鮨一 (厚福街)

营业中

休息中

鮨一在尖咀都幾出名，用料夠新鮮又多飛機貨，而且可以坐係壽司bar台見住壽司師傅既功價！更有feel. 鮫鰈薄切，鮫鰈刺身帶有金薄，賣相更正！鮫鰈薄薄夠綿，再配上酸汁，味道更開胃，石恆貝，非常鮮味夠爽口！帶陣陣既海水咸香，超新鮮，而且夠大隻質感好好！活帶子，非常綿滑夠細緻，大隻得很！厚厚既横切面，望見都流口水，味道都係夠鮮。鮨一手卷，吞拿魚腩蓉做 base, topping有海膽和三文魚籽！一咬之下，鮮味到極，口感非常豐富，海膽鮮味十足，質感油潤！魚籽更令鮮味提升到另一層次！必叫。辣酒煮廣島蠔，湯底夠濃郁入味，帶點小微辣！微微既辣香滲到蠔肉，蠔肉夠飽滿又多汁，好嫩滑又入味！旁邊既蘿蔔夠淋都好食。店員都幾細心常加茶，服務不錯！

Get ready to relish the ocean delicacy!!Hidden in an inconspicuous building in TST, G one is one of my favourite japanese restaurants. Look at that massive amount of uni piled up on each other and the minced tuna beneath it😍😎😋. Together with the soy sauce sushi rice below the toppings, each bite was so rich and satisfying. See how instagrammable this rice bowl was with the gold leavesh and the tiny G One flag on top. I'd say this is a must-order dish! Sushi and all other food were all good too b

位於尖沙咀美食集中地厚福街藍馬商大廈 18-20樓佔據3層 可以睇得出佢人氣之高嚟咗幾次今日終於的起心肝打食評.提供嘅日料選擇齊全由炸物 串燒 飯麵類 壽司 刺身 丼 到廚師發板 應有盡有🍣🍱食過幾次 絕大部分都係滿意嘅✨.對我嚟講海膽係必點item千層海膽飯 原隻海膽 火山卷都試過每次都係咁鮮甜😋一啲都唔會苦無令我失望過甲羅燒都係招牌菜🦀大多同行朋友仔讚不絕口值得一試.個人私心推薦鵝肝壽司 食過一次 之後再嚟都會點單食鵝肝覺得太膩嘅話壽司款啱曬你 壽司飯中和鵝肝帶嚟嘅油膩感一啖食落口 香而不膩一個字.炒飯類非常一般味道淡 唔夠香建議留番quota食其他菜式.環境嚟講枱之間嘅距離較近枱都比較細如果一次過嗌得多嘢食有時會出現擺唔曬食物嘅情況.價錢略貴 份量偏小勝在食物質素好同隱定啱曬重質不重價嘅朋友

成日都見到有人食呢間日本餐廳 一直都好想試 奈何價錢唔平 所以今次就趁朋友生日黎呢到慶祝~1️⃣海葡萄蕃茄沙拉 ($128)呢個沙拉夠晒fresh可以幫助解膩🤣 不得不讚啲蕃茄真係好新鮮好甜 真係忍唔到口不停食呀😆 不過美中不足係整體調味偏鹹🙁2️⃣冠雪蠔 ($156)我個人本身係好怕食生蠔🙈 因為市面上好多生蠔都係好腥☹️ 不過呢間嘅生蠔無乜腥味 而且好大舊🥰 食到好滿足3️⃣甲羅燒 ($98)一上菜真係wow左一聲😍 啲蟹膏多到😋😋 配埋烘底嘅多士簡直係一流!!!! 全晚最鍾意食呢道菜呀😆4️⃣上十貫目 ($238)呢十個壽司有玉子燒、三文魚、蟹柳、帶子、北寄貝等等😙 我個人覺得啲壽司幾好味同埋整體都好新鮮❤️ 食到好想encore再黎多一碟呀~5️⃣鹽燒三文魚腩 ($68)三文魚腩啲肉好肥美好軟嫩😍 對於鍾意食三文魚嘅我黎講真係好正~ 不過可能係鹽燒嘅關係 所以偏鹹 如果下次落少啲鹽就perfect~6️⃣清酒煮蜆 ($68)清酒煮蜆係一道無得輸嘅菜色😂 蜆肉新鮮 湯底都清甜🤩 反而比較驚喜係啲蘿蔔 有成4大舊而且索晒啲湯😍 超正呀!!!7️⃣火山卷 ($198)呢道菜一黎到又係驚艷左!! 賣相超級正呀✨ 無論

尖沙咀有一間高質嘅日本料理，真係好耐未食過超高質嘅日本菜！入面嘅裝橫非常之日式，有師傅當面喺你面前整新鮮嘅食材，俾你睇住食材嘅新鮮程度，食慾大增！首先一定要介紹一下呢個海膽塔！呢個海膽塔超好食海膽勁新鮮勁多！超鮮甜再配埋魚子，真係海膽多過壽司！我自己最鍾意食油金魚刺身，話說今次係我第一次食，估唔到佢係超肥美超厚超新鮮，啖啖油脂啖啖鮮香！另外叫咗一個沙律粒粒魚生沙律都一樣好新鮮，好清爽嘅口感，而且，特別係個番茄超甜！

鮨一嘅海膽杯唔陌生，但今次去到無叫海膽杯反而有另外菜式驚喜到我。佢地嘅刺身料理相當唔錯，怪不得疫市中更可擴張開分店，必然係粉絲支持及質素保證嘅證明。日本蘋果沙律好清爽，爽口清甜嘅青蘋果絲加上酸酸甜甜嘅沙律醬汁，加埋一齊食好開胃！刺身方面我好鍾意池魚王，薄片嘅池魚刺身軟滑中帶鮮味，再夾埋蘿蔔蓉同蔥花一齊食好夾。好少餐廳會見到原個上嘅日本活海膽，一瓣瓣咁品嚐好享受。除咗刺身仲有手卷都係唔錯嘅選擇啊！吞拿魚牛油果手卷吞拿魚同牛油果都切成粒，咬落口感豐富，吞拿魚同牛油果嘅口感都好柔軟，配埋脆脆嘅紫菜同醋飯真係可止下癮。香蔥吞拿魚腩手卷吞拿魚腩刴至蓉狀，同香蔥融為一體，增加香氣之餘仲好夾！適逢朋友生日，之前打電話留座時一問之下先知可以預留一個生日嘅卷物。火山卷—由海量嘅海膽同三文魚組成，望落十分澎湃。一路食三文魚子就係咁跌，超吸引！唔少得一啲熱熟食啦，呢個熱辣辣嘅辣味噌煮和牛腹幾重和牛油脂香，和牛腹肉煮到好軟腍，又帶點辣勁，好過癮！個味噌湯更可呷兩口。仲點埋辣酒煮廣島蠔，廣島蠔隻隻飽滿， 唔洗次次食生蠔，酒煮咗一樣咁鮮味！

作為「鮨一」的忠實fans，由大埔元祖店開始食到而家尖沙咀開業四年的日本餐廳，比我昅到佢哋六月推出超抵食限定優惠，喂呀午市Omakase只需$350位，有曬前菜、沙律、刺身、八件壽司、和食、烏冬及甜品。咁當然搏一搏我訂唔訂到枱食呢餐啦！好期待呢一餐Omakase~坐低梗係要叫支清酒襯返呢一餐啦！純米大吟釀-古都千年 易入口，口味甘甜前菜：～鮨一名物，蕃茄沙律（真係10次有8次都有叫，所以叫名物😙我改既）～熊本縣天草真名鰹，真名鰹用葱帶出鮮味，薄切均勻，入口鮮甜～富山縣螢光魷魚配沖繩水雲，魷魚鮮甜彈牙，水雲清香滑溜。（食完沖涼繩既水雲令我更思鄕🇯🇵壽司就有8件，醋飯特別調製，清酸煙韌，包括：平川極海膽配三文魚子、鹿兒島池魚、馬崎縣大拖羅、長崎縣赤身、豊後水道伊佐木、勝浦金目鯛、銀鱈魚及牡丹蝦。満満的海膽和魚子大家睇吓，絕對無因價就貨最後是和食炸魚、蒸蛋、魚湯稻庭烏冬及甜品係千層蛋糕，份量大，價錢平，水準亦都好出色，物值相當高的一餐，好滿足呀！祝「鮨一」生意興隆！為我們一班因為疫情而無得回鄉的日本迷嚟幫襯平衡返個心理

Big4標汗R🥵 有朋友生日，壽星公話要求好簡單，想食日本野但🙅🏻‍♂️不食放題，所以我地就一行3人就去左厚福街鮨一。一入Lift發現原來18-20樓3層都係屬於鮨一，而中間個層係VIP。但身為平民既我地當然就係去平民區20樓啦🤭餐廳面積不大，裝潢走居酒屋格局，帶點日式風格🎎。我地馬上order野食，進入作戰狀態🍴🔸 大蔥雞肉串 2串 $56🍡燒得好滑，一咬落去好Juicy。🔸 雞泡魚干🐡 $75🥵最❤️的雞泡魚干 雞泡魚燒到岩岩好，香口得黎又吾乾配埋加左7味粉既沙律醬，食落有少少辣，完全停唔到口🤤🔸 池魚王 $268池魚王透明色澤潤，新鮮清甜一啲腥味都無🙆🏻‍♂️但略嫌切得太薄，如果厚切就可以增加魚既油脂，將刺身層次昇華。🔸 特上錦繡刺身 $732 (3人份)嘩~嘩~嘩~ 😱 刺身每件都好肥美，仲好新鮮🦐甜蝦勁大隻，鮮甜美味金黃色既新鮮海膽，味道濃郁，入口即溶😍🔸 特上十貫目🍣 $348有十款不同的壽司，包括海膽、拖羅、油甘魚、甜蝦、帶子、鯛魚等…經過調味的軟綿醋飯，再配上肥美新鮮的刺身～正🔸 鮨一海膽飯 $298因為刺身海膽真係太正又新鮮，我地決定再叫個火山爆發既海膽飯。海膽仲多過D飯，

琴晚8點同男朋友搭的士到咗尖沙咀，喺車已經預先打去餐廳，問可唔可以walk in，同埋幾點last order 🥲 電話店員回覆，仲有位，可以Walk in，9:20pm last order。於是同男朋友急急腳去到餐廳19樓，佢地擾攘左成10分鐘，終於安排咗我哋去上一層20樓坐低，喺樓下已經要求我哋填紙仔同探熱，上到20樓門口再態度極差，呼喝我哋要填紙仔⋯ 但我同男朋友表示無奈，喺樓下已經填咗⋯最後終於坐低咗，睇緊餐牌嘅時候已經8:50分，佢哋嘅經理已經衝過黎話快啲落單，已經要last order；我哋表示啱啱坐低⋯佢再大聲呼喝：知呀，我知啊，但真係last order喇之後我哋好快被篩選左幾樣餸⋯ 😢😢😢落單店員再不停表示冇得再嗌㗎喇⋯ 到到嘢食送到黎，佢哋再表示差唔多要埋單今次實在極差，鮨一餐廳20樓嘅店員，全部態度都極度差，覺得其實如果唔想再有客人入座，當初可以表示唔入客；唔需要我哋嚟到之後，不停大聲呼喝，叫我哋快啲落單，再要我哋快啲埋單走人⋯之前喺19樓都食過幾次，佢哋嘅服務態度天淵之別，今次嘅體驗係極之差！！！又急，當你點左嘅嘢食到咗枱，你就好似要競食賽咁即刻爬晒野食入口，

踏入6月生日月模式啟動，朋友知道我鐘意食日本野，帶左我黎呢到食生日飯！餐廳貫徹日式餐廳和風設計，安排座窗口位置，空間感都唔錯！黎到今次生日飯既戲肉，今次主要由朋友發辦！👆🏻海膽爆發生日蛋糕海膽好新鮮，值得推介！👆🏻辣酒煮蠔，蠔味濃郁 粒粒飽滿串燒 牛舌、京蔥雞肉 👆🏻蘋果沙律🥗淡淡蘋果味 有驚喜本身仲有碗吉列豬扒烏冬，普通得滯無影到！總括來說，值得推介可以再encore!

今日同朋友慶祝生日 梗係要食好啲啦 呢一間食日本料理嘅餐廳好出名 要提早訂枱先有得食 呢間餐廳已價錢親民 同埋用日本新鮮魚生打響名堂 佢嘅地理位置都好方便 係尖沙咀厚福街12號藍馬商業大廈18樓 喺尖沙咀站B2出口步行約3分鐘千層海膽飯 $198令我印象好深刻嘅係佢一嚟到啲海膽就多到成座山咁仲要識落係好新鮮好鮮甜嘅應該會再同朋友下一次嚟食喺出邊食一碗刺身飯都要百幾蚊 佢呢一間都係賣緊$200一碗仲要係好足料 下次一定會同朋友再嚟食！人均消費:~200-300

在尖沙咀厚福街的這間壽司店人氣很旺，所以特登約了比較靜的星期一去食。入面有壽司吧枱，見着廚師一點煮一邊吃很是享受。真明鏗 - 賣相十分精緻，刀工整齊片片均勻，加上金箔的裝飾，顯得額外高貴。魚味鮮甜，又睇得又食得。甲羅燒 - 喜歡食蟹的朋友一定不可以錯過，充滿蟹膏的香，配上烤多士，超好食！日本蘋果沙律 - 除了有沙律菜及蟹柳，加上蘋果說的確令沙律清爽了不少。辣酒煮廣島蠔 - 廣島蠔肥美，加上辣湯及白蘿蔔，有一種難得的清新及開胃。吞拿魚牛油果手卷 - 眼見超足料，吞拿魚大大粒，加上牛油果配搭得很新鮮，更加健康。三文魚親子芝士壽司卷 - 這個是我最喜歡的，三文魚本身已經很香滑，加上芝士creamy柔滑的質感，味道十分突出！燒物也很不錯，燒得剛剛好，鹽燒牛小排串牛肉味香濃；豚肉露筍卷、大蔥雞肉串蔬菜及肉類balance得好好，不會太肥膩。免治雞肉是自家製的，食到有雞軟骨的醉粒粒，口感爽，沾上雞蛋醬，好好食！什錦天婦羅，$92我覺得很抵食，有3個蝦，炸得香脆可口，本身以為扇狀物體是裝飾，原來是食得的，有任何告訴我這是什麼植物嗎？

同男朋友慶祝生日，佢好鍾意食日本嘢，所以特登book左呢間餐廳，員工有問我係咪for 生日，我答係，唔知係味有咩優惠呢😂？最先上嘅係「吞拿魚牛油果手卷」同「香蔥吞拿魚腩手卷」，師傅會係你面前握壽司整野食🍣望住佢整都有omakase 即視感🤣勁快整好，上面嘅刺身鮮甜美味食完唔夠候仲叫埋特上十貫目，$348 有十件超抵，滿足晒唔想諗食咩又比人安排好晒嘅感覺💗 壽司飯係豉油咁嘅色，唔係白色，一問原來係用左赤醋，更加有層次感，襯托油脂豐富嘅魚鮮味道～😋之後就到戲玉 「火山卷」，滿滿馬糞海膽& 三文魚子，加上靚靚金箔，仲有個生日牌，終於解釋到點解waitress問我係咪生日飯啦😍😍 個底仲有4舊壽司，男友好開心，因為海膽鮮甜又唔腥，唔係劣質又臭嘅海膽，$198 值回票價「鮨一沙律」我自己就好鐘意，因為佢有八爪魚、吞拿魚、劍魚嘅切粒，混合沙律菜，中間嘅蕃茄多汁惹味，岩晒鐘意食沙律嘅女仔🧍‍♀️❤️

朋友知道我鍾意食日本🇯🇵料理，亦都有少少認識，呢日就約我喺尖沙咀，話要同我一齊去一間有質素嘅日本🇯🇵居酒屋🏮食番餐😆- $296嘅「日本活海膽 x 2」：廚師簡單話 海膽 嚟自「三陸」，應該即係「三陸海岸」，係由青森県南邊起 一直到 宮城県北邊，跨越整過岩手県，面對太平洋非常長嘅海岸線；311後 海邊好多地方受重創，但經過日本人嘅努力，有啲地方幾年前已經可以重新捕魚 同 產出海鮮（當然係可以安全食用）；呢個原隻 活海膽 非常新鮮，極鮮甜，好creamy，好多肉，真係一個好好嘅 appetizer，加上支持「東日本大震災」受災地區，食用佢哋 出嘅高質食物，感覺更加良好😊- $98嘅「日本🇯🇵蘋果沙律🥗」：呢個沙律簡單新鮮美味😋，加上我同好多其他香港人一樣，呢排都好掛住蘋果🍎，食落覺得特別正😋- $92嘅「什錦天婦羅」：呢個 tempura 做得好輕身，脆漿感覺唔油膩，好易入口😋；完全食到蝦、南瓜🎃、燈籠椒🫑、番薯🍠嘅鮮味 / 原味😋- $68嘅「鹽燒白鱔」：白鱔肉質新鮮結實，外皮仲燒到脆脆哋，好甘香😋- $58嘅「鹽燒牛小排串」：有少少咬頭，濃郁牛味😋- $38嘅「鹽燒牛舌」：有鹹香😋-

今晚到了厚福街和朋友慶祝生日，見到藍馬商業大廈有好多嘢食，於是上咗20樓鮨一日本料理，我們揀坐 bar 枱，因可見到廚師即場為你精心炮製料理，也可以望到窗外風景。先來一個海葡萄蕃茄沙律，第一次食海葡萄，每一粒都圓而飽滿，卜卜聲，帶有少許海水味道，加埋蕃茄，好開胃。吞拿魚牛油果手卷，呢個配搭估唔到又幾夾；三文魚親子手卷，好新鮮肥美。甲羅燒，超多蟹膏，加埋生蛋，入口鮮味濃郁！見到呢個火山卷，眼前一亮，非常震撼，海膽多到你唔信，重點係鮮甜唔腥，一試難忘！辣味噌煮和牛腹，腹肉、筋、再加細緻油花，非常嫩滑有層次，肉味濃，與辣味非常夾。辣酒煮廣島蠔，辣度適中，不會蓋過蠔嘅鮮甜味道，也散發出陣陣酒香！最後，點了幾個燒物：分別雜錦天婦羅、粉漿輕身唔厚，也不膩；鹽燒牛小排串、雞尾尖、豚肉露筍卷都非常惹味。