影片
更多
2021-11-24
1424 浏览
我同男朋友都好鍾意食日本嘢，今次慶祝生日，決定食omakase👏🏻 一入門口就覺得裝修好別致，不過重點係有落地玻璃睇到廣闊嘅維港景！咁啱嗰日天氣好，見到陽光同埋海景，已經率先覺得心情舒暢😁個露台仲可以自由出入，瘋狂打卡📸 我哋揀咗森羅同埋12貫壽司套餐，午市嚟講都已經係中上價位。 前菜有沙律同茶碗蒸，沙律嘅甜酸汁非常開胃，茶碗蒸非常滑溜，入面亦都多料，再加蟹肉同三文魚子鋪面，好睇得嚟味道亦唔錯😋 之後就係刺身，左起：間八魚薄切：佢教將紫蘇花放入酸汁，用魚捲住蔥再點汁食，相當有驚喜，開頭以為會比啲調味蓋過晒魚味，但冇之餘仲覺得更突出鮮味，層次亦都好豐富👍🏻帆立貝：上面加咗竹炭鹽，一擺入口覺得有少少太鹹，但味道混和咗之後都食得出帆立貝嘅鮮甜味吞拿魚：正常水準，用赤身有少許失望，如果係拖羅就正喇油甘魚：唔錯，口感結實得嚟有油香 跟住到壽司，左起：𩶘魚：上面加咗梅醬同紫蘇葉，梅味好突出，同魚味幾夾甜蝦：加咗魚子醬，成件擺入口唔係太食到魚子醬味，但甜蝦就好鮮甜😋深海池魚：正常水準，冇乜好特別感受北海道海膽：食omakase最期待就係海膽，呢個完全冇失望，口感軟綿，鮮甜味十足🤤 再之後係迷你魚生
一入門口就覺得裝修好別致，不過重點係有落地玻璃睇到廣闊嘅維港景！咁啱嗰日天氣好，見到陽光同埋海景，已經率先覺得心情舒暢😁個露台仲可以自由出入，瘋狂打卡📸
我哋揀咗森羅同埋12貫壽司套餐，午市嚟講都已經係中上價位。
前菜有沙律同茶碗蒸，沙律嘅甜酸汁非常開胃，茶碗蒸非常滑溜，入面亦都多料，再加蟹肉同三文魚子鋪面，好睇得嚟味道亦唔錯😋
之後就係刺身，左起：
間八魚薄切：佢教將紫蘇花放入酸汁，用魚捲住蔥再點汁食，相當有驚喜，開頭以為會比啲調味蓋過晒魚味，但冇之餘仲覺得更突出鮮味，層次亦都好豐富👍🏻
帆立貝：上面加咗竹炭鹽，一擺入口覺得有少少太鹹，但味道混和咗之後都食得出帆立貝嘅鮮甜味
吞拿魚：正常水準，用赤身有少許失望，如果係拖羅就正喇
油甘魚：唔錯，口感結實得嚟有油香
跟住到壽司，左起：
𩶘魚：上面加咗梅醬同紫蘇葉，梅味好突出，同魚味幾夾
甜蝦：加咗魚子醬，成件擺入口唔係太食到魚子醬味，但甜蝦就好鮮甜😋
深海池魚：正常水準，冇乜好特別感受
北海道海膽：食omakase最期待就係海膽，呢個完全冇失望，口感軟綿，鮮甜味十足🤤
再之後係迷你魚生飯，賣相都幾靚，三文魚子重手，食落比較重麻油味，都算幾特別，魚生粒有唔同口感，而且份量多過飯，啖啖肉都幾過癮😛
最後就係雪糕，係菠蘿同抹茶味，兩隻味都唔錯，但我最欣賞嘅係佢雪過隻碗，用正常速度食晒球雪糕都冇溶👍🏻
同場加映男友嘅12貫壽司，佢覺得最出色嘅係油甘魚、拖羅、炙燒唔知乜嘢魚（唔夠留心聽書， sorry🤣）同埋海膽😋好羨慕佢呀，有拖羅😛
整體嚟講，雖然午市套餐佢唔算好抵，但食物質素唔錯，而且坐擁維港靚景絕對加唔少分，今次呢餐都好滿足😋如果再挑剔多少少，就係服務可以提升，因為所有職員都木木獨獨，冇食omakase應該有嗰種親切感…
张贴
