鮨蕾 (已結業)

首先要做嘅就係揾食，食飽再去血拼！周圍行，朋友㨂左V-Point 嘅鮨蕾，真係有眼光👍🏻環境一流，食物質素高，令你回味無窮！！午餐除左自己㨂嘅主食外仲包括鴨胸沙律、茶碗蒸、咖啡或茶。我叫嘅係花.定食好豐盛嘅海鮮丼；除左有海膽、三文魚籽、牡丹蝦、油甘魚、左口邊、碎吞拿魚仲有好多其他魚生。所有食物都好新鮮、甜美，估唔到連個飯都好好味。朋友叫嘅係天.定食。除左有刺食、仲有天婦羅烏東同迷你吞拿魚飯。刺身當然鮮甜、天婦羅炸漿好薄、炸蝦天婦羅熱辣辣好好味，食埋個吞拿魚飯就心滿意足喇！一個餐百多元，另一個二百多元，以呢個質素，超值！

一家人 Happy Sunday, 無選擇錯嘅鮨蕾！地點方便，近住時代廣場，無論巴士、地鐵都好方便；食物質素超級高！！海膽、牡丹蝦貴為我的至愛，鮮、甜、正！帶子係新鮮帶子，唔係刺身嘅一般貨式，超鮮甜！最令我難忘嘅係吞拿魚完全冇筋，入口溶化，值得推介！金箔、魚籽醬伴柚子麵鼓汁嘅吞拿魚，不只矜貴，仲齒頰流香、回味無窮！👍🏻服務一流，環境服適、高貴！雖然銅鑼灣好多好野食，但呢一間餐廳係一間去過想會再去嘅餐廳！

新餐廳開幕，約老婆午餐過嚟撐枱腳。兩個人都叫咗壽司set。一嚟食個鴨胸沙律加蒸蛋，肚餓得滯，掛住食唔記得影相，沙律正常，但係個蒸蛋真係無得頂，滑溜之餘入口即融。Michael師父好好傾，每件壽司都會介紹。又係太心急食唔記得影相，食咗一半先記得😅壽司質素好高，亦睇得出師傅好有心機。最難忘係喺件白身魚壽司上面（介紹完唔記得左個魚名）加左少少柚子皮粒，食落除咗有魚嘅鮮味仲有一陣柚子嘅清香。👍🏼👍🏼👍🏼👍🏼每位盛惠$200連加一真係底到難，師父話新開張做優惠，遲啲會加返啲，所以有幫襯趁早！

已經好耐好耐無寫食評LU  不過今次真係要大讚下呢間超班日本菜佢令我覺得可以止下去日本GE癮  懷念一下京都Omakase GE感覺呢個好有氣勢GE招牌好吸睛裝修上比較Cyber  有兩間房+兩張大圓枱  每個AREA都有一個師傅聲稱可以睇煙花GE海景前菜--好睇又好食 Fusion sashimi x 2--日本直送拖羅 King Size牡丹蝦  估唔到O係香港都食到呢個係師傅秘製 UMMM....要醃8日 有口感D GE拖羅海膽壽司--我的最愛燒銀鱈魚蒸蛋--呢個好得  未食過咁滑GE蛋壽司--好有驚喜 師傅話係完全無麵粉附加小食--日本直送雞泡魚乾+生啤第一次食香港GE Omakase, 享受到日本GE感覺, 但係又唔洗溝通唔到推介推介                     唔洗拎假  唔洗搭飛機都有咁GE享受                     望住師傅一路整野食  傾下計 咁就食左3個幾鐘                     忙裹偷閒GE好選擇

潮流興食 Omakasa, 雖然今次唔係第一次食，但真心難忘！1） 環境高雅！兩張圓形嘅壽司枱令毎位食客都可以清楚見到廚司為你凖備嘅食物，更可以與大廚互動，大談對食物嘅要求同喜好，從而配合你嘅要求。2） 大廚為本地人，唔使雞同鴨講。每上一樣食物都會詳細介紹，食到時令嘅美食！3）睇得到員工用心招呼，但仍有改善空間。4）最重要係食物質素，正正正！如果你係鐘意食拖羅嘅話，真係唔可以錯過！大廚以柚子麵鼓汁加魚籽醬伴唔記得佢話點整過嘅吞拿魚，入口溶化、油脂味甘香，回味無窮！除左拖羅，帶子、牡丹蝦、海膽都超級甜、鮮，真心正！甜品看似普通，但味道複雜。又係因為顧住食同記性麻麻嘅關係，唔記得左大廚話係加左魚呀、蝦呀⋯⋯之類嘅野一齊整，但蛋糕嘅滑加鮮真的一試難忘。由入門口到食到甜品都感覺一流，值得一試！肯定會再次光顧！

某日放工去左試新餐廳，啱啱開幕👍🏻好開心可以為呢間餐廳寫第一個食評😉除咗天空龍吟之外，呢度嘅環境係咁多日本餐廳之中最好的，好開揚，可以欣賞90度嘅風景。今次試呢個Omakase 包括小食、刺身及六件壽司。先來小食，味道普通，但賣相吸引，個人認為安康魚肝配魚子醬最好味。創作刺身唔錯，好新鮮，第一次連鮮花一齊食，味道好香好特別，唔需要任何醬汁可以食出魚生嘅鮮味🤤壽司最正🍣每一件都好新鮮，唔需要額外加豉油。特別係醃製過8日嘅拖羅，味道十分濃郁，齒頰留香。赤身吞拿魚好有魚味。白海膽都好矜貴，唔係成日有機會食👏🏻總括嚟講，我覺得都幾抵食，有咁靚嘅環境同埋咁好嘅質素。全部拖羅，甚至赤身都冇根，有魚味，根本唔洗沾醬油。服務態度都唔錯👍🏻呢度係值得推介嘅新餐廳。