鮨千月 (已結業)

禁止夜晚堂食喺今晚實施，所以琴晚係最豐富既最後一餐啦。呢間餐廳位於天后，近天后地鐵站A2出口。入到去餐廳就俾佢個露台夜景震撼到。一眼眺望維港景色，景觀一流。特別日除慶祝喺呢度開餐係個唔錯既選擇。特別介紹返呢個牡丹蝦刺身。一拎出黎已經驚豔到我。蝦肉鮮嫩多汁一咬落去蝦汁喺口腔中爆開。而且老實講隻蝦算係大隻，即使係分開兩啖食都唔會過分。至於呢個呢就係鰻魚卷呢個呢就顯得味道有少少平凡普通嘅。箇中口感同你平時落去元氣好似冇乜分別比較失色嘅一碟。喺食蕎麥麵嘅同時呢就配左少少蝦同埋菜嘅天婦羅。我就覺得炸蝦點都係比唔上鮮蝦。但係呢個天婦羅呢又係的確有水準。係鬆脆嘅同時又保持到內裏嫩滑嘅口感。至於蕎麥麵嘅湯底就係用鰹魚熬製而成嘅。過程中我相信佢係冇落到任何味精。麵條軟硬適中普普通通。面頭有紫菜同埋蔥。食呢碗麵嘅時候，彷彿係返咗去日本呢個鄉下食蕎麥麵咁樣。最後叫咗一杯白桃酒，杯酒由一開始飲到落去食晒所有嘢嘅時候。酒咪好淡白桃味比較重。呢隻酒應該係適合晒所有日式料理。

食物環境也很好，除了那個穿黑衣黑褲的。🙄寬容少少加有禮貌少少吧！滿心歡喜的去，就因為他覺得不爽。服務員(穿白衣)都比他專業到位。附近也有很多日式餐廳居酒屋，選擇超多!

我同男朋友都好鍾意食日本嘢，今次慶祝生日，決定食omakase👏🏻 一入門口就覺得裝修好別致，不過重點係有落地玻璃睇到廣闊嘅維港景！咁啱嗰日天氣好，見到陽光同埋海景，已經率先覺得心情舒暢😁個露台仲可以自由出入，瘋狂打卡📸 我哋揀咗森羅同埋12貫壽司套餐，午市嚟講都已經係中上價位。 前菜有沙律同茶碗蒸，沙律嘅甜酸汁非常開胃，茶碗蒸非常滑溜，入面亦都多料，再加蟹肉同三文魚子鋪面，好睇得嚟味道亦唔錯😋 之後就係刺身，左起：間八魚薄切：佢教將紫蘇花放入酸汁，用魚捲住蔥再點汁食，相當有驚喜，開頭以為會比啲調味蓋過晒魚味，但冇之餘仲覺得更突出鮮味，層次亦都好豐富👍🏻帆立貝：上面加咗竹炭鹽，一擺入口覺得有少少太鹹，但味道混和咗之後都食得出帆立貝嘅鮮甜味吞拿魚：正常水準，用赤身有少許失望，如果係拖羅就正喇油甘魚：唔錯，口感結實得嚟有油香 跟住到壽司，左起：𩶘魚：上面加咗梅醬同紫蘇葉，梅味好突出，同魚味幾夾甜蝦：加咗魚子醬，成件擺入口唔係太食到魚子醬味，但甜蝦就好鮮甜😋深海池魚：正常水準，冇乜好特別感受北海道海膽：食omakase最期待就係海膽，呢個完全冇失望，口感軟綿，鮮甜味十足🤤 再之後係迷你魚生

平日食lunch omakase，幾百蚊，好抵食，而且坐擁維港景色，美中不足係廚師係咁吹水講粗口，有啲影響個feel。遇上今日天氣好，景色真係無敵。沙律正常發揮，冇乜特別。呢個茶碗蒸好好食，上面有瑤柱同冬菇，好鮮味。食完沙律茶同茶碗蒸就入戲肉啦，先上四款刺身，每樣刺身都有唔同嘅調味，左手邊白色嘅魚我唔記得咗叫咩名，不過用上柚子同埋紫蘇葉調味，好特別。而帶子就用上黑炭岩鹽，更能帶出鮮味。油甘魚同赤身都好好食。食完刺身就有四款壽司，每樣食材都好新鮮。壽司飯亦預先調味好。而呢個刺身飯本人覺得係全日重點，刺身肥美新鮮。最後其實仲有麵豉湯同埋紅豆雪糕，不過掛住食冇影相。

實不相瞞都係被海景景觀吸引，所以在眾多餐廳中選擇了這間，點了森羅Shinra 廚師發辦Lunch Set。首先，是酸甜醬汁沙律非常開胃，好出色的茶碗蒸，滑滑的蒸蛋上面有一層茨，令每一啖蛋都有好豐富的味道及口感。刺身有四款，今次廚師準備了間白魚配合柚子粒及柚子醬汁加紫蘇葉花瓣，有趣地自己摘下花瓣，夾在刺身當中點汁來吃，味道有層次，最先係柚子味道，後來就感受到紫蘇葉的香，還有三款是帶子、油甘魚、赤身，十分肥美。壽司都有四款，真鯛魚上添了梅醬加紫蘇葉、深海池魚灑上岩鹽加青檸汁、甜蝦、根室丸勢海膽，非常新鮮但款式不算特別，沒有驚喜。還有一碗飽肚的雜錦魚生飯，偷偷地見到廚師一早預備了，加點醬汁醺了刺身一陣子，啖啖刺身中有醬汁的加持，最後就是普著通通的味噌湯及紅豆雪糕。不過總括來說壽司都是用白飯，略欠一點心思，及價錢會覺得一部分是屬於美景的，性價比不高，廚師都頗cool，無想跟客人交流既意慾，旁邊的侍應非常快手，當我食完放低筷子之際就走過來幫忙收碟，整餐都頗有壓力，有種趕落場的感覺，所以"可一不可再"。

平時好少寫食評，因為懶，今次真係忍唔住！見到好難book，waiting list到，我非常開心，我好鍾意食Omakase ，仲揀咗最貴嗰個lunch $780. 朋友就食9 貫$380，我就係逐樣上，朋友就9 件壽司一齊上，就算坐吧枱都係。但最令我失望嘅係，四款魚生竟然係切好晒擺喺雪櫃一碟攞出嚟，真係非常離譜，魚生亦都冇乜味，呢個動作已經令成餐飯都非常失望，廚師都係好似好趕時間，我坐低完全冇交流，平時去食其他，佢會問你有冇對咩敏感或者有咩係唔食，唯一係環境好好，服務OK！

遇著下雨天☔️打消去大澳遊嘅計劃，臨時book到位於天后嘅呢間鮨千月。首先餐廳設有whtsapp 訂位，加上即時回覆，呢個服務值得一讚☺️待應服務態度非常良好👍🏻本人同阿女友都點了十二貫壽司🍣首先都係基本：前菜、茶碗蒸同麵豉湯由於坐table (window seat) 嘅關係，所以一次過上哂十二貫🍣整體感覺上好一般，第一次食Omakase 會有甜蛋計落一款度，以往食過其他餐廳，甜蛋會係印有店名logo做extra嘅一件… 呢間略嫌有點縮皮成份😅總結壽司質素一般，4⃣️百幾蚊食個Omakase可以有更多選擇😶

我好少寫食評，但係今日兩個人食午餐，一千蚊找數，覺得太失望，所以花啲時間寫少少野。冇錯餐廳有海景，但係香港有海景嘅餐廳唔少，呢度位於天后，二十幾樓，絕對唔係 ICC 101 大開眼界嗰種海景級數！講返啲食物 … 拖羅係瘀色嘅，其他魚生亦完全冇光澤，唔新鮮！我用左幾十年筷子，估唔到夾起件壽司，啲飯係散晒嘅！另外午市12件壽司 set ，收四百幾蚊，其中一件竟敢係蛋！沙律、蒸蛋一般水準。甜品呢，係雪榚，不過係一段時間前預先”筆”好！點解我知？我估係之前”筆”雪榚球時，部分雪糕溶咗，再放回冰櫃，所以雪榚碟雖然夠凍，但係食到底係溶咗再冰返嘅雪榚，咁樣仲衰過啲雪榚自然溶晒！個人意見，餐廳如果經營冇 heart，唔會有回頭客，好難維持得好耐！

想平又想試omakase 食lunch就岩哂😆最好早幾日book定位 我地星期日食 見到有人walk in但無位要走人😳有落地玻璃對住維港🏙🔻Omakase Shinra 森羅 🍣 ($480)主要有4款刺身、4款壽司、刺身飯 我唔係好識分 但很新鮮😋因為我怕腥 如果唔新鮮我好易feel到🤭刺身係好新鮮😙 亦好易入口壽司係我喜愛的海產🤩 刺身飯我就興趣不大食左2啖比老公食🤓🔻午市定食壽司12貫 🍣($430)因為我想食好多舊壽司 就點左呢個一齊share 三文魚籽控表示好開心呑拿魚有驚喜 雖然未到入口即溶海膽亦不吝嗇🤩仲試咗多款魚類 全部都唔腥 感動🥲另外午市套餐的茶碗蒸、沙律、雪糕全部都有質素🥰

上網一見到就比餐廳嘅海景吸引決定試呢間位於天后嘅Omakase經whatsapp book位 選擇左bar枱因為係平日 餐廳都唔多人一上到去見到個大海景 心情都特別好我地揀左2個set 每個set都包左沙律 茶碗蒸 同甜品呢一個係9貫壽司定食 $380 雖然唔係逐件上 但師傅都有逐件簡單介紹 有油甘魚 左口魚 帆立貝 拖羅 赤貝 海膽等9件另一個係廚師發辦-森羅 $480森羅 除左4款壽司 重有4款刺身同一碗刺身飯先上刺身 再上壽司 最後到刺身飯都唔係逐件逐件上嘅 但有逐樣稍為介紹刺身都新鮮 刺身有深海池魚 拖羅 油甘魚 帆立貝甜品有柚子雪糕同紅豆雪糕 雪糕味道幾有驚喜 2款都好食柚子雪糕味道好清新 清香柚子味紅豆雪糕好香濃奶味同紅豆味我個人就比較喜歡紅豆雪糕喇總括黎講：呢個價錢加上無敵海景 絕對係值得一試 廚師法辦黎講 性價比都算高👍🏻P.S. 如果追求壽司要一件一件上 就要揀12貫壽司定食

睇食評好似好好所以試下，今日坐table 食lunch 12貫壽司，感覺質素一般，燉蛋出色，如果$4XX應該仲有更加多選擇，不過4XX係包埋個景既，但我看重食物既新鮮同質素

期待咗好耐嚟食，因為呢度可以望到維港景色，但可惜今日落超級超級大雨，勉強睇到尖沙咀嘅景色，如果係平時嚟一定好靚森羅 ($480)有沙律、茶碗蒸、刺身4種、壽司4件、刺身飯、味噌湯及甜品，$480有omakase有呢啲食其實真係超值，外面最基本都$600起跳間八薄切第一塊乜都唔點，先試吓魚嘅味道，的確白身魚都係要咬耐啲先出魚味，千祈唔好一吓咬完就吞呀！第二塊配上加咗蘿蔔茸嘅酸汁，魚嘅鮮味會更突出。第三塊就加埋紫蘇花碎食，又另一種風味。三塊各有不同食法吞拿魚、油甘魚、帆立貝吞拿魚及油甘魚切得好厚身，油甘魚味道唔濃所以先食，但食落有甘甜味道；吞拿魚唔係脂肪最勁嘅部分，不過就係咁所以就食到吞拿魚嘅味道；帆立貝加咗綠茶鹽，令鮮味更加提升唔知點解壽司嗰張相有問題，一片漆黑，好老土......伊佐木魚肉偏雪白，脂肪重所以好甘香石鯛魚正正就係夏天當造，食落油脂比頭先嘅伊佐木更加豐富甜蝦魚子醬加咗魚子醬嘅甜蝦即刻不再平凡，肉質滑溜帶一點鹹香北海道海膽最期待嘅海膽，睇住師父喺一盤海膽加入飯面，就係為咗呢一刻！刺身飯最尾再有一碗刺身飯，好飽喇！仲有紅豆雪糕或抹茶雪糕揀，呢個omakase餐真係超值咯！

今天要介紹的是小編期待已久的廚師發辦😍廚師發辦沒有菜單😋廚師會為客人決定當天的菜式和挑選最時令的食材🤩這便是Omakase的魅力😆因為永遠不會知道之後會吃到甚麼菜式👻 而這一次, 小編挑選了位於天后的鮨千月🍣餐廳的和風裝修🍱和180度的維港景色🌉令小編果斷挑選了這間餐廳💕小編到訪當天十分幸運, 因為當天天氣較好🤩天空尚算澄明而且沒有下雨😍可以一邊欣賞著夜間海景❣️一邊享受廚師挑選的時令菜餚🤤小編當天坐的是吧檯,可以近距離和廚師交流,而座位也正正面對著海景💖#Omakase初春 $1080餐廳提供了四款不同的Omakase可供選擇💗包括初春Shoshun, 令月Reigetsu, 気淑Kiyo及風和Kazeyawara💟這次小編選了第一款初春~包括了四款刺身, 五種壽司等菜式.🍣以下菜式按上菜順序排列, 由淡味吃至濃味~❤️鹽甜蕃茄沙律日本直送🇯🇵的鹽甜蕃茄🍅蕃茄酸味少而糖度高😍所以入口香甜💕沙律🥗整體清爽而開胃～🧡水雲髮菜配山芋蓉來自日本沖繩的水雲髮菜🥢口感爽脆，配搭味道較淡的山芋蓉，中和了髮菜的味道～不過整體口感會較黏稠🤫💛真鯛薄切 新鮮切好的真鯛刺身😍魚味本來偏淡，不過廚師加入了辣椒蘿

想食日本野，係Openrice搵到呢間日式餐廳好似好正，即刻約朋友試下。當日我地係食Lunch time，一上到去已經見到個海景超靚，加埋師傅係你面前即刻整，呢個視覺享受真係不得了。佢哋除左set之外都有做Omakase，佢哋屬於中價平民級別，但食物質素一d都唔差。我叫左個金槍魚三色丼set，一見到有2大塊大拖羅已經流晒口水，另外仲有兩塊赤身同埋拖羅蓉，刺身非常新鮮，拖羅又厚又肥美，而果兩塊赤身改變左我以往對佢哋嘅觀感，非常甜美，最後仲有已經調咗味既拖羅蓉，少少鹹鮮配飯一流。佢哋個set仲有包麵豉湯，前菜，同埋雪糕一客。整體非常滿意，雖然埋單，但絕對吸引我下次去試吓佢哋嘅Omakase.

打完 疫苗一個月，慶祝🎉自己生活如常，，仍可繼續同大家分享 美食，決定獎勵一個人去自己食Omakase廚師發辦.季節沙律靜岡縣茄沙律，面上鋪左少許木魚絲，酸酸地，微辣，好fresh,開始左味蕾歎世界。前菜條條黑褐色海草藻物, 滑溜溜,涼涼的，前菜好選擇食完前菜刺身來啦刺身薄切蝶🐟伴有一支紫蘇花，蔥花芥末，口感有油甘魚一般潤滑油甘魚厚切、配料有薑絲 ，豉油和木魚絲帆立貝:加左岩鹽調味 ，微微爽甜，口感甚佳壽司🍣已內附豉油，芥末銀雪魚西京燒棉滑香，嫩油脂感更出甜蝦壽司拍打過的蝦肉，多點膠質，也帶點黏性北海道赤海膽味鮮，橙黃口感細膩 creamy.和食一品: 銀鱈魚燒得剛好，肉質嫩滑，入口，慢慢融入口裡麵豉湯裡面有菇、豆腐乾、昆布烏冬又滑又彈牙，湯料豐富, 裡面有蛋花， 紫菜絲 。甜品可選紅豆或綠茶，作為抹茶控當然選了抹茶雪糕啦，品完美食，行去露台，見有祈福角，原來食客可以要求係度寫✍🏻祝福牌。出到露台，維港夜景盡收眼簾。超級滿足的晚餐。舌尖想再遊鮨千月~