鮨燐

营业中

休息中

人生第一次試高級廚師發板今次揀咗中價1680一位晚餐，一坐低冇幾耐已經有三款前菜奉上。分別有日本甜番薯，自家製嘅豆腐，八爪魚。另外有三款漬物，牛蒡，黃蘿蔔，辣味蒜頭。開始七款刺身，先有剝皮魚，加左魚肝醬，入口幼滑。之後就有鰤魚，爽口鮮甜。北海道真蠔，加左柚子醋啫喱，脹卜卜，實在creamy到覺得好幸福呀。之後再嚟一款叫間八魚，魚香味濃。跟住再有秋刀魚刺身，擺盤一流，第一次食秋刀魚刺身，令我好驚喜，完美停留口腔，魚油肥美。到青森嘅吞拿魚，師傅輕輕燒過四邊，再放上紫洋蔥酸汁，清新無比。中拖羅加上竹炭鹽，自家醬油，又一新嘗試。之後到左吞拿魚嘅額頭，師傅燒完之後用紫菜包住食，完全爆油，入口即溶，可能燒過關係，迫晒所有魚油出嚟，真係令人難忘。回味下再奉上一款hot dish, 第一次食立鱗燒，將魚鱗燒到脆卜卜，魚身幼滑。師傅突然遞上一粒青綠色嘅啫喱，原來可以refresh一下口腔繼續迎接之後嘅壽司。即將開始壽司部分。印象難忘嘅係石垣貝，爽脆鮮甜。北海道馬糞海膽真係無可挑剔。中拖好細心挑晒筋真係滑入喉嚨。好快就已經完成壽司部分，唔好睇少每樣少少，其實已經好飽，之後就到左熱湯，再有甜品，烏豆綠茶奶凍

14件便宜的廚師發板這一間日本料理，最大特色就是氣氛好，其中一個老闆就是壽司師傅，所以他懂得嚴選食材，雖然壽司比較細件，但是食得出它的鮮味，最愛海膽，這一天師傅寵幸我這位海膽怪魔，特別給我一個海膽手卷，這裏永遠都能夠打成一片，員工態度親切，令人賓至如歸

朋友話帶我去食好嘢，食一間Omakase，咁我就話不如食最高級嘅餐啦。 就去咗@鮨燐 食$1880 set！就一於分享吓食咗啲咩啦，入到去其實招呼係非常之好，坐低嘅位置亦都好闊落，基本上飲咗少少茶佢哋已經會refill～前菜水雲爽口開胃酸味、法國鴨胸本身已經夠新鮮，加埋芥末蘿蔔調味，味道就更加香；北海道白梅貝鮮甜度十足，爽！剝皮魚方面本身係比較淡味，師傅就加上肝醬及醬油、蔥，提升鮮味。北海道厚岸真蠔大大隻睇落好肥美，食落非常Creamy及新鮮，唔需要加其他嘢，因為上面已經有用醋整成嘅啫喱，酸酸地，加埋柚子皮更加開胃。獅魚好吸引，見到都好肥美，原來係大大條野生油甘魚，表面就有三星漬（辣面豉），直接食唔使加豉油已經好香。季節性有秋刀魚，整到好似樹葉形狀刀工一流，用上薑蔥醬油整走個腥味，令味道更加鮮味。鍾意食海鮮嘅唔可以錯過呢款和食 - 毛蟹 ！真係吸引到！本身已經整得好完整個蟹肉，而且後面仲夾住咗好多鮮甜嘅蟹肉碎，配搭埋柚子Jelly 、堅魚及紫洋蔥，鮮到呢，真係食Omakase先食到呢一個質素。中拖羅好重嘅魚香，而紫菜大拖羅燒魚香魚油十足，非常肥美入口即化。酒煮金目鯛魚好吸引，魚質香滿鮮

omakase 有名廚師發板， 現今的飲食界都算係非常流行， 這間在中間道商場，以前係停車場經常來泊車，店的門面比較細， 入到裏面 是坐吧檯設計， 這裏裝修日式設計， 座位之間也寬闊舒適, 大廚有禮地自我介紹， 這類的形式大廚會面對客人， 所以大廚和客人的交流很重要所以, 點了午餐壽司， 這裏壽司嘅特色飯量較少， 每一款壽司的魚上面都由大厨掃上鼓油，不用自已點豉油的， 選用的材料已在客人面前，看到了非常新鮮，日本花竹蝦，新鮮銀雪魚,火炙喜之次, 海膽軍艦，油甘魚腩， 每款壽司大廚刀精心配搭, 有些是火炙，有些加上日本芝麻， 有些加上柚子鹽， 有些加上生薑， 本人一向不吃蒜頭, 在大廚鼓勵嘗試 ，這顆蒜頭真是很特別，咬口是爽的， 夾雜著麵豉醬 ，一點也沒有蒜頭的臭味。 最後特別甜品是Wasabi 雪糕， 又是一餐舒適，滿足，嘗鮮的體驗。

在沒有外遊的日子裡，吃頓好的就是一種慰藉…… 今晚約同識食好友到尖沙咀中間道H Zentre 內有好口碑的"鮨燐"日本料理，預約好吃Omakose！ 之前在上環店體驗過有念念不忘滋味！食材和服務都非常優質！今次體驗一下尖沙咀店！ 約定準六時到達，先感受到的是職員的親切招待~ 在Menu上二人選了$ 1,880/位套餐內容十份豐富;前菜， 刺身七種 ，和食2種， 壽司6種， 湯和甜品。先喝一口熱茶再與師傅打個招呼！ Omakase最享受的是除了時令的味道外，就是可觀賞師傅的精湛手藝和聽他講解食材的特性和食法與客人之間的互動氣氛輕鬆。前菜~優雅的木合盛，有三款; 由清淡的鮮腐竹配蝦吃起，肉味鮮甜的法國鴨胸肉和爽口甘味的白梅貝。刺身~爽滑剝皮魚，切狀配上清香芽葱，混合可以生吃的肝臟造成甘味醬汁，灑上食用花……十分雅緻！鰤魚~兩件近骨位置和後腩……各有口感，肉質細緻鮮味，後腩位肥美有油脂香！北海道真蠔~肥大肉厚，甘香清甜Creamy！配上啫喱狀柚子醋多了一重清新口感。秋刀魚~花狀造型，肉質軟嫩夾着嫩嫩的姜花蕾，沾一沾醬油味道層次豐富。吞拿魚~中拖羅，面層灑上竹炭塩，入

今天是我倆的紀念日，老公預約了尖沙咀一間商場內的日式料理食Omakase ，座位舒服，更有兩間廂房。餐具十分精美，攞盤亦用心，店員服務亦佳。首先上了個前菜，有三款，白粟米清甜多汁，京都湯葉滑溜香口，上面更有蟹肉絲，螺肉多肉爽口。鮫蝶魚有四小卷，以花襯托，内有燒香的鮫蝶邊和香蔥，口感清爽。水白鮫配響螺，拍一拍更爽，口感較為硬身的爽。間白魚上面是少許辣的醬，魚皮稍為炙燒，一塊較厚肉，另一塊就薄切，爽中帶鮮味，一次過試兩種口感。秋刀魚，十分當造，擺盤美輪美奐，配薑蔥汁。銀鱈魚配麵豉醬，酸酸甜甜。鰹魚微微炙燒過，上面有紫洋蔥，配酸酸的沙律汁和海藻。中拖羅配竹炭鹽，用紫蘇葉夾著食，入口即化。吞拿魚的腦天，部位十分矜貴，炙燒後配紫菜，鮮美惹味。酒煮金目鯛，味道清甜，配有冬菇和豆腐等。深海池魚，爽口肉滑。車海老大大隻，味道突出。石垣貝有少許柚子香，十分爽口。北海道馬糞赤海膽，份量十足，香濃幼滑。赤鯥魚炙燒完，魚皮很香口。靖魚配昆布香紫菜，飯有紫蘇葉和芝麻香。最後更有松茸湯和甜品。今年以來最滿足的一餐，十分幸福的一餐。

周年紀念，一於食Omakase賀下佢！今次就揀咗呢一間上環有店舖，擴充到尖沙咀嘅鮨燐。要揀就揀最高級嘅餐， $1880 set，裏面有前菜、七款刺身、兩份和食、六款壽司、湯品及甜品前菜有水雲、法國鴨胸+芥末+蘿蔔、北海道白梅貝三款，由左到右進食，水雲少少酸味加爽口，相當開胃；法國鴨胸特別新鮮有質感，不是即食的款式；北海道白梅貝口感彈牙鮮甜。剝皮魚+魚肝醬 醬油 蔥原本味道比較新鮮及清淡，就加上鮮味魚肝醬，即刻突出好多。北海道厚岸真蠔大大隻配搭酸酸哋嘅醋Jelly ，整體鮮味十足，creamy又唔腥。獅魚即係大條野生油甘魚，表面配三星漬，係辣面豉提升味道所以不用點豉油。質感係超級肥美，勁好食！秋刀魚配薑蔥醬油整到好似成日咁，好得意，係而家嘅時令魚，加埋其他配料就唔會腥，仲好鮮味。千葉縣赤鮑配鮑魚肝醬太大隻，質感又彈牙，肝醬提升好多鮮味。中拖羅嗰個魚香係特別濃郁而紫菜大拖羅真係超級肥美，經過火炙魚油又更加突出！酒煮金目鯛魚配昆布/柚子等配料，口感滑，冇骨，而且有好多其他配料，更豐富。青檸橘子啫喱清完味蕾就可以開始食壽司啦。深海池魚好彈滑石垣貝爽口又比較有彈性，好鮮味赤貝配埋青檸，鮮味更加突

屋企人生日大壽，今次黎食Omakase，好似去完一轉日本咁開心又滿足。餐廳嘅服務好好，有店員專人一對一服侍，幫手拉櫈掛袋，仲即刻上左熱毛巾同熱茶，決定好邊個set之後仲好快上前菜。/前菜🌟水雲酸酸地好開胃、法國鴨胸好嫩好滑、仲有響螺，成個賣相幾精美。/刺身🌟刺身全部都好新鮮，秋刀魚刺身嘅擺碟好靚。特別喜歡鱈魚BB刺身，輕微烤過魚皮再加埋白麵豉汁，食落又香又鮮味。仲有黎自北海道嘅生蠔真係好大隻，又juicy又鮮甜！燒拖羅腹位包住紫菜，充滿住油香好好食。/和食🌟和食係酒煮金目鯛，再加左日本嘅配菜。/壽司🌟食到壽司嘅時候都開始飽，但因為好好食所以都忍唔住食哂。仲有香港人最鍾意嘅海膽壽司，有兩大舊北海道海膽，食落超鮮甜！好好食！/抹茶牛奶奶凍🌟最後個甜品真係好好食，個奶凍好滑，味道十分之清甜，加埋上層嘅抹茶醬，食落甘甘地好夾。

今日去咗尖沙咀嘅鮨燐食omakase，預早book位去到，平日夜晚都滿座，人氣幾高咁。難得嚟到就食好少少試佢最貴嘅set，$1880有七款刺身、兩款熱食、六款壽司、熱湯同甜品。要讚一讚佢嘅刺身，夠晒新鮮所以食落去好鮮甜，日本產嘅蠔夠晒大隻，仲有長腳蟹嘅蟹膏蟹肉都好鮮味。仲有最後一樣磯煮鮑魚，醬汁係用鮑魚肝等材料細心處理同烹調，味道有少少似蟹膏咁鮮，而且冇咁鹹，所以師傅比左壽司飯配埋黎食。熱食方面食晒兩款之後，特別要一提佢嘅法國龍蝦，個龍蝦湯好濃郁，但唔係平時個啲靠落左忌廉嘅濃味，食得出真係用好多龍蝦肉煮出嘅鮮味。總括黎講真係食物質素好好，服務水平又高嘅一間餐廳。

今晚約埋老友又再到尖沙咀食 Omakase輕鬆一下。揀左一Set套餐1680元先付；係三款小食，有鮮腐竹同蝦粒，法國鴨胸肉，螺肉等。清淡，鮮甜！七款刺身；剝皮魚，好幼滑混合埋肝臟醬汁真係好甘甜！鰤魚；後腩位同近骨位各有口感，好鮮甜。真蠔；脹卜卜好肥美！好忌廉口感加埋柚子啫喱醬好清新！秋刀魚；擺到朵花咁，好靚！軟歌滑滑配埋姜花爽爽！中拖羅；肥美油脂豐富，灑左啲竹炭塩更加鮮甜。銀雪魚BB；皮層燒一燒有種香味加埋麵豉醋醬汁，酸酸甜好甘香清新！吞拿魚；腦天係額頭位，啲油滴曬出來用紫菜包住食。六款壽司；石垣貝壽司：好爽甜。 沖繩車海老壽司：非常爽口Q彈食一絲絲嘅紋理。 深海池魚壽司：幼滑得來爽口好有油脂香。大拖羅壽司：無筋好軟滑。 北海道白海膽壽司：綿綿滑滑好清甜。 赤目魚壽司：經炙過外皮好甘香，好柔軟。 熱食， 豆腐，鯛魚， 雜菜煮湯有酒清香！ 松茸水雲湯，滑脫脫好爽口清淡！甜品烏豆，綠茶奶凍滑滑奶味濃香！好正！甜度又剛剛好！食足近三個鍾，服务細心！真係好享受！下次再來！

在尖沙咀的omakase !!!鮨燐 今次點了lunch menu 的 Omakase Sushi 14 pieces Set !!首先會個茶碗蒸！賣相非常好 上次有小小蟹柳條蛋也很香滑還有一個雜菜沙律配上沙律醬第一件壽司是蜜柑叼先開始淡淡的刺身非常新鮮第二件壽司是帆立貝 師傅加了青0汁 調味Refreshed !!!第三件壽司是深海池魚我最喜歡的，也很厚切！第四件是 車海老口感非當好，張住張住的口感第五件是 池魚加麵豉積第六件是北寄貝 師傅加了柚子皮在上面第七件是象拔蚌 很爽口！第八件是太力魚加了一點芝麻在上面第九件像一個小卷物，是細切池魚加蔥花第十件是蟹膏上面也加了蟹殼 非常香濃！之後是銀雪魚 油脂味非常香再來是北海道紫針海膽！很creamy 還有我很愛的左口魚裙邊！入口即化！最後還有素麵 墨綠色的！淡淡的味道最後最後有Strawberry cheese ice cream 十分滿意這個lunch set 非常低吃！質素也很高

最近香港的股票市場風高浪急，股王騰訊700，令我的身家增加了不少，今日一於享受一下人生，嘗試一下美味的廚師發板.左口魚，這個配搭十分之得新頴，配搭得宜令魚生的味道十分之突出.白栗米，響螺這個前菜十分之開胃，食慾大增.秋刀魚，也是時令靚魚,因此十分之肥美,加上廚師的刀工,零這件事達致滿分.鰹魚,加上火炙零魚味十足.拖羅,十分之肥美入口即溶吞拿魚腦天,這個位置比較罕有十分之珍貴.花竹蝦,蝦味十足水準之作.馬糞海膽，令口腔充滿了淡淡海水味.赤鯥魚也是名貴的品種，利用火炙令魚味更加突出.

最近去唔到日本但想食Omakase，朋友就推介去咗呢間尖沙咀嘅日式餐廳「鮨燐」裡面環境都好清新，感覺舒適。我哋就揀咗最高級嗰個餐$1880。前菜有日本小松菜&腐皮手造胡麻豆腐沖繩水雲白飯魚由左邊至右邊食，小松菜少少咸香但比較清新，手造胡麻豆腐質感好滑但係有胡麻味，好特別，而沖繩水雲白飯魚酸酸地幾開胃㗎。石鯛薄切，配上有青檸汁嘅鹽板，原本味道比較清淡鮮香，即刻提升唔少鮮味。北海道厚岸真蠔本身已經大大隻，上面仲有醋Jelly ，個味酸酸地，配埋綠色柚子皮，更加有鮮味及好creamy，唔腥。沙甸魚配黃蘿蔔、蔥、明和，令到個味道更加鮮，中和腥味及口感。燒香咗嘅鰆魚 +明河+面豉醋，味道少少酸酸甜甜，自己仲可以加紫蘇花，質感特別。池魚配薑、蔥、明河、芝麻 ，比較有彈性同配搭提升左個鹹香。中拖羅+Wasabi，再以竹炭鹽代替豉油，食到好重嘅吞拿魚香。燒帆立貝大大粒味道鮮甜。壺燒笠貝特別在除咗已經切到一片片，好爽口之外，仲有其他菇菌類，呢個湯亦都係相當鮮味。班馬賴尿蝦天婦羅好得意，第一次見用賴尿蝦來做天婦羅，估唔到愛平金黃香脆，裏面同樣保留水份同埋鮮味。青檸Jelly清一清味蕾，之後就食壽司。鮫鰈魚

香港嘅日式師傅發板店越開越多，但質素參差，今日食呢間鮨燐，試過佢嘅午餐，覺得唔錯，所以今晚就試晚餐。揀咗$1680一位嘅餐，坐低一陣就開始上前菜：冲繩水雲，酸酸地幾開胃。京都湯頁，豆味香濃。白梅貝，慢煮兩日，螺味濃，肝臟都食得。第一道是右口魚，將魚邊火炙燒香，切條夾在魚片刺身中間，雙重口感，雙重油份北海道厚岸真蠔，日本蠔嚟講算比較 Creamy，海水味適中，餘韻悠長間八魚，魚皮輕輕火炙過，再加上北海道麵豉醬，鹹香惹味近期常見用銀雪魚做刺身，因為魚油豐富，所以加咗柚子醋中和油膩感好少响夏天食到秋刀魚，雖然未算最肥美，但濃濃嘅魚味，已經令人更期待秋天肥美嘅秋刀啦跟住上嘅三件都係吞拿魚包括青森縣嚟嘅BB吞拿，輕輕燒過四邊，再加紫洋蔥及酸汁，中和油膩感。中拖羅就加咗竹炭鹽，相比起加醬油，又有另一種風味。炙燒大拖羅，加咗較多嘅山葵，用紫菜包住食，入口即溶，滿口都是魚油食壽司之前先來一個熱食：Sake蒸金目鯛，用出汁加上Sake同蒸，蔬菜吸收咗魚汁，魚又有蔬菜嘅甜味，作為過場都好精彩第一道壽司係水八爪魚，切薄片連埋吸盤一齊食，有咬口之餘，越咬越鮮甜跟住嘅石垣貝，食之前師傅會拍一拍，令到背貝肉更緊致