菇有冬菇和金菇菜，呢個飯係大size, 比一般日式餐廳多好多飯。魚湯新鮮煲出，入口甜美潤滑，配上主食白飯一流。吉列豬扒定食 $85 厚切豬扒打鬆軟哂，麵包糠鬆化，仲大過手掌，份量十足。炸到岩岩好仲有肉汁，肉地juicy，配搭白米飯吃, 很味美。帝王蟹腳海膽湯飯$168有成隻長長既蟹腳切段，睇過日本一超市買都要幾十蚊一隻，再加埋三四匙滿滿既海膽。正價比勁高。 食物質素好，但係個侍應服務一般餐廳不設加一服務費，平均一百蚊一位

話說我想去試呢間餐廳好耐好耐，朋友話食過正，但平時好少過開鰂魚涌個頭，今次終於揾到機會試🥳餐廳細細間，都幾企理，晚市都有唔少人幫襯。.🦞原隻波士頓龍蝦湯飯 $138 (4.5/5)龍蝦好大隻😍😍😍上枱既時候係連埋個火爐一齊上，唔怕凍左唔好食😋店員都提醒我地龍蝦唔好浸太耐，因為本身已經熟左，否則肉質會韌。湯飯嘅料都好多，有紫菜、腐皮、娃娃菜等，湯底本身係鯛魚湯，加埋龍蝦嘅鮮味，非常鮮甜。另外龍蝦鉗好大隻啖啖肉，超正🤗絕對推介大家試下呢個，同埋呢個價錢簡直超值🤩.🍖餃子雞翼 $40 (4/5)外皮燒到帶點金黃色，入面釀左餃子餡料，漲卜卜，熱辣辣又惹味🥰一客得兩隻有點唔夠喉🤣.🍜安格斯牛肉番茄鯛魚湯烏冬 $88（4/5）本身想食番薯蜆蝦魚湯烏冬，點知竟然賣晒😭😭重點想講個番茄湯底真係好正！烏冬比較扁同幼身，食落又滑又彈牙👍🏻配埋安格斯牛肉，好香牛肉味。另外佢有多款配料可以追加，我就加左象拔貝$18同烏賊🦑$18，同樣都好新鮮😋

今晚去左食用鯛魚煲成魚湯底既日式料理店。.鯛魚低脂肪又高蛋白質，所以要飲多兩啖湯，飲晒魚既精華。.原隻波士頓龍蝦湯飯 $138自己係好鍾意食海鮮，所以係新鮮肉蟹同波士頓龍蝦二揀一，今次先食波士頓龍蝦湯飯。.上菜時真係原隻龍蝦！店員溫馨提示要先食龍蝦，免得肉質因keep住俾魚湯煮得過熟。.食完龍蝦，梗係要飲淡湯，係有海鮮鮮味既濃郁魚湯。湯飯仲有娃娃菜、木耳絲、紫菜絲、油付絲、芝麻等，配上日本珍珠米，好好食！.廣島生蠔魚湯湯飯 $88呢款湯飯有大大隻生蠔，我朋友仲係多款自選添加配料度加左鮑魚同象拔貝，象拔貝爽口！.加鮑魚一隻 $28 及 象拔貝三件 $18.魚湯飯令人越食越想食，話咁快就清晒成碗了！

早前在網上看到這間餐廳的烏冬好吸引，今天晚上友人在這邊放工，所以就來試試看。餐廳不算很大，但是座位都幾多!餐牌上有多款湯烏冬或湯飯可選擇!原隻波士頓龍蝦湯飯，朋友一向喜歡吃湯飯，這裡的湯底是鯛魚湯，有香濃的魚湯味，飯吸收了湯的味道，更容易感受到湯的原味!湯飯用上一窩上，而且還用火熱住，令湯keep住熱，不怕變腥！配菜豆卜、木耳、海帶、紹菜，全部也是吸湯的配菜。而重點的龍蝦十分大隻，是原隻上，龍蝦開邊，龍蝦鉗已弄開，龍蝦都幾多膏，蝦肉彈牙，蝦鉗非常大隻，而且都有很多肉，朋友吃得津津有味!鯛魚濃湯鮮蟹湯烏冬，這個烏冬的湯底除了有魚的鮮甜味，還有蟹膏的味道，令湯更鮮甜惹味!有整隻蟹，蟹膏都幾多，蟹腳都幾多肉，而且幾鮮甜!而烏冬煙韌彈牙，十分美味!這裡的湯真的鮮甜而且很足料，有機會會再來試試。

個湯應該係出名嘅，雖然我係喊左烏冬。全部份量都好大，我點左嘅雞扒有成人手掌甘大，食完真係好飽，晚飯食就差不多。烏冬個湯幾甜，飲完唔口渴，同埋我鍾意佢配嘅沙律都多，感覺健康。

越來越少餐廳，能夠吸引到我，即使山長水遠，都會去朝聖，而呢間魚湯專門店已Bookmarked好耐，只不過距離我太遠，但天氣凍就想食熱辣辣既湯飯、烏冬，所以一於黎試下！《鮑魚花膠魚肚魚湯湯飯》$138配料好豐富！份量亦唔少。湯底既鯛魚湯味出得黎唔腥，清清甜甜，所以連湯都可以飲埋！而且有火keep住溫度，唔驚食物好快就凍晒👍🏻花膠同魚肚都好入味，飯都好出色，偏硬，係我鐘意既口感！《鯛魚濃湯鮮蟹烏冬》$138同樣地，湯底既鯛魚湯味出得黎唔腥，清清甜甜。不過因為有火，烏冬會愈來愈林，所以建議盡快食，否則就會影響口感。而蟹則正正常常，唔算好新鮮，不過都係意料之內。 總括嚟講，個人認為湯底做得幾出色，真係可以值得黎食，不過個人會更推薦湯飯！

最近肺炎疫情嚴重,人多時店家會打開門通風因為環境比較窄,可體諒 煎雞扒定食付新香物‧御飯‧味噌汁供應時間: 全日供應特盛白飯,魚湯或麵豉湯一碗,中華沙律一份煎雞扒伴沙律菜一式五款,粗中帶細緻感覺每樣都照顧到,先食沙律菜打底,再飲湯再食飯,煎扒,有一個順次序食法平時出街食一定食唔到咁多菜呢個好抵讚,老闆加油!白飯超級大碗,細食朋友記得改小飯雞扒煎得香口,帶點微脆,醬汁不太多味道帶點甜味 鮑魚花膠魚肚魚湯烏冬配菜：黃菜絲、木耳絲、京蔥、油揚絲、海草全日供應$138鮮味魚湯加上彈牙大隻鮑魚花膠魚肚,養生之選清甜魚湯不油膩,順口養胃暖心鮑魚大大隻,爽彈Q有質感花膠魚肚夠滋補,件數多,份量超豐富鮮魚湯令整碗味道提昇好多,好豪華高級感覺 唔夠皮仲可以追加鮑魚 $28一隻跟餐有優惠價配飲品鰂魚涌海堤街6-16號龍景大廈地下3A舖Shop 3A, G/F, Dragon View House, 6-16 Hoi Tai Street, Quarry Bay

呢間鯛魚魚湯專門店，絕對係鰂魚涌嘅人氣之選，平時lunch time經常都大排長龍， 咁受歡全因佢哋嘅招牌鯛魚湯，出曬名真材實料！海膽湯飯($138)嚟到呢度，必試鯛魚魚湯飯，今日主菜點咗海膽。 湯飯以鐵鍋盛載，下面加個小火爐，保持湯底溫度。海膽份量十足，老闆教路，將熱騰騰嘅魚湯淋上海膽，再將海膽連同泡飯、配料一同入口，海膽同魚湯嘅鮮味互相輝映。鯛魚湯加入蔥花、海藻、芝麻、木耳等配菜，味道層次更上一層樓。